أنا ضـــد الأجــــازه الـــطــــــويـلـه !! - صفحة رقم 3 - نادي الهلال السعودي - شبكة الزعيم

..departed.. · #31 30/06/2009, 03:02 PM

أتمنى تكون الإجازه أطول .. لأني لازم أدرس صيفي

باسكن روبنز · #32 30/06/2009, 03:06 PM

وش هالموضوع الي يضيق الصدر وودي اكفخ الي كاتبه

حرام عليك .. تعرف ان الطلاب يدسرون ثمانية شهور بالسنة

كلها حفظ وكتب وغثاء

انا مو طالبة انا معلمة واجازتنا قليلة شهرين .

تخيل 9 شهور نكرف في الحر والرطوبة

. وانت تقول قلصوا الاجازة

ودي اشكرك على الموضوع بس ما اقدر مقهورة منك

яęęм · #33 30/06/2009, 03:30 PM

تبغى الإجآزه شهر

<< اللحين ثلآث شهوور مره قليله لو يخلونآ بعد نعطل لين بعد الحج .. أحسن

وإنتِ تقول لو شهر أحسن ..

الله يجعلهآ إجآزه سعيده

متعمق في حب الهلال · #34 30/06/2009, 09:11 PM

مااقول الا الله يهديك الحين مانصدق ان الاختبارات تخلص تقول ان مالها فايده
عالعموم مشكووور

iOsαмαн · #35 01/07/2009, 12:57 AM

أقول لايكثر بس ,

احنا نقول " ثلاث شهور " قليلة وأنت تقول طويلة ..

أرحمنا ياخي ,

نكرف وندرس وغير كذا نقول بالشمس 9 شهور ,

وفي النهاية , إجازة ثلاث شهوور ..

موضوع يضيّق الصدر , ثاني مرة حط موضوعك نهاية الاجازة , موب بدايته ..

,

لك ودي [

] . . !

ياسر الكااسر · #36 01/07/2009, 01:53 AM

اقول يرحم امك ماصدقنا تجي العطله وانت اتقول شهر
ماصدقنا نفتك من غثاثة الدكاتره عندنا وتبي اترجعنا لهم بعد شهر

وجــدان · #37 01/07/2009, 02:53 AM

.,

إقتباس


	مااقول الا الله يهديك الحين مانصدق ان الاختبارات تخلص تقول ان مالها فايده

أنت لو مغيّر وقت الموضوع على الأقل بتلقى أحد يناقشك

لكن لاتحلم والناس توهم طالعين من الاختبارات

المشكله ان العطلة بنظرك تضييع وقت .. خذها من الجانب الآخر
طيب هي ترويح للنفس .. ولاتنسى ان لنفسك حق عليك ..!

ترى نسيت اني راده بالموضوع بس عادي برد لين تقتنع

مطـلق الهاجري · #38 01/07/2009, 02:57 AM

لابـد الاستفاده من الاجـازه .........

فهي من العمـر ..............

الله يذكر ايام المدرسه بخـير.. ماكنا نحصل الاجازات هذي ..

سلنقر · #39 01/07/2009, 03:00 AM

إقتباس

الرسالة الأصلية كتبت بواسطة وجــدان


	., أنت لو مغيّر وقت الموضوع على الأقل بتلقى أحد يناقشك لكن لاتحلم والناس توهم طالعين من الاختبارات المشكله ان العطلة بنظرك تضييع وقت .. خذها من الجانب الآخر طيب هي ترويح للنفس .. ولاتنسى ان لنفسك حق عليك ..! ترى نسيت اني راده بالموضوع بس عادي برد لين تقتنع

هلا وغلا

ردي مليون تأكدي اني ماراح اقتنع بالعطله الطويله ابد ابد يابنت الحلال أشوف نفسي و أخواني وأخوياي نوم كل النهار ومضيعه للوقت << ولاتنسين بعض الشباب الله يهديهم (( فساد )) وبناتنا

يكون عندهم فراغ والفراغ للبنات تجيبلهم الحاله النفسيه و السمنه

وغير المكالمات مع .........!! و تسكح بالاسواق يعني هيك

انا ماقلت مافيه أجازه انا بس قلت شهر << الواحد يمديه يسوي الي يبي يسويه يسافر ينام على راحته الي يبي

أشكركـ..

..

سلنقر · #40 01/07/2009, 03:03 AM

إقتباس

الرسالة الأصلية كتبت بواسطة مطـلق الهاجري


	لابـد الاستفاده من الاجـازه ......... فهي من العمـر .............. الله يذكر ايام المدرسه بخـير.. ماكنا نحصل الاجازات هذي ..

الله اكبر

وأخيرا لقيت مؤيد

أشكرك أخوي مطلق

Hilaly Madridi · #41 01/07/2009, 03:13 PM

علشانك تبي تتخرج تقول نبي العطله قصيرة

اقول تراك وصلت ضغطي اتش لاننا أمس مخلصين اختبارات وتبينا نرجع بعد شهر ندرس

hah · #42 01/07/2009, 03:26 PM

لو اني مشرف كان صكيت موضوعك وصكيتك زود على وجهك

والله انت تحس بلي احس فيا لي اكثر من 36 اسبوع وانا ما اشوف اهلي وجالس ادرس وقرف وتعب والحين تبي ترجعنا للدراسة

واذا تبي تدرس خذ لك صيفي وادرس وفي نفس الوقت تتخرج بسرعة مع العلم انك تقدر تدرس 9 ساعات في اقل من شهرين يعني مكسب حلو وتخلص الجامعة في 3 سنوات .

بس انا بسكر النت

<< هذا الي اقدر اسوية

:

**نــواره** · #43 04/07/2009, 02:17 PM

أنت وجبهتك>>فيس معصب

سـلآآمـآآت وش تحـس به

أقــول اذكرر ربـك

أوكي معك أنك طوول اليوم متبطح ومتسـدح ولا بعد اذا قـآلوآ أهلك ودنـآ السووق تقول مشغول ض1

بس حرام عليك من ثلاث شهور لشهرر ويين

يمكن أول صح بس ألحين صدقني مـآ يمديك تسوي ذآ وذآ إلآ الشهر الثـآني حق الإجـآزه رمضـآن

والنص حق العيد وجت الدرآسه ومـآرآح تحس بطفش

>>عرفت تحل المشكله

وربي صدق هي أساساً شهرين ونص شهر رمضـآن وشهر الإجـآزه حقت اللي تبيهـآ والنص العيــد

بس أنـآآ الشهر ذآ بيرووح هباءاً منثووراً

وآلديي العزيزآن مدرسـآن وبيدآومون شهرر

يعني إجـآزتي برى البيت اسبووع

والباقي تبطح وتسدح ض1

ولآ بعد أنت وجبهتك تقول لآيطبقونـه إلآ بعد مـآ خلآص

وآلله حــآله

منـآآك

الخـالدي · #44 04/07/2009, 02:33 PM

قول لايكثر... ادعي ربي انهم يطولون الاجازه وتجي وتقول شهر بس... الله يخلف عليك

الزعيييييييييييييييم · #45 04/07/2009, 04:03 PM

فيه شي اسمه صيفي تقدر تدخله وماتاخذ اجازة ابد والا تاخذ شهر ..