والله اني داري ان فيه نكبه واصابه

ياجماعه الله يستر على الباقيين

اقسم بالله اني كرهت الكورة كلها ياشيخ

تميّز بقلمه المبدع ,, سكن القلوب بجهوده المتواصلة ,, في روابط الإنتـر السابقة الجميع يعرف من هو ..

ربما يغيب في بعض الأحيان ,, لكن مع عودته أو بمجرد مشاهدة رد واحد له ,, يعود لنا بطريقته المميزة !

إنه الترفيع اللي فوق لن أستطيع إكماله ,, لأن الكلام اللي فوق ما يطلع مني إلا بالسنة مرة

ضيفنا اليوم محمد المديميغ ..






.. ..



][.. نبدأ معه ببطاقته الشخصية ..][



محمد بن سعد بن عبدالرحمن المديميغ




][.. الأسئلة الرياضية ..][



سـ.: تتابع الكورة من متى تقريباً , والإنتـر تحديداً ..؟



الكوره والله من يومي ابو 5 سنين , الوالد هلالي وكان يربي فينا حب هالفريق الكبير .. , بس الكوره العالمية تابعتها من عام 2001 .. وكنت اتابع الكالشيو في البدايه .. وكنت احب بارما



الانتر شجعته في 2003 .. وكنت منهبل معاه لان اخوي وعيال العم كانو يشجعون الجار



سـ.: مدرب معجب به محمد , والمنتخب أيضاً .!؟



المدرب .. فيه اكثر من مدرب

بس التوب يمكن فابيو كابيللو وعندك هيدنك باللي سواه مع كوريا في 2002 واستراليا في 2006 .. وعندك مورينهو افضل المدربين الي شفتهم على المستوى النفسي
وطبعا ماننسى أستاذ مورينهو بوبي روبسون .. وعندك بعد هيريرا .. بس كل ذولا مالحقت عليهم ولا تابعتهم عن كثف


بس كابيللو هو مدربي الأفضل



اما المنتخب أنا أحب كورة امريكا اللاتينيه .. يعني أرجنتيني
بس فيه منتخب ثاني أحبه .. ألا وهو أورجواي .. وأتمنى لهم التأهل لجنوب أفريقيا



سـ.: أجمل اللحظات الكروية في حياتكـ وأسوأها ..؟



مع الإنتـر


الأجمـل :



بارما v إنتر ( مباراة السكديتو )



الأسـوأ :

لازيو v إنتر ( 5 مايو )

إنتر v ميلان ( دوري الابطال )

فيار ريال v انتر




مع الـهـلال



الأجمـل :



الهلال v الشباب
1418



الأسـوأ :



مافيه .. تصدق !!



سـ.: شنايدر - ميليتو - موتا - لوسيو - أرناتوفيتش .. تقييمك لميركاتو الإنتر ..؟



ممتاز



سـ:. طيب خل نقول بالأسماء والمستوى الحالي .. نقدر نفوز بدوري الأبطال ..؟



دوري الابطال مستحيل احد يقول فريقي بيفوز به .. يمكن لو غيرت السؤال وقلت ننافس .. برضوو بقولك لاتتوقع شيء جيد مع الانتر في دوري الأبطال



سـ.: تشكيلة الأحـلام للإنتـر .. سواء على مر التاريخ أو حالياً اللي تبيهـ ..؟



على حسب الاعبين الي عاصرتهم او شفت لم لقطات



سيزار



سلفستر - بيرجومبي - كوردوبا - زانتي



كامبياسو - باريزي - جوركاييف

باجيو



رونالدو - ماثيوس





سـ.: اللي كانوا يقولون مورينهو ما غيّر شي في الإنتر , بالله وش بتقول لهم الحين ..؟



على حسب الي يقوله .. هل هو يشجع اليوفي ؟! , أم هو من مشجعين الروسونيرو ؟ ؟ ؟ ؟


سـ:. بعد الأربعة اللي شلوا القمل والقمل ما شلهم .. تتوقع اليوفي بينشبون لنا ولا بنعطيهم من ذا الرخيص ..؟



ما اعتقد مورينهو بيكون قاسي على فريقين في موسم واحد , العام كان روما الضحيه .. وهالسنه الضحية عرفناها بدري .. بس باذن الله راح يكون التفوق على صعيد المستوى كبير



سـ.: من المعلقين اللي يستمتع فيهم محمد ويجذبونه للمباراة ..؟



علي الكعبي






][.. أسئلة بعيدة عن الرياضة ..][



سـ:. بحكم اننا في رمضان .. أبيك تكتب لنا يومك الرمضاني بإختصار ..!


نوم من الساعه 7 الصباح الى الساعه 2,30 تقريبا
بعدها ادخل النت شوي واطقطق على التلفزيون كان فيه شي .. وبعد صلاة العصر نفس الشي الين يجي الفطور .. وبعد صلاة المغرب نجتمع انا وعيال عمي نتكي ونشوف طاااااااااش


بعد العشا اطلع حسب الوعد عند مين .. اليييين السحور .. بعد صلاة الفجر احيانا سوني واحيانا نشوف مباريات معاده مع بيسبول


سـ.: يا منيب قايل وش سبب غيابكـ المتكرر عن الرابطة ..؟

ياخي تعرف الواحد اذا طول على شي يمل منه .. عشان كذا لازم يصير معك شعره سليمان .. اذا حسيت انك غبت ترجع .. واذا حسيت انك موجود تترك


سـ.: أفضل قرار اتخذته بحياتكـ وأسوأ قرار حتى الآن ..؟

مدري والله .. يمكن تشجيع الانتر
واسوا قرار احب احتفظ فيه لنفسي

سـ.: مـوقـف طريف صار لكـ في حياتكـ .. تذكر شي زين تكفى ..؟

اممممممم ايه ايه

مره كنا في شاليهات في الشرقيه طالعين مع خالي
.. ونشوف بنت بحرينية راقيه في سطح الشاليه ولا عرفت تنزل .. المهم كنا نمشي انا وولد خالتي وخالي .. ويوم مرينا عليهم قال ولد خالتي للناس المتجمعين ياشباب هذا يشتغل في الدفاع المدني ( يقصد خالي )

المهم خالي توهق ولا عرف وش يسوي .. سالوه اخوان البنت وش لازم تسوي عشان تنزل
قال لهم تعطينها قفاها وتنزل





][.. ع الطاير ..][



أول عضو تعرفت عليه في الشبكة ..؟

ميلانيللو

وودي اشوفه الحين بعد الاربعه

عضو تحب تقرأ ردوده وتدورها ..؟

بيسبول وعاشق ادريانو 10 وجوزيه

عضو ودك تشوته ..؟

الي ودي اشوته شفته ولله الحمد




][.. رأيك باللي بعطيك إياهم الحين من شخصيات .. ][



سلطان بن فهـد ..؟


الفشل


غازي القصببي ..؟

معلم اثري

الإعلام السعودي والمرئي بوجهـ عـام ..؟


صحافة ميول !!





ليوناردو مدرب الميلان الجديد .. إيه أبو أربعة ..؟


مدرب جاي من اداره الفريق !!
مايتهيأ لي انه عنده شي !!


تشيرو فيريرا مدرب اليوفي الجديد .. يجي منه ..؟


مسوي انا كابيللو

وهذي اول سنه ولا اقدر احكم عليه


الصحافة الإيطالية بوجهـ عـام ..؟

صحافة حقيره .. ضد الانتر
واخر فضائحها المطالبه بخروج سانتون من الانتر .. حتى الشباب بيحرمونا منهم





{ .. ضع أحد الآعضاء بـ الفرآغات التالية .. }



- عضو يعجبك أسلوب ردودهـ ( ذو وولف )



- عضو تتمنى التناقش معه ( ارجينتينا الي مايعجبه شي )



- عضو ودك تعطيه تذكرة وتروح معه ميلانو ( ابراهيموفتش )



- عضو تتمنى تقابله خارج المنتدى ( انت بشوف وش وضعك )






{ .. فلآشات .. }



تحب أمكـ ولا أبوكـ أكثر ..؟

كلهم

قد تلاقطت مع مدرس ..؟

.. لا ولله الحمد

عضو أضفته ع الاميل وقلت تباً ..؟

شخص هنا كان في رابطة الانتر قبل 3 سنوات
وماودي اذكر اسمه


رايكـ بمشجعين الكالشيو في المنتدى ..؟

حاليا !! ؟
لايوجد الكثير منهم .. ولكني المميزين أعدهم على الاصابع


أول ما تخش ملفكـ الخاص تحصل لوحة تحكم .. كم فيهـ إنذار حتى الآن ..؟

ظلم ولا بدون

عندي ثنين .. واحد من هلالي موت وواحد عارفين من مين


وش الشي اللي اذا صار تعصب ومحمد يكرهه بشكل كبير ..؟


الظلم





{ .. أجب بـ (نعم) أو (لا) .. }



- قد حبيت ( نعم )



- تتمنى تواجد لاعب سعودي في الإنتـر (لا )



- لو طلب منكـ تصير مشرف في الشبكة توافق ( لا)



- الرابطة الحالية هل بتتواجد معها بشكل كبير ( قبل هالمقابله ..لا )







في النهاية أشكرك على إجاباتكـ الممتازة .. كلمة أخيرة طال عمركـ ..؟

أحب اشكرك على هالمقابله

واعتذر للاطاله

وانتظر اسئلة اخواني الاعضاء











][.. شروط الفقرة ..][



1/ يُرجى احترام العضو و عـدم توجيه الأسئلة الغير لائقة .

2/ من حق العضو عدم الإجابة على أي سؤال لا يريد الإجابة عليهـ .

3/ بعد إنزالي لأسئلة الفقرة , يتم توجيه أسئلتكم للعضو في الرابطة هٌنا .

4/ يحق لكل عضو طرح خمسة أسئلة فقط كحد أقصى .

5/ من لا يلتزم بالشروط التي ذكرت لن يتم الإجابة على أسئلته .








في النهاية أشكر محمد على قبوله الإستضافة .. مع العلم أن المفروض تنزل أمس لكنه تأخر الله يهديه

عطوه أسئلة طلعوا حرتكم فيه ,, ببساطة انطلقوا

لكمـ