صباح الخير جميعا

وشكرا لكل من مر هنا وكتب رايه او عطاني حل

بس ابشركم احس اني قوي اليوم الله يعينه لو طاح بين يدي

مشكلة البعض يتكلم بحلول احس تنفع مع واحد تشوفه كل مدري كم مرة !!
بس احس قلق والله كل يوم معي بوجهي وفيه شغل بيننا يعني غير كذا ترى
بيئة العمل وطبيعة الجو والعلافة المفروض انها تكون غير عن المدرسة والجامعه
والحاره و و و ... يعني انا والله مراعي الشغلات والظروف هذي والا انا علي
والله كرشت اللي اوقح منه وعارف ان فيه ناس مو مصدقه ان عبدالرحمن الى
الحين ساكت ومؤدب وصابر عليه بس على قولة احد الردود بجرب اتعلم الصبر
فيه

موضوع القفل والله ما عرفت اضبطه بالجوال واما اشيل جوال خايس عشانه
يخسى والله ... اكلف نفسي واشتري جوال عشانه ... انا جوال الشغل ويا الله
شايله مع جوالي اروح اجيب واحد ثالث

اعجبتني فكرة اللي ما اخلي الا ررقمه ورسايله وكذا بس من زين وجهه يسوي يمون
ويراسلني وهل تريد ان تصبح صديقي وساضل العب معك ولن انساك يعني الفكرة
حلوه بس ما بيين وبينه مكالمات ولا راسيل ولا شي بالمكتب شغل وبس تخيل لو بيننا
رسايل وميانه ايش بيسوي

شكرا من القلب لكل من مر هنا بس بعلق على بعض الردود اللي فيه ذبة
او تعليق براسي عليها

إقتباس اماا بالنسبه لجوالك اتوقع مشكلتك مثل مشكلتي سوني اريكسون مافيه رمز قفل على ما اعتقد جهازك مثل جهازي عرفته بالكام << C905 موو عموما كل اجهزه سوني اريكسون مافيها رمز قفل ماعدا X1 بس مو مشكله الحل انك تخليه بجيبك 24 ساعه واذاا قال عطني قول معليش مافيه بطاريه واخاف يقفل معي ومنتظر مكالمه خاصه من الاهل

تعالي خذي كرتون حليب بدل الي رضعته من امك ولا تقطين معي بكل شي
خلاص نطلع خالصين يا ربي انا افتكيت من نشبة اللي هنا بالدوام
يطلع لي ناس هنا ينشبولي بحياتي يا ربي اش كثر اعاني

الـ Shabq ... شي مو من مصلحتك تعرفيه لكن تقدري تقولي
اكله معروفة عند بعض الناس بس ... يعني يمكن ما يعرفها الا اثنين
او ثلاثه ... طبعا انا ومواصل واللي يترجمون الافلام

بعدين انا سامج شكرا الله يخليكي هذا من ذوقك
<=== مسوي يحرجها

شكرا لك متابعه


مهند يا ذا المسن اللي عجزنا نلتقي فيه كل ما جينا نخلص موضوعنا
يا انا اسحب او انت وترى امس كنت بنام والله وراي دوام بس انا
تعجبني الحلول المشفرة ناخذها منك بس اهم شي موضوعنا يخلص

إقتباس ذكرتني بسالفتي مع وحدهـ من بنات الجامعهـ طلبت مني جوالي تقول ماعندها رصيد وتبي تكلم اهلها ضروري .. انا من قرادة الحظ ذاك اليوم موديهـ جوالي الاساسي ماوديت ابو لمبهـ والبنت علاقتي معاها عاديهـ يعني بس علاقة جامعهـ مو علاقه قويهـ مابينا مكالمات ولا شي .. راحت البنت تكلم رجعت بعدها بخمس دقايق .. تقولي ترى جوالكـ ضاع

اسمحيلي بدون زعل هذي زود طيبه منك !! يعني مو لهالدرجة !!
اصلا المفروض تبغى تكلم وهي جنبك ... تبعد شوي ... اما تاخذه وتغيب
وترجع تقول ضاع بكل بساطه حطيته جنبي !! المفروض تخلص ترجعه
لك على طول مو تحطه جنبها !!

غريبة انتي يمكن عندك برود وهدوء شي عجيب ... بس سرقة عيني عينك
مثل هالموقف ومشيتيها !! من جد يا اعصابك بارده او قلبك طيب بزياده

شكرا لك على مشاركتك

إقتباس اول شئ انا تسدحت ضحك و بعدين انت حط الجوالات في جيبك مو لازم على الطاولة يلعن اهل المخ و اذا اخذو من جيبك فأنت اسمحلي الوووووو و البرايفت لا تكون مشبك وحده افاااا هع هع هع << معلمة تشبيكات خخخخ

إقتباس اهلين هلالي 11 ذكرني قبل فتره كانت عندنا جآره عله على القلب اول ماتجي (البنات مفروض ماينعطن جوال والبنات مفروض ينحبسن بالبيت والبنات ..الخ) والله اذا شغلت هالأسطوانه كتكمت ضحتي اطالع امي وفيني الضحكه بس ما انثبر لين تغمزلي امي تدري اني بجيب العيد عاد من شين حظي دق جوالي عندها انت بس تعال شف نظراتها وقتها كأنها تقول هاتي الجوال من اللي متصل ياربي قلللق عاد تركت جوالي ومشيت يوم رجعت لقيته معها لا والزين قالت لي كم رمز القفل ! قلت لها جيبي ابفتحه لك قالت لا عطيني انا افتحه قلت لا ماعرف لرقم انا حاطه الرمز على شكل اسم قالت عطيني الاسم عمممممممممممممممممممى تقهر قسم تقهر المهم فتحته والغريب قاعده تفتش بالأرقآم مدري وش تبي لا وتقولي مين ملكة روحي ومين حبيبة قلبي قلت لها وش رايك يعني انتي تتوقعين مين قسم لو انها مو مره كبيره في السن كان وريتها الشغل المهم سحبت جوالي وع طول طلعت اسمعها تقول لامي البنات ماينعطن جوآل حتى امي صارت تتنرفز منها دايم تقولها لا تتدخلين بتربيتي بس ماتفهم احس اني طلعت حرتي بهالموضوع وتدري احسن شي رمز قفل ولا لاتطلع جوالك عنده سيآآ

يارجال زبد له واكرشه هالنوعيات مافيه على بلاطه

اقسم بالله انك صبووور يارجال لا وبعد مصري والله لااعطيه بين عيوووونه


الوكاد على طاري واحد من الشباب يقول انه متوظف في وظيفه صيفيه


انا كنت متوظف في وظيفه صيفيه قبل سنتين تقريباا وكان المدير المسووول عنا مصري وكان ملعوون خير عاد مثل مانتم خابرين الواحد لازم يزين علاقات علشان يكمل الثلاث شهووور كامله الوكاد قلت خلني ابي اجس نبض هالمصري وانا اسووولف معه يالله يتكلم الوكاد قلت له مامعك جوال ابي اخذ رقمه علشان التعقيب وكذا قال لاوالله جوالي بايعه قلت اجل ابي اجيب لك جوال وبعدها ماعاد يشوووف مثلي وكل ماشافني قال اهلا ياباشا وماعاد يشووف مثلي ويقول انت من احسن السعووديين وبتحب تاكل من عرق جبينك ومادري ايش خرابيط المصاريه عاد انتم تعرفووونها

الوكاد خلال الشهر الثالث التحقت في العسكريه وماشاف الجوال اخوونا بالله

وانا يعلم الله اني نسيته الوكاد وانا مره مار من عند المباني اللي يداومووون فيها قلت لخوويي وقف شوي وحنا على الدوريه الوكاد الهنوود انهبلوووا فيهم واحد بنقالي اسمه شيواز يقول لخويه الجديد هادا اول شغل سيم سيم انا ههههههههه حسيت اني صالح بشير المهم دخلت على المصري ويوم شافني لابس عسكري صابته ام الركب واقعد اسولف معه وهو عرقه خبط خبط

وماعرفني طبعا لدخوولي الدوره العسكريه واختلاف الخشه مثل مانتم خابرين

اللا يوم قلت اسمي وذكرني وقال ايه يابني انتا ناسي الجوال والا ايه


الزبده من هالسالفه


المصري ماينعطى وجه ابد ابد

المصري ماينسى

المصري دبوووس

المصري كثير قرقر

المصري محمد ابو تريكه يالبى قلبه

المصري اللي عندنا بالاستراحه حليل ودايم ساكت>>>معجزه مصري ساكت



واشكرك ياخي الكريم على موضوووعك واسف على المداخله الثقيله

بلا في خشمك يالخوف ,, ما خليتني ازبد لهالملقوف



والله خويك عله هههههههههههههههه ,,

انت حاول و سو كذا ,,

يجي يدخل عليك مد له الجوال ,, لو كان جنبك احد قل لهم ,, " شباب جاي يجمّع جوالتنا يفتشها عطوه " ,,

أو غير جوالك ,,..!! خذ الكشاف تراه زين ,, بس اتوقع العذر بتاعوو لو شريت الكشاف " الله كشاف في جوال ,, "
-- يمكن ارجع اقول لك افكار زياده هه --

سلام هلالي

يـاخي خويكـ قروشه<<جاب شي جديد

خذلكـ نعال شرقي ولآمنه قرب من الجوال أمزع النعال على اصابعه خله يتادب<<<لآعد تعطي حلول مرهـ ثآنيه


لآ الـجد حط قفل وماعليكـ منه

أو حول كل شي على الذاكرهـ وقبل ماتدخل دوامكـ فكـ الذاكرهـ وعطه الجـهاز كم يوم وبيطفش وإذا سالكـ عن الذاكره قل فيها فايروس أو ضاعت يعني أي مخرج ألــيم...

وريحكـ نفسكـ

السلام عليكم

وش قصة حقين الرابطة بادين تطلعون واجد ارجع بسرعه انت الرئيس عاد
قلي شلون رابطه بدون رئيس

~~

والله خويك ذا ياحبيله يازينه ياقلبي بس
اعرف اثنين الله لا يبلانا اخذوا جوالي العاده والمعتاد انك تدخل الاستديو ان خربتها الملاحظات بس الاول اخذه بدون اذن يوم قلت له وش تناظر قالي الرسايل !! ياخي تحس فيها قلة ادب خاصة انه يدري اني ما اخلي احد يشوف الرسايل..


اما الثاني قبل ماياخذه قلت له لاتخش الرسايل يوم ناظرت وش يشوف لقيته فاتح رساله شي يقهرك صراحه عاد انا بالثناوي موب لقافه الا مبزرة <~ كانه مو بعمرهم

الدحمي كان الله بعونك وحلو ان الواحد يرفه عن نفسه برا الرابطه ويرجع بسرعه
الختات زينه

~ْ}

هلا عبدالرحمن

خذ واحد من هالجوالات ابو 100 ريال اللي تصكه في الجدار ما يصير له شيء

وحط فيه شريحه وقل جوالي القديم ضاع وعطه هذا خله يلعب فيه