|
اهـلـيـن بخصوص التلغوي الحين صارو يعتبرونها تطور وثقافه ومره سمعت الظاهر ببرنامج يتكلم عن هذي النقطه واحد قال اول بايام الاندلس:smilie47: يقول كانو شباب الاندلس ((النصارى)) نفس حالة شبابنا الحين يقولون بعض الكمات العربيه يعتبرونها ثقافه(((نفس حالة شبابنا الحين)))>>>مادري وش دخل السالفه هذي :wub:بس مشها على انها معلومه:razz: والنقطه الثانيه الله لايوريك عندي واحد ناشبلي :mad: الله لايوريك يجيني وانا مشغل السياره ويفتح الباب :ranting: يقولي وين رايح وانا بعض المرات اسلكله اقوله تروح معي>>>>يجلس عندي بالسياره وامسك الجوال اصرفهوالله ياهو بلشه عاد اروح المغسله او البقاله عاد مره جيت عند المغسله وماكان فيه ملابس لي :s2: قلت ايه صح نسيت وامر البقاله >>>احس السالفه هذي مالها دخل بالموضوع معليش عندي مباراه الحين نسيت الساعه عشر وعليها والمباراه الساعه 10:to::to: ياله برجع لك بعد التعديل الشجره كان عندنا وحده تاخذ خمس سيارات وابلوشنا تصدق يوقفون قدام الباب ليته اي باب باب البايكه((القراج)) >>>>ياخي اوك وقف بس قدام الباب لا >>>>>>تصدق مره جو حطو بجنب الباب ع طول سيارتين من عهد جدي ولا بعد خلوها شهرين المشكله نكلم الوالد نقوله كلمهم يقول لا هذولي جيرانكم>>>امحق جيران حمدلله افتكينا منها وشلناها قبل 3 شهور تقريبا مشكور ع الموضوع ويعطيك العافيه>>>>كنت بتكلم كثير لاكن مرهق وتعبان |
موضوع نآيس :s2: فري قود :s4s: هلا بك الصخره :rose:, يحيآك البآري .. تحدثت عن الواقع , كثرة هاليومين انتشار الكلمات الانجليزيه في الوصف والتعليق :laugh: وترى في بعض الاحيان ماتعرف المعنى , بس تعرف ان هالكلمه تنقال في هالموقف :d الله يرحم الحال .. اما جيرانك .. ترى فيه كفرات في كل سياره :ap: تقبل احترامي وتقديري. . دمت بخير :rose: |
والله جميل نقدك اخوي الصخرة بالفعل خلطوا الحابل بالنابل شكرا لك |
.* السلام عليكم ورحمة الله أهلاً وسهلاً الصخرة :rose: .. موضوع رااائع ويبرد التسبد والله :d خاصة الفقرة الأولى سجّلت دخوول عشاان أرد عليَهْ :s5s: جد والله بعض البناات تحوم كبدي من حكيهن صح ماعمري قابلت هالأشكال الحمد لله لكن الردود والمواضيع في المنتدياات :cry: أعااني معناااة كبييرة وأنا أحاول أفهم وش تقوول ,s48s ..! إذا عندتس لُغة ما شاء الله إكتبي الكلمة صح وبحروف إنجليزية عشان أروح لقوقل وأترجم s79s ماهو أعصّر مخي عشان أفهم وش تقولين .!s116s الموضوع أو الرد يجنن بس اللي مخرّبه هالكلمات ..!s125s إرحموووا اللي ناسيين اللغة s74s وش فيها لُغتنا ولهجاتنا عشان نجيب كلمات غريبة وليتكن تكتبنها صح ؟! s95s ياليتك يا مواصل الله يجزاك خير تنفرد بالمرمى وتكمّل حكيك بعد :clapping::s2:.. .., بالنسبة لـ شباب الـ قداااام :s5s:..! الله يصلح واحد في بالي فيه من صفات اللي قلت عنهم :cry::ba1: بس انه الحمد لله يستأذن :s2:.. مسمّيته بالجوال " خُوِيّ الماشي ":s5s: .× بالنسبة للجيراان فـ بعذركم لو قصّيتوا الشجر من جد بعض الناس وجهه مغسول بمرق :to:.!! .× أما قينان فلآ أعرفه ولله الحمد:s5s: الله يهديهم ويكفينا شرهم .. .. .. الصخرة الله يعطيك العافية ما شاء الله مواضيعك دائمة رااائعه :rose: .. مدريدي عاشق سامي الله يجزااك خير على توضيح حكم قول " الله ما يضرب بعصا " هالكلمة ماتعجبني أبد مع ان الكثييير يستخدمها :cry: لكن مايدرون عن حكمها :cry: ياليت يتغير العنوان بما أن الكلمة لا تجوز ,, كما تغيرت عناوين كثيرة s121s:s5s: .. فمان الله :rose: |
., إقتباس:
عشان محد يحجر لي بس :razz: والله شف هي على حسب البنت :wub: فيه بنات راكب عليهن التلغوي وفيه بنات لأ :ranting: أنا ماني مع المصاله بهالأشياء أبد بس ليه تحوم كبودنا عشان كلمتين انجلش يقولها غيرنا واحنا مو عارفين معناها ! :cry: والناس على حسب تربيتهم بعد .. اللي من صغرها تسمع هالكلام في محيطها ليه نشره عليها ؟ :cry: طيب هي تربّت على هالشيء وظلم نعتبرها مثل غيرها وأنها بنت تقصد تبيّن انها مثقفه بهالشيء .. :s5s: طبعاً مو أنا إطلاقاً :razz: الله يخليلنا لهجتنا كانها تجنن ومفهومه .. لها طعم لامنك نطقتها :smilie47: ويالله تعينكم ياللي تحوم كبودكم عشان هالكلمات .. بتحوم واجد بهالموضوع s121s شكراً الصخره :rose: .. |
فهّد ~ مُوضوعك مرهـ مرهـ نآآيس :razz: ( أووم القرف الي عآيشين فيه التلغويآتّ :s5s::ba1: ) <<- يآرب يآرب أخر كلمه صح :d يعني مآدري بكلآإمهم هذآ هُم يتميلحون ؟! ولآيتميصلون ؟! مآفهم لهُم بالضّبط :d:ba1: بس الوكآإد إنهُم يرفعون ضغطي إي والله :s5s::ba1: // ومن نآحيه جيرآنكُم :s5s::ba1: عندنآ وعنّدكُم خير :d:ba1: الشآيب الي قبآلنآ يوصي عيآله يبشكون عندنآإ :d حتى أخوي جآ بوقف سيآرته ومآلقآ مكآن عند بيتنآ سيآرتين لهُم كلهآإ عندنآ وقف عند بآبهُم إلى ويطلع له الشآيب يقول لو سمحّت وخر سيآرتك عن بيتي :s5s: <<- هو خلآ لنآ مكآن حتى نشيله :d!؟ شآكرهـَ لك :rose: ~ ( محد يكتب الرد وكنه ملحوق :s2: ) |
مـوضـووعـك فـي الـصـمـيـم ،، تـشـخـيـص سـااخـر :s2: لااا يـكـتـبـه إلاا راايـق .. والـتـلـغـوي البـنـاات والـشـبـااب حـوول بـعـض .. كـنـت أذكـر زمـاان الـلـي يـسـاافـر الـريـااض مـن أول يـرجـع الـديـرة بـطـااقـيـة ومـغـيـر نـبـرة الـصـووت مسـوي (تـفـخـيـم) :s2: ، والآن مـع الـتـكـنـولـووجيـاا حـولـوا على الانـجـلـيـزي الـشـجـرة افـضـل حـل انـك تـقـشـعـهـاا .. وأحـسـن طـريـقـة اربـطـهـاا بـدركـتـر واقـتـلـعـهـاا مـن جـذوورهـااا شـرط قـداام اعـيـنـهـم .. ودك تتـشـفـى وانـت تـشـووفـهـم مـتـحـسـفـيـن عـلـيـهـاا :naughty: دمـت بـود |
ههههههههههههههههههه صخره لاتضلمنا مو كل البنات مثل ماتشوفهم في النت ولله في بنيات شحليلهم ! ! بعيدين عن هالأسلوب !! لا والي تجيك تكتب لك انجليزي معرّب لازم تسوي موضوع للأشكال هذي :D وبالنسبه لسيارتك عندي لك إقتراح زوج اختي مسويها .. يحط هذاك الشي مدري وش تسمونه بس بشرح لك زي البلكات بس مو بلكات :D بلكه كبيره وفي الوسط عامود طويل حط لك ثلاث او اربع عواميد في هالشموس يتعيجزون يحركونها :D أن شاءلله توصل فكرتي وتفهمها :D وتصير سماارت :D |
هلا والله بالاستشاري العظيم المحنك الاب الروحي للأمه أدام الله ظلك سنينا وسنين النقطه الاولى الصراحه مضحكه ورد الاخت شبصه ورباطه خلاني اتمردغ من الضحك بس ماني معلق عليها نجي للنقطة اللي ترفع الضغط موقفين عند بيتك شف يا طويل السلامة يوقفون قدام بيتك ميب مشكلة لكن لا يوقفون قدام الباب الرئيسي أو اي باب أما إذا كان البيت كبير والله ويوقفون جمب سوره 3,4 سيارات فوالله مشكلتك ذي وش هو له تحط شجره بعيده عن الباب .. ؟ خل الشجره يا طويل السلامة عند الباب ووقف فيها أنت وبمجرد إن تشوف واحد موقف تحتها رح للشرطة وأشتك عليه قل يسد باب بيتنا بسيارته القرمبع مع إني واثق إن ما احد راح يوقف إلا القليل ادب مره دخل الوالد و قال وش الصالون اللي موقف عند الباب قلت ما أدري والله أول مره أشوفه بالحاره قال أجل إنزل نسمه كفر واحد بس :D |
و الله اني اقرا الموضوع و اضحك مع كل سطرين يخوي من جد يدبلون التسبد الي مثلهم و لا يكتبون حروف انجليزيه و معه ارقام و الكلمه تتهجا بالعربي سلآمات وينا حنا فيه قسم بالله الناس استخفو ذآك اليوم ضايف واحد من منتدى ثاني جاني يتكلم بالهطريقه قلت الله يالبلشه الحين ذا شلون افهم منه قالي ما تعرف كذا قلت لاو الله ما اعرف تدرون وش قال؟:d قال وععع حنييس:s2: ياني بغيت ادخل في شاشة اللابتوب و افقعه ببكس و ارجع:d |
بخصوص (قينان الغامدي) بسالك ليه يتهم اياد مدني بالظالم:to::d تدري سبحان الله اياد مدني (كنسل) قينان ... و قينان سافر برى مستحي من الربع وبعد ما طار اياد مدني رجع قينان يكتب.... لكن المضحك ان المفروض اياد مدني يبقي على (قينان ) لكن سبحان الله اختلفواواصبح اياد مدني بالنسبه لقينان انسان ظالم ومستبد و كاتم للحريه:d:d قينان هذا غبي لدرجة ما يتصورها عقل يكتب كتابات فيها من التحلل الكثير لكن اذا جاء في قناه معينه يستحي من الشي المذكور تحت اسمه وكأن ياعالم ياهو ترى مو أنا الكاتب ... الكاتب (طويل العمر):yes::yes: |
منورين جميعا كل اللي ردّوا في الموضوع قبل الردود... اناشد اخواني المشرفين ان يغيروا العنوان اذا كان فيه أي محذور شرعي حطّوا أي شي.. مافيه مشكله او حطّوا : مع تايد في الغسيل ... مفيييش مستحيييييييييل |
إقتباس:
وبعدين تعالي انتي :ranting: حرمه وش كبرتس... بالثانوي مدري بالجامعه... والى الحين تلبسين شباصه وتربطين فرس :s2: اللي مثلتس الحين مفروض يوزرها ( عباة ع الراس ) او ( طقم مجاول ) :s2: دوتس --> :rose: |
إقتباس:
منور ياباشا دوك --> :rose: |
,, فهد :smilie47: . ياخوك والله هالنوعيه الي يسمونهم عندنا الله لايبلانا الـ"كول" والله يافهد اشكال الله لايبتلينا :s5s: ؛ / يعني تلقاه يكلمك بين كل كلمه وكلمه ناط يحتسي انقلش :d:rose: . حتى لاجلس ع النت يستعمل اسلوب سخيف زي (3sl ya 7lo gonan ) يعني / عسل ياحلو جنان , مدري لآزم آتكلم بهآلطريقه عشآن آصير متحضر ولآجيته اقوله وشبك تتكلم كذا قال ياخي هاذي الموضه خلك كول وراك للحين تفكيرك خايس انتهى زمن الكلام العربي هاذا التطور :s5s: . الله يقطعه من تطور وش زين الكلام لاجا عربي تفهمه وتنفتح نفسك ليا شفته :s2: . // بآلنسبه للنوع آلي قدآم في كل شي , للأسف آني منهم :d:rose: . بس مو مثل آلي ذكرته بهآلبثآره لآ :d صدق آن آلدنيآ تسآهيل وآي وآحد يبي يروح مكآن ويبي خوي آنآ خوي له مآفي مشآكل دآم درآهمي فجيبي :s2: لآكن مو اني مالي شخصيه وزي ماينقال [ هطف ] , بس ما ارد من جاني يبيني اخاويه مادام ماورانا شي توكلنا على الله :d:smilie47: . // آمآ آلجيرآن :d وآلله يآجآرنا جمبنا شيين غآمدي يآلله عفوك بسس , آنآ مدري كل يوم طآلع بسيآره ومتزوج ثلآث وحآشرهم ببيت وآحد وعنده اكثر من 12 ولد وعنده 5 منهم كبار وكل واحد عنده سياره ياخوي بدال هالسيارات اشتر بيت لحريمك الله يخليك:s2: . وشكله من النوع ضعيف الشخصيه مره كان موقف قدام الباب ونازل معه حرمته المهم انا قلت جت الفرصه هو ابوهم وهو راعي العقل خلنا نتوكل على الله ونناديه , قلتله يا ابو احمد الله يعافيك ماهيب حاله لاجونا ضيوف والعيال اخوياي لاجوني وين يوقفون , نطت علي حرمته واكلتني بقشوري تقول " يعني شايف فيه مواقف قدام بيتنا وحنا ماحنا موقفين فيها ياخي وين الجار لجاره " وانا والله انخرست مدري وش اقول مهما كان حرمه الواحد يستحي :s2: . وبما ان الشايب يوقف موتره فالبايكه , عياله دايم قدام البيت بسياراتهم حتى السواق سار قوي عين يوقف بدون لايشاورك :s2: . والله الواحد تعاف نفسه البيت شجر وقصيناه كلام وكلمناهم , كفرات وماقصرو اخواني ماخلو ولاكفر صاحي :s2: بس وش تقول وش السواه , ننتظر عفوهم ومتى يخلونا بحالنا بس :d:rose: ؛ ) آلصخره موضوعك خلاني افضفض الله يجزاك بالخير دايم عطنا مثل كذا مواضيع :razz::rose: . تقبل مروري s9s ,, |
| الوقت المعتمد في المنتدى بتوقيت جرينتش +3.
الوقت الان » 04:35 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd