مواطنون يحاولون منع تصوير"طاش" داخل مسجد في سدوس - نادي الهلال السعودي - شبكة الزعيم

D.T U R K I · #1 01/07/2009, 02:48 PM

السلام عليكم ورحمة الله وبركاته

قبل شوي داخل أحد مواقع الأخبار " الصحف الإلكترونيه "

وقريت عنوان خبر شدني عن " طاش "

ما أطوّل عليكم أبسرد لكم الخبر , وأبيكم تقولون تعليقاتكم عليه

إقتباس

إقتباس


	حاول مجموعة من المواطنين اليوم منع طاقم عمل المسلسل "طاش ما طاش" من تصوير إحدى حلقات المسلسل داخل جامع المرقب في مركز سدوس التابع للدرعية ,حيث اعترض المواطنون مسؤولي العمل وقدموا لهم مناصحة بعدم جواز تصوير المسلسلات داخل المساجد وبإمكان طاقم العمل التصوير في أي موقع آخر ولكن المسؤولين أكدوا للمواطنين بأنهم حصلوا على موافقة رسمية بهذا الأمر. وواصل طاقم طاش ما طاش تصوير الحلقة داخل جامع سدوس رغم امتعاض وتذمر الأهالي. وكانت الحلقة التي جرى تصويرها اليوم تدور أحداثها حول علماء الدين ومن ضمن مشاهدها تسلل بعض الارهابيين لحلقات تحفيظ القرآن الكريم في المساجد. الجدير بالذكر أن طاقم عمل طاش ما طاش واجه خلال الأيام القليلة الماضية قضية أخرى مشابهه ,حيث رفع مواطن دعوى ضد منتجي العمل يتهمهم فيها بالعبث في منزله الأثري وترك الأتربة في الممرات المؤدية للمنازل المجاورة أثناء تصويرهم مشاهد لإحدى حلقات المسلسل.

الحين بالله منهو الي معطيهم إذن بإنهم يصورون بالمسجد ؟

يصورون بالمسجد عادي مافي مشكله , لكن وش رآح تكون نوع المشاهد الي يصورونها

والله لو أبحلف إن ماراح يكون فيه إحترام للمسجد , والمشاهد كلها إستهزاء
بالدين , وبالعلماء !
لهادرجه وصل فينا الجهل والسكوت عن هالأمور ؟
هذآ بيت من بيوت الله ماهو لعبه ياشباب
حسبي الله على من كان السبب

تعليقاتكم

محب الجنه الخرج · #2 01/07/2009, 03:03 PM

لاحووول وطاش ماطاش مازالت مستمرة بحركاتها

المشكلة رغم المشاكل ورغم اللي صار بالسنوات الماضية على بعض حلقاتهم اللي يستهزؤن فيها بالدين الا انهم مستمرين بحركاتهم

سبحان الله اذا رحت اليوتوب وقمت اتابع طاش ماطاش حقت قبل 3 سنوات واكثر ماتقدر تمسك نفسك من الضحك والحين نص حلقاتهم السماجة على اصولها

وانا متاكد من اللي عطاهم الاذن احد المسؤولين اللي ماهمه الا مصلحاته وياكثرهم هالايام تلقاهم بكل دائرة حكومية وبكل ديرة

Hilaly Madridi · #3 01/07/2009, 03:04 PM

الي موافق لهم تلقاه مثلهم

20 الكاسر ياسر 20 · #4 01/07/2009, 03:11 PM

مسلسل صار يعيدون ويزيدون فيه ،، وبصــراحه الاستهزاء بالدين وبالعلمـاء ماهي خفة دم ولاهي كوميديا ابـد ، والله يستر وش طبيعة المشاهد
اللي راح يصورونها داخل المسـجد ، شكرا لك تركي وحسبي الله ونعم الوكيـــل

9 بنت الزعيييييم 9 · #5 01/07/2009, 03:11 PM

اساسا المسؤول الي معطيهم التصريح

الله اعلم كيـــف صار مسؤول؟؟!!

حسبي الله ونعم الوكيل

قناص سدير 20 · #6 01/07/2009, 03:11 PM

ياشيـن اللي كذا والله .. يكبرون الأمور وهي صغيره !
يعني وش دخلكم ؟ .. جايين يصورون مب جايين يزعجونكم ..

بس اذا كانت الحلقه إستهزاء بالدين فـ هذا فعل حلو .. وأتمنى مايكون إستهزاء !
لأنهـا الحين صارت مـوضه لـ طاش للأسف !

كونتراتاك · #7 01/07/2009, 03:14 PM

طاش ماطاش والله مسلسل حلو

بس لو ما يتدخلون بالدين والعلماء يكون أفضل

بس غلطتهم يتلقفون في هالأمور ..

لو مايتلقفون ممكن يتابعونهم كل الناس كبير صغير شايب عجوز مطوع مو مطوع ..

abo_nasser · #8 01/07/2009, 03:19 PM

حصل خير حصل خير..

ما ادري وشفي الشعب..هو اول مره يصورون بمسجد..؟؟

ياما مشاهد لمسلسلات تصورت بمساجد ولا احد قال شيء..ابي اعرف ليه الحين بالبذات صارت مشكله..؟؟

نفسه المسلسل طاش ياما تصورت له مشاهد بالمسجد..وقفت الحين يعني..

تركي..

الله يجزاك خير..انا عارف ما نزلت الموضوع الا لغيرتك على دينك ..ولكن ردي
موجه للصحف الالكترونيه اللي فالة ابوها كل يوم اخبار انواع واشكال..

سلاااااااااااااااااااااااااااااااااااام

.,. SoOSoO .,. · #9 01/07/2009, 03:43 PM

إقتباس


	ياشيـن اللي كذا والله .. يكبرون الأمور وهي صغيره ! يعني وش دخلكم ؟ .. جايين يصورون مب جايين يزعجونكم ..

اذا كان البيع والشراء في المسجد حرااام كيف التصوير في المساجد ...!!
مكان عباده مو تصوير ..!!

يا انا اكره هالمسلسل وما ادري متى بيوقفونه ويفكوننا منه

D.T U R K I · #10 01/07/2009, 03:54 PM

إقتباس


	ما ادري وشفي الشعب..هو اول مره يصورون بمسجد..؟؟ ياما مشاهد لمسلسلات تصورت بمساجد ولا احد قال شيء..ابي اعرف ليه الحين بالبذات صارت مشكله..؟؟ نفسه المسلسل طاش ياما تصورت له مشاهد بالمسجد..وقفت الحين يعني..

لابس يخوي لو كانوآ يصورون شي ماله دخل بالدين ولا أي شي
هنا نقول عادي مافيه مشـآكل , بس انتم تعرفون ناصر وعبدالله
ماغير سب بالدين وبالمطاوعه وبرجال الهيئة حسبي الله عليهم

مشكورين على المرور

Mr.Scrub · #11 01/07/2009, 04:02 PM

كيف تحكمون أن الحلقه إستهزاء بالدين قبل لاتشوفون المشهـد ..!
,
على حسب علمي قبل ماتعرض أي حلقه , يعرضونها على جهه معينه
وهي اللي تحدد عرضهآ أو لا ,
مثل حقلة جمس الهيئه ..
مدري عاد للحين على خبري ولا لا ..

يعطيك العافيه أخوي تركي ..

فهدوش · #12 01/07/2009, 05:27 PM

الحين انتم ليش متضايقين ؟؟؟

عشانهم يجيبون الواقع ؟؟!! والحقيقة !!؟؟

فعلا طاش ماطاش قضاياه مبنية من ارض الواقع واللي يصير بس الناس سبحان الله امثال الاخ كاتب الموضوع مايعجبهم تطلع بلاوينا وتبقى مستورة

وبعدين من ناحية التصوير عادي مافيها اي شي يصورون في المسجد المقطع اللي راح يتصور لا فيه لا رقص ولا غناء؟! ولا حريم ؟! وش الحرام فيه ؟؟

بس ياحبكم لتكبير الشي فعلا ناس متاخرة !!!!

رون9الدو · #13 01/07/2009, 05:51 PM

والله ونا أخوك بما ان الحلقه كما قريت بيكون فيها ارهابيين يتسللون داخل المسجد فما اشووف فيها شي لأنهم بيتحدثون عن واقع ..

لكن امكن السكااان خافوا ان فيه ناس اجانب غير مسلمين مع الطاقم ويدخلون ينجسووون المسجد ...

لاأعلم ماحدث ... لكن هذا مجرد رأي

دمتم في رعاية الله

كلنا هلاليين · #14 01/07/2009, 05:56 PM

انا ما اشوف فيها شي ياخي هذا نقد ...

تشكراتي ...

البرنـــــــس كاكا · #15 01/07/2009, 06:15 PM

ياحليلهم بس طـاش

تصدقون إني مشتاق لفؤاد

***
ياخي طاش مسلسل مايعرف شيء إسمه تطبيل
يعني هو ينتقد أشياء موجودة في المجتمـع
ويناقش القضية بكل جرأة ويالبيـيه بس ياطاش

بالفهم والإستيعاب