سلام سلام سلام تحيه الاسلام الوه الوه الوه شراب برتقان .... أخباركم سيداتي وسادتي .. ومخدتي ووسادتي .<<<<<<< والله يا انتم بتقدرونها تقدير ههههههههه .. مبروووك الاجازه وان شاء الله تقضونها في ما يفيدكم في دار الاخره .. ومبروووك للناجحين والناجحات وهاردلكم للراسبين والراسبات <<<<<بطوله مهب اجازه... (النجاح الحقيقي في دار الاخره ... ) على طاري مبروووك ... اشد الطلاب فرحا بكلمه مبروووك هم بني نصر هههههههه ما قد سمعوا كلمه بمبرووك .. الا من يذكر لي كلمه (مبرووك للنصر ) بالتلفيزون السعودي عند استلام كاس البطوله .. .؟ ههههههههه الله لا يبلانا .. المهم نطلع من الكوره القدم وندخل بكره السله .. تعرفون لاعب اسمه محمد طاهر .؟ اللي يعرفه يرفع خشمه ..
باااك ... ايوه وش كنا نقول .. لا اله الا الله .. نسيت وش كنت بقول .. بدال ما نقعد ساكتين بقولكم قصه خنفشاريه .. تكفووون لحد يصيح .. اوكي .؟ ذاك اليوم مشيت ولقيت قطوه مصدومه تخرخر دمان . أ . هـ . صـ ( انتهت القصه ) هذي قصه ولد اختي ازعجني فيها .. ..اكيد البنات اللي قالو يا حرام مسكينه القطوه هذولي عاطفيين وهم مع حمله الرفق بالحيوان .. واللي قالو الله يحوم تسبدك هذولي مسوين حركات وما يحبون القرف .. الله المستعان بس واللي يقولن عادي كل يوم نشوف قطوه ميته هذولي عربجيات ومسوين ما يخاوفون من الدمان .. مسكوهم لحوم الضحيه وشوفوهم عربجيات ولا لا .. ههههههههههههه عاد الشباب مسوين انفسهم شي عادي مسوين رجاجيل بس اذا وقت الجد الزبنه . وانا اولهم ههههههههههه المهم دام انكم صحتوا وتقرفتوا نطلع من سالفه الدمان ونخش بسالفه فيها قراطيس واوراق .. ذاك اليوم كنت ماشي بالسياره ومندمج في لحن سامري يقول مطلع البيت .. شكيت محدن سمع شكواي ... وبكيت ومحدن راحم حالي الله يصبرني على بلواي ... ويالله عسى الجو يصفالي المهم وبعد ما دخلت جو في هالاغنيه .. شفت قدام عيوني قراطيس واوراق تسنك في مدرجات الدوري الارجنتيني هههههههه السياره اللي كانت قدامي شايبن تقريبا عمره 50 وحولها وحواليها ... ووقف على طول وانا وراه وقفت .. واشوفه يراكض ورا الاوراق تسنه يجربع .. وانا عالريحه قمت وقلت حده جاك الزخه ..اقنعه.. اي شي بس امسكه ههههههههههه وقفت ونزلت .. وقمت اجمع الاوراق معه .. طبعا كان الشارع الحمد لله فاضي نوعا ما .. ولاحظت وهو يجمع الاوراق .. كل ما شال ورقه قعد يشوف الورقه 10 ثواني وياخذ اللي بعدها .. وقلت هالرجال مهب طبيعي شكله فقد ورقه مهمه ... قربت منه قلت فيه اوراق مهمه .. قال الحق الاوراق فيه ورقه مهم هي حلالي وحلال عيالي .. قمت اجمع معه بسرعه قبل لا يطيرن .. ولقيت ورقه ودريت انها مهمه من المكتوب فيها .. حطيتها في جيبي وهو ما أنتبه لي .. يوم خلصنا جمعنا الاوراق وقعد يقراهن ويتاكد منهن ..يوم خلص .. طالعني قال بقى اهم ورقه تكفى امش ندور ثانيه يمكن طارت وابعدت .. انا قلت مشينا .. وهي اصلن معي هههههههه .. وبعدها رجع ثانيه ويعد الاوراق ويتاكد ( بدا يوسوس الرجال ) قال وش السوات .. انت ما لقيت شي اكيد .؟ قلت اللي جمعته كله معك طالعني .. والحسره على وجهه ( تسنه وجهه نصراوي بعد مباراه الهلال ) ههههههه .. ويا حسافه السنين اللي راحت .. قلت رح للبيت بس وعين من الله خير .. وان شاء الله بدال الهدف هدفين قصدي بدال الورقه ورقتين ههههههههه .. قال تعال اقر الاوراق علي يمكن من الخوف اللي فيني ما قدرت اقراهن زين .. قلت ابشر ولا يصير خاطرك الا طيب .. ( مازالت الورقه بجيبي ) واقراهن وكل شوي يقول اللي بعدها ههههههه حسيت اني في حصه قراءه هههههههه الا على طاري القراءه .. والله يا مدرسين القراءه حقين الابتدائي فالين امها اذكر يوم اني بزر فالابتدائيه اذا جت حصه القراءه ... اول ما يدخل المدرس يقول كل واحد يقراء الموضوع بينه وبين نفسه .. ثم يطلع برى الفصل .. يروح لغرفه المدرسين يسولف ولا ينوم .. وكل عشر دقايق يجي يسكتنا ويقول كل واحد يقراء بينه وبين نفسه .. الله يهديك ما نعرف نقراء .. واذا قرينا قرينا غلط وشلون نقراء بيني وبين نفسي يا الكابون هههههههههه والحين ما شاء الله علينا بلابل في الانجليزي ...!! المهم نرجع لسالفه الشايب .. بعد ما قريتهن عليه .. قال مافيه حل .... برب شوي دقايق يا شباب احس ان فيه شي يمشي عندي شكله الله واعلم انه فارن او جربوع من الجرابيع اللي صيدناهن ..<<<< فالدوام باك .. ابشركم صار فار والله العظيم هههههههههههههههه وع الحين ..وع من جد نرجع للسالفه .. قال ما فيه حل .. قلت يا طويل العمر .. انت عين من الله خير ولا تشيل هم رح ريح .. راح ومشى بالموتر .. وانا مشيت ولحقته وضربت بوري وقفته قلت هذي الورقه اللي انت تبيها .؟ ههههههههههه طب علي طبه قسم بالله حسيت اني فيصل بن عبدالرحمن وهو كحيلان يوم هدف ريان بلال عالهلال .. وبدا يدعي لي الله يجزاه خير .. وبعد ما خلص من الادعيه .. قال والله ان تعطيني حسابك .. قلت حسابي عند الله ... ثم حلف ثانيه والله ان تعطيني حسابك .. قلت دام الدعوه حلف ويمين .. قال الدعوه حلف ويمين .. قلت اجل والله ما تحول ولا ريال .. الله يوسع صدره والله استانست عليه وبعدها قال امش العشاء عندي قلت والله معزوم عالعشاء وتفارقنا .. هو يمشي بطريق وانا بطريق اللي يوصلنا للبعيد .. ( أ. هـ . س ) انتهت السالفه .. عشان ما تقولون وراك تلخبط السوالف مع بعض ..
قبل فتره كنت جالس في مجلس رجال .. كل من هب ودب يتكلم .. كل اثنين مع بعض داخلين بسالفه لحالهم منول .. يعني سابقا يعني من زمان .. مجلس الرجال .ما حد يتكلم الا شخص واحد ومن كبار السن واذا سمع واحد او اثنين يتكلمون مع بعض .. سكتوه قالوا اذا تكلم الرجال الباقين يسكتون لا تصيرون حريم .. الحين الله المستعان .. وكل سواليفهم قال فلان وعلان .. كلها سب غيبه .. مثل سوالف الحريم .. أ . هـ . ( انتهت السالفه ) على طاري السواليف .. رحت مره من المرات .. لسوق البطحاء .. ودخلت مسجد وقت الصلاه .. بعد ما خلصنا من الصلاه ..الا ونسمع صوت واحد من ورا عند الباب يقول .. يا مسلمين .. ترى اللي يسمع بشير شنان تراه حلالن مهب حرام .. وباقي الفنانيين حرام .. ههههههههههه الولد مقربع الين اذن يعني فاقد .. الله يهديه ويهدي كل مسلم .. أ . هـ . س ( انتهت السالفه ) قد سمعتوا بالبيت الشعر حاميها حراميها .. اعرف باكستاني من 5 سنين تقريبا .. شفته بصلاه الجمعه قبل فتره .. قال .. اخبارك كيف الحال .؟ قلت الحمد لله .. ومشى وخلاني ..هع لا جد .. قال لي.. قبل اسبوع .. انا امشي في شارع الساعه 10 ونص فالليل ... يجي شرطه وقف انا .. وشرايكم بالهجه شرطي اثنين نفر كلام جيب اقامه وفلوس .. انا كلام ما فيه فلوس بس اقامه موجود .. انزل شرطي من سياره وشيل فلوس 1500 ريال واقامه ما فيه شيل .. أ. هـ . سـ. ( انتهت السالفه ) فمان الله ونشوفكم على خير
والحسره على وجهه ( تسنه وجهه نصراوي بعد مباراه الهلال ) ههههههه
ههههههههههههههههه معروفة ملامح النصراوي ,, قبلها تسذا --->
إقتباس
طب علي طبه قسم بالله حسيت اني فيصل بن عبدالرحمن وهو كحيلان يوم هدف ريان بلال عالهلال ..
ههههههههههههههههههههههه لا تلومهم , من شي يحسون فيه
انا بس ماضاق صدري الا على السحبة الاليمة اللي صارت للحارثي بعد هالهدف
لا ويصور مع الكاس وش دخخخلك !!
تأثير الإجازة وآضح , سؤال اليوم : كم فيس في الموضوع ؟ ( أ . هـ . س ) أنتهى السؤال , <-- مايقلد احد ,
المهم , على طاري دمان القطط , مرّت علي سالفةِ يقشعر منها البدن, مرة من المرارير وأثناء خروجي من الاختبار تحديداً من اللجنة تحديداً من القاعة تحديداً من المدرسة <-- اخلص , المهم , الا وانا طالع واشوف ذيك السيارة المسرعة , والقطو المسكين اللي دق اشارة قبل لا يقطع الشارع , ويدعس القطو السيارة , عفواً العكس .. <-- معليش المخ فصل , المهم , قسم بالله أن الاجزاء الداخلية للقطو طلعت لدرجة بغى يجي شسمه ذاك مؤلف الاحياء .. بس اشوا كلمته قلت انطق مكانك قسم منظر يقشعر منها البدن , رحم الله ذلك القطـة ,
شكراً شكراً مستر تركي على موضوعك , ( ا . هـ . ر ) أنتهى الـرد ..
ههههههههههههههههه معروفة ملامح النصراوي ,, قبلها تسذا --->
ههههههههههههههههههههههه لا تلومهم , من شي يحسون فيه
انا بس ماضاق صدري الا على السحبة الاليمة اللي صارت للحارثي بعد هالهدف
لا ويصور مع الكاس وش دخخخلك !!
عليك سواليف , والله لاقينا يا تركي
.............
صح عليك كذا
اي سحبه اليمه بعد الحارثي اخبر له شهور مالعب .. ايييييه قصدك كاس الاطفال يوم يصور مع سلطان بن فهد
على طاري السواليف .. رحت مره من المرات .. لسوق البطحاء .. ودخلت مسجد وقت الصلاه .. بعد ما خلصنا من الصلاه ..الا ونسمع صوت واحد من ورا عند الباب يقول .. يا مسلمين .. ترى اللي يسمع بشير شنان تراه حلالن مهب حرام .. وباقي الفنانيين حرام .. ههههههههههه الولد مقربع الين اذن يعني فاقد .. الله يهديه ويهدي كل مسلم .. أ . هـ . س ( انتهت السالفه )
ههههههههههههههههههههههههه
اما ذي حقــت بشيــر شنــآن روووعه
اهنييك صــرآآحه ,,
ابدآآع متنــآهي ,,
وعلى طــآري القطـآوة ,, مره من المـرآرير , كنــآ تونــآ رآجعين للبيت من مبــآرة المهم جـآلسين نطقطق بالكــورة عند البــآب برى البيت , وامزع الكوره بالجدآآر الا والله وذيك القطــوه كـآنت ورى الشجره
وتطلع مســرعه , ولا سرعة فرحه ريان بلال يوم سجل هدف بالهلال ايقاالها تبي تنــحااش انا والله ما دريت عنها , الا والله والكورة في وجهها
والله لحد الان اتذكرها
والله يا قمـآعه انهـآ من اول ما ضربتها الكورة نطت فوووووووق وتبي تنحـآش المسكينه قـآمت تدور
عليك أسلوب بسمِ الله ماشاء الله
بس عليكَ تشعُّبات هههههه بنص السالفة تشطح لسالفة ثآنية
(أ.هـ.م ) انتهت المقدمة
//
إقتباس
.. حطيتها في جيبي وهو ما أنتبه لي ..
لعبت بأعصاب الرجال ،
بس حلوو لما تفقد الأمل إن يرجع لك شي وفجآه يرجع !!
إقتباس
اول ما يدخل المدرس يقول كل واحد يقراء الموضوع بينه وبين نفسه
هههههههههههههههههههههه زي مدرساتنا عليهم من الله مايستحقون
خمس دقآيق وراجعه، وامسكيها سحبه ،سوآلف وأكل إلى ماتنهي الحصة
بس ياشينها اذا سوّت حركة نذالة ورجعت
إقتباس
سكتوه قالوا اذا تكلم الرجال الباقين يسكتون لا تصيرون حريم ..
والله سوالفنا وش حليلها أزين من سوالفكم الجامدة
إلّا صدق إن الرجال الحين صآروا يآخذون حلا مع القهوة إذا جو يطلعوون سوآ ؟
ههههههههه
عاد يااخي انت ليه شرير كذا موضوع حلو وجميل ومتألق مثل هذا
تكدر صفوة بمقدمة تتكلم عن الدماء القطط الميته>>>>>>>>>>>ارقد وامن طال عمرك الحين فيه كرسي جاي جهتها
ماشي على سرعة مليوووووووووووووووووووووووووووووووووون
اعرف باكستاني من 5 سنين تقريبا .. شفته بصلاه الجمعه قبل فتره .. قال .. اخبارك كيف الحال .؟ قلت الحمد لله .. ومشى وخلاني ..هع لا جد ..
مادري ليش كانه يعرفك وانت مفهي ما تدري متى قابلته واناوع التفكير تصير مره واحد كان مع واحد اعرفه شفته بالصدفه بعد فترة من الزمن قلت في نفسي منو ذا كاني شايفه طبعا من قريب ولا شافني المهم قضيت في دربي وبعد نص ساعه تذكرته
لا ادري يالسمي احس ان الاجازة ذي راح تكون تعيسه في الرياض غبار والطغس شديد الحرارة صيفا شديد البرودة شتاء ما نقول الا الله يوفق الجميع
تدري أحلى شي في الموضوع المقدمه من بين قوسين ( مخدتي ووسادتي ) عن جد في وقتها
*اممم اما القطوه وعععععع انا اكره شي في الحيااة البسه اقصد القطه هذي لي ذكريات سوداء معاها لو اكتب لك قصصي عن القطط بتوصل صفحتين
* اما الشااايب يااحياااااااتي والله تخيلته غانم الصاالح في مسلسل الخراز حسيته مسيكين يكسر الخااطر بس ماشااء الله عليك قلبك قوي مدري كيف طولت وانت تلعب باعصااابه احس لو انا كان مايمديني الى وامد له الورقه>ياحبي لي بس