صور اللقاء









ولمزيد من الصور هــنــا

بينيتيز يشيد بتوريس و يطلب من المدافعين التركيز





أستطاع ليفربول الفوز بصعوبة على ويستهام 3 -2 بهدف لكاوت و هدفين للمتألق توريس الذي قدم أداءا استثنائيا اليوم ضمن للريدز الثلاث نقاط كاملة .

وفي المؤتمر الصحفي الذي عقب المباراة أشاد رافا بينيتيز مدرب ليفربول بتوريس ، فقال:" جاهزية توريس كانت محل تساؤل الأسبوع الماضي لأنه لم يسجل ، ولكنه اليوم أسعدني بالهدفين الذي أحرزهم و من قبلهم أداءه الجيد أمام ديبريشين بدوري الأبطال حيث خلق العديد من الفرص لزملائه و اليوم شكل تهديد واضح على مرمى الخصم ".

كما أراد بينيتيز طمأنة عشاق ليفربول بجاهزية البدائل في حال غياب توريس ،وأكمل مدرب ليفربول :" توريس لاعب رائع ويتطور مع كل مباراة أتمنى أن تبتعد عنه الإصابات و أن يحافظ على تركيزه بالملعب ، وإذا غاب توريس مباراة أو أثنين فلدينا كاوت فهو يستطيع إحراز العديد من الأهداف ولدينا أيضا بابل الذي أدى بشكل جيد اليوم ".

وأعترف بينيتيز بالتقصير الدفاعي من قبل لاعبيه و الذي تسبب في هدفين اليوم وكاد يضيع منهم نقطتين غاليتين في سباقهم نحو الصدارة ، حيث قال :" لقد ارتكبنا بعض الأخطاء الفردية بالدفاع ولكن رد الفعل جاء سريعا بالضغط الهجومي و إحرازنا للأهداف ، الدفاع كان جيدا الأسبوع الماضي أمام ديبريشين ، واليوم لا يتحمل الدفاع المسئولية بشكل كامل علينا أن نشيد بكارلتون كول فهو مهاجم جيد في ألعاب الهواء لقد أستطاع إحراز الهدف من رأسية رغم حصاره بثلاثة لاعبين ، أما بالنسبة لكاراجر و سكرتل فسأطلب منهم المزيد من التركيز ".

وبالفوز على ويستهام أحتل ليفربول المركز الثالث بجدول الدوري بفارق ثلاث نقاط عن تشلسي المتصدر الذي يختتم مباريات هذا الأسبوع بمقابلة توتنهام .



LFC

معضلة الريدز راؤول الانفيلد

شباب والله ياكارغار انه هو اللي مضيع الفريق ...

من اول المبارات وهو من خثقه لخثقه ....

خطاء بالتمرير كاد ان يكلف الريدز الكثير لولا وقوف الحظ مع ابناء الانفيلد

في كره عرضيه حاول انه يمسك مهاجم الهام لكن فكنا الله ان المهاجم ماعرف يستغل الموقف ولا لاحتسبت ركلة جزاء

ضربة الجزاء البدائيه واللي كان المفروض منه كلاعب خبره انه يطلع الكوره كورنر ويريح عمره

بالكرات الهوائيه تمركزه صفر هذا الموسم والمواسم الماضيه كان مغطيه هيبيا واجيير

يعني لاعب بهالعمر ويرتكب مثل هالاخطاء المفروض من بينتز انه يبينله اخطائه ويعطي الثنائي اجيير وسكيرتل فرصه انهم يتاقلمون مع بعض ... المشكله كلهم انصابوا الى هو

لاعب مندفع ويعتمد على بنيته اكثر من عقله ...!! كيف هذا مدافع بفريق مثل الريدز
وعلى فكره ترى مركزه ظهير يعني المفروض انه يكون ظهير ويريحنا

قسم بالله صرت لاشفته بالملعب ضاق صدري اكثر من ضيقة الصدر اللي مسببه لوكاس
لاني ادري ان البرازيلي فتره وتعدي لما يعود اكويلاني
لكن هالعله واللي اشوفه يكرر اللي يسويه راؤول في الريال هو اللي غاثن
يعني عندك مدافعين مثل اجيير وسكيرتل معناه ان دفاعك صخره
لكن لما تجي لفريق طموحه الدوري ويدخل مرماه 9 اهداف في 6 جولاات اعتقد انه كارثه تستحق التدخل
وعلى بينتز انه يفقه ان الامر صار مرتبط بمركز اللاعب المحبب للجماهير الحمراء
لكن عليه ادارك اكثر على ان الجماهير راح تكون اكثر سعاده اذا استطاع تحقيق الدوري باي لاعب كان


واللي يغث اكثر واكثر انه طالع ومصرح قبل فتره انه لايعتقد ان الريدز راح يحقق الدوري في سنواته المتبقيه (ياخي فكنا منك ومن تصاريحك ومن لعبك ومن توجيهاتك )

توريس اليوم فادت فيه فركه الاذن اللي عطاه اياه بينتز

لوكاس اشوفه بداء ياخذ ثقه اكبر ويقدم مردود جيد لكنه لايزال قد الطموح وامكانياته بسيطه مقارنه بطموح الريدز

بابل ناوي يعيد لنا ايامه الخواااااااااااااالي ,, ابدع وامتع ويحاول يبحث عن التطور وشفناه كيف كان يحاول الاقناع دفاعيا

كاوت اشوفه انسب له يرجع وراء توريس ,, بصراحه حسه التهديفي مرتفع

بن عيون لاعب مشاغب من الدرجه الاولى ويخلق مساحات في امتار بسيطه (بس يبقى ابن كلب ولايمكن اني اهتف له ) < حشى القراء والمتصفحين

انسو افضل لاعب بالفريق اليوم كاداء .. ولولا الاهداف لتوريس كان قلت انه الافضل

جونسون لايزال ضعيف دفاعيا لكنه هجوميا يبرد السبد

بينتز ... وين فورنين اليوم كان المفترض انه يدخل لضبط المنتصف على الاقل بالعشر دقائق الاخيره

جيرارد ,, متهو جيرارد اللي نعرفه قدام ويست هام .. كان سيء

السلام عليكم ورحمه الله وبركاته

بالعود والبخور
برشات العطور
باسمى آيات السرور
نيآبه عن اعضاء رابطه فالنسيا نبارك لكم بعيد الفطر السعيد

كل عام و أنتم بخير .. و أعاده الله علينا بالخير و الصحه و العافيه

أخوكمـ و محبكمـ من رابطة عشاق ريال مدريد ...

أحمد

~ْ~

باقة أزهار وورود

وسلة بخور وعود

والعيد عليكم يعود

وكل عام وانتم بخير

السلام عليكم

كل عام وانتم بخير

عيد سعيد وعساكم من عواده

تقبل الله منا ومنكم صالح الاعمال

سلآم ~
الله يباارك فـ كل من بارك .
نرجع للهذه

إقتباس ياخي ملاحظ شي بفريقنا لمل تجي ركلة زاويه علينا

إقتباس لو تلاحظ القوائم مايوقف عندها احد وهاذي المشكله من زمان مع فريقنا لابد ان يكون موجود لاعبين يغطون القوائم لو شفتو هدف وست هام الثاني أجزم أذا كان في لاعب على القائم كان خلصها بكل سهوله

اول شيء كل عام وانت بخير وصحه وسلامه ~
تصدق عاد انا قاعد ادور صوره قبل لايدخل الهدف ..
اقرب لاعب للمرمى هو انسوا وانا عن نفسي احمل رينا هذا الخطأ لانه هو المفروض يوجهه للمرمى
وعلى فكره انسوا ماكان مغطي اي احد . بالعربي وجوده زي عدمه لكن لو كان متمرز بالزاويه ماكانت هدف .
ولاهنت بوهيبيا ع التغطيه بعد المباراه

قصي كل عام وانت بالف خير وصحه وسلامه ونورت الرابطه يا بعدي .
واتفق معك بان على رافا الجلوس مع المدافعين وتنبيههم على الاخطاء القاتله الحاصله بالفريق .

مجيد كل عام وانت بخير وصحه وسلامه
واتفق بأغلب كلامك الا عن نقطة النينو لانه كان محتاج لوقت للتغلب على الموقف وخشونة المدافعين .
بالعربي كنت اشوف انه محتاج نفس بسيط وبيعود افضل من الاول .
اماا عن كارا فـ اخطائه كثرت بشكل غريب لكن ما اقول الا اصبر حتى يرجع اآجيير وبعدها نحكم وش العله .



المهم نرجع للمباراه بشكل عام . المحاور الى الان لك عليهم من وجهة نظري ودائم يفتحون الدفاع لكن تحسنو بشكل كبير
كارا جاب العيد الله يهديه وهم توهم ما اعلنو . اخطاء بدائيه من كارا ومستواه بدروب ملحوظ ومثل سكرتل اللي كان اليوم يطول بعض الكور ورفع ضغطي فيها وكم مره كانت بتكون انفراد صريح .
جيرارد مستواه جيد لكن مو الليدر المعروف . جلين جيد هجوميا لكن الله ياخذ الاعلام الانجليزي احسه أنهز شوي وأثرت عليه بالضغط . لكن اعجبني بكم كوره امس الدفاع خلصها بمهاره كانه سنتر .
انسوا ممتاز لكن يعيبه البطأ وايضا تمركزه بالركنيات حتى لو ماوجهه رينا المفروض ما يقعد فاضي بدون تغطيه .
بنعيون مبدع وتألق ومستواه بصعود يوم عن يوم . كويت جيد لكن مستواه اقل من كل مباراه ومثل ما قلت تمركزه بالكور الضائعه ممتاز وشفناه بكورة الليدر كيف كملها سواء كانت هدف او لا .
النينو الحمد الله هذي اللي كنت مبسوط منه عودته لمستواه الطبيعي ولحاسة التهديف الرائعه وارتقائاته جميله جدا حتى وسط المضايقه والضغط الدفاعي عليه ولا انسى هدفه الاول الاكثر من رائع حتى انه غامر بنفسه بمثل هالكوره وراح بعدها للعلاج وكان باين اثر الكدمه بساقه .
اماا عن بابل وما ادراك ما بابل . صراحه اليوم رجعني بايامه الحلوه اول الموسم الماضي مراوغه جميله واختراق رائع اوفرات بالملي متر وبالتحديد كورة الهدف . واعجبني بعد بتضييع الوقت وليت لعيبة المنتخب يتلعمون . فيه وحده من الهجمات ع الدقيقه الـ 93 من بدل الضائع هجمه مرتده لنا ,, توقعت انه يتقدم ويخترق خصوصا ان الملعب شبه مفتوح .
لكن شغل مخه ومسك الكورنر واستلمهم تضييع وقت .
ريرا صعب الحكم عليه من خلال كم دقيقه ومثله اوريليو ولو ان الاخير جيد نسبيا بالنظر الى انه عائد من اصابه .

تكلمت عن كل لاعب على حده الان بتكلم عن الفريق ككل .
الهمرز مع معدلهم التهديفي الخايس قدرو يسجلون اكثر من نص ما سجلو بكل مبارايتهم السابقه ..؟
للأسف الدفاع بحاله يرثى له , كل كورنر او فاول احط يدي على قلبي خوفا من هدف ..!!
ولا انسى المرتدات والرعونه من الدفاع بتخليص الكور دائما ..!!
اتمنى رافا يشوف حل للفريق وبرأيي انه العله بالمحاور وتغطيتهم السيئه لنص ملعبنا .
ولا انسى رافا وتبديلاته البطله وبمحلها خصوصا بابل اللي فرق معنا واعتبره سبب الفوز .
ايه ونسيت اخيرا . الخبير التحكيمي والمحلل الفني خالد الغول .
صار يفتي من راسه ويغلط الحكم ويصححه .
لكن اليوم كان اقل سوا من اي يوم ثاني . يعني خف علينا ليلة العيد .

الف شكر بوعزيز ع التغطيه الرائعه يابعدي وكل عام وانت بخير
لـ كل اعضاء الرابطه

تفضلو شباب بمناسبة العيد مقطع لـ جماهير ليفربول الظاهر بـ الثمانينات وانت نازل .
يعني شيء قديم جدا .