احبتي الغاليين...السلام عليكم ورحمة الله وبركاته.....:

&..الموضوع اليوم اللي احب اطرحه عليكم...يكاد او اجزم..بانه هاجس كل فرد فينا......

الان لماّ تقابل شخص معين....وتتناقش معه عن احوال الناس والزمن....!!
يبادرك بالاجابة التالية: والله وانا خوك....المشكله...لا احنا مع الملتزمين....ولا مع الشوارعية..المتسكعين..!!

وخلاصة هذه الجملة....هي ماسوف اتطرق اليه في هذا الموضوع...

@@@@@@@@@@@@

فجئة...تتفق انت ومجموعة من الشباب...على السفر...وليكن مثلا الى البحرين.....

مالهدف الاساسي من هذه الخطوة....؟؟
هل هي شفاقة....في تناول..كاسا من النبيذ...مثلا...بالطبع لا..!!
هل المقصد منها..مقابلة الغواني..والراقصات...!! بالطبع لا...
هل هي للتنزه..ومشاهدت المعالم السياحية...!! بالطبع لا..

والاجابات< بلا>..تختص بفئة الشباب اللي بالنص....اللي ..مو فاهمين باي الطرق هم...!!

وتجد مجموعة منهم.....او شخص معين....مثلا..مبتهج بمطالعة التلفاز...وخصوصا...القنوات الفضائحية.....
وفجئه.....يشعر بهاجس غريب جدا...!!
ويتسائل:


لماذا افعل هذا...!! مالفائدة اللي جنيتها..!!
وهي بالطبع لغة الضمير..المعاتب....
وهو هاجس حقيقي....يؤرقه ليلا بنهار...!!

ايضا تجد اخر....يهاتف فتاة مثلا....ولكن لرغبة فضوليه...كان يسمع صوتها فقط....
وما ان تنتهى المكالمة....
الا وياتيه الهاجس:



ماذا فعلت....وماذا استفدت؟؟؟؟
الهاجس طبعا نتيجة...لان الشخص اساسا...من ربع النص...اللي لاهو من الملتزمين..ولا من المتسكعين...!!

واخرى تجده يتلذذ بطابع الفضول....لجمع اكبر قدر من الصور...الجنسيه او حتى المحتشمة.....
وما ان تمر ليالي بسيطة....الا ويعود..متعمدا حرقها والتخلص منها...!!
لا لشي الا.....لان الزائر اليومى< الهاجس>...قد عاوده....

@@@@@@@@@@@@@@


نستخلص مما تم ذكره سابقا.....بدون الدخول في احكام شرعية.....بان القضية< قضية اصحاب النص>...قضية هامة جدا وحساسة للغاية....ان لم نستطع ان نتعامل معها بشكل جدي...ومتوازن....مع مايحدث من تغيرات...فسيلوجية...للانسان نفسه ان صح التعبير.....!!

طبعا هنا....
انا لست بصدد المنتقد..لا والله.....
وهي كما ذكرت سابقا....اكاد اجزم بان الجميع يمر بازمة الهاجس...
ولغة....انا بالنص....لا هيك ولاهيك....!!

انما انا فقط بصدد تسليط الضوء....على هاجس ومشكلة اجتماعية....
قد تكون بطريقة مختلفة نوعا <ما>...
ولكن هو تحليل ووجهة نظر شخصية انا مقتنع بها تماما.....

الموضوع.....ينطبق على فئتى الشباب والفتيات على حد سواء...

خوفامن الاطالة......
الموضوع بين ايدكم......ولنا عودة مرة اخرى.....اذا الله كتب,,,,

مع وافر تقديري للجميع...,,,,

اخوي محترف توقيعات اول شىء الله يعطيك العافيه على اثارة هذا الموضوع الهام جدا

والهاجس او تأنيب الضمير له الا ثر الكبير بعد الله بأن يترك الشخص الاشياء التي يمارسها


وتقبل تحياتي اخوك

ســـــ SMN2002 ـليمان

موضوع بالصميم أيها المحترف الرائع ,,,

لي عوده

اخوي الغالي: ســـــ SMN2002 ـليمان

نعم ياغالي صدقت......وانا معك تماما.....
وبيض الله وجهك....لتفاعلك........ولك وافرتحياتي .....,,,


اخوي الغالي: أيــــــمــــــن

تسلم يابعدددي....واللي بالصميم هو تفاعلك.....منتظرا مداخلتك.....وتعليقاتك.....

مع وافر تقديري لك..,,,

أخي محترف التوقعات أين أنت من هذه المشاركات
منذ مدة وأنا أترقب مشاركاتك القيمة

جزاك الله عنا وعن المسلمين خير الجزاء

اخوي الغالي: الجبل الأخضر
تسلم ياغالي..... موجود..والله......بس فيه مثل يقول

خلك بعيد تنحب.......

والله ياغالي...ضروف احيانا تجبر الشخص على هجر الكتابة بعضا من الوقت......!!

مثمنا لك سؤالك.....وانا تحت امررك....والله يجزى الجميع الخيرررررر .....

أخوي محترف

إقتباس هل هي شفاقة....في تناول..كاسا من النبيذ...مثلا...بالطبع لا..!!

أخالفك الرأي...
الاجابه الصحيحه بالطبع ... نعم .

إقتباس هل المقصد منها..مقابلة الغواني..والراقصات...!! بالطبع لا...

أيضا الاجابه الصحيحه ... نعم .

إقتباس هل هي للتنزه..ومشاهدت المعالم السياحية...!! بالطبع لا..

هذي من جد لا (( أخذت واحد من 10 يعني f رسوووووووووب ))

أخوي الوقت هذا اللي يروح للبحرين مايروح الا عشان الشراب وطقته (( الله يكفينا شره )) .
وش فيها البحرين من معالم سياحيه عشان يروح لها ؟؟؟؟؟


يالغالي أنا سافرت كثير ووجدت العجب العجاب ...
حب جااااااااااااااااارف للمسمى (( بالبيره )) ولايهون الأنواع الثانيه اللي تتبعها .

فوق كذا تجد المراقص مكتضه بالشباب السعودي
كذلك الفنادق التي توجد فيها العاهرات أغلب سكانها من الشباب السعودي

قد يغضبك عزيزي هذا الكلام لكنها الحقيقه المرررررررررره :sad:


والقهر انك تجد أكثرهم يتسلف وتتراكم عليه الديون علشان الشراب واشباع رغباته الجنسيه


واذا قلتله تزوج قال الزواج يحتاج لمصاريف
والله اني اعرف ناس يصرفون في يومين 800 ريال وسلف بعد (( الله يهديهم ))


أخوي فعلا اللي يقول انا بالنص يضحك على نفسه ...
لأنه زي ماقلت انت بعد ان يجلس يفكر بينه وبين نفسه يجد انه مع المتسكعين .

صراحه أخوي محترف اول ماقريت الموضوع قريته على السريع وكان ودي اناقشه نقاش طويل ......

لكن بعد ماقريته بهدوء اكتشفت انك اختصرته في سطوووور قليله والمواضيع هذي تحتاج الى كتب وليس الى صفحه لكنك أجدت فيه يامحترف الابداع . وآسف على تأخري لأني زي ماقلت لك ناوي اناقش مناقشه طويله لكن كفيت ووفيت .

اخوي الغالي:أيــــــمــــــن

تسلم على تفاعلك......والاختلاف في الرأي لايفسد للود قضية......

انت اجبت بكلمة نعم....لشريحة معينة لم اتطرق اليها.....وانا معك 100%
ولكن انا هنا ومن خلال هذا الموضوع....
حاولت ان اتطرق الى فئة<النص>...ان صح التعبير........وهو مايخالف نظريتك.....
قد يكون تحليل فلسفي لهؤلاء......
ولكن تأكد انه نتاج واقع وتجربة.....نكاد جميعنا مررنا بها.......وهذا ليس عيبا....بقدر ماهو تنقية النفس الى ماهو افضل.....

إقتباس أخوي الوقت هذا اللي يروح للبحرين مايروح الا عشان الشراب وطقته (( الله يكفينا شره )) .

انت هنا....ولو ان ذلك خارج الموضوع والهدف الاساسي منه....
ولكن لتعذرني...فانت هنا عممت.....ونظرية التعميم...غير مقبولة شكلا ومظمونا....في اي قطاع او شريحة....

فهناك من يذهب للترفية البريء....وهناك من يذهب للدراسة....وهناك من يذهب لاجل التعرف على هذا البلد.....بغض النظر عما يحتوية...

إقتباس كذلك الفنادق التي توجد فيها العاهرات أغلب سكانها من الشباب السعودي

وهنا ذكرت اغلب سكانها...!!
هل هناك احصائية دقيقة لهذا الامر....حتى نستطيع الجزم.....بالطبع لا....
وشبابنا السعودي لايزال وسوف يبقى باذن الله مثال مشرف.....ولن تؤثر فيه بعض الخلايا القلية....
او تستطيع تعريته.....
والخير والشر موجود بكل مكان وزمان......وليس مقصورا على احد بعينه....

إقتباس صراحه أخوي محترف اول ماقريت الموضوع قريته على السريع وكان ودي اناقشه نقاش طويل ......

بالعكس يسعدني نقاشك وان اختلفنا فالمصلحة والهدف واحد......
هات ماعندك....وانا تحت امرررررك....

مع فائق تقديري لك........مثمنا لك هذا الطرح........,,,

هلا محترف

معليش انا اعترف ان كلامي 90% منه غير موضوعك ((اذا ماصار 100%)) ,,,

لكن عزيزي انت جبت مثال على البحرين ,,, والبحرين مره وحده تكفيها مع الأهل او مرتين او ثلاث بالكثير بعد ,,, لأنه اصلا لايوجد بها غير المجمعات التجاريه .

لكن الشباب وش يبون بالبحرين الا اذا جلسوا عدة ساعات صح ,,, (( لكن البلا اللي يروح يدمن على الروحه ))

والحمدلله انهم قليلين زي ماقلت انت عزيزي ,,, لكن مقارنه بعدد اللي يروحون فهم كثير وللأسف :sad:

لكن الله مير يهديك مالقيت الا البحرين ((وش زودها عن الشرقيه )) ;)

اما من ناحية التعميم ,,, قد يكون التعبير خانني ..... لكن اخوي والله من اللي اشوفه ((وين بتروح : بروح البحرين وهو قبل اسبوعين رايح !! ))

لكن انا لا اتكلم عن اللي يروح للدراسه او الترفيه البريء اللي اعتقد يكفيه عدة ساعات ان شاء الله بعدين يرجع للشرقيه

بعدين اللي بالنص انا اقولك :

مافيه حاجه اسمها بالنص اخوي يعني ياخرباااااان ياملتزم ((اذا صار محافظ على الصلاة ويترك كبائر الذنوب هذا الملتزم مهب شرط انه يتطوع يعني ))

يعني حنا لقيناها علثه تصريفة النص .

الله يرحم والديك جب غير البحرين المره الجايه يعني جب ديره فيها طبيعه مثلا شي غير عن السعوديه .


ارجو المعذره عن هذا الخلل لكن موضوعك لايجيد مناقشته الا الكبار فقط (( وانا حشرت نفسي مدري ليه ))

آسف مره أخرى ولن أرد المره القادمه الا رد أكون قد درسته دراسه جيده ;)

تحياتي لك ايها الرائع

ولي طلب بسيط اذا سمحت :

ارجو ان موقع الكابتن سامي ماينسيك جمهورك اللي بشبكة الزعيم لأنك صراحه يامحترف ظلمتنا بعض الشي ونحن نحتاج مواضيعك لأنها هي اللي تمس حياتنا اليوميه ولايجيد صياغتها الا انت ايها الكبير

الاخت: الفيروسه الزرقاء

إقتباس أن الخراب في شبابنا نفسهم حتى إذا ماسافروا

اختى..جملة قاسية بعض الشي ان اردنا العدل.....
جميل ان نتصارح....بعيدا عن لغة التعميم....والاحباط.....فلست من يفضل هذه اللغة....

ولكن تأكدى بان شبابنا وفتياتنا فيهم الخير والبركة....الى ان يرث الله الارض ومافيها.....
والخير والشر موجود...والصالح والطالح موجود....ولكن تبقى عينات...لاتعنى بالضرورة اننا افتقدنا لتوازننا......

مع فائق تقديري لتفاعلك..,,,


اخوي الغالي: أيــــــمــــــن

إقتباس معليش انا اعترف ان كلامي 90% منه غير موضوعك ((اذا ماصار 100%)) ,,,

بالعكس فخور بتعليقك....والموضوع موضوعك يابعدي....

إقتباس لكن الله مير يهديك مالقيت الا البحرين ((وش زودها عن الشرقيه ))

ياغالي...البحرين والشرقيه...عينان في راس....
ولعلمك انا من الناس اللي اعشق الشرقيه بشكل خرافي.....

إقتباس مافيه حاجه اسمها بالنص اخوي يعني ياخرباااااان ياملتزم

وجهة نظر احترمها جدا......
ولكن كما ذكرت سابقا هي نظرة فلسفيه للغة<اهل النص>....
فانا لست بمن يؤمن بمبدأ...ياابيض يا اسود......

إقتباس الله يرحم والديك جب غير البحرين المره الجايه يعني جب ديره فيها طبيعه مثلا شي غير عن السعوديه .

ابشرررررر ياغالي......

إقتباس ارجو المعذره عن هذا الخلل لكن موضوعك لايجيد مناقشته الا الكبار فقط (( وانا حشرت نفسي مدري ليه ))

العفو يابعدي....وهذا من طيب اصلك وشهادة افتخر فيها......
اما انك حشرت نفسك.......
فصدقني.....اننى تلذذت كثيرا بتعليقاتك.....واثرائك للموضوع......

إقتباس ارجو ان موقع الكابتن سامي ماينسيك جمهورك اللي بشبكة الزعيم

بالعكس شبكة الزعيم لها فضل كبير بعد المولى عزوجل.....في استنشاق عشقي الكبير للغة الحرف...
مع تقديري لمتابعتك.....
وموقع سامي وشبكة الزعيم....شهادتى فيهما مجروحه......املا ان ارى قلمك معنا ايضا هناك....;)
مع فائق تقديري لك....,,,,

موضوع حلووووووووووووووووووووووو

اما رد الاخت الفيروسة ظالم جدااااااااااااااااااااااااااااااااااااااااااااااااااااااا

ولكم تحياتي.....

الاخ الغالي: هلالي 01

تسلم على تفاعلك.......والموضوع موضوعك....والحوار فيه مفتوح....لوجهات النظر المختلفة...

مع وافر تقديري لك..,,,,

ومنهم يروح للبحرين للسينما