مقلي ومشوي وعلى الصاج... حبة فوق وحبة تحت... وشكلين مابحكي - نادي الهلال السعودي - شبكة الزعيم

Fahad Al Sudais · #1 05/08/2009, 01:03 AM

حيــــــــاكم

رواية رائعة بقلم صخ صخ

.
.

راح محمد للسوق بين العشاوين

وبينما هو يدوج ويبترم... شاف عطر نسائي جديد ( واااو كثير نايس )

فشمّر عن ساعديه واشترى الـ( غرشة ) بمائتين ريال

وراح للبيت ودخل على اخته غاده في غرفتها.. كانت تحوس بالفوتوشوب

واعطاها الهدية المغلفة وبين وجنتيه ترتسم ابتسامة عريضة >>

استحت غادة.. وقالت :

وهـ بص .. احرجتني بذوقك ياشقيقي العزيز .. وش عند الرقّة

خرج محمد من غرفة اخته وهو يقوطر رومانسية ويحس نفسه اكوس شي

والظاهر انه تحمس وجاز له الوضع

ورجع للسوق واشترى عطور لكل البشكة

وراح للشباب ولقاهم متسدحين بمقهى الرمال... وكل واحد منعفط وماسك الّلي

توّهم متهاوشين بالبلوت ليييين قالوا بس

وهجم عليهم محمد بكل اندفاع عاطفي واستلمهم واحد واحد ( دوك – دوك – دوك ... الخ )

والشباب تشققوا من الفرحة وقاموا ( يجغفون ) راس محمد وخدوده الكبيرة

ياسلام عليك يابوقاسم... لوفيه منك اثنين بالدنيا... كان صرتوا ثلاثة

وعلى هالحال صارت حياة محمد

يمشي و ( يذر ) من هالهدايا ويكب على الخلق

وعاش محمد سعيداً... وكل الناس كانوا سعداء

وطلع الصباح.. فسكت شهريار عن الكلام المباح.. تسقط حليمه وتعيش انتصار الشراح

.
.

اكاد اجزم بكل ما اعطاني الله من حدس وعدس

ان كل ابو احد فيكم ودّه يعلّق ويقول لي فوراً :

تعرف تسوووق ؟؟؟

وانا بكل براءة ودماثة خلق سوف اجاوب :

يس

فيأتيني الرد مخبوزاً بين مطرقة ( النقد) وسندان ( التزبيد ) :

اجل سقـها ولايكثر

معاشر المجلساوية ... من كتاكيت و كت كاتات

سؤال ديمقراطي مفعم بالخبث الماركسي :

للشنبات...

لو كانت عقارب الساعة تشير الى الثانية ظهراً

وانت ( تتبعرص ) من شدة الجوع وعصافير بطنك بـ( تنهق )

ودخل عليك اثنين... كل واحد جايب لك هدية

الاول... جايب لك شماغ جيفنشي جديد مقاس قيمته 250 ريال

والثاني... جايب لك وجبة كودو دجاج وكولا مثلّج سوبر سايز قيمتها 20 ريال

وانت لازم تختار هديّة من هالثنتين

اعتقد اجابتك بتكون واضحة.. الا اذا كنت دلخ وبراغي مخّك مرتخية

7
7

للشباصات...

اذا فيه ذات ليلة برنامج خاص عن حياة مهند في تمام الساعة التاسعة

وفجأة عند تمام الثامنة وخمس وخمسين دقيقة خرب التلفزيون

ودخل عليتس اثنين

واحد معه تلفزيون جديد اصغر مقاس بوصة قيمته 180 ريال

والثاني معه طقم لازوردي الجديد قيمته 5000 ريال

حتى انتي بعد اعتقد اجابتك بتكون واضحة... لعيون الهيس الاربد
7
7

طبعاً هذيك اللحظة في عدّة عوامل هي اللي تتحكم في عملية فرحتك بالهدية

وهذا يعطي دلالة انك اذا ودّك الطرف الآخر يفرح بهديتك.. لازم تختار الزمان والمكان بعناية فائقة

كون الهدية غالية الثمن.. هذا لوحده لايكفي

ممكن تكون ذات سعر رمزي... وقيمتها عند المهدى اليه كبيرة

نرجع حق محور حديثنا

ليش حنا فاشلين جداً في دستور ( تهادوا تحابّوا )

ماتطلع مراجلنا في هالجانب الا في اهداءات الـ FM والقنوات الفضائية

او اذا راح الواحد للعمرة رجع بمسابح من ابو خمسة اللي عند الحرم

او اذا جاء من القصيم جاب تنكة كليجا وحده وقام يوزع على حبه حبه

واذا راح للشرقية جاب كم قوطي من بيبسي القصيبي

آبو الجفاسة اللي فيكم يامواطنين

وين الحركتات اللوجستية اللي كلها دعم نفسي ومعنوي وتراجيدي وشيش طاووق

وحدة من خالاتي الـ ( كثير نايس ) ساكنة بجدة بحكم شغل زوجها

اذكر شطفتهم بزيارة قبل اربع سنين

واخذت لهم معي كيس ( يغص ) بما لذ وطاب من الحركتات والهدايا

تصدقون الى الحين وهم يكتشفون مابداخل ذلك الكيس من مفاجئات

وكل ماتجي للرياض واسلم عليها احس في عيونها نظرة حالمة

كنها تقول : ابن اختي... الرجل الذي وناسة.. وشكلين مابيحكي

لا من جد

حنا شعب مانعترف بالهدايا

وخصوصا بين افراد البيت الواحد

هو صحيح ان كثرة الهدايا تجيب النوم والمرض

يصير الوضع كله في البيت هدوء ونظرات اعجاب ومشاعر جيّاشة

وكذا ماينفع... لازم حبّتين من موروث ( هيتشكوك )

البيت اللي مافيه ( عمى يعميك ) و ( يمااااااه شوفي فلان ) و ( آآآآآي وجع ) مايلزم

لكن شوي مقلي وشوي مشوي على حبتين هيل على شوي خرطي .... تضبط الامور

عزّ الله مقامكم جميعاَ

فافافوم · #2 05/08/2009, 01:10 AM

اهلين فهـــــــــــــد

<< احسك تقوول متى ـا المعرفه

. لاكني متاابعك من زماان ولا كنت ارد وانا رديت هناا لاني شفت نفسي الاول قلت خلنا نرد

...

بالبدايه انت منزل موضوع تذب على اللي يقلون نايس وما نايس < وانت كاتبها الحين

..

ثاني شي موضووعك يتكلم عن الاهداء وما الاهدااء واناا مالي بذي الاشيااء على ما قالوا صفر على الشمال < مدري هي صح ولا

..

صخ صخ

تسلم ع ـالطرح
وتراني متاابعك من زمآآن لكن متعيجز ارد على مواضيعك
..

Fahad Al Sudais · #3 05/08/2009, 07:54 AM

إقتباس

الرسالة الأصلية كتبت بواسطة فافافوم


	صخ صخ تسلم ع ـالطرح وتراني متاابعك من زمآآن لكن متعيجز ارد على مواضيعك

اجل مرة ثانية قبل تدخل موضوعي اشرب بايسن

<< اخرس خالص ياسامج

منور حبيبي وشاكر لك حضورك وتعليقك

بالحب والاشراق

<< ناوي حرش على الصبح

زعيم اسيا (9) · #4 05/08/2009, 12:12 PM

:ياهــــلا والله بصخ صخ المجلس

ياعيني عليك قسم بالله اتعب واقول مبدع وكاتب كبير يفتخر بك والله

وموضوعك حلو واسلوبك احلا

والهديه مهما كانت ماتقدر بثمن لأنها شي معنوي اكثر من انها مادي
وشي احساسي ,,, وتقرب القلوب لبعض

كما قال نبينا على الصلاة والسلام ( تهادوا تحابوا )

والله انك صادق بناحية اننا فاشلين بهالناحيه
وناسينها او غافلين عنها مع انها والله ماتتوقعون وش اثرها بالنفس

وبالنسبه لكيف اني اقدمها والله انها تعتمد على الانسان واسلوبه وقربه لأهله واحبابه
اذا كان قريب والله بتسهل عليه انه يجي ويقدمها لأنها بيلقى الرد والقبول

الي بيخليه تنفتح نفسه ويبدى يفكر انه كل يومين يجيب هديه عشان يحس انه اكوس انسان

إقتباس

الرسالة الأصلية كتبت بواسطة فافافوم


	بالبدايه انت منزل موضوع تذب على اللي يقلون نايس وما نايس < وانت كاتبها الحين .. ..

عاش مصرف يافهد

فهد الله يرحم والديك رد عليه

والله ياهو حجر لك ,,, من جد مسوي لي فيها متطور على نايس

اخبرك كنت تذب عليهم يابو الشباب

بالتطنيش والتصريف <<< ماسكه معه غلط اليوم

تحياتي لك ياكـــنــق:smilie47:

رائع · #5 05/08/2009, 01:13 AM

والله اخوي فهــد كلامك عين الصـــواب

في الغالـــب الهديه( تحجز مكان في القلـــب تعجز ارق الكلمات توصلهـــا)

بصراحه اهنيك ع الإطلالة الموفقه
والإختيار السليـــم

خالص الشكر

Fahad Al Sudais · #6 05/08/2009, 07:58 AM

إقتباس

الرسالة الأصلية كتبت بواسطة رائع


	والله اخوي فهــد كلامك عين الصـــواب في الغالـــب الهديه( تحجز مكان في القلـــب تعجز ارق الكلمات توصلهـــا)

عبدالعزيز

<< طلع علم فرنسا

فينك ياراقل وفين ايامك وسنينك

مش معؤول اللي بيحصل النهارده

شكلك قاعد ترسل رسائل مشفرة عن طريق موضوعي في صورة فاضحة لأبشع طرق الاستغلال

او انك على نياتك وقاعد تلمّح .. تبيني اجيب لك هديّة

منوّر يابعد قلبي

بالفهم والاستيعاب

<< ماسكة اليوم على حرش

هـلالـ · #7 05/08/2009, 01:14 AM

سـلام بـ الـصخرة

أنا ماعمري عطـية أحد هديه إلا فيهـا مصلحه ليـ (

)
تقدر تقـول مصلحجـي

كلامـك درر ياصـخرتنـا

دوك ...

Fahad Al Sudais · #8 05/08/2009, 11:26 AM

إقتباس

الرسالة الأصلية كتبت بواسطة هـلالـ


	كلامـك درر ياصـخرتنـا دوك ...

معي علم ان كلامي درر

وتراي ( جيت )

وانا اطلدز واحد بالدنيا

وهـ بصصصص فديتن

وهـ... استحيت من كلامك

... دوك -->

<< ومير يغبّي وجهه من الفشيلة

hilali-arsenali · #9 05/08/2009, 01:15 AM

ياخي المشكله ان ما اعرف اقدم الهديه
والله اني اشتريت هديه اكثر من مره لاشخاص يعزون علي
لكن ما اعطيهم لاني احس باحراج لما اقدمها
يعني احس انها حركات حريم

Fahad Al Sudais · #10 05/08/2009, 11:40 AM

إقتباس

الرسالة الأصلية كتبت بواسطة hilali-arsenali


	ياخي المشكله ان ما اعرف اقدم الهديه والله اني اشتريت هديه اكثر من مره لاشخاص يعزون علي لكن ما اعطيهم لاني احس باحراج لما اقدمها يعني احس انها حركات حريم

خلاص اجل ارسلها مع الهندي حق البقالة ( توصيل ) مع بيبسي عائلة

<< تأثير الفول

وبعدين أفآآآآآآآآآآ... شريت كم هدية للي يعزون عليك وجحدتني

وين البنتلي اللي وعدتني فيها

<< فهد هزازي

دوك -->

شبوط · #11 05/08/2009, 01:16 AM

إقتباس


	اجل سقـها ولايكثر

شكل الجوع ماثر فيك يالغالي

لك اسبوع مختفي الحمد لله على سلامتك

Fahad Al Sudais · #12 05/08/2009, 11:59 AM

إقتباس

الرسالة الأصلية كتبت بواسطة شبوط


	شكل الجوع ماثر فيك يالغالي لك اسبوع مختفي الحمد لله على سلامتك

أي جوع الله يرحم شيبانك

الا والله ضارب لي ( صحفة ) فول وصاير الارسال عندي الحين ( شهر عليك وشهر علينا )

ماتشوفني طالع من الدوام ومنعفط بالبيت... يازين ذاك الفول بس

حياك يا سمي الكل

мя.ħάίţħάм · #13 05/08/2009, 01:20 AM

إقتباس


	رواية رائعة بقلم صخ صخ

والله بجد أهنيك ع الرواية

.. >> إن فآكت !قلم مبدع!

إقتباس


	ليش حنا فاشلين جداً في دستور ( تهادوا تحابّوا )

بهذي والله صدقت ملاحظه جدا جدا ..
تجيك هدايا بوقت غبي

أو هدايا لك عليها >> خخخخ !

!

إقتباس


	او اذا راح الواحد للعمرة رجع بمسابح من ابو خمسة اللي عند الحرم

والله بهذي صدقت ما أدري وش يحسون فيه يوم يشترون لنا مسابح >> بس ربما تكون الطفرهـ لها دووور فمثلا وآحد سافر مكة عزابي وطفران وصعبة يرجع من اعلمره وما معه شي فتلقاهـ يجي أي شي عن قولة انه جاب هديه ..

إقتباس


	او اذا جاء من القصيم جاب تنكة كليجا وحده وقام يوزع على حبه حبه

عاد تصدق ه الهدية كانت تجينا كل إربعاء وخميس>> وآحد من أخواني انسان فاصل يروح للقيصم يشري كليجا ويرجع >> والله صدق ما اكذب علما بأنا من حائل ومن سكان رياض >> والله فضاوة × فضاوة

إقتباس


	واذا راح للشرقية جاب كم قوطي من بيبسي القصيبي

لا عاد هذي موب كل يوم الا كل دقيقه أي وآحد من أخوياي أو أهلي يروح أنشب له يجيبي ببسي وهو ما يشوووف الدرب >> بس والله طعمه مهو صاحي ..

إقتباس


	عزّ الله مقامكم جميعاَ

مقامك عزيز يا الغالي ولا تحرمنا جديدكـ

M!ss 7up · #14 05/08/2009, 01:27 AM

شكل الموضوع خطير
لي بااااك << ابدددد مو حجز

ــــــــــــــــــــــــــــــــــــــــــــــــــ

بااااااك

موضوعك خطير بالحيل اخوي الصخره

بالنسبه لاختيار الشباب بين الشماغ والوجبه
اكيد وجبة كووودو

بدوون اي نقاش وفوقها بوسه عالراس

اماا بالنسبه للشاباصات
امممممم اختلف معك
لامقارنه بين 180 و5000
اكيد بختاار الطقم اللي من لازوردي
واذاا فيه اي شي بالتلفزيون اكيد راح ينعاد

لكن من جد الواحد يفتقد للمواقف المناسبه للهدايا
وانااا للاسف من ظمنهم

يعني من جد فرصه تهدي هديه بموقف مناسب ورخيصه السعر على قد فلوسك
احسن من البلشه والتوهيقه اذاا ماجت بوقتها

بتطفر عالآآخر
ويصير بووووكك فااااظي

وتنتظر اي احد يهديك اي شي لو عود اسنان

الصخره

يعطيك العافيه على هالموضوع الخفيف الظريف

شكرا لك

Fahad Al Sudais · #15 05/08/2009, 05:52 PM

إقتباس

الرسالة الأصلية كتبت بواسطة M!ss 7up


	امممممم اختلف معك لامقارنه بين 180 و5000 اكيد بختاار الطقم اللي من لازوردي واذاا فيه اي شي بالتلفزيون اكيد راح ينعاد

تيب افرضي انه ماراح ينعاد

إيش قومك ذيك الساعة ؟؟

شو بدّك تحكي تاتحكي ؟؟

شكرا جدا على تفحيطك... دوتس -->