والله يا الشعب الاماراتي فرحان .. عقبالكم يا رب - نادي الهلال السعودي - شبكة الزعيم

dal3_uae · #1 01/07/2009, 05:11 PM

سريع ..

سريع ..

السلام عليكم ورحمة الله وبركاته >> لازم انسلم هذا الواجب ..

اسميه انه الشعب الاماراتي كله فرحان الحين ..

ليتني معاهم الحين ..

جان عشت الفرحه ..

بس انا عن نفسي ما استانست وايد ... بهالخبر ..

الخبر هو ..

تم تأجيل بداية موعد الدراسه في الامارات لما بعد رمضان والعيد ..

انا عن نفسي مب فرحانه لاني ما احب الاجازة في رمضان

.. احب الدوام احسن

بس اكيد البقيه الباقيه من الشعب طايرين من الفرحه .. انه الاجازة طويله ..

يعني بدت من نص شهر 5 لبعد نص شهر 9 ..>>> ما ادري لمتى بالضبط لكن لبعد العيد .. >>> واااااااااااايد الصراحه ..

|

|

وبعدين ابي اقهر بعض الناس يوم انهم قالو بيتشمتون فيني في رمضان على اساس انه انا بداوم .. وهم اجازة ..

واقولها اندووووووووووووووك انته

إقتباس


	بلا شماته يا دلع ..بيجي رمضان والعيد ونوريك الشماته على اصولها..

يا حليلك يا بوناصر ..

انا باجز شرات انتوو ما بتاجزون ..

..

وعقبالكم يا رب ..

للكل :

:: تحمدولي بالسلامة وادعولي .. سويت عمليه كانت صعبه .. والحمدلله على كل حال ::

رديف التائب · #2 01/07/2009, 05:15 PM

الحمد لله على السلامة
والله يسمع منكـــــــــــــ لكن حنا الى14/10/1430 أول كانت 6/10/1430
يعني فيه تقدم

Mr.Scrub · #3 01/07/2009, 05:17 PM

وعليكم السسسسلام والرحمممه ,,,
السلام سنه موب واجب

, أحنا اللي واجب علينا نرد

بعدين ما عاد ينفع تتشمتين الحين

,
لو أن الخبر قبل مايعطلون الطلاب ممكن يمديك , الحين راحت عليك

,
كان ودي يكون الخبر بدري علشان أتشمت معكم على الشعب السعودي << !!!

,

إقتباس


	:: تحمدولي بالسلامة وادعولي .. سويت عمليه كانت صعبه .. والحمدلله على كل حال ::

الحمــد لله على السسسلامه

,
ماتشوفين شر أن شاء الله ..

عـز الهلال · #4 01/07/2009, 05:22 PM

][ .. و عليكم السلام ورحمه الله .. ][

..

مبرووووكـ عليكم تمديد الإجآزه .. وعقبآل مآيلغونهآ

لالا أمزح

..

الله يهنيكم في اجازتكم يآرب .. وبصرآحه الدوآم في رمضآن متعب
بس حـلـو ويعجبني ..

..!

..

سلاميشو ...

Miho · #5 01/07/2009, 05:31 PM

وعليكم السلام ورحمة الله وبركاته

الحمد لله على سلامتس

الدوام برمضان ينشف الريق

إلا إلى الحين انتِ ألمانية

؟

مجروح الإحساس · #6 01/07/2009, 05:44 PM

اووف من نص شهر خمسة إلى بعد العيد ..

واحنا من 7 إلى 14 / 10 ..

شكلي بروح اسكن في الإمارات .. >>> ياشيخ حدك الرياض وتخب ..

ودمتم بحفظ الرحمن ورعايته

كلنا هلاليين · #7 01/07/2009, 06:00 PM

خبر حلو. بتوفيق لكم
....................................

شوق الكويت · #8 01/07/2009, 06:01 PM

انا بعد دوامي بعد العيد والكويت كلها

عقبال الكل بالخليج يارب

رنـــــد · #9 01/07/2009, 06:01 PM

.

.

اهلن دلوعه وعليكم السلام ورحمة الله وبركآته ..

ول خمس شهووور اجآزه والله ياأن شعبكم شعب مدلع

عآد حنآ اللحين الجامعه نبداء بعد الطلاب بأسبووع يعني اسبوع زيآده اجآزه

والحمد لله على السلامه وماتشوفين شر ياروحي

سيآآ

.
.

الغدير الازرق · #10 01/07/2009, 06:02 PM

هذا اللي حنا فالحين فيه يالخليجيين

عندنا مابين إجازة وإجازة [إجازة ]

مبرووك عليكم الأجازة دلع وعقبال باقي دول المجلس

زعيــــم الشوق · #11 01/07/2009, 06:42 PM

و عليكم السلام و رحمة الله وبركاته

واحد يبي يحطم وحنا وش دخلنا بأخبار الامارات

مبروك عليكم و ان شاء الله تقطعونها بالعافية

الا بسألك وش معناها ذي

إقتباس


	انا باجز شرات انتوو ما بتاجزون ..

ريكيلمي · #12 01/07/2009, 07:47 PM

و عليكم السلام و رحمة الله و بركاته

أول شي الحمد لله على سلامتك و ما تشوفين شر و يزول البأس إن شاء الله

ثاني شي مبروك الإجازة مع أنها طويلة و تعود الناس على الكسل <-----<< اللي ما يطول العنب

ثالث شي وش معنى ( اندوك انته ) دايم اسمعها بس مدري وش معناها