لا تحسب ان (دمعي) نـزل دون سبّـه..ابكي من (الفرقا )وهـي مابعـد جـات
السلام عليكم ورحمة الله وبركاته ،، مرااحب فيكم جميع .. الموضوع بدون مقدمات لانه وليد اللحظه.. لذلك اعتذر ..
/
ليه المسا عـوق الشقـاوي وطبّـه؟ .................وليه الهبوب تصحي القلب لا بـات؟ وليه القمر يدعـي جريـح المحبّـه؟ .................ويقول له يا هيه..ما فات ..ما مـات لا استانس الخافق ذكـر مـن يحبّـه .................ورجع يراجع فالوناسـات مـا فـات
لو (أحببت) إنسان .. وهذا الإنسان لم يبادلك الشعور .. أو تلاعب بعواطفك .. أو جرحك .. او لنقل انه بادلك الشعور .. لكنك تعلم ان مصير حبكم هو ( الفراق ).. . ان شفتني ضايق واهوجـس واسبّـه .................اخاف غدر الوقت.. والوقـت دورات لا تحسب ان دمعي نـزل دون سبّـه .................ابكي من الفرقا وهـي مابعـد جـات الـيـوم كــل امورنا..مستـتـبّـه .................وبكره ماندري وش معه من مسـرّات . هل من المعقول أن تكره هذا الإنسان ؟!! أو على الأقل تنساه .. وتعيش حياتك من جديد .. ومن غيره ..؟!! هل تستطيع أن تمسح اسمه من قلبك ؟!! أليس من حقك وحق قلبك أن تريحهما بالنسيان ؟!! وأن تعيش حياتك بدون جروح بعيدا عن الذكريات المؤلمة .. هل النسيان هو الحل .. والقلب ينبض بالحنين ؟!! باعتقادي أن النسيان كذبة أخترعناها نحن لكي نلهي جراحنا بها .. . هيهات ينسى القلب شخـص ٍ لعبّـه .................وهيات يدله خاطـري منـك هيهـات سبك مديـح .. ومـدح غيـرك مسبّـه .................تقول واذني صوتها تقول لـك هـات
فما رأيك أنت / أنتِ .... هل من الممكن أن تكره من تحب ؟!! او على الاقل ان تنساه وتبعده عن ذاكرك ؟؟؟
بكل تأكيد .. انتظر مداخلاتكم وردوكم.. وشكراً لكم ..
ملاحظه / الأبيات من قصيده رائعه للمتألق الشاعر محمد ابن فطيس .. والنص بعضه مقتبس مع التعديل والأضافات عليه لانه اختصرلي كثير ويعبر عن ما اقصده بالتمام .
فما رأيك / أنتِ .... هل من الممكن أن تكره من تحب ؟!! او على الاقل ان تنساه وتبعده عن ذاكرك ؟؟؟
إذا هو طعنّي بالظهر شيء طبيعي أكرهه ! وبالنسبة للي ممكن أحبه !! ايه أقدر أنساه وأبعده عن ذكراي وأعيش حياتي كما أُريد ليسَ كما يريد قلبي الحمدلله على نعمة النسيان
//
إبراهيم الحياة قدامنا طويلة وحلوة للي يفهمها ويعرف كيف يمشي فيها ماله داعي نضيّق صدورنا عشان ناس وربي ما يستاهلون النظرة ! مو بس حب !! أتمنى تبشّرنا قريب بخبر [زواجك] ,, الله يفتحها بوجهك ويسعدك دنيا وآخره
موضوع بدون مجامله قمه في الروعه وانتقاء للأبيات اروع ..!! قرأته على عجاله ولي باك بأذن الله اذ فضيت << صايره ربة منزل
(( باااااااااك )) بالنسبه لسؤالك خيو (( دائما اقوله هالعباره كل شيء في حياتنا نقدر نتحكم فيه ونحكم عقولنا الامشاعرنا ماهي ملكنا ولا نقدر نتحكم فيها ..!! )) شيء طبيعي الأنسان مثل مايحب يكره وهذا فطره في الانسان ومشاعر مايقدر يتحكم فيها وبالأخص بالنسبه لي ..!! ويمكن بقد ماتحب هالشخص يجي يوم وربي تكرههـ ..!! والكره طبعاً ماراح يجي من فراغ ..!! من سوء افعال الي قدامكـ ..!! يمكن وربي ماتتوقع في يوم هذا الشخص الي حبيته حطيته بنظر عينك تقدر تكرهه بس صدقني وربي تكرهه وشيء عادي جداً ..!! وحتى شوفته وربي بتصير تكرها
والحمد الله الي جعل بعد الحب النسيان ..!! والا الكره والكره أفضل وربي ..
عوااااااااااافي بريماكس رديت عليك الآن لاني اخاف ماارد الايام المقبله
وطبيعتي ما حب السحبه لك تحياااتي مقدما ً الآن مؤخراً << فنووون .
هلا و الله ببراهيم السمي .. أبيات جميلة .. ! , لكن الفراق ليس هو الحل الوحيد لجميع المشاكل , و إنما الحوار العاقل و الهدوء هو المفتاح و اسأل مجرب .. بالتوفيق للجميع ..
بريماكس هلا والله بالغالي إبراهيم , إيصال المقصود بأسلوب جديد خرج إلينا بمنتهى الروعة , تخلله أبيات جميلة جدًا صح لسان قائلها , وسلم ذوقكـ صديقي العزيز ,
إقتباس
الرسالة الأصلية كتبت بواسطة بريماكس
فما رأيك أنت / هل من الممكن أن تكره من تحب ؟!! او على الاقل ان تنساه وتبعده عن ذاكرك ؟؟؟
بإختصار : إذا انتهى الحب فيما بيننا بجرح غائر فسيتم مسحه ومسح جميع التفاصيل بعد , وإن كان انتهى بجرح بسيط فسيظل هناك صراع داخلي بين عزة النفس وبين هوى القلب , ولن ينتهي إلا بتجديد المحبة , وإن لم تتجدد فيظل الحنين والصراع مالم يحتل محبوب جديد مكانه , أم إذا انتهى الحب دون جروح ودون مخوش يظل له الحنين وسيظل تحين فرص مراجعة وتجديد المحبة إلا إذا جاء من يسد بمكانه , واسمح لي أن أهديك القصيدة التالية لكونك حالتكـ صعبة , ويمكن أن تكون مناسبة : قرب الرحيل ... وخاطري منك ماطاب
ان شفتني ضايق واهوجـس واسبّـه .................اخاف غدر الوقت.. والوقـت دورات لا تحسب ان دمعي نـزل دون سبّـه .................ابكي من الفرقا وهـي مابعـد جـات الـيـوم كــل امورنا..مستـتـبّـه .................وبكره ماندري وش معه من مسـرّات .
بريموو..
من الابيات لا ارى ما يدفع الشخص للكره ..وخصوصا ان السبب الفراق
فبعد الفراق يكون الاشتياق والحنين ..وليس الكره والحقد
إقتباس
هل من الممكن أن تكره من تحب ؟!! او على الاقل ان تنساه وتبعده عن ذاكرك ؟؟؟
اذا كان السبب الفراق ..فكما قلت سابقاً بكل تاكيد لن يكون كره ..بل سيكون مكانه الشوق
في بداية الفراق يستحال التناسي..ولكن مع الوقت قد يتسلل اليأس والتعب والانشغال بالدنيا
قد تساعدك على النسيان..ولكن نسيان مؤقت..بمعنى سياتي اليوم اللي يجي فيه على البال.
هلا والله بريماكس.... أنا عني ماعندي قصيدة مثلك ولاخاطرة مثل الخرزة الزرقاء ... بس جاءتني رساله تحكي الواقع لي <<<<<< أحلفي والله انصدمت يوم جاءتني << أول مرة تحس أحد يفهمها .... وهى [ أنا وياك فينا طبع إذا حبينا حبينا وجود الحب يكفينا ] ... وأخيراً أقول عمر اللي يحب مستحيل يكره ولاينسى مهما صار بس يمكن يتناسى ...<< وجهة نظر .
موضوع رآئع بمعنىَ الكلمةَ ، أبدعت في أسلوب السردَ وهذا شيَ موب غريبَ عليكَ
وبآين إن الموضوع طالع من قلبَ ، الله يبعدَ عنّك الحزنَ وضيقةَ الصدرَ ووداع من تحبّ ويديمَ محبتكَ للي يستآهلهآ
إقتباس
فما رأيك أنت / أنتِ .... هل من الممكن أن تكره من تحب ؟!! او على الاقل ان تنساه وتبعده عن ذاكرك ؟؟؟
إذا جرحَني وجفآني وأنا ماغلطت بحقهَ ، أكرهه كثرَ ماكنت أحبّه
صحيحَ إنّي ماراح أنسى لأن النسيان صعبَ و مب باليدَ ، وإلا كان محيتَ كل شي يذكرنيَ بوجودهَ ، لكنَ أتناسى لعلّ وعسى !
وماتدريَ ، يمكن فرآقه خيره لك ، مع الله كل بلوى بخيره َ