©{« •• امنية الطلاب وقت الاختبارت •• »}© - نادي الهلال السعودي - شبكة الزعيم

هلالي بس قصيمي · #1 24/06/2009, 09:45 PM

أخواني الطلاب الكرام

أيها العباقرهـ الكرااام

يامن حاربتم ببسالة في الأيام الماضية

<HR>

يامن قاتلتم بشراسة

ومنتصرين بإذن الله

هانحن اليوم نخرج فلاشاتنا على اسياد من كنا نحاربهم

^^^^^

كيف التهييظ الي فوق

<HR>

المهم تخيلو معي الحين يالله

انا العلماء الي اكتشفوا المواد الي ندرسها

مجتمعين في برنامج

المهم جـا إتصال من صاحب السمو الطالب الكريم

تابعو معنا وش قال صاحب السمو الطالب الكريم

طبعاً العلماء الموجودين هم علماء

الرياضيات

الفيزياء

الكيمياء

النحو

تابعو معنا ماذا حصل

::

::
مقدم البرنامج : معنا إتصال من صاحب السمو الطالب الكريم .. السلام عليكم ياصاحب السمو

الطالب : وعليكم السلام ياخي الحين انتم جالسين تبربرون هنيا

ولا تدرون وش القصة

عطني عطني علماء الفيزياء الي جمبك بالله

عالم فيزياء : هلا والله طال عمرك

الطالب : انت تعال تعال الحين الي معي نيوتن ولا انا غلطان ؟

عالم فيزياء ( نيوتن ) : اييه نعم ياطويل العمر معك نيوتن ملك الجاذبية

الطالب : جاذبيه تجذبك لجهنم قل آمين .. الحين انت يامال الغنيمة رجال جالس تحت شجرة طاحت عليك تفاحه ياخي ورى ماتاكلها وتحمد ربك وتسكت وتريح العالم ياخي .. جالس تقولي التفاحة ماطاحت فوق ليش ... انت مجنون مجنون انت .. وبعدين طاحت عليك التفاحه خلاص ياخي طلع قانون واحد وريحنا مسوي قلق لنا ياخي ومطلع كتاب كامل
الحين لعنبو بليسك انت ماعندك عيال ماتفكر بالأجيال القادمة الأجيال القادمة تعقدت منك ياخي ..!

نيوتن : ........................ ( يعني ساكت هع )

الطالب : عطني عطني عالم الرياضيات الي جمبك عطنياهـ .

عالم الرياضيات : مساك الله بالخير ياطويل العمر

الطالب : الحين انتم فهموني انتم خبلان ولا وش الحين الطلاسم الي حاطينها لنا ( جا - جتا - ظا - ظتا ) قلة الحيا هذي وش هاهـ وش فايدتها هذي .. مسويلي مثلثات ومدري ويش الله يقلعكم انتم ومثلثاتكم ياخي خافو ربكم ياخي والله عيب
ياخي انتم تكبرون السالفة وهي قصيرهـ الرياضيات خلاص جمع طرح قسمة ضرب وخلاص وش قله الحياء هذي ..
عطني عالمكم الكبير فيثاغورس عطنياهـ .

فيثاغورس : هلا والله ياطويل العمر

الطالب : هلا فيك الحين انت فتحت علينا بابن ماضنيت انه بينصك يوم انك تحط قانونك حق المثلث قائم الزاويه لييه قامت عليك القيامه بلا ؟ جاوبني ليه ؟

فيثاغورس : هذا العلم طال عمرك العلم ..!

الطالب : قل قسم .. هذا علم ..! والله احسبه بوفيه تبيع كبدهـ .. ادري انه علم
انا اقول وراك مسوي فيها ذيب وجالسلي تكتشف لييه

فيثاغورس : عشان طال عمرك نشغل مخنا

الطالب : شغلو عليك منشار ينشرك بلا .. ياخي وش دخلك في الناس يشغلون مخهم يطفونه يفصلونه انت وش عليك انت شغل مخك وبس ولا عليك من الناس ياخي والله العظيم جالسلي تبربر هنيه ولا تدري وش السالفة عطني عالم الكيمياء الي جمبك عطنياهـ .

عالم الكيمياء : هلا والله طال عمرك

الطالب : لاهلا ولا مسهلا ابسألك سؤال لو سمحت .. انت حمار ؟

عالم الكيمياء : لا وش دعوى طال عمرك

الطالب : الا حمار الحين انت وش هالقافة الي فيك مخليتك تشوف الذرة وش مكوناتها ومدري ويش .. احد شاكيلك ولا شي ياخي خل كل شي مكانه
.. عطني عالمكم رذرفورد عطنياهـ

رذرفورد : هلا والله

الطالب : ياخي انت مريض خل الناس في حالها جالس تفتش الذرهـ وش مكوناتها وش عليك من الذرة ياخي انت بس تكتشف وحنا الي ناكلها ياخي حرام عليك .

رذرفورد : بس ياطويل العمر ...

الطالب : لاطويل عمر ولا قصير عمر لايكثر وعطني عالم النحو الي عندك سيبويه عطنيه

سيبويه : أهلاً وسهلاً بك ياصاحب السمو

الطالب : ويحك يافتى ألحين انت يوم تسوي فيها ذئباً وضرغاماً وتجي تقولي وش الي ينصب المضارع وش الي يجزمه ومدري ويش لماذا هاهـ أخبرني لماذا هل سندخل الجنه ان عرفنا اين المضارع واين الماضي اجبني يافتى ؟

سيبويه : لا طبعاً ياصاحب السمو

الطالب : اجل مرهـ ثانيه تلايط ولا تسوي فيها ذيب .

مقدم البرنامج : بس ياطويل العمر انت يعني

الطالب : اقول انتم الظاهر ماتربيتو تبينا نربيكم بنربيكم جالسينلي هنا تبربرون ..

عالم ( عندهـ واسطه ) : لاياطويل العمر حنا متربين

الطالب : لاماتربيتو لو انكم متربين كان ماسويتو الي تسوونه .. الحين انتم جالسين فاضين وكل واحد يشر للثاني هاهـ ابوفلان نكتشف شي جديد يالله قدام .. وحنا الي ناكلها يا ؟؟؟؟.

مقدم البرنامج : ياطويل العمر انت فاهم الموضوع غلط حنا راح نوضحلك ..

الطالب : طوط طوووط طوووط <<< سكر بوجيهم

::

::

السمسار الهلالــي · #2 24/06/2009, 11:14 PM

,,

من جد قولولي حاجة تستفيد منها في حياتك من الفيزياء أو الكيماء

..
لحد ينبرش عليّ ويقول : المهندسين وإلخ إلخ إلخ .. كلها قياس وخلاص .. درس واحد , أوما منهج واحد !
وتحصل طالبين في كل مدرسة يحبون الكيماء ! , الليّ أستفدنا منه 1+1 , 3-1 بس

اما الدروس الباقية مانستفيد منها !
أجل أدرس عن حشرات ماتنشاف في الحياة

وندرس مكوناتها وكيف تتكاثر , والله لو أني موسوس

!!!
هالدروس كلها مانستفيد منها , غرض الوحيد مييين الطالب اللي يبدع فيها ؟ ويستحق الوظيفة .. وأكرر محد يستفيد منها فالحياة

,,

solyman · #3 25/06/2009, 12:55 AM

هههههههه قسم بالله العظيم دوخنا بموادهم خاصه اليهودي نيوتن ابن الكلب,,,

ஜ ₣ ฮ เ ṥ λ Ŀ ஜ · #4 25/06/2009, 05:12 PM

^
^

ههههههههههههههههههههههههههههههههههههههههههههه

عقـب ردك حسـيت بـ معـآنـآتـك مـع نيـوتن

لـو تسـئلون الحين اي طـآلب متـخرج عن الريـآضـيـآت والكيميـآء والفيـزيـآء تتـوقـعون بيتـذكر شـي منهـآ !! لاوالله ويـآكثـر المتـوظفـين الي اسئـلهم ويقـولون مـآنتـذكر الا كـم درس !! يعني يكـرفونـآ الحيـن على اشيـآء مـآرآح تفـيدنا فـي حيـآتنا المستـقبـلية !!

يـعطيك العـآفـية يـآرآعـي الموضـوع

هلالي@متعصب · #5 27/06/2009, 12:16 AM

انا ماقهرني ألا الأعراب !!

معالي الزعيم_20 · #6 27/06/2009, 01:02 AM

ههههههههههههههههههههههههههههههههههههههههههههههههههههههههههههههههههههههههههههه

هلالي 1407 · #7 27/06/2009, 01:53 AM

هههههههههههههههههههههههه مشكور يعجبني في نيوتن والله يكثر من هالطلاب

ريتاج الهلال · #8 27/06/2009, 03:35 AM

ههههههههههههههههههههههههههههههههههههههههههه

و هو صادز ما استفدنا شي من الي درسنا.