^^

يبووو مخطط بقلم سبوره
فريقهم ماتدري وش يبي تراه من النوع اللي ينشب يعني عادي مايجيبون ولا قول بس ما يدخل مرماهم شي
اتذكر مباراة قبل العام لعب فيها بيلامي او العام اول الموسم . والله ياهو خبل فينا . بالعربي ناقصهم لاعب سريع يستغل المرتدات لانه طبيعي لما يدافعون والفريق اللي قدامك هو المحتاج للفوز بيندفع وقتها تستغل المرتدات وهذا اللي كان مسويه بيلامي .
اتذكر كل كوره كانت خطيره يجري فيها من نص الملعب الى المرمى لكن ما توفق بالتسجيل مع انه شخبط عوارض الانفيلد كلها .
ومن جهه ثانيه محاورنا مخنبقين سوا وتكلمت عنهم بالنقاش .
اعتقد انا لازم نندفع للتسجيل من اول الدقائق عشان مانترك فرصتنا لاخر الدقائق وياتجي او لا . !!
لاهنت مساعد .

إقتباس لقد شعرت منذ اليوم الاول الذي وصلت فيه الى هنا ان الشئ الرئيسي هو تحقيق الدوري الممتـاز ، وليس دوري ابطال اوروبا وانا اعلم مدى اهمية هذة البطولة لـ الجماهير ، واذا اردت ان اكون صادقـاً .. المفضل لديّ هو ان احقق الدوري الممتـاز ، وعشرون عامـاً من دون الفوز هذا وقت طويل .. وانا متاكد انه سياتي يوم وعندما نحققه فذلك سيكون امراً رائعا بـ النسبة للاعبيـنّ .. وللجماهيرّ ، وسوف اقدم كل شئ لـ تحقيق ذلك من اجل مشجعينا .. وسابذل المزيد مع ليفربول واعرف انني استطيع التحسن وامل ان اعود بعد 20 سنه لمشاهدة المباريات في ملعب الانفيلد كـ مشجع وعندما يحدث ذلك امل الناس ان تعرف بـ اني كلاعب لعب في الفريق وانهى الناديّ من الانتظـار الطويل لـ الفوز بـ الدوري الممتـاز ‘

كلام كبير من النينو .
بصراحه هذا معنى ان تكون لاعب للشعار .
النينو وصل لمرحلة الانتماء وحب الشعار لاحب ((التغيير)) او المال .
لاهنت ابوعزيز وجهد ملحوظ يا بعدي ..

إقتباس الرسالة الأصلية كتبت بواسطة أبـو عــزيـز س / نجمّ اللقـاءّ .. ومسجليّ الاهـدافّ .. والنتيجـهّ ؟!

ماادري ليش حاس ان هذه المباره بتكـون مبارة النينو..نقول ان شاءالله..!!
ونتفاءل بالخـير..!!
النتيجه 3-1
توريس هدفين وبنعيون هدف..!!

إقتباس الرسالة الأصلية كتبت بواسطة هلاليـــــــــ أصيل ^^ يمكن هذي دلاله على انه بدأ يخشى من خطورة السيتي او تردي مستوى فريقه . الله اعلم لكن الشيء الاكيد ان هالتصاريح موسميه لكل فريق ينافس او يطمح بالمنافسه .

دلالتك الثانيه هي الاصح 99%..المـان مستواه متردي جداً..!!
صحيح هو يفوز لكـن يفوز بدون مستوى وهذا بيأثر عليه مستقبلاً..!!

بالتوفيق يانينو وكـم انتظر هذه المباره لمشاهدة توريس الجديـد..!!
عوافي ابوعزيز..!!

إقتباس ][ بينتيز : انصدمنا بخسارتين في بدايه الدوري والليله مشوار الريدز نحو اللقب ][

كلام واقعي من الكوتش ولا فيه تطبيل للفريق .
اتمنى الاستمرار على هذا النهج يادختور .

إقتباس ][ بينتيز : لقد اصبح ماسكيرانو قائد منتخب الارجنتين بفضل الليفر , ولايمكن ان نجعله ينتقل للبارسا ][

ماسكي الاصابه سببت له دروب كبير بالمستوى ولاننسى عروض البرسا اللي شتت مخ اللاعب
وأيضا افتقاده للعب بجانب الونسو اللي كان شايل كثير من المهام عن ماسكي .
أعتقد الدروب طبيعي وخصوصا مع الضغط الحاصل بلعبه مع التانجو واحتمال عدم التاهل وعودته للمشاركه مع الفريق .
كل هالامور مجتمعه تسبب تشتيت للذهن ناهيك عن الاصابه .
ورافا يقصد بتصريحه هو ان ماسكي ممتن للفريق ويدين بالعرفان للريدز الى ما وصل اليه من مستوى ومكانه .
وايضا اشاره للفرق الاخرى بـ استحالة خروجه من الفريق .
بانتظار عودة وحش التانجو لافضل مما كان عليه .
لاهنت مساعد

اولا يعطيك العافيه محمد على التقديم والمناقشه البطله

وثانيا بااااااااااااااك بعد العمره << الله يتقبل


س / هجومّ الهمرز ( الميتّ ) .. ودفاعهّ ( الجيد ) .. وفيّ ظل مستواه المتذبذب .. توقعاتك .. ماذا سيفعل رافا .. حيال ذلك .. ؟!

بالنسبه للرافا فهو مدرب يحب انه يقراء الخصم قبل مايرمي اوراقه
ومع مدرب مثل زولا ماراح يكون الامر هين عليه , بحكم الروح الايطاليه اللي يتمتع فيها زولا

رافا راح يبداء بنفس التشكيله وراح يكون فيه تحفظ ومحاوله لامتلاك خط المنتصف بالنصف ساعه الاولى
بعدها راح يبداء الريدز بدخول اجواء اللقاء

مع اني اتمنى ان بينتز يدخل ونصب عينيه الهجوم ولاشيء غير الهجوم
لانه بكل دقيقه تمر يزداد ابناء الهمرز ثقه وتزداد صعبوه على الريدزاويه




س / تكلمّ عن اللقـاء ؟!

بالنسبه للهمرز فانا عندي رائي مختلف فيهم وبحكم ان مدربهم هو الثعلب زولا
ومن خلال متابعتي لتحركاته والصفقات اللي سواه المدرب
هو يعمد على تطبيق الكتيناتشو في البريمير .. من خلال الاستعانه بلاعبين من الكالتشيو

ولو نلاحظ ان فريقهم من اصعب الفرق واكثرها تنظيم بالمناطق الخلفيه
والهام فريق له مواقف معنا ومبارياتنا معهم دائم مقلقه بالنسبه لي



س / تشكيلة الريدز المتوقعـهّ .. ؟!

رينا

ف . اوريليو ......... سكيرتل ..... كارا .......... جونسون

ماسكي

جيرارد

رييرا .................................. بن عيون

كاوت
.......... توريس


س / نجمّ اللقـاءّ .. ومسجليّ الاهـدافّ .. والنتيجـهّ ؟!

ماسكي

الاهداف اتوقعها 1-0 لاحد الفريقين

فريق الهام انا ماحكم عليه الا بالملعب




عوآآآفي ابو عزيز

كاراقر يلعب بالناااااااااااار

ما يخلي حركاته السكاوسي

هدف عن طريق جيرارد بعد ارتقاء عاالي و رماها برأسه و الكورة متجهة للقول كاوت يقول انا اللي راح يسجل اسمي و يلمسها و تدخل جول

2-1

ياناس ورب الكعبة الفريق زفت بالعرضيات
الهدف الثاني لويستهام عن طريق ضربة رأسية

/

يالبيييييييييييييييه يالنينو

3-2