هلا بك يـالصخره , ماشاءالله تبارك الله عندك أسلوب فكاهي رائع ,
على طاري موضوعك .. مدري ليه احس البنات بيقومون عليك
لا جد والله , خلنا نتكلم بمنطقيه شوي .. وش فيها اذا البنت طلعت من البيت وخلصت امورها بنفسها ؟! بالعكس ما أشوف فيها شي , لكن طبعاً كل شي بحدود يعني انا أشوف اذا البنت تطلع محترمه , سواء في لباسها أو حتى في حديثها من الرجال أعتقد مافيها شي
أما اني ازاحم الرجال وأدخل المخزن ورا الهندي وأروح النسيم فلا والله .. أعتقد كل شي له حدود , والحرمه العاقله تعرف حدودها كويس
بعض النساء معاها عذر لان الولد تلقاه منبطح بالملحق ولعب بلاي ستيشن ولا قلتله امه شئ قال اووووووووف مشغول اويلاه وش شغلتك يامناحي ياراعي الأبل من الشين تلقاه يلعب ساعات مباريات وكلهم مهزوم والزوج متنبل بالاستراحه مع الشيبان شيشه وبلوت واغلب سواليفهم عن الزوجه الثانيه وتبي تقضي حوائجه كيف ؟ بس ياسبحان الخالق مايجمل المراه الا حياها .. أجمل ما في المرأة "حياؤها". اقول ياالصخره واحد مزعجني عندك يقول اعرفه قلت طيب مايكفيك انك تعرفني مشكور كتير .
تلقاها مستعدة تقعد طول يومها برّى البيت... تهجول بين الشوارع وأكره ماعليها انها تنطق في بيتها وتقابل عيالها.... تحس هالشي ضعف وتخلف
ههههههههه النكته جديده وخطيره >>> ترى موناويه تقولها لآحد.. بعدين مو لهدرجه أن الحرمه تعتبر جلوسها في البيت ضعف وتخلف علشان الهجوله في الشوارع.... أما الحرمه اللي في المستشفى وربي زاحفه ........ ويابنات واصلوا والله معآكم ...... الصخرة موضوع خفيف وجميل جداً........
عاااااشوا الحريم عاشوااااااا
ماعليكم من العذّال قو هيد قو هيد
مشكلتنا اننا بمجتمع هاضم كل حقوقنا < مجرد فلسفه لا احد ينبرش
والرجال لاهم اللي بيسنعونّا ولاهم اللي تاركينا نتسنّع
أنا معكَ من ناحية إنها ماتبيع الحيآء مرّه وحده وماتتلقف بشي مالها دخل فيه
وتحترم نفسها ولاتتعدّى الحدوود ولا تخالط الرجال زي الاندرتيكره البشعه
اللي بموضوعك
لكن مافيها مشكله لو رحت وسنعت نفسي وخلصت أشغآلي وانا حرمه
يعني حالنا حالكم
والرجال فيه كثييييير منهم ماينفعون ولا بشربة مويه وجودهم مثل عدمهم،
ولولا ان الحرمه مسنعته هو وعياله كان مايدري وش الدبره عليه ،
ماغير يدربون دمجهم
ماحكّ جلدك مثل ظفرك < والله العظيم لي خمس ايام وهالمثل ماسك معي وابي اقوله
يعني سنعووونا ونقرّ ببيوتنا ، ماتسنعونا نسنع نفسينا بنفسينا
ومحدش يحووشنا احسن مانخربهوله بيته
والشغلات هاذي مااشوف فيها وناسه والا متعه !!
يعني أكيد مضطرين
إقتباس
وأكره ماعليها انها تنطق في بيتها وتقابل عيالها.... تحس هالشي ضعف وتخلف
طيب ينطقون الرجال معنا عشان ننطق ، ننطق لحالنا لييش
لو الرجال جالس بالبيت وشايف الحرمه وش تبي كان مافلسعت برا البيت
بس تلقاه هايت اربع وعشرين ساعه ومخلي العيال وأمور البيت بحلق الحرمه
بالعربي الفصيح
لو نعتمد عليكم بنخيّس وبنضييع
الله يبعد عنا العنصريه بتقووم حرب
فجأة
شكرا لك يالصخره على هيك موضوع ماقصرت أسلوب ممتع كالعاده ،
والله يسترنا بالحياء والعفاف ويهدي الاندرتيكرات
تدري وش السبب لان مافيه رجال صاحيه
هذاك اول لكن الحين مافيه
وبعدين الحين السواق ليه جاي اكيد عشان يقضي مشاوير اهل البيت
والعيال ايش يسوون مو فاضين
طيب ليه؟؟؟
كل واحد عند خوياه ومو فاضي لاهله
انا عن نفسي عندنا سواق تدرون ليه عندنا عيال كل واحد همه صديقه وطلعاته وو
طيب الاب وينه ؟؟؟ الاب مشغول بالعمل
طيب الحريم ليه هن بالمستشفيات لان بعض الرجال مالهم نفس يتعبون وبرحون ويطقون مشوار ويخلو اصدقائهم
او مالهم نفس للمستشفى لكن اهم شي وناسته
بقولك سالفه تبين لك كل شي وتخليك تعرف ليه الحرمه تراكض
فيه وحده اعرفها كان عندها بنت ومره ارتفعت الحراره
وكان زوجها راجع الساعه 7 للبيت وضايق خلقه تدري ليه الاخ مخلص باكيت الدخان حقه وماعنده فلوس يجيب كان اخر الشهر ومطفر
تدري ليه مطفر ؟؟؟ فلوسه كلها تروح على الدخان
جت زوجته وقالت البنت تعبانه عليها حراره خلنا نوديها للمستشفى
شوفو وش قال ماراح اوديها والله لو هي بنت امير
بعدين قالت لاترتفع الحراره ثم تموت
شوفو وش قال
خليها تموت احسن استغفر الله بعض الرجال اهم شي عنده باكيت الدخان واصدقائه
المهم جت اامها الذيبه وخذت بنتها للمستشفى والحمد الله لحقت عليها كانت درجه الحراره 40
عرفت ليه الحريم يراكضن
السبب الرجال مثلا
الحرمه بتحط حجز موعد لها بمستشفى يجي زوجها ينزلها ويروح للبيت وهي تجي تراكض تحجز موعد وان خلصت تدق على زوجها ويجي ياخذها
الحرمه ماتروح حبا بكذا تروح تراكض لانها مضطره لان ابو العيال مايبي ينجز لها اشغالها
والعيال الي متسدح بغرفته ومايبي يطلع بالشمس خايف على بشره وجهه
والي فرفره بالشوراع مع العيال
(على طاري الحراره
انا اختي ماتت يوم ارتفعت حرارتها
الله يرحمها )
السلام عليكم ورحمة الله وبركاته الله يحيك يالصخرة المثل يقول كل شي يزود عن حده ينقلب ضده مافيها شي ان المرآة تخلص اشغالها بنفسه لاننا وصلنا لمرحلة ماعندك احد بس متقيده بالحشمة والحياء وتحاشي ازدحام الرجال والحمد لله المستشفيات وغيره تعزل استقبال النساء عن الرجال الا انت وش فيك مستلمنا بمواضيعك دمنا ودمت في رضى الرحمن
مرحبا ,,
ماشاء الله أسلوب جميل جداً يالصخرة ,,
لكن عندي بعض الملاحظات لو تسمح ,,!
إقتباس
وزنها حدود 80 كم ... عباة كتف ... شنطة ذهبية مقاس كبير ... ماسكة جوالها وتبربر
وتسولف بصوت عالي وما كأن حولها احد... ماخذه راحتها
لا ومن زين الطبايع حاطة مناكير
ماراح أحكي عن الوزن لأنه مرض,, الله يعافيها ولا يبلانا ويخفف عنها,,
العباية,, الشنطة,, أعتبرها حرية شخصية محد يقدر يتدخل فيها ,,
لكن لو كان شكلها يفتن بالدرجة اللي أنت وصلتها,, فاسمح لي هنا
الشرهه مو عليها الشرهه على الطرطور اللي خلاها تطلع بهالشكل,,!!
وللأسف هالأشكال مرات تلقى معها أخوها والا رجلها والا أبوها,, ويتبسم فرحان بالفتوه اللي معه,, << وش تعليقك هنا!!
إقتباس
اتركوا عنّا سالفة انها مطلقة او ارملة او مقطوعة من شجرة... هذي كلها حالات خاصة
وحتى هالحالات الخاصة عندها اخ وأب وعم وخال ووكيل شرعي يخلص امورها
ها ها ها
أضحكتني يا هذا,,
الحين اللي عندها أبو سبع اخوان ومثلهم خوال ومثلهم عمان ,, ماتلقى أحد يوديها لتأدية واجب,,
فمابالك لتخليص أمورها العملية,,!!
أتذكر وحده كانت معنا بالثانوي ماتجي الا على الحصه الثانيه,, ليه عشان أبوها مارح يصحى من النوم قبل وقت دوامه,, <<جعله للسهاد ,, استغفر الله ,,
يا أخوي لو نظرنا للمجتمع بعين منصفة وبمنطق,, ماراح نلوم المره ,,
صدقني ما فيه وحده ترضى على نفسها انها تزاحم الرجال وتراكض في الدوائر الحكومية في عز القايله ,,الا انها محتده وماعندها أحد يكفيها ,,!!
إقتباس
يقول : ماشاءالله عليها... سنعه وتدبّر امورها
الا والله قل سنع وقل دبرة بابوها واخوها وعمها وخالها ووكيلها الشرعي ,,!
عندنا ناس ما عندهم أي استعداد لتحمل المسؤولية ,,!
الصخرة ,, فيه سؤال والله يقرقع بقلبي ودي أسألك,, يصلح !!
يا أخوي وراك متسلطن على الحريم,,!!
الله لايسلطني ولا يسلط علي بس ,,
تيب عندي لك اقتراح اذا شفت وحده مثل هاللي بالموضوع رح انصح رجلها يصكها بثلاث عشان يأدبها,, <<ما هو هذا قانونكم ,! <<حاقده
يعافيك ربي على الموضوع,, تقبل مروري ,,
عندي شي حاب أقوله : أول شي أنا أشوف ردود بعض العضوات تتسم بالعصبية ترى الدعوه مزح وضحك !
بعدين أغلب الحريم اللي يعالجون فالمستشفيات على خرابيط ! ( كأنها رايحه سوق ) <-- لية علبتين مكياج وزحمه وقلق !
أنا مرة كان عندي موعد عند دكتور أسنان وقسم مارجعت البيت الا الظهر وانا رايح من صباح الله خير !
كل وحدة جاية تسوي تبيض ولا مركبة طقم أسنان و و و وغيرها من المصالة
وأروح النسيم فلا والله .. 
..
.,.أخلي حرمه تروح ..,.
الوضع المتطور
