لا تحسب ان (دمعي) نـزل دون سبّـه..ابكي من (الفرقا )وهـي مابعـد جـات - صفحة رقم 2 - نادي الهلال السعودي - شبكة الزعيم

Mr.Scrub · #16 30/06/2009, 06:56 PM

وعليكم السسلام والرحمممه ,
أبيات روعـــه , تدل على ذوقك الكويس

,

إقتباس


	فما رأيك أنت / أنتِ .... هل من الممكن أن تكره من تحب ؟!! او على الاقل ان تنساه وتبعده عن ذاكرك ؟؟؟

ممكن أني أحاول أنسسسآه , لكن أني أكرهه لا ,

تبغي تشوف اشجع رجل في حياتك .... شفني وانا مقفي على كثر ماغليـك

يعطيك العافيــه

,

عريب عبدالله · #17 30/06/2009, 07:27 PM

لست أدري هل أعلق على الموضوع أو الردود

يبدوا أن الزخم العاطفي المتميز في النص أنعكس على ردود قمة في التألق

ما سأفعلة هو الإكتفاء بصمت وافر الإعجاب بالنص وبالردود أيضا

وسأستمر في المتابعه

دمت متألقاً كما عهدناك

بالحب والإشراق

3boo0oode · #18 30/06/2009, 09:03 PM

هذا المره الاول إلا أعلق على موضوع في المجلس ....
أهنئك على الموضوع إلا كثير منا يعاني منه ......
والله وأنا أخوك وضعي اصعب منك ... والفرقاا حاصله حاصله ... لكن الله يكون بالعوون ...
ويصبرناااا ... ودام إن الحب من القلب والله صعب النسيااان ... دام الحبيبي يبكيك وأنت معه " فكيف بعد الفراق ..... الله يصبر على الفرقااا الله يصبررر.....

" أَبُو لارا " · #19 30/06/2009, 10:21 PM

،،
،،
قصايد رائعة من قصائد أبن فطيس .. وهو شاعر رائــع جداً
وأنا من أشد المعجبين بقصائده الرائعة
وشكراً يـ أخوي إبراهيم على هذا الإنتقاء الرائع .. وإنتقائك يدل على عاطفة لديك

هل من المعقول أن تكره هذا الإنسان ؟!!

كما قال أختي متابعة بصمت أكر الشخص إذا طعني من الخلف أو من الظهر

أو على الأقل تنساه .. وتعيش حياتك من جديد .. ومن غيره ..؟!!

لن أنسى شخص حبيته مـا حييت ..

لاهنت على إبراهيم الرائـع .. وإلى الأمام في درب الإبداع

TEVA 4 HILAL · #20 30/06/2009, 11:57 PM

الاخوآن اللي ردوا مآ قصروآ كفوا ووفوا ... مانيب ضآيفه الشي الكثير على مآ قآلوهـ لكن اذكر لك وجهه نظري..

فما رأيك أنت / أنتِ ....
هل من الممكن أن تكره من تحب ؟!! او على الاقل ان تنساه وتبعده عن ذاكرك ؟؟؟

بالنسبه للكرهـ
من رايي ان اللي يحب مآ ممكن يكرهـ بدون سبب .. يعني اذا كآن الحب اللي جمع بينهم حب حقيقي مستحيل يحصل كرهـ بدون سبب .. كخيآنه او طعن بالظهر او تجآهل او لعب بالعوآطف .. الخ
لأن اللي يحب بعينه محبوبه هو احسن شخص بالدنيآ فكيف يكرهه بكل هالبسآطه ..

و بالنسبه للنسيآن ..
يمكن الوآحد يلعب على قلبه و يحآول ( يتنآسى ) بس مستحيل القلب ينسى بسهوله ..

لان اللي يحب يفكر بحبيبه بكل لحظه .. اذا فرح ذكرهـ و اذا تضآيق ذكرهـ .. و الذكريآت الحلوهـ مستحيل تنـّسى بسهوله .. و اسألني بهذي ..

يمكن ينسى لآ جف الوصآل على قولتهم و مر وقت طويل .. القلب يهوى شخص آخر وينسى الأول ..
بس مآرآح ينسى لو لم يوجد بديل ..

اخوي بريمآكس كتبت فأبدعت فهنيئا ً لك بما سطرته أنآملك ..
كمآ أن انتقآءك للأبيآت رآئع جدا ً خصوصا ً اني من عشآق الشعر ..

و الله يعطيك و يعطينا ما نتمنى ...

تقبل مروري ..
اختك تيفا :

Blue Sun · #21 01/07/2009, 01:13 AM

هلا والله ابراهيم ..

موضوعك شدني واجبرني على تسجيل الدخول مع اني كنت متعب قليلا وكان الاولى اني انام ..
كنت محتاج اجد اجابة شافية لتسائلك ..
لكن اغلب الاجابات كانت مثالية وغير مقنعة ..
اسمحلي اقتبس سؤال اوضح من السؤال اللي ختمت به الموضوع ..

إقتباس


	لو (أحببت) إنسان و لنقل انه بادلك الشعور .. لكنك تعلم ان مصير حبكم هو ( الفراق ).. هل من المعقول أن تكره هذا الإنسان ؟!!

للاسف نعم .. لكن لا تسأل عن الاسباب .. !!
يمكن لان حبه تملك من عقلك وقلبك وتحتاج اي وسيلة تتخلص من حبه قبل صدمة الفراق وما تلقى غير الكره .. رغم ان ما بدر منه اي شئ لكنك مضطر لذلك .. !!

إقتباس


	لا تحسب ان دمعي نـزل دون سبّـه .................ابكي من الفرقا وهـي مابعـد جـات

ويمكن معرفتي بانه رح يكون هو السبب في تعاستي بعد الفراق .. وتستخدمه كوسيلة في تخفيف الم الفراق ..
اسباب بالحقيقة انا لست مقتنع بها ..
لكن يضل الكره بنظري افضل علاج واسرع وسيلة للتخلص من الحب ..

يعطيك ربي الف عافية ابراهيم .. والله يسعدك دنيا واخره ,,

وجــدان · #22 01/07/2009, 01:45 AM

^
أكرهه عشان أنساه والله حرام يافهد

.,

هلا بريماكس

موضوع في الصميم ويعبّر عن حالة الكثير

في إعتقادي ان اللي يحب مستحيل ثم مستحيل ثم مستحيل يكره ..!

الا اذا فيه سبب مُقنع ممكن يقسي القلب ويبرّد المشاعر

نأخذ الخيانة كمثال ..!

مستحيل إنسان يحب يخون , ومستحيل المحبوب يسامح على الخيانة مهما كانت أسبابها

اساساً هم اخترعوا مبررات للخيانة ؟! ..

يعني اذا بنتفارق خلاص أكرهه !!

ماأعتقد ان هذا كلام منطقي وش فيها لو عشت باقي العمر على ذكراه .. ( اذكره بالخير أقصد )

ومع احترامي للي يقولون أكره عشان الفراق وهو سبب لاهو بيدينا ولا بيدين من نحبهم
مااعتقد انهم يحبون من قلب ..

الفراق تباعد أجساد مو أرواح .,

بس بالأخير أقولك النسيان شيء مهم عشان تكمّل حياتك صح

حتى لو ماقدرت تنسى حاول تتناسى ..

شكراً بريماكس واضح ان الموضوع طالع من قلب

Blue Sun · #23 01/07/2009, 02:52 AM

إقتباس

الرسالة الأصلية كتبت بواسطة وجــدان


	أكرهه عشان أنساه والله حرام يافهد

ههههههههههههههههه
ما ادري اتوقع ان الفكرة ما وصلت نفس ما ابي ..
مشكلتي ما اعرف اعبر عن وجهة نظري بطريقة واضحة ..

ابراهيم ما سأل هالسؤال الا وهو مدرك لمعنى السؤال ومعنى الكره اللي يقصده ..
مستحيل اي شخص يكره حبيبه بدون سبب ..
يعني اذا عشقت شخص لحد الجنون ولو افكر مجرد التفكير بالفراق رح انتحر ..
بهالحالة رح اجبر نفسي على كرهه حتى اقدر اتحكم بنفسي اذا حصل الفراق ..
مو اكرهه بمعنى الكره اللي متعارف عليه عندنا يعني البغض ..
الكره اللي يضمن لي اني اسيطر على حبه في قلبي وما يتمكن من عقلي ..
الكره اللي يضمن لي اني اعيش حياتي بدونه بتوازن وبدون تهور ..
رح احاول اقلل من حبه في نفسي بشتى الوسائل قبل الفراق ..
وكرهي له ما رح يطغى على حبي له باي حال من الاحوال ..
ومهما كان رح يبقى بالقلب ورح اذكره بكل خير يكفي اني عشت احلى لحظات عمري معه ..
مثال بسيط وان شاء الله انها توصل فكرة ردي فيه ..
مثل الشخص اللي ماسك العصا من الوسط ويمشى على حبل ..
واحدى الجهات فيها الحب والجهه المقابلة فيها الكره ..
اذا ميل العصا باتجاه الحب اكثر من اللازم رح يكون معرض للسقوط باي لحظة وحياته رح تكون بخطر ..
لذلك لازم يميل العصا باتجاه الكره حتى يحاول يحافظ على توزانه ويكون بامان ..
والعكس صحيح ..

ان شاء الله تكون الفكرة وصلت ..

اعذرني ابراهيم للعودة مرة اخرى لتوضيح ردي ..

وجــدان · #24 01/07/2009, 03:07 AM

إقتباس

الرسالة الأصلية كتبت بواسطة Blue Sun


	مثال بسيط وان شاء الله انها توصل فكرة ردي فيه .. مثل الشخص اللي ماسك العصا من الوسط ويمشى على حبل .. واحدى الجهات فيها الحب والجهه المقابلة فيها الكره .. اذا ميل العصا باتجاه الحب اكثر من اللازم رح يكون معرض للسقوط باي لحظة وحياته رح تكون بخطر .. لذلك لازم يميل العصا باتجاه الكره حتى يحاول يحافظ على توزانه ويكون بامان .. والعكس صحيح .. ان شاء الله تكون الفكرة وصلت .. اعذرني ابراهيم للعودة مرة اخرى لتوضيح ردي ..

مثال رائع ووصلت الفكره تماماً

وأكتشفت ان المشكلة عندي متعلّقه بمسمّى الكره ..!

يعني لو تقول ابنساه أو علشان تبيّن انه شيء صعب تقول أبتناساه كان ماراح أستغرب ردك
لكن انك تقول ابكرهه عشان انساه

الكلمه صعبة وأختك ماأستساغتها وللحين العتب عليها

اللي مايقدر يتحكم بمشاعره أو يوازنها هذي مشكله , ومشكلة كثيرين

ياأما أحبه ياأما أكرهه ..!

يبي لك توازن مشاعرك وبدال لاتقول ( أحب أو اكره ) قل ( أشتاق أو أنسى )

ومو انا اللي أعلمك وش تقول لكني استخدمت أسلوب خطاب ولازم أقول قل

وانا بعد يابريماكس أعذرني

بس موضوعك حساس ويمكن يصير فيه نقاشات

بريماكس · #25 01/07/2009, 06:40 AM

إقتباس

الرسالة الأصلية كتبت بواسطة الـصـخـرة


	اسلوب جديد ومميز يا ابراهيم اقتباس ابيات مميزة لشاعر متمكن.. وتوظيفها لرأب الصدع في الحياة العاطفية الله يعطيك العافية

هلا ومرحباً فيك اخوي فهد ..

شرف لي ان اول رد على موضوعي لشخصكم الكريم ..

كعادتك متواصل ..

شكراً لك وشكراً لمرورك العطر ..

دمت لمن تحب ومن يحبك ..

حياك .. وأسعدك ربي ،،،

وجدان ... فهد ... الموضوع موضوعكم فلا داعي للاعتذار

بريماكس · #26 01/07/2009, 06:51 AM

إقتباس

الرسالة الأصلية كتبت بواسطة هلاليه محترفه


	اخوي بيرماكس الكره يجي بعد تجريح او بعد موقف اضن من صعب تكره شخص تحبه اذا ما اساءلك والنسيان نعمه من الله و مع مرور الوقت الواحد بطبيعه الحال راح ينسى امور كثيره من مواقف ومشاكل نعاني منها قصيده رائعه من ابن فطيس... شكرا اخوي،

هلا فيك اختي هلاليه محترفه..

اسمي بريماكس وليس بيرماكس

اعتقد من وجهة نظري ان من يحب ي لن يكره محبوبه مهما فعل له من امور ..

لان من يحب قلبه من يتحكم به .. وليس عقله وهنا المشكله ..

هنا اتساءل .. متى تحكم عقولنا بعيداً عن العاطفه ؟؟؟

فعلاً .. "النسيان نعمه" ..

العفو اختي .. وشرفني مرورك ،،

اسعدك ربي اينما حللتِ ،،

بريماكس · #27 01/07/2009, 07:07 AM

إقتباس

الرسالة الأصلية كتبت بواسطة متآبعه بصمت


	فما رأيك / أنتِ .... هل من الممكن أن تكره من تحب ؟!! او على الاقل ان تنساه وتبعده عن ذاكرك ؟؟؟ إذا هو طعنّي بالظهر شيء طبيعي أكرهه ! وبالنسبة للي ممكن أحبه !! ايه أقدر أنساه وأبعده عن ذكراي وأعيش حياتي كما أُريد ليسَ كما يريد قلبي الحمدلله على نعمة النسيان // إبراهيم الحياة قدامنا طويلة وحلوة للي يفهمها ويعرف كيف يمشي فيها ماله داعي نضيّق صدورنا عشان ناس وربي ما يستاهلون النظرة ! مو بس حب !! أتمنى تبشّرنا قريب بخبر [زواجك] ,, الله يفتحها بوجهك ويسعدك دنيا وآخره

ياهلا باختي الغاليه متابعه ..

لااخفيك سراً انك من الاعضاء المقربين لي وردودك له طابع خاص عندي وارتاح لها !!

اسمحيلي اخالفك في نقطه ذكرتيها .. لا اعتقد انه من الطبيعي نسيان من تحب بكل سهوله !!

مهما فعل لك ..

(( العشق جمره تكوي رجل واطيها... ماهوب حق تجي فالقلب كوياته !!))

كيف اعيش حياتي كما تريده نفسي وليس عقلي ؟؟

احسه صعبه شوي .. كيف تنساه وانت ماتتخيل فراقه

مابي اتكلم واجد .. اخاف اجيب العيد

امين الله يسمع منك ...

شكراً لمرورك وردك اختي متابعه ... واسعدك ربي اينما كنتِ ،،،

عبد العزيز بن بدر · #28 01/07/2009, 07:41 AM

حتى وإن جفت الزهره .. مات عبيرها .. لن أنسى ذات يوم .. أنها قد وهبتني .. عِطرها
مع ذلك ..س أضلُ أتحسس .. معصمي .. أتحسس الندوب التي تسببت بها .. أشواك تلك الزهره
عندها قد يدفعني الألم .. لِكُره تلك الزهره .. لكن سُرعان ما تتعطر .. أنفاسي .. ب عطرها .. وعندها أكتفي .. ب الإبتسام

إبراهيم / طرح شاعري مليء بالإحساس

Blue Sun · #29 01/07/2009, 09:12 AM

إقتباس

الرسالة الأصلية كتبت بواسطة بريماكس


	وجدان ... فهد ... الموضوع موضوعكم فلا داعي للاعتذار

يعني نفلها بدون ما نعتذر .. !!

إقتباس

الرسالة الأصلية كتبت بواسطة وجــدان


	يعني لو تقول ابنساه أو علشان تبيّن انه شيء صعب تقول أبتناساه كان ماراح أستغرب ردك لكن انك تقول ابكرهه عشان انساه

انساه .... اتناساه
اكرهه .... ؟!!!!
عجزت الاقي كلمة مرادف لها توضح المعني ..
وهذا اللي مخليني نص ساعة الف وادور حتى اوضح ردي ..
بس اهم شئ وصل المعنى ..

إقتباس

الرسالة الأصلية كتبت بواسطة وجــدان


	يبي لك توازن مشاعرك وبدال لاتقول ( أحب أو اكره ) قل ( أشتاق أو أنسى ) ومو انا اللي أعلمك وش تقول لكني استخدمت أسلوب خطاب ولازم أقول قل

الموضوع على حسب فهمي المتواضع تطرق للكره كوسيلة للنسيان .. وكان ردي على هالاساس ..

واحتمال كبير اكون غلطان ..

<< خاف من التحجير ..

شاكر لك ابراهيم ..

الهلالي دائماً · #30 01/07/2009, 03:51 PM

حيا الله الغالي بريماكس

وحقيقة ابيات رائعة جدا من ابن فطيس

موضوع الحب والفراق والالم مشكلة أزلية ليس له حل ..

سوى انتظار التفاصيل ومحاولة الخروج بأقل الخسائر ..

اعتقد ان الانسان المتزن من الصعب ان يحب واذا احب من الصعب ان يكره

شكرا ابو ياسر

ودمت بحفظ الله ورعايته ,,,