|
بعيدا عن الوطنية هل تتمني تأهل المنتخب السعودي الي جنوب افريقيا ابدا موضوعي بكلمة ارجو من الجميع الحياد والتكلم بعيدا عن الوطنية وخلينا نتكلم بكل صراحة وبدون مجمالات ارجوكم لا احد يجامل ويزود فى وطنية بلدة كل انسان يحب وطنة ولا يوجد احد يكرة بلدة الي تربي ونشأ فية الا اذا ولد في بلد اخر منتخب المملكة العربية السعودية تأمل في التأهل الي كأس العالم والناس والجميع يتمني ان يري منتخب بلدة في محفل عالمي ككأس العالم ولكن سبق وان تأهلنا 4 مرات نجحنا في مرة وتفشلنا في ثلاث بصراحة مستويات لم تكن في الطموح بقدر الامكانيات الي عندنا من فلوس ودوري ومحللين وقنوات ودعم من الحكومة ودعم من رجال الاعمال ودعم من الشعب السعودي كلة والان نحن نأمل في التأهل الي كأس العالم للمرة الخامسة سؤالي هل مستوي السعودية يستحق ان يكون في كأس العالم الاجابة لا ومليون لا ما الفائدة ان نذهب الي كاس العالم ونأكل اربعه وخمسة في كاس القارات الي كانت في الرياض هزمونا البرازيل 8-2 والله فشيلة بالله ما نقدر نتعادل مع البرازيل علي الاقل نقدم مستوي وننهزم بفارق هدف شفتو وش سوي جنوب افريقيا المنتخب المتواضع جدا والله عدمو البرازيل وكانو قاب قوسين او ادني من هزيمة البرازيل حتي امريكا المنتخب المتاصعد هل الان في الوقت الحالي لو شارك المنتخب في كأس القارات قادرة ان تقدم مستوي بصراحة ما اعتقد حنأكل ثمانية وسبعة. لا اريد المنتخب السعودي ان يتأهل لكأس العالم اذا كان المستوي كدة حتي في المباريات الودية منتخب مصريلعب مع الارجنتين والتشيلي عشان يحتكون واحنا نلعب مع عمان والبحرين وقطر وان مرة مرة لعبنا مع الصين بس لا اريد المنتخب يروح ويفشلنا لماذا المنتخب المصري لاعبية كلهم محترفين من الحارس الي الهجوم واحنا حسين عبدالغني وهاهو يقول تعبت من الغربة وابي ارجع واحمدالدوخي الي اصلا نادية ما يبة,,,,, مستوي المنتخب السعودي والله مايأهل ان يكون في كأس العالم اذا لعبنا مع البرازيل في كأس العالم وش بنسوي تخيلو ان نروح كأس العالم ويكون مجموعتنا البرازيل وتركيا ومثلا جنوب افريقيا قولو سلام ونقول يا ريت ما رحنا الصراحة مستوانا والله ما يأهل منتخب في ارضة وامام 70 الف ما هو قادر يفوز علي منتخب كوريا الشمالية وهو الي فاز عليك في ارضة تبون تروحون كأس العالـم....................... |
إيوه ياخي ابغى السعوديه تتاهل شرف للكل سعودي ارفع راسك انت هلالي سعودي سعود ي |
اكيد ابغا السعوديه تتاهل حتا لو خسرنا 8-0 |
اذا تبي بطولة كأس عالمـ بحجمـ اسمها أتمنى أن لا يتأهل من آسيا الا اليابان - استراليا فقط لانه هي اللي ممكن تسوي شيء حالياً ... لكن ان شاء الله يتأهل منتخب بلدي |
مافيه شي اسمه بعيدا عن الوطينيه خير وين عايشين |
انا لا اتمنى المنتخب السعودي يتاهل والاسباب ان السعودية فيها مواهب ولكن الادارة ممثلة بسلطان ونواف فاشلة ويؤثر هذا الفشل على اللاعبين والمنتخب واذا تاهلنا لكاس العالم الاعلام بيبدا في التطبيل ويخفي السلبيات ويبرز ايجابيات مهي موجودة لعل وعسى يكون اخفاق المنتخب في عدم التاهل خيرة وبداية لتصحيح الامور |
بصراحة المنتخب لايستاهل التاهل لكاس العالم بهاذا العب لكن ان شاءالله نتقدم شوي ونوصل للكاس العالم ع التوالي5 والمنتخب السعودي يقدر يوصل بكاس العالم |
اكيد نبغى نتاهل لكاس العالم للمونديل للمرة الخامسه على التوالي |
السلام عليكم ورحمة اللهـ وبركاتهـ السعودية تأهلت لكأس العالم أربع مرات بستثناء المرهـ الأولى ماذا قدمة نتائج ماتسعد أحد وممر سهل للمنتخبات الأخرى المنتخب فيهـ أخطاء لن تصلح الا إذا لم يتأهل المنتخب لأن فيهـ عقليات لابد من تغيرها وتجديد الدماء في المنتخب أتمنى إني أناظر منتخب بلدي في هذا المحفل الكبير بس يرفع الراس مهب يسود الوجهـ للأسف شكراً لكـ أخوي |
بـعيـداً عـن الوطنيـة !! يـعني اتـكلم وكـأني واحد من الخـليجين !! او عـربي !! الـوطنيـة هـذي فـي الـقلب حتـى لو مـآتمنـيـت ان منتـخبك يتـأهل اذا تـأهل بتـفرح !! هـذي هـي الوطنيـة !! وبـأذن الله يتـأهل المنتـخب لـو يـخسر بـ 50 -0 ! على الأقل حنـآ نتـأهل وغـيرنا يتـفرجون !! |
خسرنا من البرازيل بالثمانية بالمكسيك بالقارات بالرياض فزنا على امريكا ثلاثة صفر ووصلنا النهائي وخسرنا ثلاثه واحد ولعب حلو صحح معلوماتك نعم اتمنى ان يتاهل الاخضر بشرط ما يغيرون المدرب الى مابعد كاس العالم وبتشوف النتايج ابدري ليه اقالوا كالديرون بعد تصفيات 2006 وهو ما انهزم بالتصفيات ولا مباراة وتعادل مرة وحدة فاز على كوريا رايح جاي واقالوه على شان انه انهزم من العراق خمسة ببطولة غبية مثل غباء ابو الخطط المدروسة يعني لو كالديرون هو اللي درب بكاس العالم 2006 اكيد النتايج بتصير احسن بس ما نقدر نقول الا الله يعيننا على الخطط المدروسة |
ان شاء الله مانتأهل لكأس العالم سلطان بن فهد و اسير الشوك كفو كأس عالم طايحين ظلم في الهلال وياخذون مدربينه ولاعبينه وطرد كوزمين واخر شي تبيني اشجعه على فكره مو بس الوطنيه انك تشجع المنتخب بس فيه اشياء ثانيه تثبت الوطنيه وين وطنية فيصل بن فهد رحمه الله يوم الهلال يلعب مع الفريق الياباني نهائي اسيا عام 1991 م يوم اخذ 10 لاعبين من الهلال ووالهلال انسحب من البطوله وين الوطنيه انت وياااه إذا اهو ولد الملك سوا كذا وولده اسر الشوقك يوم اخذ لاعبين الهلال وباكيتا في مبارة الهلال وماشال في البطولة الاسيويه |
نعم ان شاء الله نتأهل حتى لو ناكلها بالثمانيات والخمسات اهم شي نتأهل للمره الخامسه ع التوالي |
يارب ما يأهل هذا الي اشوفه المنتخب مايستحق انه يتأهل خلو البحرين تروح بس والله مسكينه ممكن تسوي شي في كاس العالم من ناحيتنا ممكن انا بنروح بس بنجر ورنا فضيحه اكبر نتيجه الي يومكم هذا في كاس العالم السعوديه والمانيا 0-8 والله اني ما ازل عليكم بكلمه انا مره رحت الكواي ابي اكوي ملابسي طيب الا الهندي يقولي انتو الي انهزمتو من المانا 8-0 وربي عاد استحيت ما عرفت وش ارد حتى الهنود صارو يعرفون انتيجه المخيبه بس الله يستر من الي جاي اذا كوريا الشماليه ما قدرنا ونا تلعب بدون نفس انتو شفتو مصر تلعب والله دفاع على الشعار مصر ما عندنا الدلع الزايد...... |
لا نستحق التـآهل .. مستوى سيء ولآ آعتقد آننـآ سـ نخسر بـ الـ 8 .. لآن المنتخبـآت المنـآفسه رآح تريح لآعبينهـآ آمـآمـ منتخبنـآ المتوآضع / بعيدآ عن الوطنيه ؟؟؟ |
| الوقت المعتمد في المنتدى بتوقيت جرينتش +3.
الوقت الان » 04:26 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd