|
بعيدا عن الوطنية هل تتمني تأهل المنتخب السعودي الي جنوب افريقيا ابدا موضوعي بكلمة ارجو من الجميع الحياد والتكلم بعيدا عن الوطنية وخلينا نتكلم بكل صراحة وبدون مجمالات ارجوكم لا احد يجامل ويزود فى وطنية بلدة كل انسان يحب وطنة ولا يوجد احد يكرة بلدة الي تربي ونشأ فية الا اذا ولد في بلد اخر منتخب المملكة العربية السعودية تأمل في التأهل الي كأس العالم والناس والجميع يتمني ان يري منتخب بلدة في محفل عالمي ككأس العالم ولكن سبق وان تأهلنا 4 مرات نجحنا في مرة وتفشلنا في ثلاث بصراحة مستويات لم تكن في الطموح بقدر الامكانيات الي عندنا من فلوس ودوري ومحللين وقنوات ودعم من الحكومة ودعم من رجال الاعمال ودعم من الشعب السعودي كلة والان نحن نأمل في التأهل الي كأس العالم للمرة الخامسة سؤالي هل مستوي السعودية يستحق ان يكون في كأس العالم الاجابة لا ومليون لا ما الفائدة ان نذهب الي كاس العالم ونأكل اربعه وخمسة في كاس القارات الي كانت في الرياض هزمونا البرازيل 8-2 والله فشيلة بالله ما نقدر نتعادل مع البرازيل علي الاقل نقدم مستوي وننهزم بفارق هدف شفتو وش سوي جنوب افريقيا المنتخب المتواضع جدا والله عدمو البرازيل وكانو قاب قوسين او ادني من هزيمة البرازيل حتي امريكا المنتخب المتاصعد هل الان في الوقت الحالي لو شارك المنتخب في كأس القارات قادرة ان تقدم مستوي بصراحة ما اعتقد حنأكل ثمانية وسبعة. لا اريد المنتخب السعودي ان يتأهل لكأس العالم اذا كان المستوي كدة حتي في المباريات الودية منتخب مصريلعب مع الارجنتين والتشيلي عشان يحتكون واحنا نلعب مع عمان والبحرين وقطر وان مرة مرة لعبنا مع الصين بس لا اريد المنتخب يروح ويفشلنا لماذا المنتخب المصري لاعبية كلهم محترفين من الحارس الي الهجوم واحنا حسين عبدالغني وهاهو يقول تعبت من الغربة وابي ارجع واحمدالدوخي الي اصلا نادية ما يبة,,,,, مستوي المنتخب السعودي والله مايأهل ان يكون في كأس العالم اذا لعبنا مع البرازيل في كأس العالم وش بنسوي تخيلو ان نروح كأس العالم ويكون مجموعتنا البرازيل وتركيا ومثلا جنوب افريقيا قولو سلام ونقول يا ريت ما رحنا الصراحة مستوانا والله ما يأهل منتخب في ارضة وامام 70 الف ما هو قادر يفوز علي منتخب كوريا الشمالية وهو الي فاز عليك في ارضة تبون تروحون كأس العالـم....................... |
إيوه ياخي ابغى السعوديه تتاهل شرف للكل سعودي ارفع راسك انت هلالي سعودي سعود ي |
اكيد ابغا السعوديه تتاهل حتا لو خسرنا 8-0 |
اذا تبي بطولة كأس عالمـ بحجمـ اسمها أتمنى أن لا يتأهل من آسيا الا اليابان - استراليا فقط لانه هي اللي ممكن تسوي شيء حالياً ... لكن ان شاء الله يتأهل منتخب بلدي |
مافيه شي اسمه بعيدا عن الوطينيه خير وين عايشين |
انا لا اتمنى المنتخب السعودي يتاهل والاسباب ان السعودية فيها مواهب ولكن الادارة ممثلة بسلطان ونواف فاشلة ويؤثر هذا الفشل على اللاعبين والمنتخب واذا تاهلنا لكاس العالم الاعلام بيبدا في التطبيل ويخفي السلبيات ويبرز ايجابيات مهي موجودة لعل وعسى يكون اخفاق المنتخب في عدم التاهل خيرة وبداية لتصحيح الامور |
بصراحة المنتخب لايستاهل التاهل لكاس العالم بهاذا العب لكن ان شاءالله نتقدم شوي ونوصل للكاس العالم ع التوالي5 والمنتخب السعودي يقدر يوصل بكاس العالم |
اكيد نبغى نتاهل لكاس العالم للمونديل للمرة الخامسه على التوالي |
السلام عليكم ورحمة اللهـ وبركاتهـ السعودية تأهلت لكأس العالم أربع مرات بستثناء المرهـ الأولى ماذا قدمة نتائج ماتسعد أحد وممر سهل للمنتخبات الأخرى المنتخب فيهـ أخطاء لن تصلح الا إذا لم يتأهل المنتخب لأن فيهـ عقليات لابد من تغيرها وتجديد الدماء في المنتخب أتمنى إني أناظر منتخب بلدي في هذا المحفل الكبير بس يرفع الراس مهب يسود الوجهـ للأسف شكراً لكـ أخوي |
بـعيـداً عـن الوطنيـة !! يـعني اتـكلم وكـأني واحد من الخـليجين !! او عـربي !! الـوطنيـة هـذي فـي الـقلب حتـى لو مـآتمنـيـت ان منتـخبك يتـأهل اذا تـأهل بتـفرح !! هـذي هـي الوطنيـة !! وبـأذن الله يتـأهل المنتـخب لـو يـخسر بـ 50 -0 ! على الأقل حنـآ نتـأهل وغـيرنا يتـفرجون !! |
خسرنا من البرازيل بالثمانية بالمكسيك بالقارات بالرياض فزنا على امريكا ثلاثة صفر ووصلنا النهائي وخسرنا ثلاثه واحد ولعب حلو صحح معلوماتك نعم اتمنى ان يتاهل الاخضر بشرط ما يغيرون المدرب الى مابعد كاس العالم وبتشوف النتايج ابدري ليه اقالوا كالديرون بعد تصفيات 2006 وهو ما انهزم بالتصفيات ولا مباراة وتعادل مرة وحدة فاز على كوريا رايح جاي واقالوه على شان انه انهزم من العراق خمسة ببطولة غبية مثل غباء ابو الخطط المدروسة يعني لو كالديرون هو اللي درب بكاس العالم 2006 اكيد النتايج بتصير احسن بس ما نقدر نقول الا الله يعيننا على الخطط المدروسة |
ان شاء الله مانتأهل لكأس العالم سلطان بن فهد و اسير الشوك كفو كأس عالم طايحين ظلم في الهلال وياخذون مدربينه ولاعبينه وطرد كوزمين واخر شي تبيني اشجعه على فكره مو بس الوطنيه انك تشجع المنتخب بس فيه اشياء ثانيه تثبت الوطنيه وين وطنية فيصل بن فهد رحمه الله يوم الهلال يلعب مع الفريق الياباني نهائي اسيا عام 1991 م يوم اخذ 10 لاعبين من الهلال ووالهلال انسحب من البطوله وين الوطنيه انت وياااه إذا اهو ولد الملك سوا كذا وولده اسر الشوقك يوم اخذ لاعبين الهلال وباكيتا في مبارة الهلال وماشال في البطولة الاسيويه |
نعم ان شاء الله نتأهل حتى لو ناكلها بالثمانيات والخمسات اهم شي نتأهل للمره الخامسه ع التوالي |
يارب ما يأهل هذا الي اشوفه المنتخب مايستحق انه يتأهل خلو البحرين تروح بس والله مسكينه ممكن تسوي شي في كاس العالم من ناحيتنا ممكن انا بنروح بس بنجر ورنا فضيحه اكبر نتيجه الي يومكم هذا في كاس العالم السعوديه والمانيا 0-8 والله اني ما ازل عليكم بكلمه انا مره رحت الكواي ابي اكوي ملابسي طيب الا الهندي يقولي انتو الي انهزمتو من المانا 8-0 وربي عاد استحيت ما عرفت وش ارد حتى الهنود صارو يعرفون انتيجه المخيبه بس الله يستر من الي جاي اذا كوريا الشماليه ما قدرنا ونا تلعب بدون نفس انتو شفتو مصر تلعب والله دفاع على الشعار مصر ما عندنا الدلع الزايد...... |
لا نستحق التـآهل .. مستوى سيء ولآ آعتقد آننـآ سـ نخسر بـ الـ 8 .. لآن المنتخبـآت المنـآفسه رآح تريح لآعبينهـآ آمـآمـ منتخبنـآ المتوآضع / بعيدآ عن الوطنيه ؟؟؟ |
يا رجال الا خل ذا الخوال ينثبرون في الرياض ... :s2: ويشهبون من ذا الحر و على شحم ...s121s بلا كأس عالم بلا هم .. بالله هذي أشكال كأس عالم .. |
اتمناء نتاهل مو عشان المنتخب لكن سمعت ان المنتخب الا يتاهل راح ينقلون جميع مباريات كاس العالم على قناتهم هديه من الفيفا |
اكيـــــــــــــــــد نبغا المنتخب يتأهــــــل |
أكيد نتمنى نتــأهل لأن أعتقد كارثه إدا ما تأهلنــا إنت الحين تمشي قدام ولا ريوس أكيــد قدام التوفيق بيد الله وإلي يكتب فيه الخير أهم شي لاعبينا الدوليين في المعسكر معــانا وخلاص تحياتي / إحساس عشق للزعيم |
بالوطنــــيـــــه والا بدون وطنيـــه ابغا المنتخب يتاهل |
بالتاكيد لا اتمنى للمنتخب التاهل :ranting: وينهم لما اقالوا كوزمين:mad: ولا خايفين خلونا صريحين في الكلام واذا تاهل تاهل المنتخب الله لايوفقه ولا نسيتوا سلطان بن فهد مع السعوديه الرياضيه وع دراج |
.. ـأكييييييييييييييد بلأإ شـــــــــــــكـ |
لو قسناها ع المستوى والمجاملات للناصر الحوهر :mad: هي الي ضيعتنا واكيد اتمنى نوصل 2010 |
لا ان شاء الله مانتأهل نروح ننفضح ونرجع ليه خلهم يستترون ببلدهم احسلهم وخل سلطان بن فهد يشوف نتيجه افعاله بالهلال وماراح اتمنى ان المنتخب يتأهل إلا في حاله وحده ان يكون كلام القرار المميز صحيح |
انا لا اتمنى المنتخب السعودي يتاهل والاسباب 1. جنوب افريقيا مافي امان واكيد سمعنا عن سرقات منتخبالبرازيل |
الموضوع يحتمل أمرين أتمنى لأجل عين كل سعودي .. ولبسمة وجهـ أبو متعب حبيب قلبي وأبوي الغالي .. وماأتمنى لأجل أدلخ رجل رياضي سعودي عرفه التـآريخ وخويهـ ... وشكرآ .. وأتوقع كل ألأعضاء مثلي |
لا أعتقد هناك مجال للتصويت على الموضوع |
لا اتمنى له التاهل مطلقا ... والسبب مافيه مستوى .. منتخب هزيل من جميع النواحي .. ما فيه ولا لاعب يعجبك لعبه *** اعجب من اللي يتمنى التاهل لو نخسر خمسين ... اكيد مراهق عمره 15 سنه وشف من اليوم ورايح انسى انك تقدم مستوى في ظل وجود دوري احترافي واقول لسطان بن فهد ونائبه خلوا عنكم الاحتراف وخلو الموظف والطالب والعسكري والسباك والميكانيكي يلعب من غير ربطه ومن غير ان يخسر وظيفته او مهنته .. وحتى لو الاحتراف افضل ماديا ... خلوا العالم يتاح لهم اللعب في الاندية دون تقييد او شروط ,, خلاص اصبح اللعب مصدر دخل على شرط انك تحترف وتوقع عقد .... ياخي احنا مجتمع سعودي ناس اجتماعيين ولنا روابطنا وعادتنا ولنا التزاماتنا .. على كذا صاحب الموهبة لما يفكر في ربطة الاحتراف رايح يلغي فكرة تسجيله في اي نادي .. يشوف له حاره وانتهى الامر الاحتراف عندنا عبارة عن تمارين حديد وركض على الميدان حتى لو 100 مرة بس مستوى وموهبه مافيه .. كله علشان مصدر دخل يعني بصراحه من يوم جانا دوري المحترفين والمنتخب من سيء الى اسوء الاحتراف دفن المواهب والابداع خلونا مثل زمن اول واراهن ان يطلع لنا مثل يوسف الثنيان والغشيان الغوه الاحتراف .. وخلونا نلعب زي اول تحت مسمى محترف وعلى فكرة الملايين اللي تدفع للعيبة المنتقلين او بمعنى اصح اللي تشري عقودهم الاندية يمكن تغضب الله .. ليش احنا دولة مسلمة نقلد دول اوربية اللي تتعاقد بالملايين مع اللعيبة وكلها ربا .. ماعندنا فقرا يا اخي يخلون اللاعب اللي يسجل في النادي يسجل بدون راتب .. على مكافاة فوز فقط .. الشغلة لعب وفن وهواية مش راتب ودخل مادي يااخي على اعتبار ان اللاعب يلعب في ملعب حارة بدون رواتب .. صدقني ان تشوف انصاف اللعيبة اللي في المنتخب وغيره ما يقربون الملاعب نهائيا لانهم يلعبون لاجل المادة فقط .. واراهنك ان يطلع لك من الطلبه او الموظفين او العسكريين لعيبه يلعبون زي زيدان .. لكن خوفهم من ربطة الاحتراف وشروطه خلتهم يعزفون عن التسجيل في الاندية .. وصدقني ما يبون رواتب او عقود بالملايين .. |
السلام عليكم ورحمة الله .. أولا : أهنيك أخي كاتب الموضوع عالوطنية الي فيك .. لأنك لو ماتحب الوطن ماتقول هالكلام .. ثاميا ً : أعتقد إني شخصياً أتمنى تأهل المنتخب لإن منتخبنا ماهو بالسوء الي تتلكم عنه وفي كم موضوع قلت إن منتخبنا مشكلته في إدارته وليس في لعيبته لاعبينا على مستوى عالي ومهاراتهم ممتازة ولكن الإدارة غير محترفة .. |
:ranting:صراحه كلكم فاشلين وماتعرفون شي اذا خسرت شي طبيعي الدول العربيه الى الحين في نص الطريق بس اوروبا وامريكا الجنوبيه من مليون سنه وهم يلعبون كوره الله يوفق الاخضر والدول العربيه والاخ الي تكلم عن الامراء عيب عليك استح على وجهك |
لا اتمنى التأهل .... والوطنية ليست في الكورة 8 المانيا و4 اوكرانيا و4 فرنسا لو نقابل الارجنتين ناكلها 12 مع الرأفه ... |
اكييييييييييييييييييد ما ابغاها تتاهل |
لا اتمنى التأهل لأن مستوى المنتخب مهزوز وثمانية ألمانيا قابلة للإعادة في حال تأهلنا |
اتمنى من ان المنتخب يتاهل ولو خسرنا بـــ 1000000 <<<< ما تحسون اني بالغت والوطنيه وووو السعوودية الى كأس العــالم 2010 ان شاء اللله |
الصراحة مانبغا نتأهل بهذا المستوى معسكرات وتعب وبالاخير 8-0 و4-0 اذا كان المنتخب يبي يتأهل اتمنى انهم يتأهلون رافعين الراس زي ما سوو مصر والعراق بكأس القارات |
اتمنى وبقوه وطني والله ومقدر اقول غير كذاا |
بصراحة المنتخب لايستاهل التاهل لكاس العالم |
إيوه ياخي ابغى السعوديه تتاهل شرف للكل سعودي <!-- / message -->ارفع راسك انت هلالي سعودي سعود ي |
والله انا اشوف بوطنية والا بدون ودي تتاهل السعودية بس بشروط عدة منها 1)اذا لعبوا قدام منتخب قوي يلعبون بتحفظ نفس العراق قدام الماتدور الاسباني مونلعب اي لعب وترجع الثمانية و الفضايح:to::to::to::s5s: 2)................الخ 3)...........................الخ 4)................الخ والا اقووووووووووووووول:naughty::naughty: ما نتأهل احسن :s4s::s3s: الدنيا على خطر سقوط الطائرات وخطفها والانفلونزا و.......و...........:cry::laugh: نقعد بديرتنا اصرفففففف:razz::razz: |
لا نستحق التأهل لكأس العالم لأنه لا توجد رووح لدى اللاعبين أبداَ لاتوجد غيرة على الدفاع عن ألوان المنتخب لاعبين بدون مستويات |
لا ماأبغى نتــــــــــــــــــــــــأهل مع هذي الرئاسه الجميله:to::to::to: |
بالعكس حبيب قلبي , ليش بعيداً عن الوطنية الوطنية تحتم علَي أقولك إن شاء الله منتخب سلطان ما يتأهل :to: وإن شاء الله الكرة السعودية من جرف لدحديرة , وهي أساساً حالياً كذلك . بفضل سلطان والخطط المدروسة . أتمنى عدم تأهل المنتخب وتقديم سلطان بن فهد إستقالته , ولا يهون راعي الوسادة لأنهم هم دمآآآآآآآآر الرياضة السعودية . لا يوجد فكر , لايوجد خطط , منتخب طقها والحقها . وإذا سلطان ما كان عنده دم وقدَم إستقالته , كل الشعب وخصوصاً الشعب الرياضي السعودي يدعي عليه ليل ونهار , وإن شاء الله ربي يقيله من عنده . وأتمنى ما أحد يزعل من كلامي , سواء من مشرفين أو أعضاء , لأنه إذا جينا للواقع هذا هو الكلام السليم . وكفآآآآآآآآآآآآآآآآآآآآآآآآآآآآآآية تطبيل . ما دهورنا الا سلطان الخير واسير الشوك . يا عآآآلم يا هوووووووه الشعب واعي وفاهم ويعرف الصح والخطاء , يعني اللي خلق سرطان ما خلق غيره ..!! يعطيك العافية حبيبي على المووضووع . |
والله مدري من وين جبت هذي بعيدن عن الوطنيه والله شكلك بنقالي |
نعم اتمنى ان يتاهل المنتخب لنرى الاربعات والثمانيات من جديد ..:) |
إقتباس:
ياسلام عليك دام هذا مستوي المنتخب وهذه عقليات الاتحاد السعودي فأعتقد صعبه التأهل |
إقتباس:
وشكلك قريت العنوان فقط هذا من ابناء الوطن!!!! |
. مستوى سيء لآعبين أندية إدارة نايمة و جهاز فني و إداري متخلف يعني البقاء هنا أفضل .. لأني أخشى أن تتكر سالفة الـ 8 و ناكل هزيمة أوقوى منها و نصير على لسان العالم كله .. و بعدين متى ما ظل سرطان الرياضة موجود لا يمكن نشارك في المونديال و نشرف .. . |
أرجوا من الله العلي العظيــم تأهل المنتخب السعودي لكي يروا فقـــــط نايــــف هزازي. فقـط لا غيــــــــــــر . |
والله يرجعون لعيبتنا سالمين بس ويفكونا من التأهل اللي ما راح يجي منه الا اصابات وبس وحده يتاهل بس لكن يقدم افضل انس خلو حيلنا بيننا اقصد منتخبات اسيا ويالله بعد |
مانبي نتاهل بالخطط المدروسه |
اذا بيقدم مستوى زين اتمنى انه يروح اما اذا 2002 او 2006 فاتمنى انه ما يتأهل |
إقتباس:
وانا مع اخوي : قلبي ازرق9 ( والله كلام سليم ) |
الوطنيه اساس المنتخب.. ابي اعرف وش قاعدين تخربطون الله يهديكم الحين تقول مانبغى نتأهل وناكلها بالاربع والثمانيه طيب هذاك متفشل وماجتك الفشيله الا من الوطنيه اللي فيك ياعمي طيير اعرف فككر وبعدين نزل مواضيع مافي شي اسمه بعيد عن الوطنيه اذا تقدر تتكلم عن المنتخب خارج وطنيتك فـ اسمحلي انا مااقدر وموضوعك اقدر اقول عنه سيء..فكركم فكر انديه فقط مااقدر افيدك الا بشي واحد ذكروه اخواني الاعضاء عن ادارة المنتخب السيئه وتصرفاتها لا ازيد على كلامهم شي |
اكيد نبغى نتاهلـــــــــــــــــــــــــــــــــــــــــــــ |
اعوذبالله وفال الله ولافالك تخيل يتأهل منتخب سلطان .. لالالا |
انا ودي المنتخب يتاهل حتى لو ننهزم مليون صفر وانشالله التوفيق للمنتخب السعووووووووووودي اووه اووووه اوه ياسعووووودي |
بإذن الواحد الاحد المــنتخب السعودي إلى نهائــيات كأس العالم في جنوب افريقيا ... بإذن الله .. |
إقتباس:
أوووووه يا سعودي؟؟؟؟؟؟ ايه والله آآآآآآآه يا سعودي ضاعت علومـــــك. |
بكل تأكيد بكل تأكيد بكل تأكيد بكل تأكيد |
ايه ياليت تتاهل كاس العالم ومشكور على الموضوع |
| الوقت المعتمد في المنتدى بتوقيت جرينتش +3.
الوقت الان » 04:44 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd