السلام عليكم ورحمة الله وبركاته..

كيفكم زعماء...

بما إني ما احب الفيستا ولا اطيقه..من كثر مشاكله..

فأبي خبراء الفيستا يشوفون وش حلها..لأنها عقدت بنت الناس اللي هي صديقتي..

وثاني مرة تحصل معها وتجيب لي الجهازعلشان نفس المشكله..

سويت سكان وكل شي لكن ما في فايدة..

المشكلة إنها كل ما اظهرت ايقونات سطح المكتب المهمة..مثل جهاز الكمبيوتر

والمستندات ولوحة التحكم وغيرت الخلفية وخزنت ملفاتها على ملف خاص فيها..

تقفل جهازها وإذا رجعت وشغلته ثاني مرة يرجع كل شي مثل ما كان يختفي..

وتروح ملفاتها على مكان ثاني..والخلفية تتغير..

وكل ما احط لها اكس بي ترجع ترجعه فيستا....طبعاً بطلب منها ارجعه اكس بي

مب على كيفي..لان تعبها لكن ما تتعلم وتروح مرة ثانية وتحط فيستا..وترجع معها نفس المشكله..

أخاف هي تحبه وهو ما يحبها...

ما ابي احرمه منها .. واحط الاكس بي..ماهو الحل لعاشقة الفيستا...

ما يبي لها محل صيانة انا موجوده..لكن تخصصي اكس بي



بعدين آخر حل الفورمات...ما اعترف فيها كحل أول...

ليش هي صعبة الفورمات ههههههههه؟

يعطيك العافية ياليت الردود تكون ذو فائدة..

بدل زيادة المشاركات على الجملة المعهودة...

وديه لمحل الصيانة وفورمات بـ 50 ريال ...


مع إني اعرف في ناس بترد نفس الجمله بس عناد

والسموحة على الرد اللي بدون مجاملة...لكن المشاكل لا تحتمل المجاملة...

وعليكم السلام ورحمة الله وبركاته

يا أنثى الحين لما صديقتك تشغل الجهاز هل تظهر لها الخلفية بدون أيقونات وشريط أبدأ ؟؟ وتظهرونها عن طريق ctrl + alt + del

في إنتظار إجابتك

لا يا ذكر...

اللي موجود حالياً على سطح المكتب فقط الاختصارات

لكن الايقونات المهمة ماهي موجوده

وشريط ابدأ موجود ما يختفي..مثل الايقونات المهمة

أهاه

طيب ماهو برنامج الحماية لديها

ما كان عندها وثبتت لها الكاسبر

وشكل الجهاز توه جاي من الفورمات..نظيف مرره يمكن اول شي سوته

حطت ملفاتها الخاصه فقط..صور شخصيه وغيره..وما امداها تحوس بشي..

أنصحها بالبيت ديفيندر توتال سيكيورتي

أفضل برنامج حماية

حمليه وثبتيه وإعملي لملفاتها فحص بالبيت ديفيندر وأتحدى إن لم يذهب الفايروس

وعندي إقتراح يا أنثى

إذا كانت هي تحب وسامة الفيستا وأنتي تحبي خفة وراحة xp

فلماذا لاتثبتي لها ويندوز 7

لأنه يجمع بين وسامة الفيستا وخفة xp وأتوقع له نجاح باهر

للمعلومية أنثى : أنا من عشاق xp وكارهي الفيستا ولله الحمد ولا مره ثبته على جهازي لكنني غامرت وثبت ويندوز 7 للتجربة

والحقيقة أبهرني أدائه لدرجة أنني فضلته على xp

أتمنى التجربة منك ومنها ثم الحكم

تحياتي

طيب اخوي شوف انا حملت لها هذا بعد

مايكروسوفت تطرح النسخه التجريبية من برنامج الحماية

يعني الأجدد من Windows Defender tool

وسويت نفس الشي بهذا ما نفع...

طيب يا ذكر ولا اقولك المجازف احسن دام عندك لقب

أخاف احط لها ويندوز 7 تتورط خاصه إنه تجريبي

انا ممكن اجربه لكن هي حرام..اخاف تتعقد

انتي جربي البيت ديفيندر وسوي فحص لجهازها وبتنحل المشكلة إن شاء الله

بالنسبة لويندوز 7 أنا منزلة وتمام مو معقد ولاشئ بالعكس مريح

على ضمانتي إنه راح يعجبها

وإذا احتجتي مساعده في أي شئ يخص ويندوز 7 فالموضوع أو الخاص شغاليين

ملاحظة : أتمنى تجربين البيت ديفيندر فهو آخر الحلول مع هذا الفايروس

في إنتظار نتائج البيت ديفيندر

تحياتي

-
صباح الخير ..
Ado0o براسها عنده .. والله مشكله

..

بصراحه مستغرب من الردود اللي بالاعلى
ماادري وش دخل نوع برنامج الحمايه بالامر ..

وبخصوص مشكلتك ..
يمكن مااقدر اخدمك بالشكل المطلوب ..
المشكله اعرفها تقريبا بس حلها اجهله ..

ومشكلتك تكمن في ( تعطيل الحفظ نهائياً
لدى الكمبيوتر )
والخاصيه هذي مثل مانشوفها بشبكة المقاهي ..
بالاجهزة ..تشتغل على الجهاز ومجرد اعادته يرجع كل شيّ
مثل ماكان ..

ابي احاول ابحث عن المشكله واتمنى اني اللقى حل
لها ..

.

إقتباس بصراحه مستغرب من الردود اللي بالاعلى ماادري وش دخل نوع برنامج الحمايه بالامر ..

انا أقولك وش دخل برنامج الحماية

ركز في ماهو ملون بالأحمر

إقتباس وكل ما احط لها اكس بي ترجع ترجعه فيستا

إقتباس وشكل الجهاز توه جاي من الفورمات..نظيف مرره يمكن اول شي سوته حطت ملفاتها الخاصه فقط..صور شخصيه وغيره..وما امداها تحوس بشي..

إستخدمت نظامين مختلفين ... جهاز مفرمت خالي من المشاكل ... حطت ملفاتها ... حدث هذا الشئ ( هذا يدل إن فيه فايروس في ملفاتها )

فلو كان كما ذكرت في ردك أن المشكلة عبارة عن

إقتباس ومشكلتك تكمن في ( تعطيل الحفظ نهائياً لدى الكمبيوتر )

لا أتوقع أن تكون المشكلة في تعطيل الحفظ
لأنه لو الحفظ معطل كان ماحفظت الإختصارات الأخرى كما ذكرت الأخت أدوو

إقتباس اللي موجود حالياً على سطح المكتب فقط الاختصارات لكن الايقونات المهمة ماهي موجوده

إقتباس المشكلة إنها كل ما اظهرت ايقونات سطح المكتب المهمة..مثل جهاز الكمبيوتر والمستندات ولوحة التحكم وغيرت الخلفية وخزنت ملفاتها على ملف خاص فيها.. تقفل جهازها وإذا رجعت وشغلته ثاني مرة يرجع كل شي مثل ما كان يختفي.. وتروح ملفاتها على مكان ثاني..والخلفية تتغير..

تغيير خلفيتها تلقائيا .... تغير مكان حفظ ملفاتها

ألا يدل هذا أنه فايروس

ربما يكون إجتهادي خاطئ وكلامك صحيح وربما العكس

عموما إحنا نحاول نحل مشكلتها سويا حتى نستفيد جميعا

أتمنى من الإخت أدوو ( أول مره اقول لقبك ) التواصل معنا

تحياتي

-
المجازف الله يعطيك العافيه
ماتقصر .. ومثل ماقلت يمكن انا
اطلع صح او انت اهم شيّ الاتفاق
ومعرفة المشكلة وحلها ..

لكن اعتقد ماهو فيروس ابداً ..

إقتباس مشكلة إنها كل ما اظهرت ايقونات سطح المكتب المهمة..مثل جهاز الكمبيوتر والمستندات ولوحة التحكم وغيرت الخلفية وخزنت ملفاتها على ملف خاص فيها.. تقفل جهازها وإذا رجعت وشغلته ثاني مرة يرجع كل شي مثل ما كان يختفي.. وتروح ملفاتها على مكان ثاني..والخلفية تتغير..

هذا نفس اقتباسك وراح اوضح عليه بنفس تلوينك ..
ظهور الايقونات عادي تظهرها مثل ماهو واضح
بس المشكله عند اغلاق الجهاز تختفي مره ثانية ..

الخلفيه تقول انت انها تتغير وهذا يدل انه فيروُس ..
لكن اقولك الخلفيه ماتتغير ابدا .. لكن ترجع
لوضعها السابق ..والاخت ادوو يمكن تأكد
على كلامي انها ماتتغير بس ترجع مثل ماكنت .

بس ( تغير الملفات بمكان ثاني ) مادخلت براسي !
اذا هي ترجع مثل مكانها السابق اقدر أكد كلامي ..
بس ياليت لو توضح الاخت ادوو النقاط هذي ..

الله يعطيك العافية أخوي هلالي

لكن الم تلاحظ بقولها إنها غيرت الويندوز ( إختلف النظام ) هل تعتقد أن كلا النظامين معطلين الحفظ ؟

أتمنى من ادوو أن تجيب على سؤال آخر لدي وهو هل هذه المشكلة تكون موجودة قبل وضع ملفاتها الخاصة ؟

ولا أزيد عن كلامك هذا

إقتباس اهم شيّ الاتفاق ومعرفة المشكلة وحلها ..

في إنتظارك أخت أدوو