انتهى الشوط الأول بتقدم الميلان 2-0 باقدام رونالينهو من ضربة جزاء وبيريلو
تم طرد حارس مرماهم بعد تعرضة لبيريلو والتي تسبب في البلانتي وسيينا من الدقيقة 11 وهم يلعبون بعشرة لاعبين
الف مبروووك الانتصار والثلاث نقآط المهمة ..
الطرد في اول الدقائق سهل المباراة كثير علينا ..
يآ خيالي , يامبدع , يا سآحر , يآ مجنووون ..
طبعآ لا مجال لـ حصر ابدآعات روني اليوم ..
اول هآتريك مع الميلان , وان شاء الله حافز كبير لـ الديربي .., نيستا خرج مبكرآ , اتمنى يكون لـ الارآحة فقط , مايكون فيه اي اصآبة ..
الفارق تقلص الى 6 نقآط , هذآ يعطي ثقه كبيرة لـ الميلان ..
مقآبل ضغط على الانتر خصوصآ بعد انخفاض مستوياته .. انا مع الي يقولون ان الديربي مبآرآة الحسم , خاصة اذا انتصر الانتر ..
رآح يكون الدوري بـ نسبة 80% لـ الانتر , ان شاء الله تخدمنا الظروف ويعودون لاعبينا من الاصآبآت ..
/
إقتباس
بالعكس ماشوف فيها هذاك الضغط الكبير .. بس متأكد أن مباراة أودنيزي الجمعة ؟
يمكن الظغط اللي راح يكون بعد مباراة باري ,. وراح تكون فقط مباراة واحده اللي هي فيورنتينا ..
يالله حيّه منصور .. ايه متأكد يالغالي , فيه خبر ترجمته انا من كم يوم , يفيد ان الاتحاد الايطالي وافق على
لعب المباريات يوم الجمعة لـ الاندية المشاركة بالابطال ..
انا اختلف معك , الضغط رآح يكون كبير , مو فنيا فقط بل ارهاق نفسي , واختلاف المنافسآت .. حتى قوة وخطورة المباريات تسبب ضغط على اللاعبين , انا ابني كلامي على امكانيآت الفريق ..
البديل ليس ناجح عادة في ميلان , يعني لو غاب احد اعمدة الفريق بـ تلك الفترة , التأثير رآح يكون كبير ..
خلنا من هالظروف , معدل لعب المباريات غالبا مايكون متساوي , يعني مثلا بأسبوع
تلعب مباراتين ومرة مباراة وحده , لكن بـ شهر فبراير , كل الاسابيع فيها مباراتين ..
وحنا نعرف شيابنا زين , ماراح يتحملون هالعدد من المباريات , خصوصا ان لـيـو يلعب بـ نفس التشكيلة من الاسمآء , ويكرفهم كرف غير طبيعي , لانه يخآف من التفريط ..
عموما اتمنى تعدي هالفترة على خير , لانها مصيرية جدآ , اما استمرار المنافسة او الخروج ..
كما عودنا ميلان على الفوز في مباراياته الاخيرة والمستوى الاكثر من رائع اللي يقدمه الفريق مع ليوناردو ..
لكن أعيب على ليوناردو اليوم أنه أخرج فلاميني مع نهاية الشوط الاول ,, وأشرك بداله كامل الاوصاف يانكو
نفسي أفهم وش الغرض من هالتغيير إذا كان فلاميني مافيه شي .. إذا كان قصده أنه يعطي يانكو فرصه فهو غلطان لان هاللاعب قضى عليه الزمن وشرب ,, لاعب مايعرف غير الركض .. الاسطورة أنتونيني أفضل منه بمراحل ,, ,,
مالاحظتوا شي بأنتونيني إذا جاء يسحب بلاعب ,, حركاته قديمه ومكشوفه بس أنها تجدي نفعا ..
لكن كلمة حق تقال ,, أنتونيني أثبت أنه لاعب عنده إمكانيات عاليه .. يكفي أنه يمتر الملعب على سنع وسريع .. وأجبر السبهه يانكو أنه يجلس على مقاعد البدلاء ..
الشي الثاني ..
ديــدا ,, أخر شي أتوقعه من ديدا أنه يصد الكورة اللي جائت بنهاية الشوط الثاني ,, فعلا الذهب لايصدأ يابو خط ..
نيستا كالعادة ..
بيرلو ,, راح أتعب لو أمدح فيك ,, يكفي السحبة اللي في الشوط الثاني ,, مدافعهم مسكين أنصدم ..
بيكهام اليوم أقل من قبل لكن يكفي أنه صنع الهدف الثالث ,,
الاهم هو الفوز والثلاث نقاط ,, ولكن السؤال هنا ,, في حالة رجوع سيدورف وباتو كيف راح تكون خطة ليوناردو !.؟
مثل ما توقعت بالاستوديو التحليلي حق العالمية << يبي يعلمكم أنه فاهم
لكن صدق والله .. توقعت خسارة اليوفي .. لأن كييفو صعب في أرضه ..
وتوقعت مباراة صعبة على الانتر ..
وتوقعت مباراة محسومة وسهلة للميلان <<< وشرحت الأسباب في توضيحي هناك .. !
الشيء الوحيد اللي توقعته خطأ .. كان نجم المباراة ديفيد روبيرت جوزيف بيكهام << يحب يقول اسمه كامل
وصار نجم السليساو .. روني
المهم أنه كان فوز مهم وحلو .. أربعة أهداف .. بدون كروت صفراء .. مستوى عالي ..
وروح معنوية أعلى قبل الديربي ..
بوريللو << أثبت أنه من طينة الطليان الكبار .. أهداف من زوايا مستحيلة وبطريقة صعبة يسجل الأهدف
بيرلو + نيستا << روح الفريق وعطاءه .. يكفي أن الفريق بغيابهم يضيع ..
رونالدينهو << من بعد ما ترك السهرات ... رجع لأيام برشلونة .. الله الله
بيكهام << الفترة السابقة اللي كان فيها معنا بالموسم الماضي كانت أحلى .. لكن تو الناس ننتظر ونشوف .. ( وأنت مرحب فيك دائما في الميلان يا بيكس )
جاتوزو .. .. مو جينارو اللي عارفينه .. مرعب الخصوم في مناطق الأرتكاز ..
شباب للأسف للأسف .. ما شفت الشوط الثاني
جاني اتصال .. طلعت .. وخليت المباراة على التسجيل ..
إن شاء الله بأشوفها آخر الليل ..