مدخل :
اللي يرى القدره بنفسه انه يكتب لي عناوين يقدم لي ملفه على الخاص >> فاشل مع مرتبة الشرف باختيار العناوين

ســكـوردي :

كنت جالس انا واخوي الصغير عند الباب الا وتمر بنت جيراننا الصغيـــرهـ اخوي يوم شافها ضاعت علومه وتغيرت ملامح وجهه وعظ ثوبه قائلا : انا لها ورب الكعبه

جريته مع ثوبه وقلت تلايص وكل تبن ياقيس بن الملوح لاتوطى على بطنك قدامها جلس وفوق راسه طلعت علاماااات قلوب صغيره رحمته وقلت فضفض لي ياصديقي الصغير

قال بعدما اخذ تنهيده ونسم عميق جدا انا ودي اسير شاعر صفقته كف وقلت له وانا قايل وش امنياتك


فاصل :
إذا كان المنتج هو نفسه مالك الشركه فتأكد ان السلعه باتت نادرة


المهم قلت وانا اخوك اذا تبي تسير شاعر لازم يكون عندك شئ من شيئين :
دراااااهم والا موهبه وانت وانا اخوك منتف ماعندك الا الدجه اذا تبي اسلفك فلوس ترى ماعندي مانع

قال طيب ومن وين اشتري قلت له هذي بسيطه خذ رقم بن طلال < يعني الوليد بن طلال ههههههه > وقله من وين شريت اغنية الاماكن وهو يعلمك راح اخوي وتقل ان الفكره جازت له

بعد فتره رجع مره ثانيه وقالي : اقول فصـول ][< اسم الدلـع هـع

قلت له نعم , قال ماودك انت تسير شاعر قلت له وشلون >> اسلك له

قال : اكتب لك قصيده عنوانها غزل بصديقه اخوي قلت لو ابكتب كتبت بصديقتي انا مير تقلع لالعن خامسك >> خربت الاخلاق

وبعد محاولات حثيثه اقتنعت وارتجلت هذه القصيده


الى صديقة أخي

يابنت ياللي على السيكــل تدورين *** قدام بيتنا وماحد صدمها
الحب قطــع قلوب البعارررررين *** حتى الحمير السود يلعن جدفها >>
حبي انا غير ناس كثيرين *** يبتل يحب ويموت وهو ماخطبها
يحب بوسي ويطرب على شيرين *** ومنى زكي الى منها هزت وسطها
حبي انا لو عرفتي به تطيرين *** مايردتس من السماء الا قمرها


فاصل :
اذا زاد اهتمام الشاب بالأزياء فتأكد أن أصحاب مكاتب العقار ضد المستأجر مهما كان


شاعر صح ترى ثاني بيت منتوف >> اهم شئ الصراحه
اول مانتهيت من هذه القصيده اتجه الي اخي راكضا مشيرا لي بحركه بيده غير اخلاقيه وقال : عظمه على عظمة يالمروح >> دائما يخونه التعبير


فاصل :
اذا دق جرس الهاتف فرد عليك فرد من افراد العصابه فتأكد ان الطفل يحرك يده عندما يريد التعبير عن أمر ما


مايستفاد من الموضوع :

** انك اذا ماقدرت تعبر عن حبك عادي تروح لواحد ثاني ويغششك زي ماحصل مع اخوي اللي بعد القصيده مباشره انتهت علاقته ببنت جيراننا

** ان القنوات الفضائيه هي السبب بافساد ابنائنا والا وش عرف اخوي للحركه الغير الاخلاقيه وهو مازال تحت عمر 15 سنه

** ان الفلوس تخليك شاعر ودكتور وطبيب وكل شئ ولكنها ماتقدر تعطيك احساس وحب الاخرين >> كلام كبير

** اني اول مره اكتب موضوع عندكم ومادري وش المسكه ولكن يبدوا ان العجاج المصاحب للجو اليوم له دور ايجابي بهذه العمليه >> حسن كراني متلطم

** الفواصل برعاية احد اصدقائي الذين هم من فئة ( خذ وخل ) هههههههههههههه

** انا مانيب شاعر بس بعض الاحيان المواقف الصعبه يكون لها ابطال >> زي خلف بن هذال يوم يلقـي قصـيدهـ وطنـيه يكون متحمـس

مخرج :
جااااااك علم الصحيح ... وراح هرج المزوووووحي ... الهوا يذبح العاشق وهو مادرى به

برايفت :
نور الصبايا بسمة الدار والحي ... نوره على شمس الضحى مستبينه
بالرووووووووح اضمـــه يوم قلبي ضنينه


أخـوكـم / فيـصـل

هههههههههههههههههه

هلا حيّاك الله سكارد الزعيم

أخووك حالته ميؤوس منها ، أجل أنا لها ورب الكعبه خخخخ

ومثل ماقلتَ ، الفلووس تسوّي كل شيَ ، حتى إذا بغيت تتخرجَ ويهنوونك في الجرآيد وأنت لسى ماخلصت اختبارات ولا تدري أنت ناجح وإلا راسب برضو مفيش مشكله ، تتخرج وتصير خريج زي الفلّ دامك ولد نعمةَ

الملحّطين بهالدنيا هم اللي بيضيعوون

//

موضوع رائع وأسلوبك أروع

إقتباس مدخل : اللي يرى القدره بنفسه انه يكتب لي عناوين يقدم لي ملفه على الخاص >> فاشل مع مرتبة الشرف باختيار العناوين

ههههههههههههههههههههه
صح لسانك وصح بدنك وصح كلو ابو شئ فيك ..
ياخي انت موهبة شعرية قادمة بقوة ..وين منصور البلوي عنك ما يشتري اشعارك .. !!

وما شاء الله اذا هذا اول موضوع لك وبهالابداع كيف بتكون مواضيعك الجاية .. !!
وبعدين مالي بالعناوين .. بس اذا ودك اتوسط لك يثبتون موضوعك فوق جنب موضوعي ماعندي مشكلة تراي واصل بالمنتدى ..

يعطيك ربي الف عافية فيصل على الموضوع الممتع ولا تحرمنا تواجدك ,,

ال ي استنتجته من قراة الموضوع او الفائدة من الموضوع انك تقصد هذولاااك الناس الي يقدرون يشرون كل شي با الفلوس

طيب حنا ليش مانكون واقعيين شوي الي معة مو مثل الي مامعة


صح

واعتقد انة مهما حاولنا لن نستطيع ابدا ان نغير من بعض العقليات


واما من ناحية الا بيات واللة با صراحة شي ولو فيها تكسير بس بداية جيدة




دمتم

إقتباس الرسالة الأصلية كتبت بواسطة ربطـه و شبـاصه هههههههههههههههههه هلا حيّاك الله سكارد الزعيم أخووك حالته ميؤوس منها ، أجل أنا لها ورب الكعبه خخخخ ومثل ماقلتَ ، الفلووس تسوّي كل شيَ ، حتى إذا بغيت تتخرجَ ويهنوونك في الجرآيد وأنت لسى ماخلصت اختبارات ولا تدري أنت ناجح وإلا راسب برضو مفيش مشكله ، تتخرج وتصير خريج زي الفلّ دامك ولد نعمةَ الملحّطين بهالدنيا هم اللي بيضيعوون // موضوع رائع وأسلوبك أروع

يعافيـك ربي
بعدين من قال لك اني ابي اسوي حفله تخرج بالجرايـد انا يالله يالله يدرون عني اللي بالحاره اني نجحت ولو دروا < فتأكد انها معجزة القرن الاخير

إقتباس الرسالة الأصلية كتبت بواسطة رائدة الزعيم رجاءً اللي يتقدم بملفة يحط نسخة ثانية لي على الخاص لأني أعاني نفس المشكله ندخل للموضوع استمتعت كثيرا بالموضوع الهادف فعلا هاليومين كل الناس شعراء وكل البزران يحبون كله من هالمسلسلات ما راح أقول التركيه بس وحتى الخليجية وترى اللي منزل الأماكن باسمة منصور البلوي أو الشادي اللي هي كل الطرق تؤدي الى روما الوليد عنده أمور أهم من الشعر والخرايط طال عمره يحاول رفع مستوى ثقافة الشعب السعودي بإدخال السينما فما عنده وقت للكلام الفاضي المسمى بالشعر عشان ينتحله بأسمة وما هو محتاج كم خليجي يعرفة وهو العالم كلها تعرفه الفواصل مميزة جداً خصوصا فاصل الأجار ومكاتب العقار الموضوع ممتع جداً كل الشكر لحروفك المتميزة وكل أبو دايم أكتب عندنا هنا مواضيعك تستحق الإنصات بالحب والإشراق

الشكر مقدم لك على مرورك الاجمل لموضوعي المتواضـع

إقتباس الرسالة الأصلية كتبت بواسطة Blue Sun ههههههههههههههههههههه صح لسانك وصح بدنك وصح كلو ابو شئ فيك .. ياخي انت موهبة شعرية قادمة بقوة ..وين منصور البلوي عنك ما يشتري اشعارك .. !! وما شاء الله اذا هذا اول موضوع لك وبهالابداع كيف بتكون مواضيعك الجاية .. !! وبعدين مالي بالعناوين .. بس اذا ودك اتوسط لك يثبتون موضوعك فوق جنب موضوعي ماعندي مشكلة تراي واصل بالمنتدى .. يعطيك ربي الف عافية فيصل على الموضوع الممتع ولا تحرمنا تواجدك ,,

لا يسمعك منصور البلوي < من اعداءه بالمناطق الشماليه وكمان عدوه بالانديه السعوديه < هلالي هههههههه

لا ان شاء الله بداية خير بها القسم < منزل موضوع قبل ستة شهور الحين ما ادري وين راح فها القسـم .." اتوقع انه طار "
ياليت تتوسط لي ابي اصير مشهور لو مره وحـده يا ولد تخبر ناس فاضيه ما عندها الا نت ونوم < توه مأخذ اجازهـ من العمـل عقبال عنـدك هههههههههههههههه

ربي يخليـك لتواجدك بموضوعي المتواضـع

إقتباس الرسالة الأصلية كتبت بواسطة تميــــ100ــه بالبدايه حسيت انه موضوع وش يحس فيه بس اكتشفت انه بطل من جد الله يكثر الغبار مدام انه يطلع هالابداع والله انك صادق فيه ناس بفلوسهم يشترون مراكز مو لهم بس مااتوقع مو مرتاحين من جوى يعطيك العافيه

ما عليـك بس امس غبرت علينـآ يعني انتظر السنه الجايه على شان يجي غبار وانزل لك موضوع ثاني < يحس انه من اهل الرياض هههههههههههه

إقتباس الرسالة الأصلية كتبت بواسطة weهلالي ال ي استنتجته من قراة الموضوع او الفائدة من الموضوع انك تقصد هذولاااك الناس الي يقدرون يشرون كل شي با الفلوس طيب حنا ليش مانكون واقعيين شوي الي معة مو مثل الي مامعة صح واعتقد انة مهما حاولنا لن نستطيع ابدا ان نغير من بعض العقليات واما من ناحية الا بيات واللة با صراحة شي ولو فيها تكسير بس بداية جيدة دمتم

مشكور أخوي لمرورك الجميـل لموضوعي

واما من ناحيـة الابيـآت ترى لنا بالشعر بس مو مثل ما انت عارف < يعني انتظرني اشارك با اول مسابقه لشاعر المليون بعد اربعين سنه ههههههههههههههههه