#1  
قديم 09/07/2009, 08:35 PM
الصورة الرمزية الخاصة بـ Fahad Al Sudais
مشرف سابق في منتدى الجمهور الهلالي
تاريخ التسجيل: 21/02/2008
المكان: مدريــدي / ارسنــالي
مشاركات: 13,119
تـرى الله مـايـطـق بـعـصا . . .

حيـــــــــــاكم

ترى العنوان ماله دخل بالموضوع

لأني ببساطة ما ادري وش معنى هالجملة

لكني شفتها منتشرة بالمنتدى هاليومين... وقلت يمكن انها موضه وخلّني اكشخ بها
.
.
.



كولّيكشن نآيس... شووووز فيري نآيس... الله يحوّم كبودكم

وش بلاهن بناتنا يموتن بشي اسمه ( التلغوي )

ياشين اللي تتلغوى وهي ماهيب يم اللغه ولاهي من ثوبها

يعني لاتزعلون من كلامي... ترى من جد حايمه كبدي

الوحده في البيت تدخل على اهلها جاية من السوق تقول :

هيييه يمّاااه شوفي كنادري الجدد يهبّلن وش زينهن

وتصوّر الكنادر وتدخل المنتدى بعد ساعة وتفتح موضوع جديد عنوانه :

شوووز نآيس

الله يرحم الحال... قبل شوي ( كنادر ) والحين ( شوووز )

لأ وتكمل الناقص بـ( نآيس )... آبوك ياللغة

وتجيك عاد شلّة المهبّل تحتها بالردود :

وااااو كثير نآآيس ... ثآآنكس

يقلبونها تحدّي واستعراض ( كشخة )

مرّه قريت وحده داخله موضوع وتعلمهم انها ماتغدّت.. تقول اكلت شوي ( سالاد )

وانا اوجعني راسي افكر بهـ( السالاد ) وش يطلع ؟؟؟!!!

واثاريها تقصد ( سلطه ) بالانجليزي ( Salad )

ماسكتن لها حبتين خيار وطماط على عدلهن وتعرم منهن مع فص بصل وتقول ( سالاد )

ياليت كل وحده ( تكرب حنكها ) وتتكلم زين ومايحتاج هالسماجة

اقول ياشباب

فيه فوّال جديد عنده ( كولّيكشن ) قلابه وعدس كثير ( نآآيس ) يعجبكم
.
.
.


قدّام ( يلعن ابو ) ورى

هذي فئة من الشباب شايله الـ( ريـوَس ) من حياتها

كل شي عنده يتم التعامل معه تحت بند ( قدّام )

مستعد يسوّي أي شي وفي أي وقت وتحت أي ظرف... قدّاااااام

يشوف شباب واقفين يتعازمون على العشاء... يلتفتون عليه ( مجامله ) ويقولون : معنا ؟؟

وماتعوق : قدااااااااااااام

يطب على الشباب بالاستراحة ويسمعهم يتواعدون... الفجر ماسكين خط الشرقية

واحد منهم يقول له ( مجاملة ) : تخاوينا ؟؟

مايكذب خبر : قدّااااااااااااام

تضيق صدور الشباب... نشب فيهم هالعلّه... وليته يقط.. مافيه امل

يجيهم الفجر ( يدودل ) ايديه... وفاقّن كشرته... وحتى ملابس وغيارات ما معه

يروح يتسدح بالهاف مون ويلقى شباب يعرفهم غير اللي جاء معهم

ويشوفهم يتواسون بالسيارة ويقول لهم : وين تبون ؟؟

يقولون : البحرين... معنا ؟؟

وماتعوق : قدااااااااااااام
.
.
.


من ضيقة الصدر.. نويت اقص الشجر

عندي جارين الله يشغلهم بانفسهم... دابلين كبدي

مستحلّين الشجرة اللي عند باب البيت... يتسابقون عليها كنّهم توم وجيري

والله العظيم تقل بزران... اذا واحد منهم شغّل سيارته وراح.. جاك الثاني طاير ولبّق مكانه

وانا ياصاحب البيت وصاحب الموقف وصاحب الشجرة ( بقريح )

قسم بالله سيارتي احترقت من الشمس

ما كأن هالشجرة من حق صاحب البيت... والله ماسحين اسمي من الوجود

المشكلة كلهم معهم جيوب... واحد لاند كروزر والثاني لكزس

يعني اذا وقف تحت الشجرة اخذ الظلال كله

وانا والله استحي منهم وماودّي اصرف لهم كاش... وازبّد لهم.. مهما كان اسمهم ( جيران )

لكنهم بصراحة زوّدوها... والواحد اذا صار وسيع وجه لاتستحي منه

حطّيت لهم اوراق بقزاز السيارة... وكتبت فيها لوسمحت لا عاد توقف هنا

لكن لاحياة لمن تنادي... كنّي احتسي على جدران

بس خلاص... عليّا وعلى اعدائي

عناد ولعانة باقص الشجرة... وخل البثارة تنفعهم
.
.
.


قينان... زعلان

قينان مستشر هاليومين... وحاقد على امير عسير

يقول ليش يمنع الحفلات الغنائية

وعاد هالآدمي ( قينان ) ماهنا اكثر من بربرته... وكلها ( هياط على خراط )

يقول ( ماهقيتها من واحد مثلك ياسمو الامير... مسلم معتدل ومتعلم )

المسلم المعتدل في نظر قينان... هو اللي يخلي الشباب والصبايا ( يرزحون ) الى آذان الفجر

عاد انا حايمتن كبدي من هالـ( قينان ) منذ مبطي

من يوم كان رئيس تحرير جريدة البلاد..

وهي بالمناسبة احد اعضاء الثالوث الشهير اللي يستخدم كـ(سماط) للفول والتميس بالدوام ( البلاد والمدينة والندوة )

اكتشف مواهبه المتطرفه ليبرالياً صاحب جريدة الوطن.. وحطّه رئيس تحرير لها

وعطاه حريه اكبر لنشر افكاره... وقينان ماقصّر راح وجاب كل الشلّه حقّون الاستراحة

ومن هنا انطلق قينان وباقي القطعان يشرشحون اهل الايمان ويمجّدون بني علمان

من اقواله المأثوره سدّ الله بلعومه بفلّينة عصير راوخ :

(( مع الاسف الشديد كل التركيز في مناهجنا يتم على العلوم الدينية ))

ويقول ايضاً بكل اندفاع عاطفي رخوي :

(( الدين كشعائر يجب ان لا يعلّم في المدارس ))

هو طبعاً يتكلم بكل أريحيه وماعنده أي مشكلة لو يقعد يمطرس بالكلام بالقنوات وغيرها

لأنه بالعرف الاعلامي يعتبر ( اعلامي محنك وقدير ) رضي الله عنه وأرضاه

عن أبي هريرة رضي الله عنه قال.. قال رسول الله صلى الله عليه وسلم (( سيأتي على الناس سنوات خداعة ،، يصدّق فيها الكاذب،، ويكذّب فيها الصادق،، ويؤتمن فيها الخائن ،، ويخوّن فيها الامين،، وينطق فيها الرويبضة )) قيل : وما الرويبضة ؟؟ قال (( الرجل التافه يتكلم في امر العامّة )) رواه احمد وابن ماجه والحاكم

اضافة رد مع اقتباس
  #2  
قديم 09/07/2009, 08:43 PM
الصورة الرمزية الخاصة بـ ربطـه و شبـاصه
زعيــم متألــق
تاريخ التسجيل: 04/07/2007
المكان: الرياض
مشاركات: 1,279
هااي الصخره

كيفك ؟ ان شاء الله أوكي ؟

موضوعك مرره نايس ،، مرره كنت مبسوطه وانا اقرأ التايتل

إقتباس
ياشين اللي تتلغوى وهي ماهيب يم اللغه ولاهي من ثوبها / شوووز نآيس



من جد بعض القيرلز حكيهم مرره أووفر يعني يعورون راسك وهم يحكوون ، مايعرفون الانقلش ويل !!
قصدك نايس شووز ، أوكي اندرستود ،،

إقتباس
ياليت كل وحده ( تكرب حنكها ) وتتكلم زين ومايحتاج هالسماجة

ياااي ، وش فيك معصّب ، ريلاكس هدّي أعصابك ،
إلا وش معنى تكرب حنكها ؟؟

إقتباس
من ضيقة الصدر.. نويت اقص الشجر



رووح كلمهم وقولهم إنو أنت مرره معصّب منهم وإنو الكار حقتك تعورت من الشمس ، حرااام عليهم
وإذا مانفع معهم ، بلّغ البوليس عشان يتصرفون !
،،

مرره ثانكس على الموضوع الفنتاستيك ،
باااي

//

هههههههههههههههههههههه لا لا لا مايركب عليّ التلغوي
حسيت إني أمصل شي بالدنيا ، واتسبدييييه ،
بعض البنات والعيال بعد يفقعون المرآره ، يعني اذا بتستهبلون تكلموا عربي خالص والا انقليزي خالص ، بس مشكلّ نوو وي

//

شكراُ لك يالصخره على الموضوع وسالفة الشجرة لاتقصها ، رح كلمهم قلهم تراكم طولتوووها ، يمكن يستحون شوي ،
وان استعصت الحالة ازرع لهم شجرات عند بيوتهم

دوك =>

اخر تعديل كان بواسطة » ربطـه و شبـاصه في يوم » 10/07/2009 عند الساعة » 12:03 AM
اضافة رد مع اقتباس
  #3  
قديم 09/07/2009, 08:46 PM
الصورة الرمزية الخاصة بـ البرنـــــــس كاكا
موقوف
تاريخ التسجيل: 27/09/2007
المكان: ياما حاولت الفراق وماقـويت!!
مشاركات: 418
فهد تراني برد عليك بس المشكلة جهازي بيطفى البطارية خلّصت والشاحن فوق
ومتعيجز أروح أجيبه يعني حجز بطريقة مؤدبة
_____________
بااااااااااااااك
ياالله إن تحيّي المستشار فهـد
ماشاء الله وش هالموضوع الزين وش هالحركتـات قسم إنك ذيب يعني
يوم شفت ابو طلال موقوف اللي نسأل من الله يفك أسره ويرجع لنا سالم غانم
رحت تنزّل هالموضوع القوي عشان تبسط نفوذك وتكتسح الساحة ووتتربع على
عرش الإمبروطورية لحالك
بعدين وشفيك منزّل الموضوع وقت الصلاة يعني ماتبينا نصلّي >> قلب عليك
إقتباس
كولّيكشن نآيس... شووووز فيري نآيس... الله يحوّم كبودكم


وشفيك يادودي >> ابوك ياالدلع مالاق على خشتك ذا الجفسا
ياخي خليك كول وعيش حياتك ترى الدنيـا مآآآآآآآره نــايس
ياخي أنا مايقهرني إلا ذوليك اللي يكتبون مـاما ومن هناك تلقاهم يقولون يمآآآآآآآآآآآ’’’’’’هـ (( بتشديد كل ابو الحروف وضغط البريطم العلوي والسفلي على بعض))
هذا بعد إذا ماكانوا يقولون يووووووه
اجل ماما هآآآآه الله يصلح الحآآال بس إلا ياأبو صالح تخيّل احد يسألك وشلون الأهل
هاه بشّر كيف بابتك ومامتك ؟؟
إقتباس
قدّام ( يلعن ابو ) ورى


ياخي هالنظام قلق أقلق ابو شيء في العـالم
الحمدلله ماأعرف نـاس كذا لأني لو أحس ولو لبرهة من الزمان إنهم كذا الصامت ماقال شيء عاد أنا تخصص صـامت
إقتباس
من ضيقة الصدر.. نويت اقص الشجر


إنّا ماعندنا إلا شجرة وحدة في حارتنا كل ابو سواقين الحارة يتطاقون عليها
لأن حارتنا مايتعاملون مع اشجار كل وحاد قدام بيته ورود وزهور وشلال صغيّر
وغير كذا عندهم كراااج ياخذ كل ابو سيارات بيتنا
وش رايك فيني هـآآه فررري نآآآآيس صح
إقتباس
قينان... زعلان


دعــوها فإنها منتنة >> مطفي النور مثل حقون الجمهور

***
فهد قصدي دودي يعطيك العافية على المجهود النآآآيس
وهـ بس

بالفهم والإستيعاب



اخر تعديل كان بواسطة » البرنـــــــس كاكا في يوم » 09/07/2009 عند الساعة » 09:37 PM
اضافة رد مع اقتباس
  #4  
قديم 09/07/2009, 08:48 PM
زعيــم مميــز
تاريخ التسجيل: 11/12/2007
المكان: حيث ما وجد الهلال أكون
مشاركات: 3,973
هلا فهـد

سالفة ثانكس .. وتشاو .. وباي جايبة لي ضغط موطبيعي
ودي أعرف ما عندهم ثقة في لغتهم أو لهجتم .. وعلى فكرة حتى الشباب مثلهم
يعني على تقول على البنات فقط << مدافع عن حقوق الحِـريم
تكفون تكلموا كلام مفهوم .. كلام الشخص العادي يفهمه ! .. مو كلام ثلاثة أرباع المجتمع ما يـفهمه !
تكلموا عامي .. أو عامي مع شوي لغة عربية .. يعني كوكتيل ..

يـ زين كلامنا والله خفيف وحليو .. ويحب قلبك .. زي هالكلام
يـاله مع السلامة .. تصبحون على خير .. نشوفك على خير ..
شفت الكلام اللي يوسع الصدر .. مو كلام الإنجلش .. أو كلام الصيني ما أدري الياباني !
____
يـ أخوي ما رفع ضغطي إلا كلامه عن المسلم المعتدل !! .. وكأني المعتدل يبيح الأغاني !!
إلا أقولك الشرهة مو عليه .. الشرهة اللي خلاه يكتب في الصحافة !
أهـ يا زمن أصبح التافه يتكلم في أمور العامة !!

Good bay

اخر تعديل كان بواسطة » " أَبُو لارا " في يوم » 10/07/2009 عند الساعة » 07:31 PM
اضافة رد مع اقتباس
  #5  
قديم 09/07/2009, 08:54 PM
الصورة الرمزية الخاصة بـ ஜ ₣ ฮ เ ṥ λ Ŀ ஜ
زعيــم مميــز
تاريخ التسجيل: 27/02/2008
المكان: In Fact,I don't know
مشاركات: 4,181
إقتباس
ماسكتن لها حبتين خيار وطماط على عدلهن وتعرم منهن مع فص بصل وتقول ( سالاد )

ههههههههههههههههههههههه

فـهد على الأقل هـ الي يـردون بـ اللغه الأنجـليزيـه كـآمـله يـآحـبيلهم !! مـب يـجـونـك نـآس يـقولـون جمـله نصـها عـربي ونصـها انجـليزي ونـص سـآعـه عشـآن تـفهم الكـلمه !!

فـهد الله يـوسـع صـدرك
اضافة رد مع اقتباس
  #6  
قديم 09/07/2009, 09:06 PM
زعيــم نشيــط
تاريخ التسجيل: 11/03/2008
المكان: أبحث عن مكان الكل فيه شفاف
مشاركات: 945
أهلين صخرتنا ^_^

سالفتك مع جيرانك

أبويه يعاني منها

وفكر نفس فكرتك والله إنو يقص الشجر

والله كم مرة يكلمهم بس مافي فايدة

احنا عندنا مظلة وسط الحوش للسيارات

بس في الصيفية لما يجونا ضيوف

نحتاج مواقف تخيل ضيوفنا يوقفو بعيد

عشان حضراتهم يوقفو تحت الشجر حقنا

والحين لما سار أخويه يسوق فما سار يدخل السيارة جوا يوقف برا

وأحيان كتير يجي يلاقي سيارات الجيران موقفة تحت الشجر

ويقوم أخويه يوقف في الشمس

والله أبويه يقول أنا استحيت من كتر ما أكلمهم بس مافي فايدة

الله يعين بس
اضافة رد مع اقتباس
  #7  
قديم 09/07/2009, 09:08 PM
الصورة الرمزية الخاصة بـ عريب عبدالله
إشراقة المجلس العام
تاريخ التسجيل: 13/10/2004
المكان: الرياض
مشاركات: 3,979
أنا مقلقتني هالصراصير مدري العصافير

كل ما فتحت صفحة المجلس سببت لي قلق


نرجع للموضوع

فعلا بعض البنات وحتى الشباب لهم لهجة نتية لا أفهمها كثيراً

مزيج بين لغات كثيرة و حتى هم ما يدرون عن المعنى

أذكر مرة وحدة مزعجتني بكلمة لها معنى سيء بالإنجليزية وطول الوقت تقولها

فلما قلت لها عيب أنتي طول الوقت لسانك بذيء صارت فاهمه أن معنى الكلمة شي حلو

هم يرددون عبارات بعض بدون ما يعرفون المعنى المهم أنها تصير من الطبقة الراقية عند البقيه

بالنسبة للجيران وأخير اً قصينا الشجر

لكن للحين فيه ظل والجيران يوقفون عند بيتنا

أما بالنسبة للمثقف الأخير فأسمح لي أقول لك أنت متشدد وما تفهم في الوسطية وسماحة الدين

اللي صارت شماعة لكل تقصير وأصبر شوي وتصير البيرة بكحول ويقولون لك سماحة الدين

وأصبر شوي والبنات ما يلبسون عبايات ويكشفون شعورهم ويقولون سماحة الدين

وأنت ياعمي مجرد متشدد وما تفهم في الوسطية

حتى لو قضيت عمرك كله تدرس الدين فصدقني أنت في عيونهم مجرد متشدد ما يفهم الدين

وهم اللي ما عمرهم قرأو كتاب دين أو حضروا حلقة علم وعلاقتهم بالمصحف رمضانية بحته وما يختمونه بعد

هم بس اللي يفهمون في الدين ومقاصدة السمحة


الله يرحمنا برحمته والله شي يعور القلب

كل الشكر لحروفك المتميزة عمي فهد


بالحب والإشراق
اضافة رد مع اقتباس
  #8  
قديم 09/07/2009, 09:12 PM
روماوي مميز
تاريخ التسجيل: 23/06/2006
المكان: Il Romanista
مشاركات: 6,045
موضوعك فري نايس
و ما اقول الا الله يآخذ قينان و الشرذمة بتوعة
اضافة رد مع اقتباس
  #9  
قديم 09/07/2009, 09:13 PM
زعيــم متواصــل
تاريخ التسجيل: 10/04/2008
المكان: مع الزعيم وين ماكااااان
مشاركات: 189
إقتباس
مرّه قريت وحده داخله موضوع وتعلمهم انها ماتغدّت.. تقول اكلت شوي ( سالاد )

وانا اوجعني راسي افكر بهـ( السالاد ) وش يطلع ؟؟؟!!!

واثاريها تقصد ( سلطه ) بالانجليزي ( Salad )

ماسكتن لها حبتين خيار وطماط على عدلهن وتعرم منهن مع فص بصل وتقول ( سالاد )

ياليت كل وحده ( تكرب حنكها ) وتتكلم زين ومايحتاج هالسماجة

هههههههههههههههههههههههههههه
والله انك صادق

إقتباس
بس خلاص... عليّا وعلى اعدائي

عناد ولعانة باقص الشجرة... وخل البثارة تنفعهم

زين تسوي فيهم خخخخخ البيت بيت ابونا ........ أكمل الفراغ
عواافي
اضافة رد مع اقتباس
  #10  
قديم 09/07/2009, 09:13 PM
الصورة الرمزية الخاصة بـ Hictar
كاتب مثقف بالمجلس العام
تاريخ التسجيل: 18/04/2007
المكان: مازلت على ذلك الجرف.
مشاركات: 7,822
عن مصاله بناتنا - ما ودي أحتسي
أخاف أنفرد بالمرمى وأضيع - ويزعلون علي
بس جد ياخي مهوب لايق!!.
المشكلة تقولها - لا تتميصلين تكفين
ترد عليك - تقول أنا ربي خالقني كذا!!.
ياصبر الأرض بس.
أكتفي بهالقدر.
أما النقطة اللي خلتني أرد أساساً
هي الشجرة.

إقتباس
الرسالة الأصلية كتبت بواسطة الـصـخـرة

من ضيقة الصدر.. نويت اقص الشجر






ببيتنا الأول واحد من جيرانا ضعيف - مثل حالتك
وشجرته كبيرة - تآخذ ثلاث سيارات
وطبعاً أنا مسنتر فيها - كل الصيف - وإثنين معي من الشباب
أنا أدري إننا ما نستحي
بس يا أخوك الصيف عندنا - نار الله الموقدة
الله ينجينا من عذاب النار
لو يحط لي ورقة من هنا إلى بكرة ولو ينسم كفراتي
برجع من بكره بوقف


بالآخير ريح راسه وقص الشجرة
اضافة رد مع اقتباس
  #11  
قديم 09/07/2009, 09:16 PM
زعيــم نشيــط
تاريخ التسجيل: 30/05/2007
المكان: في قلب الزعيم
مشاركات: 843
,,,,,,,,,,,,,,,,,,,,,,,,,,,,,,,,,,,,,
اضافة رد مع اقتباس
  #12  
قديم 09/07/2009, 09:18 PM
زعيــم مميــز
تاريخ التسجيل: 21/12/2005
مشاركات: 2,456
- سئل فضيلة الشيخ محمد بن عثيمين: عن قول بعض الناس إذا انتقم الله من الظالم ( الله ما يضرب بعصا ) ؟ .

فأجاب بقوله : لا يجوز أن يقول الإنسان مثل هذا التعبير بالنسبة لله – عز وجل- ، ولكن له أن يقول : إن الله – سبحان وتعالى - ، حكم لا يظلم أحد ، فإنه ينتقم من الظالم ،
وما أشبه هذه الكلمات التي جاءت بها النصوص الشرعية ، أما الكلمة التي أشار إليها السائل فلا أرى إنها جائزة .


المصدر: صيد الفوائد


أمّا باقي الموضوع أبرجع له ان شاء الله

----------


إقتباس
وجاب كل الشلّه حقّون الاستراحة

أجلّ [ حقّون ]..

ياخي القصمان مايخلّون شي..!

اخر تعديل كان بواسطة » Financial 3ziz في يوم » 10/07/2009 عند الساعة » 05:26 AM
اضافة رد مع اقتباس
  #13  
قديم 09/07/2009, 09:50 PM
زعيــم مميــز
تاريخ التسجيل: 29/06/2008
المكان: الظهران
مشاركات: 1,970
إقتباس
وش بلاهن بناتنا يموتن بشي اسمه ( التلغوي )

تحمد ربك انهم يعطونك كم كلمه انقليزي

امكن بكره يتكلمون فرنسي والا اسباني

ويكمن اردو (ترا مهب بعيده)>> 3 كيلو وتوصل


يجونك يهذرون

والله مسويه رجيب وكليت (كرفقشتانور)>>مئلف امها



إقتباس
ترى من جد حايمه كبدي

انا اقول وش الكبد اللي ماغير تفر في الشارع

اثاريها كبدك




إقتباس
ويشوفهم يتواسون بالسيارة ويقول لهم : وين تبون ؟؟

يقولون : البحرين... معنا ؟؟

وماتعوق : قدااااااااااااام

فيه واحد اعرفه مايصدق على الله ان واحد يقوله اركب معنا

لو يركب في شنطة السياره ماعنده مشكله بالعربي(على الريحه)


إقتباس
من ضيقة الصدر.. نويت اقص الشجر

من ضيقة الصدر..حط شجرتين زيادة وفك نفسك





تقبل مروري.................................
اضافة رد مع اقتباس
  #14  
قديم 09/07/2009, 09:59 PM
زعيــم متألــق
تاريخ التسجيل: 25/07/2007
المكان: في عالم ثاني
مشاركات: 1,016
إقتباس
الرسالة الأصلية كتبت بواسطة =5
[/SIZE]
يقول ليش يمنع الحفلات الغنائية

وعاد هالآدمي ( قينان ) ماهنا اكثر من بربرته... وكلها ( هياط على خراط )

يقول ( ماهقيتها من واحد مثلك ياسمو الامير... مسلم معتدل ومتعلم )

المسلم المعتدل في نظر قينان... هو اللي يخلي الشباب والصبايا ( يرزحون ) الى آذان الفجر

عاد انا حايمتن كبدي من هالـ( قينان ) منذ مبطي

من يوم كان رئيس تحرير جريدة البلاد..

وهي بالمناسبة احد اعضاء الثالوث الشهير اللي يستخدم كـ(سماط) للفول والتميس بالدوام ( البلاد والمدينة والندوة )

اكتشف مواهبه المتطرفه ليبرالياً صاحب جريدة الوطن.. وحطّه رئيس تحرير لها

وعطاه حريه اكبر لنشر افكاره... وقينان ماقصّر راح وجاب كل الشلّه حقّون الاستراحة

ومن هنا انطلق قينان وباقي القطعان يشرشحون اهل الايمان ويمجّدون بني علمان

من اقواله المأثوره سدّ الله بلعومه بفلّينة عصير راوخ :

(( مع الاسف الشديد كل التركيز في مناهجنا يتم على العلوم الدينية ))

ويقول ايضاً بكل اندفاع عاطفي رخوي :

(( الدين كشعائر يجب ان لا يعلّم في المدارس ))

هو طبعاً يتكلم بكل أريحيه وماعنده أي مشكلة لو يقعد يمطرس بالكلام بالقنوات وغيرها

لأنه بالعرف الاعلامي يعتبر ( اعلامي محنك وقدير ) [/CENTER]




اهلا الصخرة صباح الخير با الفعل موضوع جميل بس رفع ضغطي الي فوق

اخر تعديل كان بواسطة » weهلالي في يوم » 10/07/2009 عند الساعة » 01:13 AM
اضافة رد مع اقتباس
  #15  
قديم 09/07/2009, 10:07 PM
الصورة الرمزية الخاصة بـ شبوط
زعيــم مميــز
تاريخ التسجيل: 15/03/2008
مشاركات: 4,175
إقتباس
فيه فوّال جديد عنده ( كولّيكشن ) قلابه وعدس كثير ( نآآيس ) يعجبكم
.

خله يضبط واحد معصوب بالقشطة
إقتباس
قسم بالله سيارتي احترقت من الشمس


اعانك الله على حرارة هذا الصيف ركب عازل حراري وريح نفسك
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 10:23 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2024, Jelsoft Enterprises Ltd

Google Plus   Facebook  twitter  youtube