^^
^

انتا نفر مخ 100/100

مالها الا هيدنك ... ترى ممكن لامبارد يجي عشانه خاق مع الرجال ... صح يا ايوب ولا لا ... ؟


شباب فيه نقطة ابي اقولها

هي فرق بين ليبي و فيرارا

عندك بولستن و ميلو ... هذولي الله يسلمكم ما يجتمعون بشكيلة وحدة الا اذا كان يبي يقفل دفاع

يعني ... اذا اليوفي فايز و يبي يزيد الدفاع يدخل بولسن

بس تبي الفوز ولاعب لي بمحورين دفاعيين و محور تكتيكي صراحة تبطي

المفروض اللي دخل بدال كامو هو دي شيلي

يصير جناح يسار و تصير التشكيلة كذا

ميلو - بولستن

دي شيلي ------- ديغو

جوفينكو ---

--- تريزي

بس ماش الحمير على اشكالها تقع

دخل تياغو ... و اللي يشوفه يقول ضامن النتيجة

مفروض تياغو بدل بولسن

و اماوري مفروض ما يعلب ... ياويلي الوليد مسخن

به كحه ... و الله ما يقدر ينفس من التعب

ليتهم دهنوه بفس قبل لا يلعب ... الحين و الله ما يدي وين هي هابه ...

و الوصخ حقهم ذاك كونتيني ... ابن الكلب ما شافة الحكم الا بحقت دييغو ... قبله كامو و تريزي و جوفينكو

جلست اشوف الاعادة ... حسبت له انا 4 خشات تستاهل كروت .. و 2 يبي لها اقل انذار شفوي غير الاربع

و الحكم و الله كانه ما درى

فيه لقطة تكلم عنها الوالد الله يحفضة يوم هجم كونتيني على دييغو

قال هذي مفروض كرت " حمر " .. استغربت و قلت ما تستاهل ... قال لا لازم الحكم يعوض على اللي صار ببأو شعر مربوط
يعني فجر راس كامو و يسوي حركة وصخة ثانية ... مالها الا كرت " حمر "

و الله لو انا من كن كن كان رديتها بلافينزي بكوع بالضرس

وحده بوحدة يطلعون الدمنو الخلفي حقنا نطلع الدنمو القدامي لكم ... بس ماش ما ضبطوها الشباب ولا فيه ميلو و كيليني و جريجيرا

المهم ... مثل ما قال ناصر ... اللي هزم اليوفي اصلا مو الاصابات ولا المدرب ولا الدفاع ولا احد هزمهم المدرب ماتزاري ...

و بالنسبة للاحزاب

فيه حزب افكر اطلعة باسم

" شغلوا مخ فيرارا وسط المباراة "

> اللي يبي ينضم يحول الفيين ريال للحساب رقم 375486545/7أ و يرسل صورة الايصال بالفاكس على الرقم 992

شوفو ماتزاري واقف ما جلس حتى يوم جابوا الثالث بس يصارخ و يخطط و ارجع انت لا انت تقدم

و حنا بس اذا جابوا هدف يصرخ

تقل شايب يقول " هاه ياعييلي جبتوا هداف ياعيالب التسلب " ...

و الله لاعب نابولي يوم دخل داتولو طرى ببالي دي شيلي يوم يدخل في مباراة الميلان

و الكلب سوى سواته ...

و بالنسبة لأهداف نابولي ما انقهر الا من شيء واحد ... الهدف الثالث .. من اللي كانوا بالدفاع

على اليمين جريجيرا ... بعده مرت الكورة من عند كنفاروا اللي كان ماسك دينيس

و عدت اللعب نرمز له بالرمز " X ".... و راحت لتياغو اللي خلصها لهامسك

السؤال من هو اللعب " X " ... ؟

تراه هو تريزي ... قمت القهر اذا عرفت ان تريزي يصنف من ابطئ اللعبين في الفريق و يلعب راس حربة رجع و سبق كل ذولا و راح يغطي دفاع

و الفريق فيه اسماء سريعة كثيرة ... كيليني دي شيلي .. بس ما رجعوا

هذي النقطة تجي من صالح حزب تريزي ... اذا قالوا لكم شيء قولو ليه ما يغطي اماوري دفاع مثل تريزي ... ؟

و اخيرا انا اقول انقلب السحر على الساحر

ايام السيريا B كان فيه موهبتين اليوفي تجاهلها بقوة

مارك هامسك و سمير هندانوفتش

هامسك جاء لنابولي باقل من 3 مليون و هندانوفتش بـمليونين

كلها 5 مليون لو دفعنها بدل الـ8 حقت بولسن كان و الله الحين اليوفي بخير

بالنسبة للكاتشو انا عندي تشكيلة لو ينهزم اليوفي بسبب اي لاعب منها اقول معذور

ليش انهم فوق العادة

هندانوفتش

زاباتا - كاير - سنتاكروشي

فارغاس ---------------------------- ماجييو

جراجانوا --- دي اغستينو

هامسك

يوفيفيتش ---- لافينزي


يعني اربعة لعبوا بخيرنا من هذولي امس

معذورين ....


دمتم سالمين

السلام عليكم

صباح الخير للجميع

ابشركم خفت الانفلونزا ,, ووصفتك منتازة يا ابوفهد ,, عوافي

فالبداية هاردلك ,,

واكتفي بنقطة ناصر اللي ذكرها واوضح ان اليوفي بيلعب ضد مازراي

مدرب مُبتدئ Vs مدرب خبير = الخبرة رجحت الكفة وانتهت المسألة

شوفوا تقييم اللاعبين مباراة امس ,,


Buffon: 6.5

Grygera: 6

Cannavaro: 5

Chiellini: 5.5

Grosso: 5.5

Melo: 6

Poulsen: 5.5

Camoranesi: 6.5

Diego: 5

Giovinco: 6.5

Trezeguet: 6.5

Tiago: 4.5

Amauri: 3

De Ceglie: N/A

المصدر


احمد + ناصر في قلوبنا

إقتباس مالها الا هيدنك ... ترى ممكن لامبارد يجي عشانه خاق مع الرجال ... صح يا ايوب ولا لا ... ؟

يالبى هيدينك بس

ابصم لك ان يخلي هامسيك يقدم اوراق اعتزاله عقب مباراة امس ,,

لي عودة بإذن الله




.
.

.. ][ فيرارا : انا غاضب من هالخسارة , وعانينا من سرعة هامسيك ولافيتزي ! ][ ..





صرح المدير الفني للفريق تشيرو فيرارا بعد خسارة الفريق امس امام نابولي 3 - 2 بعد ان كان متقدماً بهدفين نظيفين ,

وقال فيرارا " انا غاضب جداً لأن هذه النتيجة من الممكن ان تؤثر على وضعنا في الدوري , والخسارة في مثل هذا الوقت

سيئة جداً , ويجب علينا مراجعة الاخطاء ومحاولة النهوض مرة اخرى , ومباراة الامس عانينا كثيراً من سرعة لاعبيهم ,

واللاعبون لم يكونوا حريصين جداً على النتيجة نظراً للبرود الحاصل وترك مساحات كبيرة للاعبي نابولي للتحرك "

واضاف فيرارا " لم اكن اريد حتى التعادل , كنت ارغب بالفوز ولا شي غيره , لكننا عانينا كثيراً من سرعة لاعبيهم مثل

هامسيك ولافيتزي فالواجب عدم ترك مساحات لهم للتحرك "

فيرارا اتضح عليه انه يريد نسيان النتيجة ويريد من اللاعبين النظر للمباريات المقبلة ,

واضاف فيرارا " كان لدي شعور سيء بعد هدف نابولي الاول , وعلى الرغم من الخسارة الا انه علينا ان ننظر للأمام ,

وان تكون لدينا همة الفوز كما في لقاء سامبدوريا في الجولة الماضية "


من وجهة نظري ان تصريحه خصوصاً حول ترك المساحات لـ هامسيك ولافيتزي مردود عليه ,

معقولة انت كمدرب ماتعرف تقفل المساحات ؟ سجلت هدفين خلاص ضمنت الفوز !

اللقاء القادم امام اتلانتا في ارضه ,, الله يعين بس ..




.
.

::

السلام عليكم ورحمة الله وبركاته

هوصادق الدحمي ياناصر أنت وابوثامر

الدحمي يحب تريزي بس مايبي يبين هالحب >> ينآظر التقيييم
بالله مافيه دور ثاني لأماوري


الحمد لله على السلامة ايوب
*

أنا أخالفك ناصر في بديل الفنآن أماوري

اقترح يكون بديله جيوفينكو الفلاوي
هو مركز جيوفينكو أصلا مهاجم مسآند
مكان دل دل

وتكون التشكيلة

بوفون

غروسو + كلليني + كانافارو + جرجيرا
ميللو + تياغو

دي تشيلي + دييغو + كامو

جيوفينكو
+++++ تريزي

والله ياهي تشكيلة
منها نحس إن عندنا مهاجمين
ومنها نعرف إن مباراة نابولي أمس كان فيها ايجابيات كثيرة
ويالبي الحكم أمس


×

.. ][ فــوتــوشــوبــيــات ][ ..















معاً ضد التحزبات

Again .. ابوفاطمة + ناصر = في قلوبنا




.
.

إقتباس الرسالة الأصلية كتبت بواسطة العسيماوي :: السلام عليكم ورحمة الله وبركاته هوصادق الدحمي ياناصر أنت وابوثامر الدحمي يحب تريزي بس مايبي يبين هالحب >> ينآظر التقيييم بالله مافيه دور ثاني لأماوري الحمد لله على السلامة ايوب * أنا أخالفك ناصر في بديل الفنآن أماوري اقترح يكون بديله جيوفينكو الفلاوي هو مركز جيوفينكو أصلا مهاجم مسآند مكان دل دل وتكون التشكيلة بوفون غروسو + كلليني + كانافارو + جرجيرا ميللو + تياغو دي تشيلي + دييغو + كامو جيوفينكو +++++ تريزي والله ياهي تشكيلة منها نحس إن عندنا مهاجمين ومنها نعرف إن مباراة نابولي أمس كان فيها ايجابيات كثيرة ويالبي الحكم أمس ×

ما تلاحظ انها تشكيلة خونفشارية ب12 لاعب

............

اليوفي انضرب من المحاور ..

دفاع ووسط وهجوم كان جيد ..المحاور سقطوا بالشوط الثاني وانفتح ملعب اليوفي..

ربما عدم وجود البدائل والحلول لدى المدرب كان سببا...اقول ربما..مازلت أحسن الظن بفيرارا..رغم اخطائه الواضحة

إقتباس الرسالة الأصلية كتبت بواسطة فـارس الـزعـيـم !! هلا فهد بصراحة أنا من الناس المعجبين بكتاباتك من زمان بالنسبه لـ تشيـرو صحيح أنه أخطاء وفي كل مباراة يطلع لك خطاء جديد لكن على أي أساس نقول المدرب ضعيف أو فاشل ! على 10 جولات أو حتى دور كامل ؟ خاصة اذا كان المدرب أول سنه له في التدريب ومع أسماء ماتساعد مثل الأسماء اللي لقاها غوارديولا في برشلونة ، ولا أنسى الإصابات من أهم عوامل الإخفاقات بعد الصعود إلى الآن ! تشيرو واضح أنه يملك شخصية قوية وعلاقته مع اللاعبين ممتازة لكن يفتقد للخبرة فقط .. وعنده الجرائه على تغير النهج التكتيكي خلال المباراة أكثر من مرة عكس اللي مايتسماش مسوي عقد لخطه وحده الموسم هذا أشبه بالمستحيل نفكر في السكوديتو ، كل ماخسرنا 3 نقاط نقول طار علينا السكوديتو وراحت الصدارة هي طايره ورايحه من أول الدوري لأن صعب جداً جداً تطمح للقب مع مدرب أول سنه له في التدريب + أسماء ليست أسماء بطولات .. وفي المقابل صار انتر ايتو أفضل وأمتع بكثير من انتر ابرا ، يعني هالموسم لو خذنا المركز الثاني أشوف أننا حققنا شيء طيب في ظل الظروف اللي ذكرتها .. بإنتظـار 2010-2011 !

هلا ابوخلود كيفك ان شاء الله بأتم صحة وعافية

بالنسبة لـ تشيرو .. على أي أساس حكمت ان شخصيته قوية ؟

ثاني شي ,, من جاب طاري جوارديولا

جوارديولا لعلمك سوى شغل ممتاز مع البرشا الصغار ,, وكنت متابع اخباره قبل لا يجي للفريق الأول

اذا انت حكمت ان تشيرو عنده شخصية وعلاقته باللاعبين ممتازة , وتقول تنقصه الخبرة !

اذا توفرت اللي ذكرتها انت فوق "الشخصية القوية + العلاقة الممتازة باللاعبين" اعتقد انها كفيلة بنجاحه ,,

رانييري كانت شخصيته ضعيفه وعلاقته ببعض اللاعبين سيئة ,, ومع ذلك قدم مستويات ممتازة مع ظروف الإصابات + خبرة ضعوي + ظغط الادارة والجمهور عليه

يبون التشامبيونز ونيدفيد شاطب من راسه شي اسمه كالتشيو يبي التشامبيونز ,,

يعني لو اجتمعت كل هالظروف ومشى الفريق للوصافة اعتقد سوى شغل ممتاز ,,

فيرارا على كلامك شخصيته قوية وعلاقته باللاعبين كويسة ,, ومع ذلك شفنا الفريق مر بشهر كامل لم يتذوق طعم الفوز ,,

كثير من المدربين ماعندهم خبرة لكن لما تتهيأ له الظروف وتكون الاجواء مناسبة صدقني النجاح ما يبي له الا رسم تكتيكي قبل المباراة وصلى الله وبارك ,,

بعطيك مثال ,, زولا مدرب ويستهام ,, اول سنة تدريب له وقدم مستويات ممتازة معهم ,,

الموسم الماضي حقق المركز التاسع وكان بينه وبين مقعد في كاس الاتحاد نقطتين بس

رغم انهم في الموسمين اللي قبل كانوا ينافسون على الهبوط ,,

صحيح الفريق تعرض لإصابات وظلم ووو لكن مثل مباراة امس على ارضك ومتقدم 2 وماتعرف تسنع فريقك وتخليه يمسك المباراة ؟

او عالأقل يحد من خطورة القلق مثل هامسيك ولافيتزي ,,

ولا تحسب اني ضد تشيرو ,, بالعكس والله اتمنى من كل قلبي نجاحه ,,

لأنه من ابناء النادي واحد اساطير الفريق ,, وشي حلو انك تكون انجبت اسطورة كلاعب واتبعها بالمجال الفني

بالتوفيق لليوفي اينما حل وارتحل


خاطرة ,,



كل شئ حولي ,, يذكرني بشئ !
حتى صوتي وضحكتي لك فيها شئ ..
لو تغيب الدنيا عمرك ماتغيب ,,
شوف حالي آآهـ من تطري عليّ !

الاماااكن .. الاماااكن .. كلها مشتااقه لك .. !









.
.

العن اومك نت ..

كاتبن رد هالطول وبالاخير يفصل النت ويروح بللوشي

ماني كاتبه ..

بس بقول نقطه ولا ماني قايل ..

حبيبيهواوي الزعيم

بعد الابداع قدام السمبدوريا مع ان الهدف جا من غلط وهجمه من عنده

وبعد الهدف الاول الي من عنده والهدف الثالث الي بنفس مركزه مع انه ما رجع مع الهجمه ..

ارجع واقولك قروسو لا بأس به وافضل موجودين .. لكن طموحنا افضل منه .. لاعب جيد وماهو ممتاز وينفع ويضر

يكفينا السنه هذي لكن الفريق يحتاج اظهره افضل..

إقتباس لموسم هذا أشبه بالمستحيل نفكر في السكوديتو ، كل ماخسرنا 3 نقاط نقول طار علينا السكوديتو وراحت الصدارة هي طايره ورايحه من أول الدوري لأن صعب جداً جداً تطمح للقب مع مدرب أول سنه له في التدريب + أسماء ليست أسماء بطولات .. وفي المقابل صار انتر ايتو أفضل وأمتع بكثير من انتر ابرا ، يعني هالموسم لو خذنا المركز الثاني أشوف أننا حققنا شيء طيب في ظل الظروف اللي ذكرتها ..

خالد

اول شي ليش ماتقول انتر مورينهو او انتر ميليتو .. لأن ميليتو افضل من ايتو بكثير وهداف من الطراز الاول ..

ماعلينا من انتر ..

انا اختلف معك بخصوص الاسماء انها ماهي اسماء بطوله ..

بالعكس تماما مما تقول يا فتى .. اليوفي من بداية الموسم مالعب بتشكيلته الاساسيه ..

اصابه لدييقو لماركيزيو ياكونتا دلبييرو سيسوكو زيبينا كاسيريس حمديتش تياقو

تقريبا فريق كامل اصيب ..

بينما الانتر اصابه وحيده للانتر كانت لكمبياسو .. واحد بس بالفريق كله .. غير لما يكون عندك سيسوكو وماركيزيو مع بعض .. وقبلهم سيسوكو وتياقو وهذولا بمركز واحد ..

وبعدها اصيب ايتو مباراة وحده ما لعب وميليتو مباراتين تقريبا ..

بينما دلبييرو من اول الموسم .. وياكونتا له سبوع وبيستمر شهر قدام الخ ..

ومع هالاصابات المركز الثاني .. وميلان الي ماعنده الا نيستا وتوه يصاب ما وصل للثاني ..

ولو الانتر جته لعنة هالاصابات ممن بداية الموسم ما راح يقدر يسوي شي ..

عموما ... الدوري ما راح ناخذه لأن الاصابات مرافقتنا .. الا اذا الله فكنا من الاصابات ويكون سيسوكو اخر الاصابات ويرجعون كلهم ..

اذا كان ماركيزيو احتياط للمحاور الاساسيين .. معناته ان احتياطك زي الاساسي ..

اذا كان دلبييرو وياماوري وتريزي احتياطك معناته ان احتياطك اقوى من الاساسي ..

لكن كل مباراة تجيب لاعب من البريميفيرا بسبب الاصابات ... يعني لا تفكر بالدوري

إقتباس الرسالة الأصلية كتبت بواسطة skroo السلام عليكم http://www.justin.tv/pinerolo80 رابط لنقل المباراة معلق ايطالي ممتاز بعدين رحت اتروش قبل شوي لقيت فيه هدف لليوفي وش هالحظ ماجد انا في الهالوين اليوم , ابلبس لبس وحدة حامل وانزل للشارع ههههههههههههه

انا لبست زورو اليوم

بس ماش خسارت اليوفي خربت علينا كل شي

يعني ماتشيدا الاسبوع الي فاز بــ حكام واليوفي فاز 2 ,, ويلقم ثلاثه

الله يعين بس

مشكورين شباب على النشاط

قسم بالله ما لي خلق اعلق او اتكلم ,, كل الي اقدر اقوله ,, فيرارا تكفى اعتمد على ترزي في الهجوم

^^
حظيظ

افضل حل اذا خلصت من ردك حدد الكل وانسخه عشان تريح بالك ,,



هات الزقارة ياولد




.
.

.. ][ جيجي : ما لنا شغل بالمشترك اهم شي فريقنا ][ ..





بعد الخسارة امام نابولي خرج بوفون بتصريحٍ بطل اوضح انه مالهم دخل في المشترك ونتائجه ,

واوضح انه في حال فوز المشترك على ليفورنو اليوم سيبتعد المشترك بفارق 7 نقاط عن اليوفي ,

وقال جيجي " يجب علينا الا ننظر للمتشرك ونتائجه , يجب علينا التركيز على فريقنا فقط ,

ونحاول ان نفعل كل ما بوسعنا فعله للمنافسة على الاسكوديتو مرة اخرى "




.
.