|
مواطنون يحاولون منع تصوير"طاش" داخل مسجد في سدوس السلام عليكم ورحمة الله وبركاته قبل شوي داخل أحد مواقع الأخبار " الصحف الإلكترونيه " وقريت عنوان خبر شدني عن " طاش " :mad: ما أطوّل عليكم أبسرد لكم الخبر , وأبيكم تقولون تعليقاتكم عليه :mad: إقتباس:
الحين بالله منهو الي معطيهم إذن بإنهم يصورون بالمسجد ؟ يصورون بالمسجد عادي مافي مشكله , لكن وش رآح تكون نوع المشاهد الي يصورونها والله لو أبحلف إن ماراح يكون فيه إحترام للمسجد , والمشاهد كلها إستهزاء بالدين , وبالعلماء ! لهادرجه وصل فينا الجهل والسكوت عن هالأمور ؟ هذآ بيت من بيوت الله ماهو لعبه ياشباب حسبي الله على من كان السبب تعليقاتكم |
لاحووول وطاش ماطاش مازالت مستمرة بحركاتها المشكلة رغم المشاكل ورغم اللي صار بالسنوات الماضية على بعض حلقاتهم اللي يستهزؤن فيها بالدين الا انهم مستمرين بحركاتهم سبحان الله اذا رحت اليوتوب وقمت اتابع طاش ماطاش حقت قبل 3 سنوات واكثر ماتقدر تمسك نفسك من الضحك والحين نص حلقاتهم السماجة على اصولها وانا متاكد من اللي عطاهم الاذن احد المسؤولين اللي ماهمه الا مصلحاته وياكثرهم هالايام تلقاهم بكل دائرة حكومية وبكل ديرة |
الي موافق لهم تلقاه مثلهم |
مسلسل صار يعيدون ويزيدون فيه ،، وبصــراحه الاستهزاء بالدين وبالعلمـاء ماهي خفة دم ولاهي كوميديا ابـد ، والله يستر وش طبيعة المشاهد اللي راح يصورونها داخل المسـجد ، شكرا لك تركي وحسبي الله ونعم الوكيـــل |
اساسا المسؤول الي معطيهم التصريح الله اعلم كيـــف صار مسؤول؟؟!! حسبي الله ونعم الوكيل |
ياشيـن اللي كذا والله .. يكبرون الأمور وهي صغيره ! يعني وش دخلكم ؟ .. جايين يصورون مب جايين يزعجونكم .. بس اذا كانت الحلقه إستهزاء بالدين فـ هذا فعل حلو .. وأتمنى مايكون إستهزاء ! لأنهـا الحين صارت مـوضه لـ طاش للأسف ! |
طاش ماطاش والله مسلسل حلو بس لو ما يتدخلون بالدين والعلماء يكون أفضل بس غلطتهم يتلقفون في هالأمور .. لو مايتلقفون ممكن يتابعونهم كل الناس كبير صغير شايب عجوز مطوع مو مطوع .. |
حصل خير حصل خير..:s2: ما ادري وشفي الشعب..هو اول مره يصورون بمسجد..؟؟:to: ياما مشاهد لمسلسلات تصورت بمساجد ولا احد قال شيء..ابي اعرف ليه الحين بالبذات صارت مشكله..؟؟:to: نفسه المسلسل طاش ياما تصورت له مشاهد بالمسجد..وقفت الحين يعني..:d تركي..:smilie47: الله يجزاك خير..انا عارف ما نزلت الموضوع الا لغيرتك على دينك ..ولكن ردي موجه للصحف الالكترونيه اللي فالة ابوها كل يوم اخبار انواع واشكال..:s2: سلاااااااااااااااااااااااااااااااااااام |
إقتباس:
مكان عباده مو تصوير ..!! يا انا اكره هالمسلسل وما ادري متى بيوقفونه ويفكوننا منه |
إقتباس:
لابس يخوي لو كانوآ يصورون شي ماله دخل بالدين ولا أي شي هنا نقول عادي مافيه مشـآكل , بس انتم تعرفون ناصر وعبدالله ماغير سب بالدين وبالمطاوعه وبرجال الهيئة حسبي الله عليهم مشكورين على المرور |
كيف تحكمون أن الحلقه إستهزاء بالدين قبل لاتشوفون المشهـد ..! , على حسب علمي قبل ماتعرض أي حلقه , يعرضونها على جهه معينه وهي اللي تحدد عرضهآ أو لا , مثل حقلة جمس الهيئه .. مدري عاد للحين على خبري ولا لا .. يعطيك العافيه أخوي تركي .. |
الحين انتم ليش متضايقين ؟؟؟ عشانهم يجيبون الواقع ؟؟!! والحقيقة !!؟؟ فعلا طاش ماطاش قضاياه مبنية من ارض الواقع واللي يصير بس الناس سبحان الله امثال الاخ كاتب الموضوع مايعجبهم تطلع بلاوينا وتبقى مستورة :) وبعدين من ناحية التصوير عادي مافيها اي شي يصورون في المسجد المقطع اللي راح يتصور لا فيه لا رقص ولا غناء؟! ولا حريم ؟! وش الحرام فيه ؟؟ بس ياحبكم لتكبير الشي فعلا ناس متاخرة !!!! |
والله ونا أخوك بما ان الحلقه كما قريت بيكون فيها ارهابيين يتسللون داخل المسجد فما اشووف فيها شي لأنهم بيتحدثون عن واقع .. لكن امكن السكااان خافوا ان فيه ناس اجانب غير مسلمين مع الطاقم ويدخلون ينجسووون المسجد ... لاأعلم ماحدث ... لكن هذا مجرد رأي دمتم في رعاية الله |
انا ما اشوف فيها شي ياخي هذا نقد ... تشكراتي ... |
ياحليلهم بس طـاش:smilie47: :d تصدقون إني مشتاق لفؤاد :s5s::s2: *** ياخي طاش مسلسل مايعرف شيء إسمه تطبيل يعني هو ينتقد أشياء موجودة في المجتمـع ويناقش القضية بكل جرأة ويالبيـيه بس ياطاش :smilie47::wub: بالفهم والإستيعاب :rose: |
| الوقت المعتمد في المنتدى بتوقيت جرينتش +3.
الوقت الان » 07:05 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd