|
زعل بين صديقين !! بصراحة دورت بالانترنت مالقيت حل جيد واتمنى المساعدة منكم القصة انه صارت بيني وبين واحد من اخوياي مشكلة وانتهت بزعله , المهم صديقي هذا ماتكلمت معه من عدة اشهر تقريباً 4-5 اشهر, بس سلام وكذا وتقريباً انا اشوفه بشكل شبه يومي وبصراحة اشتقت اني اسولف معه واكلمه وكذا هو كان من اعز اصدقائي واغليه بشكل كبير , بصراحة مدري كيف اصفي النية معه ,,, ساعدونا اتمنى مايجي واحد ويقول طنشه ولا تهتم ومدري ايش لاني لو بطنشه ماكان نزلت الموضوع , انا تهمني صداقتي معه ومابي اخسرها ,, يليت الحل |
الموضوع بسيط جدا تمر عنده للبيت وتطلب منه ان يطلع معاك وانت تسولف معاه اعتذر منه حتى لو كان هو الغلطان هذا في حالة انه يعز عليك لأن الصداقة تكون لها تضحيات واول ما تعتذر منه صدقني راح ينحرج منك ويسولف معاك بس اعتذر بطريقة طيبة وقل له انك ما كنت تتمنى يصير هالشيئ وحاول تبين له غلاته عندك واسمعه زين اذا تكلم !! وراح يرد لك ويعتذر منك بعد !! ترى مجربة من واقع خبرة ومن دراسة NLP سو الي قلت لك عليه ولا تهتم دمت بخير |
ما ازييد على الكلام الاخ سعود الفيفي.. |
الله يجزاكم كل خير اتمنى المزيد من الاراء والي صارت له تجربة مشابهه اتمنى يفيدنا |
طيب يا اخوان انا عندي نفس المشكلة لكن فيه فرق بسيط ان فيه ناس يعبون راس صديقي بالكلام وقطع علاقته معي بسبب كلامهم وش الحل ؟؟ |
إقتباس:
لا بالعكس اذا كان يعزهم اذكر له محاسنهم وامدحهم وراح تلاقيه شوي شوي يرجع يميل لك !! ووقتها تلقائيا راح يكتشف من الي كان على خطأ !! خخخخخخ حسيت ان اخصائي اجتماعي :s2: |
ولله مواقف صعبة تمر على الواحد :( عموما حاول تحتك معه واجد وتسولف :) او إنك تصارحه وجه لوجه واعتقد إن بيتقبلها منك s45s |
هلا بـ AL-Za3eem . طب شنو كانت المشكلة :d ---> ملقوفه !:dead: سلمك الله [ تهادوا تحابوا ] ..:) أفضل شيء ترسل له هديه + كرت و تكتب بـ الكرت اللي يدور في خاطرك :rose: + تتأسف له ! و صدقني ماراح يمر 24 ساعه ع إرسالك لـ الهديه إلا وداق عليك :d. بصراحه أنا ما قد تزاعلت مع أحد دام بيني وبينه فتره طويله! غالباً تتراوح فترات زعلنا من ثلاث أيام إلى أسبوع الحمدلله مانزيد :s2: عموماً ،، إذا زعلوا صحباتي أو أنا زعلت منهم تكون غالباً طريقتنا في الرضا إذا كانت في الحبيبه :ba1: هديه بسيطه + كرت .. وأحيانا إذا كانت غاليه ع وعادي نطلع سواً أروح أعزمها ع عشا :yes: وترجع القلوب صافيه ، بعدين محد يزعل منك إلا اللي يحبك :d و أكيد صديقك يحبك ولك معزه في قلبه لذالك جرب ياتعزمه في مطعم أو ترسل له هديه و أهم شيء تعتذر له :yes:. بـ التوفيق لك:rose: إقتباس:
بـ التوفيق لك :rose: أي إستفسار ثاني ! ترى مكتب إستشاراتي إنتهى دوامه :s2:----> موب عاقله :dead: سي يا الفيروسه الزرقاء |
8 8 كلام سليم , بس أحيانا تصفية النفوس والتفاهم أهم من الهدية اللي أبي أوصله لك يـا AL-Za3eem أهم من أنك ترجع العلاقة لازم تفهم سبب الانقطاع يعني ياتقربون وجهات النظر وتحلون الموضوع ولا بلاش من الرجعة , لأنه اللي حصل بسببه الانقطاع والزعل ممكن يتكرر والله يرجع كل صاحبـ لـصاحبـهـ |
صدقني هو أكيد بعد متضايق من الي صآير بينكم يعني لآزم تآخذه على جنب وتتكلم معاه وتتفاهوا وتبين له وجه نظرك وهو بعد وحتى لو هو كآان غلطآن هو يعز عليك ومآينفع تخسره عشآن أشيآء ماتسوى وأكبد هو بيتفهم وبيتجآوب معآك والله لآيفرق بين أي صديقين أختك : هلآآلية لعيونه :rose: |
السلام عليكم :rose: الدنيا ما تخلى من المشاكل وما في احد مرتاح ... فالبداية اخوي كلنا او الغالبية مر بصداقات متعددة ومرت عليه مشاكل وأسبابها مختلفها لكن غالبيتها من وجهة نظري "التغلي" يعني خويك يتغلى عليك .. انت تكرمه وتعطيه اجمل الكلام وتهديه هدايا وما تلقى منه لا شكر ولا رد جميل ولا مقابلة الاحسان بالاحسان . وهذي غريزة سبحان الله عند البعض :) ومادري وش يستفيد اذا كان بيتغلى وممكن مصير هـ " التغلي " مشكلة او لا قدر الله فراق على شي تافه ! انا واحد من أعز اصحابي .. علاقتنا ماشية تمام واهديه هدية بين فترة وفترة وارسل له رسايل وهو يدري انه غالي عندي بالحيل , لكن سبحان الله مع الايام لاحظت ان اسلوبه بدى يتغير وانا متأكد اني ماسويت أي شي ! يعني لدرجة انه مرة كان يتمنى يشري شي ويقول بجمع دراهمي من الحين والاجازة الصيفية باخذ "سلفة من البنك" عشان اشري اللي ببالي .. انا عرفت وش يبي ... وخططت اني أفاجأه واهديه اياه , ومرت فترة 3 شهور او اكثر وانا حارم نفسي من اشياء كثيرة وجمعت مكافآت الجامعات ويمين ويسار والحمدلله شريته له , وغلفته واهديته الهدية مع كرت , تفاجات اني لحظة تقديمي للهدية ما قالي لا كلمة شكراً ولا أي شي بس اكتفى "شكلي بفتحها الحين وهو يضحك" ! وانا والله اني ما انتظر لا "شكر" ولا "رد هدية" , كل اللي ابيه يرجع علاقتي معه مثل أول ويترك أشياء هو يدري اني ما احبها فيه لكن سبحان الله مع الايام تنقص غلاته! وانا لو بغيت اسبب مشكلة ولا شي . كان زبدت له من البداية لكني اقدره واغليه ومابي هالشي له . انا والله ما احب اتكلم بهالامور لأني ما احب اتكلم عن نفسي اساسا واكره هالشي .. لكن والله حبيت اوضح لك بس وش ابي اوصل له :) ومثل ما قالت "الفيروسة" افضل حل تقريبا ... تجمع لك قرشين وتشري له "جوال" أو "كاميرا" ان كان من هواة التصوير أو عطر أو تورته والهدايا ما لها حد الحمدلله . واهم شي تكتب كرت وتحط فيه بيتين وانك محتاجه وهو غالي وتبي ترجع علاقتكم مثل أول . وهذي ابيات لقيتها اعجبتني ... اختر البارت الأنسب واكتبها على كرت وارفقها مع الهدية :) إقتباس:
والله يجمع بينكم بخير ... واي مساعدة انا حاضر ولا يردك الا الخاص :rose: |
إقتباس:
هذي غالباً ما تصير إذا كان للشخص عدة أصحاب ويطلع معهم لكن يميز واحد من بينهم :) الباقين "تطقهم الغيرة" على ماقال ,, ويبون يسوون اي شي اهم شي ما تكون أنت كـ شخص أغلى منهم ! واكبر مثال ,, قصة يعقوب عليه السلام وابنه يوسف وابناءه الباقين :) فـ افضل حل من وجهة نظري ... ترسل رسالة لصاحبك وتوضح له المواقف اللي انت بريء منها ومتأكد انها مغلوطة ومفبركة عليك وتقولها كيت وكيت وانت لولا كنت منت غالي عندي كان ما اهتميت لعلاقتنا ولا ارسلت لك ومن هالكلام :rose: اهم شي لا تحاول تفاتح الموضوع معه وجه لوجه يعني تقابله يوم من الأيام وتفاتحه الموضوع , ممكن على ما قال تدهن السير قبل برسالة وعقبه تطلع معه لكن نصيحتي لك ونصيحة مجرب , لاتفاتحه موضوع دايركت وجه لوجه لأنه ممكن تنفتح سوالف ثانية في لحظة غضب وتنتهي علاقتكم بلحظة الله لايقوله , فالرسالة ممكن الشخص يفكر اكثر من مرة وش يكتب ويراجع كلامه اكثر من مرة , لكن اذا كنت تحاكيه وتطلب منه اجابه وتوضيح لأمر ما فـ هو بيعطيك اللي عنده وممكن اذا زعل من شي او ما اعجبه شي ممكن يطلع عليك اشياء ويرتفع صوته عليك :) والله ييسر امرك يا صاحبي :rose: فمان الله :rose: |
الله يجمعكم ببعض وتصفى قلوبكم |
الله يعطيكم العافية حبايبي واعذرني اخوي الزعيم الموضوع لك بس كلنا اخوان واشكركم مرة ثانية على الحلول |
يعطيكم العافية جميعاً رحت مباشرة له واعتذرت له , على كلامه يقول انه ماكان زعلان وكذا المهم الله يجزاكم كل خير واذا فيه نصائح لتصفية العلاقة من جديد فكثر الله خيركم ^^ |
| الوقت المعتمد في المنتدى بتوقيت جرينتش +3.
الوقت الان » 08:07 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd