إقتباس الرسالة الأصلية كتبت بواسطة هلاليه بجنـــون ياكرهيلي للجن ماحب اذكر اسمهم بس اختصر واقول جيم لاني اخاف اقول اسمه يجي ينط عندي مره في بيتنا القديم والحمدالله ان انتقلنا منه مره بالليل كنت طفشانه والساعه حوالي وحده بالليل وكانو اهلي كلهم نايمين حتى اخواني بس انا الا صاحيه قلت خلني اروح اتفرج الدش وانا بالعاده خوافه رحت جبت مع اختي الصغيره وكانت نايمه قمت شلتها وحطيتها على الكنب عشان المهم وانا اتفرج الا اسمع صوت صراخ رجال ثم وحرمه ثم وولد انا خلاص انهبلت طار عقلي رحت طفيت التلفزيون ورحت لغرفتي على طول وبالفراش يوم انا على السرير تذكرت ان اختي بغرفه التلفزيون هناك وش اسوي اخاف اروح و هو هناك المهم على طول رحت وجبت اختي ومن عقبها من الساعه 11 كل يوم لازم انام بالوقت هذا قبل لاتعدي الساعه وحده وقلت لاخواني والمساكين حافو و صارو ينامون ابكر مني من الساعه 9 وهم بفراشهم اصلا يتنا كان مسكون وكذالك بيت عمي كنت اكره الحي بكبره والمشكله ابوي يحن ومشتاق للحي ووده ان نرجعله وانا رافضه الفكره مستحيل نرجعله لدرجه ان مره جلست اصيح عنده اقول ان هناك فيه جنون مو مصدقني احس كبار السن مايصدقون ان فيه جنون حتى مره قلت لجدي وجدتي عن الصراخ الي سمعته قامو يضحكون علي يقولون ان مافيه جنوني وانتي تتوهمين الجنونمدري هم يبون يطمئونني او مايبون اخاف زياده

الله هذا الحي اكيد بيجوز لي

اما صوت صراخ رجال و حرمه و ولد لو اني مكانك كان قلتلهم و لعنه

<<قايلكم الانسان ذا بايعها

الا وش اسم الحي؟؟

الاخوه ‏ثدقاوي هلالي, ‏محمد بوخالد, ‏ahmmed2050

ليه ما تردون على الموضوع نبي تفاعل علشان اجيب لكم قصص هع

يمه ياااويل حالي
اخاف منهم بشكل فضيع بسم الله الرحمن الرحيم
الحمد الله ماقد صار لي شي
وبصراحه موضوع حلووو بس يخوووف

إقتباس الرسالة الأصلية كتبت بواسطة أحلا هلاليه يمه ياااويل حالي اخاف منهم بشكل فضيع بسم الله الرحمن الرحيم الحمد الله ماقد صار لي شي وبصراحه موضوع حلووو بس يخوووف

بالعكس و الله اجد متعه بالتحدث عن هذي الاشياء<<ممسوس بجني مدرس لغه عربيه

والله قصصكم حلوة

اما انا فالجن يخاف مني
ولآ مرة صارتلي قصة مع الجن لآكن اتمنى تصيرلي قصص مو قصة

جآر اتنظار قصصكم الشيقة والبايخه <<<احمد ربكـ انهـ ماقد صآرلكـ شيء

والله هذي قصها قالها خال ابوي اليوم واحنا عنده

فـ ما ادري صدقها من كذبها

الزبده ان خال ابوي { بختصرها بقول خالي } عنده مزرعه في الحاير

بين جبلين وقبلها مقبره وقدام هالمقبره بيوت مهجوره

فـ خالي اول ماشراء المزرعه جاب عامل

ومابعد سوا له غرفه

فـ قاله روح نام في احد هالبيوت على ماتخلص غرفتك قال العامل طيب

اول ليله عدت على خير وثاني ليله بعد عدت على خير

الليله الثالثه نام وصحى الصبح ولقى نفسه بالشارع

وعلى هالحال لـ مدت خمس ايام تقريباً

وفي اليوم السادس صحى وهو بالمقبره في اخر الليل عاد

العامل يقولون استخف وسفروه

إقتباس و انا ادور بين الحاضرين و لمحت اخي القامط في آخر الحشود فنقزت عليه نقزتن لم ينقزها عنتر بن شداد و فقعت وجهه ببكس لكنه فقعني ببكسين بعدها انهل عليه الضرب من قبل عمي الا ان اكل تبناً

هههههههههههههههههههههههه

إقتباس ياكرهيلي للجن ماحب اذكر اسمهم بس اختصر واقول جيم لاني اخاف اقول اسمه يجي ينط عندي

طيب لية اسمك هلالي بجنون

انا مريت امس عالموضوع وكنت ابي ارد ولكن حصلي شي خلاني مارد ادعولي ان موضوعي ينتهي

ردي على الموضوع
كنا ساكنين اول ببيت بحي ((الشفا بالرياض))
تقول امي اني كنت صغير
تقول اني كنا تحت انا ويامي وابوي الله ((يعافيهم ويخليهم لي ويعطيهم طول العمر ))
المهم اني نمت قامت امي وشالتني وراحت فوق حطتني بالغرفه تقول
انها نزلت تحت وقعدت مع الوالد ويسمعون اثنينهم صراخي وصياحي
ويقول ابوي لامي شوفي مشعل وش فيه
وترقا الوالده وتناظرني ولا انا على حطتي
وانهبلت
لاني انا اذا صحت ولا صارخت اقوم من فراشي وانزل لهم مستحيل اقعد واخاف اذا كنت لحالي
تقول شالتني وقرت علي

نريد المشاركة من الجميـــــــــــــــــــــــع

إقتباس الرسالة الأصلية كتبت بواسطة مشعل911 انا مريت امس عالموضوع وكنت ابي ارد ولكن حصلي شي خلاني مارد ادعولي ان موضوعي ينتهي ردي على الموضوع كنا ساكنين اول ببيت بحي ((الشفا بالرياض)) تقول امي اني كنت صغير تقول اني كنا تحت انا ويامي وابوي الله ((يعافيهم ويخليهم لي ويعطيهم طول العمر )) المهم اني نمت قامت امي وشالتني وراحت فوق حطتني بالغرفه تقول انها نزلت تحت وقعدت مع الوالد ويسمعون اثنينهم صراخي وصياحي ويقول ابي لامي شوفي مشعل وش فيه وترقا الوالده وتناظرني ولا انا على حطتي وانهبلت لاني انا اذا صحت ولا صارخت اقوم من فراشي وانزل لهم مستحيل اقعد واخاف اذا كنت لحالي تقول شالتني وقرت علي نريد المشاركة من الجميـــــــــــــــــــــــع

قصه الاول من نوعها بالنسبه لي اول مره اسمعها

لكن الي يشاهدون الموضوع حطو رد اي شي اكتبو موب شرط يكون قصه

وييييييين الناس..؟
معقوله 400 الف عضو ماصارلهم او سمعوا قصص الا احنا
خخخخخخ

إقتباس الرسالة الأصلية كتبت بواسطة مشعل911 وييييييين الناس..؟ معقوله 400 الف عضو ماصارلهم او سمعوا قصص الا احنا خخخخخخ

400 الف عضو الناشط منهم تقريبا تقول 150 الف اغلبهم في الجمهور الهلالي و الاقسام الي ترافقه

و الباقين في الالعاب الالكترونيه

و فيه اعضاء اتوقع انهم يخافون من الجن يا ناس ما يخوفون و الله حبايب

إقتباس و فيه اعضاء اتوقع انهم يخافون من الجن يا ناس ما يخوفون و الله حبايب

انا اشهد انهم حبايب

والله ما عندي ولا صار لي مواقف

بسم الله الرحمن الرحيم

ايه صح تذكرت اني قريت قصه طويله شوي عن الجن << اذا تبونها نزلتها بس طويله

السلام عليكم

اخواني عجبت لما سمعت فقررت ان اطرحه هنا بيننا للنقاش من باب المنطق والدين

لابد وانكم سمعتم عن احد اهرامات الشعر في الساحه السعودية الجدد الشاعر (ماجد الزيد الخالدي)


الذي بصدد اصدار قصيدته الدامغة التي تسمى الكونية وتتألف من (10) الاف بيت يحكي بها قصة الزمان منذ خلق آدم وحتى قيام الساعه مرتبطة بالاحداث الدينيه مستوحاه من القرآن الكريم والسنه المطهره وقيل ان شركة قرطبة قد وقعت مع الشاعر عقد لاحتكار العمل حسب ما نشر بالشبكة العنكبوتيه

المهم هذا الشاعر المجنون في شعره حسب ما سمعت وفهم البعض من قصائده بأنه يعشق جنيه تطارده في مناماته بأجمل صورة نسائية وتسمى ( شما ) فقال في وصفها هذه القصيدة

http://www.alsh3r.com/files/mAjd_Alzyd/(19).ram

قيل انها ماتت فرأها في منامه غارقة في دمها فحزن لفراقها ورد على معلقة عنترة يرثي شما بقصيدته

http://www.alsh3r.com/files/mAjd_Alzyd/(21).ram

وحسب ما قرأت في أحد المنتديات (احتفظ باسمه) ان الهرمين (ناصر الفراعنه و ماجد الزيد الخالدي ) يطاردونهم الجن ويكتبون قصائد من وحي الجن على السنتهم ولهذه دلالات أشار اليها الهرمين بقصائدهم
ولكن لوحظ بالاونه الاخيره أن الشاعرين انخرطوا في بحر الجان وملوك الجان وكلمات تكاد ان تكون طلاسم لا يفهمها الا من فهم لغة الجان وهي لغه مندثره توصل لفك الغازها احد سحرة المغرب وهذه القصديه على هذا الرابط
وقبل الاستماع احب ان اوضح ان بني سالم هم قبيلة من الجن

http://www.alsh3r.com/files/mAjd_Alzyd/(4).ram

اما بالنسبة للشاعرين ناصر الفراعنه وماجد الزيد فقد كان لهما هذه المرادده

قصيدة الشاعر ناصر الفراعنه على هذا الرابط

http://www.alsh3r.com/files/nAcur_AlfrA3nh/(53).ram

وكان رد الشاعر ماجد الزيد على هذا الرابط

http://www.alsh3r.com/files/mAjd_Alzyd/(3).ram

وضعت هذا الموضوع على هذه الساحه رغبة مني في نقاشها أكثر من نشرها بالرغم من انها روائع وابداع ولكن السؤال :


لماذا نجد الشعراء المطيلين في القصائد بما يزيد عن المئة ومئتي بيت غالبا يتطرقون للجان وملوك الجان بقصائدهم؟

ما قصة الجنية شما التي عشقت الشاعر ماجد الزيد فهام بها ؟ هل هي من الواقع ام هي ملهمه خياليه تطارده في مناماته فكتب عنها وكأنها جنية ؟

وما علاقة شاعرنا ناصر الفراعنه بقبيلة عامر التي كتب عنها وقال انها ايضا من قبائل الجن بقصائده وبني سالم والشاعر ماجد الزيد ؟

مامدى ارتباط الجن ببعض شعراء الانس ؟

وتحياتي لكم جميعا