اللحين لو يكون المدير منتظم وشديد على موظفينه ويخصم على التأخير
وكل واجباته كـ مدير قايم فيها وعلى أكمل وجه
وكل هالتسيّب اللي صاير بسبب مجموعة موظفين ماهم قد المسؤولية اللي هم المفروض يتحملونها ..!
أمانه مو قهر وظلم يجي المسؤول للزياره ويشوف هالتسيّب ويعاقب المدير ؟!
طيب هو ماقصر وكل شيء سواه وش ذنبه اذا موظف او اثنين مستهترين
والأردى من كذا ان أغلب هالمستهترين مسنودين ولا أحد يقدر يحاسبهم ..!
هنا انا مع مثل هالزيارات المفاجئه عشان مايُظلم الجميع
ذكرتني مره كنت اعمل متدرب بشركه و دق علي المدير الساعه 8 الصباح و قالي جهز الموظفين السعوديين كلهم و صرف الاجانب الموجودين اليوم لان فرقة تفتيش مفاجئه سوف تاتي من وزارة العمل لاجل السعوده...
استغربت كيف عرف وبعد فتره قابلته و سألته قالي في مواظفين موجودين بالوزاره هم يدقون علينا لاجل نخدمهم في ما بعد واغلبهم ما نعرفه لكن يتصل و يقول معك الموظف الفلاني من الوزراه وحبيت اخدم ...
يعني احيانا يكون الوزير صادق بالزياره لكن العله من الموجودين تحت بعضهم يقتنص الفرص لاجل يوسع دائرة معارفه وحتى لو على سبيل امانته و اخلاصه بالعمل
ياخي مرة ثانية اذا بتثبتون موضوعي بلغوني .. جالس نص ساعة ادور موضوعي تحت قلت معقوله مداه يروح للصفحة الثانية خلال ساعات .. كل الشكر لمن قام بتثبيت الموضوع ,, ولي عودة مع الردود ..
هلا يا مرحبا مليون لك من صادق الوجدان ..ارحّب من الفرحه يافهد هلا بك بالغالي قبل كل شيء وين وديت نكك fff بالله إسأل عنه كان ودك أسمسر عليه!! بعدين يآخي أول أحس إنك رسمي ولك هيبــة ,, بس الحين إنت ونكك ذا الجديد أحس ماعندك إلا الدجّــه .. *** المهم ماعلينا نرجع لموضوعك .. وقســم إنك جبتهـا في الصميــم بأسلوب إنما إيه ماشاء الله عليك أول مرة أحس إن عنــدك سـآالفة >> اصلاً اول مرة أقرأ لك موضوع بس الصدق إنك خطير وداهية يبطي كوزمين يجي عند دهائك طرحت القضية بأسلوب بسيط بدون أي تعقيد ووصلت الفكرة بكل سلاسة فهـد إنت مبدع بس عاد ضف وجهك ماتحس إني دعستك بما فيه الكفاية والله عاد لو إن ابو مقبل مراهن عليك
إقتباس
الرسالة الأصلية كتبت بواسطة الجرح الخالد !!
ذكرتني ايام المدرسة اذا جا المشرف والله ياتشوووف المدرس يشرح شرح انما اييييييه
ماامداه يطلع هل المشرف غير تلاقي الهواش والشرح ينقلب فوق تحت !
شكراً لك
على طاري المشرف أذكر مرة جانا واحد في المتوسط وكان علينا رياضيات واللي يدرسنا مصري عاد تخبرون شغل إخوانا المصـاريا أحس كل ابو انواع العرق من جبينه والمعلومات اللي درسها كل ابوها طلعّها لنا ..ا الزبدة نهاية الحصة حبيّت اسوي زاحف قدام أخوياي وشوفوني ابو الظرافة ..رفعت يدي بكل أدب قال الأستاذ عاوز إيـه ياعـادل !! قلت لا بس كنت بقولك إني أول مرة أفهم عاد إنت شف وجه الأستاذ برتقالي على أحمر وشوي أخضر والفصل يضحكون بس عاد شف الدرجات اللي محطها مني يحبها قلبك *** ياخي أحس إني شطحت واجد المهم يافهد لاتحرمنا من إبداعك واصل ولاحظ تراني أكتب بالقلم الرصاص وأدمج معه اللون العنّابي الأول علامة الحب والإخلاص والثاني لايليق إلا بأحبابي
ماصارت " زيارة مفاجئة " هذي استعدادات قبل الزيارة بشهور صارت [ مفاجئة ] نرجع لمحور حديثنا , هذا وبكل الاسف حال [ الشعب السعودي ] .. مافيه انتظام إلا اذا فيه مسؤول حتى الإخلاص في العمل .. نادراً تلقاه وأحياناً ماتلقاه ! شكراً لك على الموضوع الموجز والمميز .. وخير الكلام ماقلّ ودل ..
ذكرتي لا جت الروس الكبيره زياره للجامعه ,, بسم الله هو ريحه منظفات والا تغيير شتلات ,, وترتيب لوحات الاعلانات اللي قبل كل ورقه فيه جهـه ,, واورق اللي بكل مكان ,, ماله اثر زي العاده ,,
خلها على ربك ,, كثير أشياء يبي لها تجديد ,, وأمانة ,,
.
,
.
..
,,
ماله اثر زي العاده ,, 
الوضع المتطور
