السلام عليكم .. ! أخباركم يا حلوين .. ؟ زمان عنكم :$
وش سالفة ربعنـا اليوم ؟! تكتيك السير غريب جدًا .. ! فوستر إلى الآن ما أثبت نفسه , أكثر الكور اللي مسكها صح جايه وهي تزحف .. !
خط الوسط .. ضااايع والله ضاااااايع , اندرسون هذا .. يا حلاة من قلع رجله وحط مكانها رجل ناني .. ! مطفوق عرضيات .. ما أدري متى يتعلم كيف يوزع الكور خصوصًا الكرات الطويله ّ
فالنسيـا دخوله مضبوط .. ! وكان جيد إلى حد ما .. كاريك ثقيل حيل .. من أسوء المباريات اللي شفتها له ! يلعب من دون نفس الولد ّ , عساها آخر المرات اللي أشوفه بهـ الصوره !
لكن الحسنه الوحيده ّ بهـ المباراة ! إن السير يعرف وضع فريقه .. الفريق يبيله تغييرات من إلى !
يبي لنا مهاجم يشخص قدام الباب .. آل أوين آل .. أطلع من جوي ّ تكفى ,
و يلزمنـا مدافع ّ يقبل بالإحتيـاط ! المهم إنه يحل مكان فيردناند والإصابات اللي تلاحقه من فتره ..
تعرفون وجه فيرقي اذا عصب ؟ اذا شد حواجبه .. صك فمه وقلب لونه احمر !! انا هنا اتفائل
\
الفريق تعب من دفاعه ! بروان مسووي ثقل غير طبيعي بمستوى الفريق ! مسبب ازمه للمحاور مسبب ازمه لاندفاعهم ! يعني عامل بطئ بالدفاع .. ووقت الهجوم صعبه تندفع ووراك كمخه زي براون ! في مانشستر .. اكره بروان بس كره غير طبيعي استغرب انه قد لعب للمنتخب استغرب ان فيرقي مخلييه معه ! ذي المده لكن اتوقع بسبب انه راضي يكون احتياطي للفريق وطبعا اكره ناني اذا بتعتبرونه لاعب ! المهم .. بنص الملعب كاريك كان غريب !! مهوب هو خوينا لا من الاستلام ولا التسليم بس يمكن احسن مافيه بافتكاك الكوره منهم .. ماودي اقولها بس كانت مباراة فليتشر دفاعيا ً بتحصله وهجوميا بيكون موجود .. مع قيقز بما ان ودك تلعبه محور .. بيكون وضع النص خيالي وهذا مايمنع ان فيرقي غلط باشراك اندرسون يسار .. اندرسون وفليتشر وقبسون الثلاثه هذولا في الاطراف يضيعوون بشكل غير طبيعي ! اندرسون بالشوط الثاني رجع محور تقريبا بس استمر على مستواه السيئ !!
ايفرا .. روني .. ايفانز .. قيقز . و اوشي ابطال اوشي لاعب يعطييك اللي عليه واكثر شوي بس كببييير والله .. بس لو ربي يفكنا من مطرسة المريض اللي جنبه وضعنا بيكون سلييييم
المباراة ترفع الضغط .. برجع اتكلم بزياده عنها .. بنام الحين
طيب اذا مرره معجبكم الفريق اللي مستواه يجييب المرض اليوم وتشوفوون ان كله صح وانه ذا مانشستر العاده بنص الملعب ! وانه مسوي اللي علييه واكثر .. بس ناقصه شي من برا !! ليه اخترتوا رونالدو ؟ ليه مب تيفيز ؟
قدام ويقن !! قدام ستوك سيتي !! كلها خوي عليانو موجوود ولا سوا شي .. تيفيز دخل وجاب قوليين هنا وهناك ! وكلها فيها فاولات يا عليانو عشان ماتزعل ! ما ابي اجيب امثله للمباريات كان فيها وجود رونالدو زي عدمه او حتى وجود الغبي الثاني زي عدمه !! لان هذي مب فكرتي من الموضوع .. ولاهي موضوعنا ! بس فريقك كله سيئ سيئ سيئ .. وتجي كنك تقوول رونالدو القوي الوحيد بالعالم ؟!
اوكي رونالدو بطل .. بنفقده تهديفيا ً بس اهدأ من كذا شباب اليوم مشاكلنا بنص الملعب ! واصلا رونالدو المتابع زيين له يعرف انه على مستوى صناعة اللعب للاسف هبط مستوااه بشكل كبير الا بمباريات محدووووده جدا ً !!
رونالدو قدام الارسنال بذهاب الدوري كان صفر ! رونالدو بإياب التشامب قدام الارسنال كان توب !
ليه ؟
رح شف نص الملعب بالمبارتيين وتعرف السبب !! خويكم مايلعب لحاله !!!
اعترف مدرب مانشستر يونايتد السير اليكس فيرغسون
ان فريقه استحق الهزيمة بهدف من بيرنلي .
وقال فيرغسون " لقد كان الأداء سيئاً اذا أخذنا بعين
الإعتبار الفرص التي اتيحت لنا وامتلاكنا للكره "
" لنكون عادلين بيرنلي تسببوا لنا بمشاكل في الشوط
الاول "
واضاف " لقد مر وقت طويل منذ ان كانوا في الدوري الممتاز
ولا يمكننا ان نننكر نصرهم "
" لقد عملوا بجد والجماهير كانت رائعة "
وقال فيرغي " انا متأكد اننا سنستطيع الرد في ويغان "
" كل اللاعبين اصيبوا بخيبة امل , كانت نتيجة سيئه لنا
, التمرير كان جيد ويجب ان يكون افضل "
طبعا جيّتي متأخره وكلكم علقتو وكلكم انقهرتو
لكن ما أنوقع فيه أحد مقهور من المباراة زيي
من متى المستوى زفت كذا ؟
من متى وأنا أشوف وسطنا يبي يصنع كوره وتنقطع 5 مرات ورا بعض
مايمديها تعدي النص الا وهي مقطوعة وهجمه لهم
الي يقولي امتلاك الكوره لنا أكثر..
أقوله وش الفايده تمسك كوره بدون سنع !!
ماراح أكون زي بعض الهطف حقين الي ينجلي القمر ومدري وشو..بقعد أصيح على رونالدو ولا تيفيز
لكن الي يلاحظ حالنا الحين على مدار الودّيات والدرع وأول جولتين..
راح تلاحظ ان مافيييييييييه عنـــــــــــــاصر في الفريق
مافيه أحد تنتظر منه إحداث أييييييييييي فارق
باستثناء روني فقط ........ وأعيدها,,,,روني بسسسس
منيب من النوع الي يحكم على النادي من أول كم جوله
كلنا شفنا آخر دوريين .. كل واحد بدايته أسوأ من الثانيه
باستثناء الي قبله
وكلها الحمد لله انتهت بأبطال الدوري
اذا انت تلعب مع بيرمنقهام الثاني في الدوري يوم يصعد ومستواك زي الزفت وماصدقت على الله تفوز
وبعدها تلعب مع بيرنلي الثالث على الدوري يوم يصعد ومستواك أزفت من الزفت
وتنهزم
هنا أنا أقول لا يا سير
أنت أبخص ماقلنا شي..لكن محد ينكر ان الفريق يحتاج عناصر
في ظل الاصابات والوضع هذا
نحتاج دفاع على مستوى السناتر والأظهره
(يعني بالله لو لا قدر الله وايفرا جته اصابه!!!.......بترك لكم التفكير في الوضع حزتها)
نحتاج ناس تلعب في العمـــــق
نحتاج هجوم يستفيد من الكور الي تجيه
دفاعنا كل يوم اصابه..الريو كل يوم طالعلنا بضهره ..
وبراون,,وش أقول وش أخلي !!
ماقلنا شي..ابن النادي..ومخلص..وكل شي..بس ترا والله انك نكبه..مخيس
وسطنا بالنسبه للمحاور ...مايحتاج أصيح عشانك يا هاري
بالنسبه للأجنحه..ناني..أنـــــانـــــي ومستحيل يسلم كوره صح
بارك..ياشيخ والله ماتطقها في نادي وجّ على مستواك ذا
فالنسيا..متفائل فيك والله بيّضها تكفى
جيبسون ,, أنا ما ادري ليه السير ساحب عليك وانت كل مباراة تلعبها تثبت نفسك
ستايلك نفس ستايل قيقز بالضبط
هجومنا مايبرد تسبدي فيه الا ذا المشعر
ياشيخ والله اني أحبك ياخنزير
ولا أوين............ما ألوم كابيلو يوم يقول وشلون أضم لاعب مايسجل
لكن أنا أقول انت بس يبيلك تفكّ النحس..وصدقني بعدها حالة يارب سامحه
بيربا يا بيربا..لا تفيد ولا تستفيد بكل بساطه
(تراك ماقهرتني أبد يوم تركض انت وروني للكوره,,وتسحبون عليها كلكم)
عالعموم نقول هاردلك لنا
وعساها تصير قــــرصـــة,,,للسير,,عشان يجيب لنا كم آدمي زي العالم والناس وللاعبين عشان يصحصون ويدرون انهم يلعبون لشي لو جابوه بيكون شي تاريخي
إقتباس
مفروض كانت الخطه مثل المباراه الاولى او على الاقل
فوستر
ايفرا - ايفانز - اوشيه - فابيو
"اندرسون " سكولز - غيبسون
بارك - فالنسيا
برباتوف - روني
خبيرنا..
وش دعوه !!
صدقني راجع تشكيلتك,,وبعدها راجع نفسك
ملعب 12 لاعب ماشاء الله !!
وأخيرا
تراني متفائل ..متفائل ..متفائل
دام السير معنا .. حنا بخير بإذن الله
ولحد يجي ينبرش علي يقول انت تحكم على النادي من بعد جولتين بس
انا تكلمت على وضعنا عامة
ولاتنسون ان مبارياتنا الجايه صعبه..تجمعت علينا أرسنال وتوتنهام المتصدر حاليا والسيتي ورا بعض وبعدها بكم جوله الليفر
الله يعين ويوفق بس
عالعموم معليش على الخربطه الي صارت فوق
بس والله من الحرّه الي فيني
صح نسيت شي
أحد يعرف بيت خالد الغول ؟
بروح أغتاله..
صح انك مانشتراوي وكل شي .. بس تراك تجيب المرّ,,وأكبر شؤم على مانشستر في الدنيا انت
المدرب الأسكتلندي غير قلق بعد خسارة فريقه الأولى هذا الموسم...
أمضى مشجعو مانشستر يونايتد ليلة حزينة أمس عقب هزيمتهم من بيرنلي الصاعد حديثا للدوري الإنجليزي، وزاد قلقهم على الفريق بعد الاداء السلبي من معظم لاعبي اليونايتد خاصة خط الوسط الذي اختفى تماما أغلب فترات المباراة.
وقد انهالت الاستفسارات على السير اليكس فيرجسون عقب المباراة لتوضيح أسباب الهزيمة إلا أن السير ارجع الهزيمة لسوء الحظ فقط، فقد قال فيرجسون في المؤتمر الصحفي عقب المباراة طبقا لجريدة الديلي ميل :" الهزيمة لا تقلقني الآن خاصة أنها جاءت بعد ضياع العديد من الفرص المحققة لنا ، فلقد اضاع اوين هدف سهل في الشوط الأول ،والأخر اضاعه جيجز بالشوط الثاني ،و كنا سنفوز بالمباراة في حالة تسجيل كاريك لركلة الجزاء ،ولكن هذا قدرنا"
وأثنى المدرب الاسكتلندي علي أداء بيرنلي وجماهيرهم :" لقد قدموا أفضل ما لديهم والجمهور كان رائعا ، لم يتوقفوا عن التشجيع طوال المباراة، مباراة اليونايتد كانت فرصة عظيمة لهم لاثبات أنفسهم عقب العودة للدوري الممتاز، ولقد استغلوها"
خسر مانشستر يونايتد مباراته الأولى هذا الموسم على يد المتأهل حديثاً للدوري الإنجليزي بعد غياب 33 عاماً عن آخر مشاركة له "بيرنلي" على ملعب التروف موور بهدف دون رد.. واهدر مانشستر يونايتد ركلة جزاء بواسطة لاعب الوسط مايكل كاريك قبل نهاية الشوط الأول بثوانٍ معدودة لتضيع فرصة التعديل..
وارجع المدير الفني لليونايتد "فيرجسون" سبب الخسارة لضياع ركلة الجزاء التي كانت ستحسم جزء هام جداً من المباراة لصالح فريقه على الأقل لو احرزها كاريك لأنقذت الفريق من الخسارة الأولى. وقال فيرجسون: "الأداء كان سيئاً للغاية بالنظر رغم استحواذنا على الكرة". واضاف: "ربما لو سجلنا من ركلة الجزاء نهاية الشوط الأول لكان تغير الوضع كثيراً، ففي الشوط الثاني تسرعنا من اجل إحراز هدف التعادل ولو كنا تعادلنا لأحرزنا هدف الفوز من احد تلك الفرص السهلة التي اتيحت لنا". واختتم: "لا استطيع ان اقلل من فوز بيرنلي، منذ مدة طويلة لم يحققوا النصر علينا وهم يستحقونه".
.. ؟ زمان عنكم :$
زي براون ! 
!
.. 
.. 
الوضع العادي
