#1  
قديم 26/06/2009, 01:44 AM
زعيــم نشيــط
تاريخ التسجيل: 07/03/2008
المكان: دنيـآ تضـيق وفـزعـة اللـﮧ قـريـبـﮧ ,, وعـنـد الـفـرج مـآيـآخـذ الضـيـق سآعـﮧ .
مشاركات: 561
Cool }{ هُنا وهُناك }{ ماهو جًوك عِند المُذاكرة }{ كيد الــــنـًـساء }{

}{ السلام عليكم ورحمه الله وبركاته }{



}{ مدخــــل }{



**

بـالتفاؤل خل حلمك [محــتمل]..~
........أطردالأوهام في لحظه [حسم]..~
مجدك المنشود يحتاج [لعــــمل]..~
. ..سم بأسمالله-يانعم [الاسم]..~

* *



يسعدلي صباحكم \ مسائكم وأوقاتكم بكل خير
عطلنا + عدم وجود خادمه ببيتنا لمده أسبوع أسبوعين والمدة إلى الأمام وأن هذا من دواعي سروري وابتهاجي لكتابة الموضوع .!!
فأنا فنو ابنة العشرين ربيعا ً اغسل اواني أنا فنو امسح الرخام أنا فنو اكوي ملابسي << الله أكبر ياهالفنو ع رأسها ريش

في اثناء اختباراتي كنت اتامل نفسي في طقسي << وأسلوبي اثناء المذاكرة وحسيت أني أعاني من أمراض نفسيه بسم الله علي



**



}{ طقوسكم أثناء الاختبارات }{




لكل شخص أسلوب في المذاكرة يختلف عن الآخر
1"" فمحدثتكم إنسانه لاتذاكر إلا أمام المرآه وأفضل مكان لي اجلس قدام المرايه واذاكر الله لايبلانا في احد يعاني مثل حالتي ..!!


\

2"" لااجيد الحفظ ولا الفهم ولا الأستيعاب إلا فقط في غرفتي مافي مكان بالبيت اقدر أذاكر فيه أحاول أحيانا الاستعاذة من إبليس وانزل واقعد بالصالة وأقوم بالانسداح على الصوفا << سعودية تسدح + تبطح استكمل كلامي
بعد انسداحي ابدأ بالمذاكرة لكن مايفيد معاي مغرزه بالمنهج العب على نفسي

** في يوم من ايام الأسبوع الماضي بعد ماصحيت من النوم نازله مع الدرج وأشوف ماميتو قاعدة في صوفتي << اسميها ومنسدحه عليها وذابه الخداديات على الأرضيه أنا يوم شفتها ماتمالكت نفسي من الضحك قلت يمااااااااااااااااااا مكاني حركتي أمي يوم شافتني ضحكت قالت { قلت بجرب طريقتك إلي تسوينها والله مريحة } غريبة ماتحفظين ولاتفهمين في هالمكان ..!!
بعد ماقول إلا الله يشفيني كأن الحفظ والفهم ماينزل علي إلا في غرفتي .


\


3"" ماعرف اذاكر عند مجموعه أو أي احد لو جني في ناس بسم الله عليهم يجيبون المناهج ويذاكرون عند أهاليهم وفي ناس اعرفهم مايحفظون إلاعلى
صوت طق ..!!
أتمنى والله أني كذا أنا عند مذاكرتي لابد من قفل النوافذ جيداً والباب
والتلفزيون << لكن ماافصل التلفون ومااتحمل أي إزعاج لاصوت أطفال ولاصوت كبار والاماعرف اذاكر حالتي جدا صعيبة


\


4"" لابد التخطيط باقلام التظهير والمذاكرة فيه وبالأخص الالوان الحارة والباردة أحمر برتقالي اصفر الخ
لو مااخطط فيها كأني ماذاكرت وشيء طبيعي في بعض الألوان له دور كبير في تركيز الأنتباه
وعدم تشتيت الذهن
لكن لابد من فهم الألوان اولاً..!!


**






}{ الجمــهره والسعــوديين }{



من القصص التي سمعتها واحببت أن انقلها لمسامعكم يقولي لي واحد كان فيه حادث سيارة وعليه جمهرة << وطبعا مو غربيه علينا يالسعوديين
يالبى قلوبنا<< المهم اثناء تجمع الناس على الحادث وقف واحد من الشباب سيارته ونزل يقولي يوم شاف الزحمات عند الحادث هالشاب الي نزل يقول (( يا الله عليكم يالسعوديين ياحبكم للجمهرة والتجمعات )) يقول التفت عليه { وقلتله الله أكبر يا الإيطالي } وش قاعد تسوي الحين




**


}{ كيـــــد النســـــــاء }{




ايضا ًمن القصص الي سمعتها هالأيام من زميله لصاحبة القصه واعجبتني القصه فحبيت انقلها لكم
تقولي وحده ان لديها صديقة تطلقت(( وهي صفيه اسمها المطلقه )) انزين
تقول البنت كان زوجي عندي واثناءها دقت صفيه وقالت شفتني يافلانه تطلقت ... وقمت بتهدئتها ..!!
يوم قفلت الجوال تقول البنت لزوجها وبحسن نيه ياعمري صفيه تطلقت ماتستاهل بيضه أي بيضاء
واخلاق وطيوبه حظها قال رجلها آها الله يعينها تقول بعدها كل ماجاني اتصال يقولي زوجي
صفيه ؟؟ وصار يسألني عنها شأخبارها صفيه ؟؟ ماتستأهل صفيه وكل ماطق عود وش اخبار صفيه

تقول لاحضت اهتمام زوجي فيها تقول بعدها بمدة ذهبت انا وزوجي للسوق وكنت واقفه معاه ابتعدت شوي عنه وامام ناظريه ..!
(( وقمت بحضن وحده في السوق دبه وعبده ))
واحضنها وبقوه وبسلام حار قالت لي بعدي ماعرفك وش تبين هاذي العبده تقول هالحكي مفهوم ؟؟
تقول قلتها اقولك بعدين { رجعت لزوجي وقالي من هاذي الي حضنتيها ؟ } قلت صفيه قال وشووووووووووووووو مو صفيه تقولين بيضه << مانسى ياويلي منكم ياهالرجال قالت
{ ايه بيضه لكن بيضة العبدااات }
بعدها تقول ماجابلي طاريها اعجبني ذكاء هالبنت وفطنتها وانتم ياالرجال ياويلي منكم ماينقال شيء قدامكم



**



}{ مخــــــــــــرج }{




**


اصحى وافهم يافهيم .. كيد[النساء]..~ والله عظيم..
مايهم اللي تقوله إني مغرورة [وملولة] .. بس راسيلاتحاول انك بلحظه [تطوله]..~
الهوى [لا ياحبيبي]..~ مايجي عندي بذيك السهوله..
بحرنا اصحىتطبه ماهو أي واحد[نحبه]..~ طيعني واسمع كلامي قلبي لاتوقف في [دربه]..~
اصحى وافهم [يافهيم].. كيد النساء والله عظيم..


**
لكم تحياتي
"" فنوون ""
**

اخر تعديل كان بواسطة » فنون هلاليه بجنون في يوم » 27/06/2009 عند الساعة » 05:47 AM
اضافة رد مع اقتباس
  #2  
قديم 26/06/2009, 01:48 AM
الصورة الرمزية الخاصة بـ R D H
زعيــم مميــز
تاريخ التسجيل: 10/11/2005
المكان: ماوراء الكلاويس :D
مشاركات: 1,791
السلام عليكم ورحمة الله وبركاته



صباح الخيـر .. يا أخت فنون !


حياك الله .. موضوع خفيف وجميل .. والتنسيق رائع جداً .. فعلا تحسه تنسيق بنت !



بعلق على كم نقطه .. وببدأها بسالفة التجمهر !


يقولك مره يا طويلين العمر كان فيه ناس متجمهرين على حادث !

وكان فيه شخص ملقوف يبي يشوف من هاللي طايح عالارض والناس متجمهرين حوله .. فقال لنفسه مارح اقدر ادخل بهالزحمه واشوف شي !

فقال مافي إلا حل واحد علشان الناس تبعد لي واقدر اشوف!

المهم راح يركض من بعيد ودخل بالزحمه وهو يصارخ ويقول : أخوووووووي .. اخووووووووووي .. وخروا وخروا !


إلا يوم خلوه يمر .. ووصل للشي اللي متجمهرين عليه !


لقاه : حمااااار وانتم بكرامه




//


المذاكره !


المذاكره قبل لاتكون من أجل هدف معين .. فهي فن !

ليس كل شخص بإمكانه أن يثبت نفسه على الكرسي .. ويقعد يدرس من دون مايشغله حاجه !


لذلك .. البنت لا جت تذاكر قدام المرايه .. بتكون تضحك على نفسها ! .. البنات معروفات ( إدمان مرايات )

يعشقون شي اسمه مرايه .. فكيف بتركزي بالمذاكره وانتي طول الوقت تناظرين لشكلك بالمرايه !



وعن نفسي اعشق المذاكره وانا منسدح .. يادوب افتح الكتاب وما ألقى نفسي إلا في ZZzZzzzZzzz


//



على كيدهن .. لكن ياحليلهن !




يعطيك العافيه يا فنون .. موضوع خفيف وجميل كما ذكرت .. واسلوبك كان سلس ..


الله يحفظك ويوفقك ويوفق جميع الطلاب والطالبات !


دمتِ بأجمل حال

اخر تعديل كان بواسطة » R D H في يوم » 26/06/2009 عند الساعة » 02:42 AM
اضافة رد مع اقتباس
  #3  
قديم 26/06/2009, 02:00 AM
زعيــم نشيــط
تاريخ التسجيل: 16/10/2007
المكان: جنب بيت ياسر
مشاركات: 632
خير رده انت وربطة بسرعه روحوا احذفوا ردودكم ابي اوولي

الله مرره مرره الموضوع حلو << اقطع ابو الفقش ع اصوله

مع الشكر لك << اول ما سجلت ف المنتديات ماعرف الا هالكلمتين

لنا باااااك بعد ترويقه
اضافة رد مع اقتباس
  #4  
قديم 26/06/2009, 02:17 AM
الصورة الرمزية الخاصة بـ ربطـه و شبـاصه
زعيــم متألــق
تاريخ التسجيل: 04/07/2007
المكان: الرياض
مشاركات: 1,279
ياصبااح الفلّ والكمبووديَ والألووسي

ياصباحنا بفنوووون

تراها عادتي بالردود ، كنّي أكتب مواضيع جديده على قولة رساوي برساوي من كثر الإقتباسات والحكي <- حسيت اني فيصل بن تركي أنا والحكي

نبدا وعلى بركة الله

إقتباس
عطلنا + عدم وجود خادمه ببيتنا لمده أسبوع أسبوعين والمدة إلى الأمام وأن هذا من دواعي سروري وابتهاجي لكتابة الموضوع .!!
فأنا فنو ابنة العشرين ربيعا ً اغسل أواني أنا فنو امسح الرخام أنا فنو اكوي ملابسي << الله أكبر ياهالفنو ع رأسها ريش

أنتم وش تبون من الدنيا ياحقين الجامعات !
على كيفكم تبدون دراسه بعدنا وتخلصون قبلنا ، غشاشين
ياظـ(ز)ـالم لك يووم مش حتدوء النـووم وتبئى مـظـ(ز)ـلوم كدا زيي !
ودامك عطلتي قبلي اكرفي واتسنّعي عشان تعرسين ويمشي سوقكَي ونفرح بكيَ ههه
وياشين البيت بدون شغاله ، أزمة أزمة يقومونك من النوم عشان تكرفين ، ايه هين

//

إقتباس
}{ طقوسكم أثناء الاختبارات }{

ههه عليك طقوس مقنووونة أوي
أنا ماتعوق معي أدرس بأي مكان بالصجة بالهدوء بالظلام بالنور،لأن النتيجة بالنهاية معروفة وأفضل مكان عندي الصاله
وخصوصاً لا أخذتي لك مواقع استراتيجي بالكنبة اللي قدام المكيّف الصحراوي وتسدحتيَ وطلعتي عصاقيلك تشمّ الهوآء ومعك سفن أب مثلّج وكل شوي تشوفين صندوق الوارد بجوالك كنك ماقد قريتي الرسايل ، يوووووووووووووووه فله

إقتباس
}{ الجمــهره والسعــوديين}{

تصدقين تصدقين إني أحب الجمهره ، بس ماقد تجمهرت !
يعني أحاول بأبوي يوقّف نشوف وش صار بس إنه يعيّي ويقول بس هذا انتم يالعالم الثالث
بس صار لي موقف بمكه غبي غبي جداً ،
كنّا بالفندق وأنا كنت مسخّنه، ارتفعت عليّ درجة الحرارة وكنت بمووت
عاد أنا خلقه أخاف لارحنا لمكه من الصلاة على الأموات يرحمكم الله
وماكان بالفندق الا أخوي الصغير فكلّم الإسعاف وجو وقفّوا سيارتهم برآ ودخلوا شالوني وأنا رجل بالدنيا والثانيه بالقبر
ونوَّموني بسيارة الإسعاف وراحوا مدري ياخذون رقم أهلي عشان يتصلون فيهم ، وأنا بالسيارة حسيت كنّ الدنيا ظلمت شوي
ويوم رفعت راسي والله وألقى تكارنه وناس سعوديين وأجانب قاعدين يطلطلون من الدرايش ويناظرون
أنا تبلّمت ماادري وش أسوي حسيت إني انحرجت
أبي أقولهم طسّوا ياقليلين الأدب وش تطالعون بس ماكان بي حيل ، حيل الله أقوى
عاد ما أنساه كان في تكروني صغيّر مابان منه الا عيونه بسم الله ،يناظري وفااطس ضحك وقاهرني للحين ،
ماادري على ايش كان يضحك ولد اللي مانيب قايله !

إقتباس
}{ كيـــــد النســـــــاء }{

والله ماينفع بالرجال الا الكيد

//

طوّلت كالعاده أدري أدري

//

كآمساميدا فنّو ع الموضوع الرآيق ، تنسيق وفكرة وعرض ، !!

لاتحرمينآ من هيك طله ،،

//

الحلا مبتليها
لعيوووونك حذفت الرد اللي فوقك ورديت تحتك

//

برب ، بروح أنام وراي اختبار مزفّر من كثر ماهو دسم :s
اضافة رد مع اقتباس
  #5  
قديم 26/06/2009, 02:34 AM
زعيــم مميــز
تاريخ التسجيل: 15/07/2007
المكان: اي مكان !!
مشاركات: 2,292
صباح الخير


}{ طقوسكم أثناء الاختبارات

انا مااحب اذاكر بغرفتي ابدا بقعد اسلي نفسي باللبس والميك اب

عشان كذا مااقرب منها ابدا

}{ كيـــــد النســـــــاء }{

هههههههههه ذكرتني بوحده

دايم يقلون لزوجها ان فلانه شعرها طويل مرره وحلو

جا يوم بيدخل البيت قاالت لاااااااا انتظر فلانه ناسيه باروكتها عندي

قال اجل مو شعرها صدق قالت لا باروكه


ثانكس فنون عجبني الموضوع


اضافة رد مع اقتباس
  #6  
قديم 26/06/2009, 02:35 AM
الصورة الرمزية الخاصة بـ Msh3al_37
زعيــم مميــز
تاريخ التسجيل: 11/07/2005
المكان: In my dream world
مشاركات: 1,548
اهلين فنون

بالمناسبه انا ما اعرف اذاكر الا قبل الأختبار بساعات يعني اذا بقى 9 او 10 ساعات ابدا اذاكر

واذا حبيت العب على نفسي واقول اني دافور افتح الكتاب قدام وانام فوقه واقوم والاقي كل الحروف بجبهتي

سالفه صفيه ذكرتني بسالفه تقولها لي اختي انه صديقتها كانت متزوجه وبعد فتره قلب عليها وتزوج خويتها وطلع مرقمها بمواقف الكليه الي تدرس فيها المسكينه رحمتها

الموهم تقبلي شطفتي :$
اضافة رد مع اقتباس
  #7  
قديم 26/06/2009, 02:57 AM
الصورة الرمزية الخاصة بـ тħέ Eήđ . . !
زعيــم متواصــل
تاريخ التسجيل: 23/01/2009
المكان: العَآصِمْه = ) ~
مشاركات: 105
وعليكُم السلآإم ورحمه الله وبركآته * ~

إقتباس
}{ طقوسكم أثناء الاختبارات }{

مآعرف أذآكَر إلى وأنآ أمشي ~

أمشي أمشي حتى لآجيت أرآجع أمشي !

لو قلت لأهَلي إني أذآكر وشآفوآ بآبي مسكر يدرون إني أكذب

ولو حآولتَ إني أذآكر وأنآ جآلسه أصير على الهزآز ومآ أستوعب ولآكلمَه /


إقتباس
}{ الجمــهره والسعــوديين }{


هههههههههههههههههه ..//

من أسبَـآب زحمه الريآض وخريص والدآئري بالخصُوص .. شخص متعطله سيآرتهَ والعآلم تمشي على بيض بس على شآن تشوفه ~
إقتباس
}{ كيـــــد النســـــــاء }{

تفكَيير عجبتني موقفهـآإ ~

كَيد النسآء ينفع في كثيير من المُوآقف

بس زين الي مآحقدت على * صفيه *

أتَذكر ثنتين صديقآت كآنت علآقتُهم مرهـً زينه مع بعض .. بيوم من الأيآم الثآنيه تغير أسلوبهـآ مع الأولى

أستغربت الأولى ليش متغيرهـ تتحآشآهـآ ومآتكلمهآ وتطآلع بطرف عين

ظلوآ فترهـَ على هالحآل .. الأولى مآهآن عليهآ تسفه صديقتهآ جت وجلست معهـآ وقآلت لهآ يآفلآنه أسلوبك متغير علي [COLOR="gray"]![/COLOR]

أنآ مسويه لك شي .. مضآيقتك

قآلت ودي أقولك شي بس مآدري كيف قآلت قولي قآلت إني حلمت إنك تمشين مع زوجي ومآهآن علي أكلمك <<- !!!!!

موضوع رآيق وأستمتعت في كُل حرف أقرأهـَ لآتحرمينآ /
اضافة رد مع اقتباس
  #8  
قديم 26/06/2009, 04:31 AM
الصورة الرمزية الخاصة بـ مَاهِينُورْ
شعلة المجلس العام
تاريخ التسجيل: 06/11/2006
المكان: ||ياربّ لاراحة إلاّ بقُربك فقَربنيْ منكْ ♥
مشاركات: 3,849
Unhappy هذا الرد انحذف عشرين مرة بسبب الأتصال لكن عشانتس رجّعته


وعليكم السلام ورحمة الله وبركاته
هلآ وغلآ فنون
ع البركة العطلة ,,عقبال الفرح بالنتيجة


.*

إقتباس
عدم وجود خادمه ببيتنا لمده أسبوع أسبوعين

لا شعورياً قلت أحسسن
إي حسّي بإحساسي مادامك معطلة
هالله الله بالسنع خوذين قدوة لتس

.*
إقتباس
فأنا فنو ابنة العشرين ربيعا ً اغسل اواني أنا فنو امسح الرخام أنا فنو اكوي ملابسي

ياااعمري أنتي
~>وشولن تجي هالكلمة مع هالفيس() --> فيني شر اليووم

.*
إقتباس
}{ طقوسكم أثناء الاختبارات }{

علييتس طقووس توسع الصدر
ياحليل أمتس بس أجل تجرّب مكانتس

سلمي لي عليَه الله يحفظها ويرزقتس برّهْ
~> يارب تفهمين لهجتي برّةْ = برّها
تذاكرين قداام المراية مانتي ببعيدة عني
أنا كل شي قدام المراية حتى الطبخ الله يخلي مراية الفرن

.*
طقوسي أنا
منذ مبطي ما ذاكرت ,, تبنين أقولتس طقوسي بمذاكرتي لـ الي عندي؟
~> أشرح وأتعب وينبح حلقي وهم يتطنزون فيني لأني أتحمّس
أشرح من قلب إذا رفعت راسي لقيتهم يضحكون
أنا الغبية اللي مضيعة وقتي أشرح له وليته يجاوب ~> من شرحي الله يخلف علي
شطحت أدري
مذاكرتي أتذكر إني ما أذاكر إلا بصووت عالي وعادي يكون عندي أحد لأن ما يهم عندي ولا ماعندي الأمر سيان لأني ما أفهم
~> لا أمزح أستغفر الله أحب الهدووء
بس الصوت العالي لابد منه لأني لو قصّرت صوتي نمت ~> ياكثر ماصارت بس مانب قايلة خلّيها مستورة

.*

[ فنون ]
موضوعتس وسواليفتس تجننْ

لكني داخلة على عجل وماحبيت أشوف موضوعتس ولا أرد

إذا الله أراد بكمّل ردي بعد الصلاة
..

فماان الله

~> ياحبي لي أنا وهالتنسيق أحس إني تو ماصرت بنيّة
اضافة رد مع اقتباس
  #9  
قديم 26/06/2009, 05:33 AM
الصورة الرمزية الخاصة بـ Toly Mak
زعيــم متألــق
تاريخ التسجيل: 26/01/2008
المكان: العريجاء - الكامب نو
مشاركات: 1,326
}{ طقوسكم أثناء الاختبارات }{

طبعا ابدأ المذاكره تقريبا الساعه وحده بالليل واقعد اذاكر حتى وقت الاختبار وبعدها ارجع البيت و انام وعلى هذا النظام يوميا في الاختبارات ...

من عرفت نفسي ما اعرف اذاكر الا مع الليل بس بالنهار مستحيل
ممكن عندي عقده بالنهار الله اعلم ...

بس مع الليل الصراحه افلل واخلص المنهج في ساعتين تقريبا
على العكس في النهار لو اقعد ساعه ما فهمت درس واحد ....

وبالتوفيق لجميع الطلاب والطالبات ...
اضافة رد مع اقتباس
  #10  
قديم 26/06/2009, 07:45 AM
الصورة الرمزية الخاصة بـ Fahad Al Sudais
مشرف سابق في منتدى الجمهور الهلالي
تاريخ التسجيل: 21/02/2008
المكان: مدريــدي / ارسنــالي
مشاركات: 13,119
هههههههههههههههههههههههه

والله من الزحف يافنون

بس والله اعجبتني سالفة ( صفيه ) .. تحس قمة الدهاء

لاهنتي على السوالف الخطيرة
اضافة رد مع اقتباس
  #11  
قديم 26/06/2009, 09:06 AM
الصورة الرمزية الخاصة بـ Meme
زعيــم مميــز
تاريخ التسجيل: 03/08/2008
المكان: بيتي
مشاركات: 8,476
هلا والله بفن فن هع
اسمعي وانا خيتك احنا شغالتنا الاندونيسيه سافرت شهرين ويقالها بترجع الاربعاء ومارجعت
المووهم جبنا كل انواع الحبشيات والي اسمها زمزم والي اسمها عوشه وأخر وحده جبناها طلعت حامل وراحت وقلنا نصبر هالخمس ايام هذا كان السبت الي راح << تخيلي كنت اشتغل أنا وأختي التوأم _ترى يوزرها شلهوبيه موهوبه _ تخيلي اقعد بالمطبخ خمس ساعات وربي وانا اشتغل وبدقيقه وحده يخربونه ويديني صار الجلد حقها يتقشر واظافري تكسرت << عاد من زينها
وياحبيله ابوي مع انه يخوف وعصبي بس يقولي اتركي الشغل وروحي ادرسي عاد انا أكون مخلصه دراسه اقوله طيب وبعدها يجي يناديني يقولي سوي شاي وقهوه يعني ما استفدت يقول روحي ذاكري ويأمرني اهئ اهئ
ع فكره حجزنا لشغالتنا يوم الاحد وأول ماتوصل بنسافر سوريا
وبعطل السبت
واما مذاكرتي اهم شي اني اذاكر على سريره منسدحه على بطونتي واذاكر <<تراني من جد دافوره
ومشغل المكيف مع المروحه ومقفل الباب وجنبي زمزمية مويه ساخنه وجنبها ظروف النسكافيه والشاي هع وأهم شي كيس الحلويات والبايسن هع

شوكرا خيتو عالموضوع الروعه
اختكم ميمي سابقا ميمي192008
اضافة رد مع اقتباس
  #12  
قديم 26/06/2009, 09:26 AM
الصورة الرمزية الخاصة بـ الـمـشـاغـب
مايسترو المجلس العام
تاريخ التسجيل: 18/02/2005
المكان: كاشت مع ويلهامسون بين المروج :$
مشاركات: 7,060
أهلين فنون

بالنسبة للطقوس ..
فأنا طقوسي غير .. ما أقدر أحياناً أذاكر إلا على الإزعاج .. بس مو إزعاج قوي ..
يعني يا تي في .. يا مجموعة شباب عندي
وأحياناً إذا كانت المادة صعبة .. لازم هدوووووء حتى صوت اللمبة يأثر فيني ويشتت تركيزي

أما عن الجمهرة على الحوادث أو غيرها .. يا كرهي للي يتجمهرون ولا هم مسوين شي ..!
المرة الوحيدة اللي وقفت فيها .. قبل خمس سنين , كنا ماسكين خط الجنوب
وكان فيه حادث قبل الأفلاج إن ماني بواهم .. حادث توه صار .. وقفنا عشان نساعدهم ..
كان الحادث فظيع وكل راكب بعيد عن الثاني منسدحين .. جبنا بطانيات وشراشف وغطينا أجسامهم ( كان شتاء ) ..!
اتصلنا بالاسعاف وما طوّل كثير .. وبعدها مشينا وهم الحمد لله أحياء بس مكسرين ..
قبل ما نمشي .. ركب معنا واحد من اللي صار لهم الحادث من سيارة ثانية يبي معنا الجنوب
قلنا لازم نوديك المستشفى أول .. بس عيا يقول ما فيه شي .. وأخذناه معنا وباين أثر الحادث في كلامه قام يخور ويلخبط كثير الله يعافيه ولا يبلانا بالحوادث

بالنسبة لصفية .. البنت تستاهل وشوله تمدح البنات عند زوجها
بس تصرفها كان حلو

بس تعبت .. شكراً فنون على هالموضوع الكويّس أوي
اضافة رد مع اقتباس
  #13  
قديم 26/06/2009, 11:31 AM
زعيــم مميــز
تاريخ التسجيل: 23/12/2006
المكان: المجلس العام
مشاركات: 2,495
هلا وغلا فنون ..


بالنسبة لي ما عندي طقوس اوقات الاختبارات عادة ما افتح الكتاب الا قبل الاختبار بنص ساعة وادخل الاختبار واجيب العيد ..

بالنسبة للجمهرة والله ياحنا شعب فضولي ..
هي بالرغم من سلبياتها الكثيرة لها فوائد لا تحصى من ضمنها انك احتمال تقابل شخص عزيز فرقت بينكم الدنيا ..

اما كيد النساء ..
بس من جد كيف طرى على بالها هالفكرة الجهنمية ..
بس تمنيت لو ان زوجها بعد ما قالت له انها صفية قال لها ما توقعتها بهالجمال ..
قسم ان يضرب فيها عرق ..

يعطيك ربي الف عافية على الموضوع ,,
اضافة رد مع اقتباس
  #14  
قديم 26/06/2009, 12:48 PM
زعيــم فعــال
تاريخ التسجيل: 08/08/2008
المكان: я ï ¥ â đ ђ
مشاركات: 415
السلام عليكم ورحمة الله و بركاته
صباح الخير
.’
كح كح كح كم لي عن المنتدى
هلا والله وغلا و مرحبا يا فنوووون حيا الله من طل علينا
و أنا أقول و شفيه المنتدى منور
أثره من نوري و نورك <~~ برا
.’
ألف مبروووك العطله عقبالنا يارب هانت ما بقى شئ راح الكثير و بقى القليل
هههههههههههههههههههههههههه
استغفر الله ياربي ضحكت أخاف تنحاش شغالتنا اللحين
شكلي بروح آخذ المفاتيح من أمي و أقفل الأبواب

إقتباس
والمدة إلى الأمام وأن هذا من دواعي سروري وابتهاجي لكتابة الموضوع .!!

أجل لا عمرها تجيكم عشان كل يوم تكبيلنا موضوع أمزح
جعلها يارب تجيكم
أ- عاجل غير آجل ب- آجل غير عاجل ج- جميع ما سبق <~
إختاري الإجابه الصحيحه
<~ الله لا يلومني الإختبارات لاعبه في مخي لعب

إقتباس
فأنا فنو ابنة العشرين ربيعا ً اغسل اواني أنا فنو امسح الرخام أنا فنو اكوي ملابسي << الله أكبر ياهالفنو ع رأسها ريش

الله أكبر حبيبتي وش وراك لا شغل ولا مشغله معطله و مستانسه
مو مثلنا الله يعينا يارب
بدال ما تخلين وقتك يروح ع الفاضي اشتغلي و نظفي و اطبخي و خليك سنعه
و خلي أمك تستانس و تقول بسم الله عليها بنيتي صايره سنعه
و تهون و ما تجيب شغاله خلاص فنو عن عشره <~ حشا آله مب إنسانه

.’
إقتباس
}{ طقوسكم أثناء الاختبارات }{

والله الطقس عندي بارد عند درجة الحراره 21 و قابل للزياده <~ فاهمه العنوان غلط

وش تحسين في قدام المرايه و الله كان أقعد أحوس في شعري و ألهى في نفسي ولا أذاكر
والله في أي مكان تحطيني أذاكر لو في السطح بس أكثر شئ
أحب أذاكر فوق سريري أخلي الكتاب مفتوح قدامي و أبدأ أذاكر
و إذا تحمست مره مره ما أحس بنفسي إلا و أنا أقعد أهزكأني في مرجيحه
و أبدأ أعلي صوتي في الكلام
وبعض الأحيان أقعد على كرسي و أذاكر أحس نفسي رسميه

بس اللحين صايره أكره المذاكره الأسبوع الأول كنت متحمسه يقالي أما اللحين استغفر الله مدري وش أسوي
شكلي بسوي شيين يا أجيب حبل و أقعد ع السرير و أخلى أمي تربط رجليني عشان ما أتحرك و أذاكر
ولا بعطيها المفتاح تقفل علي
أووووف بس

.’
هههههههههههههههههههههه يا حبيلها أمك
أقلام التخطيط أول كنت أحب أخطط كتبي فيها أما اللحين قلم أزرق و يخب بعد
و أحيانا ما أخطط بشئ صرت ما أجيب ولا قلم جبي لأني إذا شفته
مسكته و فتحته لك و أبدأ أزخرف لك الكتاب من أ إلى ي
عشان كذا ما صرت أحط شئ جني إلا كتابي و دفتري <~ صايرين أصدقائي هالأيام

.’
إقتباس
لابد من قفل النوافذ جيدا و الباب

سبحان الله عكسك الباب الله لايعوق من شر لازم أخليه مفتوح
عشان أشوف أخواني وهم رايحن جاين و عشان يلهيني عن المذاكره
بس ما يفيد يجون ويسكرون الباب و أنا وياهم طق وطقيق أنا أفتح وهم يسكرون
زي أمس نزلت تحت في المقلط أذاكر يقالي أغير عن غرفتي و طول الوقت واأنا
على اليسار قاعده مب لم الباب بس طبعا مفتوح
المهم و أذن المغرب و تجي أمي تصلي في المقلط يوم خلصت صلاتي و أروح أغير مكاني و أروح قدام الباب كانوا توهم جايين من الصلاة وقاموا يلعبون كوره ع السريع و قمت أناظرهم إلا و تخلص أمي من الصلاة
و قالت لي أنتي اللحين تذاكري و لا تشوفينهم قلت لا أذاكر قالت إيه مره واضح
وقامت وسكرت الباب معها

.’
اما سالفة الجمهره
هههههههههههههههههههههههههههههههههههه
لا جديد على شعبنا العزيز
بس ودي أروح أشوف شكله يوم قاله هالكلام
يستاهل محد قاله يشوف نفسه عليهم

هههههههههههههههههههههههههههههههههه
هههههههههههههههههههههههههههههههههههه
تعجبني ما ينفع معهم إلا كذا


فنووووووووووون
تسلم أناملك على الموضوع الحلو
لا تحرمينا
يالله مع السلامه بروح أذاكر





اخر تعديل كان بواسطة » ملاك بطبعها ! في يوم » 26/06/2009 عند الساعة » 01:55 PM
اضافة رد مع اقتباس
  #15  
قديم 26/06/2009, 01:57 PM
زعيــم مميــز
تاريخ التسجيل: 14/12/2006
المكان: وش دخل ابوك
مشاركات: 4,231
هلا وغلا فنون..

ع بركه الاجازه وعقبال النجاح


إقتباس
فأنا فنو ابنة العشرين ربيعا ً اغسل اواني أنا فنو امسح الرخام أنا فنو اكوي ملابسي << الله أكبر ياهالفنو ع رأسها ريش

على وين يا ماما ..نسيتي غسيل الملابس والطبخ والنفخ؟؟..اكيد ما فيه غيرها فنون..
تذكرت وحده في البلياردو نكها لن اغسل القدور يا امي خخخخخخخخخخخخخخخخـ
كل ما اقرا نكها..اتذكر سالفة القدور..




ايييييييييييييييييه يالمذاكره ..زمان يا فن..<---للحين ما تخرج البكاش..
طقوسي في المذاكره متعبه وانواع التشرط..ما ادري هو عشان من جد ما اعرف اذاكر الا بهالطقوس او اني ابي اعذار عشان ما اذاكر..
ما اذاكر الا في الليل ومن الساعه 12 وانتي طالعه يعني النهار وقبل 12 مستحيل اذاكر..
مستحيل اذاكر قبل الاختبار بيومين يا ليلة الاختبار او لا..
الحكمه من عدم المذاكره بالنهار او قبل 12 لاني ما احب الازعاج ولا حتى نفس..بتقولوا انطق بغرفتك ذاكر
اقولكم ما احب اذاكر الا بمكان جلسة العايله..يعني انتظر لين يطلع اخر واحد منها بعدها ابدا اذاكر..
عقدتي في المذاكر الصفحه الاولى..والله اوقات اجلس ساعتين وانا على الصفحه الاولى
واذا عديتها خلصت المنهج كله بثلاث ساعات بالكثير..

المهم ايام الاختبارات الناس يجيهم ارق وانا ادعس امها 12 ساعه سلام سلام..

تقريبا هذي ايام ما كنت اختبر..



الجمهره
انا طلقت الجمهره بالثلاث..
هذا سلمكم الله ..كنا على البحر انا والاهل في عصرية يوماً ما..المهم لما قربت تغرب..قالوا الاهل يبون يمشون
قالت الوالده والله ودي اروح البيت مشي ..قلت قدام انا واياك نمشي ..خصوصا ان البيت مو بعيد..والا كان بلعت العافيه
المهم اخذت ماي ماذروكنا متجهين من الشاطئ للشارع واحنا ماشين الا وسمعنا صوت تفحيط وصدمه قويه..
المهم وقتها يقالي بهدي الوضع عشان امي ما تخاف..قلت اكيد واحد صدم انبوب الماء الاحمر حق
الدفاع المدني..المهم كانت التصريفه مثل وجهي وامي خافت..
رجعتها لمكاننا وانا كعادة اي شاب سعودي رحت اشوف وش اللي صاير..وانا اركض الا وانا اشوت خوذه اللي يلبسونه راعين الدبابات
مشيت شوي واشوف سياره معروض وسط الطريق ودباب محذوف باخر الطريق وراعي السياره حصلته ماسك راسه ويصيح
مشيت لجهة السياره ابي اشوف وش الهرجه(ما كان فيه زحمه ..يعني انا من اوائل الحاضرين)
قربت للسياره ما حصلت شيء ناظرت على يساري واشوف واحد باخر الطريق على الارض..
ولما قربت منه الا وهو راعي الدباب متقطع قدامي..انا وقتها فغرت بجد من اللي اشوفه ...يعني كل احشائه طلعت برا..
بعد ما صحيت من اللي انا فيه..اناظر بجنبي الا واحد شايل ولده الصغير ويجلس اناظر..
قلت له..عاجبك المنظر يوم انك تجيب ولدك..؟؟
انت صاحي ولا مريض ؟؟...يالله فارق انت ولدك من هنا ..من العصبيه قلبت على البزران الموجودين وابعدهم
بعدها جاء واحد الله يجزاه خير وغطى الجثه بالبطانيه لين جاء الاسعاف
المهم انهم قبل ما يشيلونه ربطوه بالشاش عشان يلمونه ولا يطيح منه شيء..

بعدها حرمت اتجمهر..
كأني طولت؟؟

شكل ردي اطول من موضوعك ..يالله طسي وامسكي ذي..








سلاااااااااااااااااااااااااااااااااااااااااااااااام

اخر تعديل كان بواسطة » abo_nasser في يوم » 26/06/2009 عند الساعة » 11:43 PM
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 08:55 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2024, Jelsoft Enterprises Ltd

Google Plus   Facebook  twitter  youtube