نادي الهلال السعودي - شبكة الزعيم - الموقع الرسمي - أي ( درة ملاعـب ) وأي خرابيـط.. ليـالي ( المـلز ) ما مثلـها ليـالي.. خلّـوها تملّـز

- منتدى الجمهور الهلالي (http://vb.alhilal.com/f28/)

من ناحيتي انا ما قد خليت ولا مباراه في ملعب الملز يالبي قلبه بس توووووووووووحفه
اما الاستاد قليييييييييييييييل بل نادر ما احضر فيه
احسه كأيب واللاعبين بعيدين ياااااااالله تفرق بينهم

يازين الملز بس ..

حتى الجماهير اللي تجي باستاد الملك فهد .. ثلاثة ارباعهم ما يعرفون كوره

بس علشان قريب من بيتهم ، يجون علشان يتراقصون مع الرابطه ( وأكيد فاهمين قصدي )

والله ياشيخ ذكرتني بمولقف في الملز آخرتها صارخت على صالح بشير والله يالجمهور فطس ضحك على بشير وانا اصارخ عليه الوسخ سوا ردة فعل بعد صراخي عليه والجمهور قب عليه بعد ماشاف حركته الملز شي بس الاستاد كبير ويمديك تفتح لعب وغيرها بس الذكريات ولانجازات اتوقع انها سوا بس بطولات آسيا في الاستاد مع ليش بصراحه حيرتني اللي بعدي هو اللي يقرر الافظل وأشكر موضوعك شكلكم انهبلتوا من اللحسه ههههههههه

والله اني مثلك بس سالفة ايام اول ما عرفها بلجرشي ومادري وشي
المهم حتى انا والله العظيم استانس لا شفت الهلال بالملز يلعب لعب مفتوح و فن

والجمهور مثل ما قلت
بس ان شاءالله بتنسى ستاد الملك والملز مادري تنساه او لا
لانه بيصير فيه مقبره باسم الزعيم ستكون للاعداء
وهو ان شاءالله ملعب الهلال new

الله يالملز ... تذكرون اربعت الهلال على الاتحاد .. وتذكرون نهائي كاس الامير فيصل قدام الاهلي .. وتذكرون . نهائي فيصل قدام الاتفااق ...على مااظن ان هاذي مباريات كانت بومسم وااحد ... لا وتذكرون اربعت الشباب .. كان الهلال يضرب بالاربعه في هذا الملعب ....هاذي دلائل وذكرياات قللله القله من الذكريات الجميله على هذا الاستااد ..... الله يالملز ....

سبحان الله نفس الاحساس

انا جدا اتفاءل إذا لعب الهلال في الملز .. او لعب خارج الرياض

لكن إذا لعب في استاد الملك فهد يصيبني التشاؤوم ويصدق معي :(

في دوري ابطآل اسيا الأخيره والله يعلم تمنيت خسارة الهلال من باختكور

في استاد الملك فهد عشان حنا نصير ثاني المجموعه ونقابل الاتفاق في الدمام

لكن للأسف فزنا على باختكور وتقابلنا مع ام صلال في استاد الملك فهد و ودعنا الطوله

إقتباس:

الرسالة الأصلية كتبت بواسطة الـصـخـرة (مشاركة 12382607)

حيـــــــــاكم

ياهلا بالزعماء :smilie47:

صراحة.. مباريات الهلال في ملعب الملز لها طعم :wub:

مدري هالشي عندي انا بس او فيه احد غيري يحس بهالشعور ؟؟

يمكن لأني تعودت من يوم كنت صغير على هالملعب :d

وعشت في مدرجاته عمر مو بسيط :smilie47:

اجمل مباريات الهلال كانت على ملعب الملز

وأسوأ مبارياته ( مستوى ونتيجة ) كانت على ارض ستاد الملك فهد :to:

وهالكلام مو من باب التشاؤم او التطيّر .. حاشا لله :yes:

لكنها حقائق تاريخية عشتها والكثير منكم عاشها

بكل صراحة ما اذكر اني قد طلعت من ملعب الملز وانا موطّي راسي ومقهور :smilie47:

لكن ( درة الملاعب )... لاتشكي لي ابكي لك :ranting:

صحيح ان ملعب الملز قديم وأثري

لكن ميزة مدرجاته انها تمتليء وقريبة من ارض الملعب

يعني لو تصوّت لأي لاعب يسمعك بسهولة :d

علشان كذا نجوم الهلال اول كانوا يتطورون بسرعة :d... يسمعون توجيهات الجمهور << :to:

لكن في الاستاد... لو يطلع بلعومك مايسمعك الا اللي حولك من الصجّة :d

وازيدكم من الشعر بيت

في ملعب الملز لو تنادي احد اللاعبين يلتفت عليك ويقدر يميّزك بين الجماهير :naughty:

اذكر اكثر من مرة يوسف الثنيان يرد على الجماهير ونموت من الضحك :s2:

منهم واحد مره قعد يصارخ ( يوووووسسسسسف... يووووووسسسسسسف ) :to:

إلتفت عليه ابويعقوب وهو حاط اصبعه على إذنه << يعني تراك صجّيتنا :s2:

وكان فيه حارس اسمه منصور الحلوة :d

( اخو الشيخ ابراهيم اللي كان حارس الشباب والمنتخب.. وحالياً مغسّل الموتى )

منصور كان بحارتنا بالملز... وكانت معيارته ( بلجرشي ) :s2:

اللي اعرفه ان بلجرشي اسم مدينة... ومدري ليش صارت لقب له :to:

المهم انه شارك في احد المواسم كم مباراة... وكنا نستقعد له مع بعض عيال الحارة

اذا مسك الكورة نصارخ في المدرج ( احلى بلجرشي .. منتب عاقل ) :d

ويلتفت علينا في المدرج وهو فاطس ضحك :laugh:

واللي كانوا مبسوطين من جد.. فيصل ابوثنين وعبدالرحمن الرومي

مابين بيوتهم والملعب الا ( قطع الشارع ) :naughty:

علشان كذا فيصل قبل بعض المباريات مايروح للنادي علشان يجي بالباص مع الفريق

اذا وصل الباص.. يطلع من باب بيتهم و ( يمد ) رجله اليمين ويلقى نفسه في الملعب :d

مع ان البعض كانوا يلومون فيصل على عدم مرافقة الباص

والبعض يعتبرونه شايف نفسه ويعتبر نفسه ولد شيوخ ومايتنزّل ومن هالحكي الفاضي :s3s:

لكن هذي هي الحقيقة... وحتى الرومي نفس الكلام ماكان يضرب مشوار

وطبعا مادام اننا في سيرة ملعب الملز :smilie47:

لازم نتذكر احلى الظواهر الهلالية في تاريخ هالملعب

صالح النعيمة :smilie47:

اشتهر في الملز واعتزل في الملز s13s

وما اظن فيه احد يحب ملعب الملز اكثر من ابو فهد :smilie47:

شال كل الكؤوس وصنع تاريخه كقائد فذ في ارض الملز :smilie47:

والنقطة السوداء الوحيدة في تاريخه كانت في ارض الاستاد يوم هدف خميس الملغي :s3s:

ويارباه على مهرجان اعتزال النعيمة في ملعب الملز :wub:

ويا تل قلبي على هدف سامي في ذيك المباراة... الحارس نكونو قام يزحف كأنّه طفل :s2:

ومن ينسى ثنائي الملز الشهير ( صفوق ومحمد التمياط ) :smilie47:

حتى ( عبده صبياني ) << نامي هذاك الوقت :ap:

ومن ينسى ديربيات الملز بعد العصر.. وتسحيبات الثنيان بحسن حمران :s2::laugh:

ومن ينسى هدف موسى نضاو ( المبروم ) في مرمى شاكر العليان :naughty:

احلى شي انك تفوز على النصر بوجود ماجد والهريفي ( تكرمون ) في ملعب الملز s13s

وتطلع من الملعب بعد المغرب ولا ترجع بيتكم الا تالي الليل

وتبقى الظاهرة الأهم والاجمل..

عبدالله بن سعد :cry:.. الله يتغمده بواسع رحمته :cry:

اسألوا منصة الملز عنه الله يرحمه.. وهي تعلمكم من يكون :cry:

هو باختصار اكثر واحد كان مع ذيك المنصة ( طالع نازل ) شايل كأس أو رافع درع s13s

يازين ايام الملز ونجوم ملعب الملز...

نجوم الروح.. نجوم الاخلاص.. نجوم الشعار....................... تبّاً للمادة

عيسى المحياني

متفائل فيك كثير يا ابن حي ( الغسالة )... ترجّع لنا حماس وعطاء نجوم ( الملز )

شخصياً..

اعتقد انك ستكون المنافس الاول للاسد اسامة في انتزاع حب الجماهير الموسم القادم :smilie47:

والمكتوب باين من عنوانه.. صمودك التاريخي من اجل الزعيم لن ينساه أي هلالي :smilie47:

بالتوفيق لك يابطل.. وانت قدّها وقدود :yes:

:ap::ap::ap: الله يرجك انا من بلجرشي هي محافظة بمنطقة الباحه

وبالنسبة ليوسف الثنيان :laugh: حلوة يرد عليهم ياشيخ فديت لعبه :smilie47:

اما عن المباريات اسمح لي انا مااااا ارتااااااااح اشوف مباريات الهلال الا بملعب الملك فهد ( الدرة )

ملعب حلو ودولي كبير -- مو الملز ملعب صغير :s2:

وبالاخير مشكور على الطرح s13s

even i felt like dat man
even though i didnt attend any match in malaz
but hilal performed better in malaz

it was very interesting 2 read it
thanx

ااااااااااااه يالملز واااااه ياايام ابويعقوب والنعيمه والمصيبيح والعشيوي وسعد مبارك وسعود الحماد ويوسف جازع وعبادي الهدلول ومحمد التمياط وخالد التيماوي وووو كثييييير ونسيت اكثرهم ياحلوها من ايام :cry:

والبركه في الموجودين حاليا الله يقويهم :)

اخوي الصخره موضوع جدا اعجبني وقلبت معه اجمل الايام :ba:

تحياتي لك :rose:

اشكرك على الموضووووع

بالصراحه جبتها في الصميم

انتصاراتنا في ملعب الملز أكثر
ولما تجي مباراة على ملعب الملز أتفاءل بالفوووز ، عكس ملعب الاستاذ

وانشاء الله نشوووف استاد الهلال ونتفاءل أكثر من ملعب الملز

ياخي ملعب الملز من حبك له اذاجيت تدخله تحس انك داخل بيتكم ماهو ملعب شي غريب صح

هههههههههههههههههههههههههه والله انك متستس

تصير خويي

وغير كذ1 آذآ خلصت المبآرآت..

وطلعنآآ

الشوآآرع اللي برآ سييييعه وفلله ..~ وتهجووول ع رآحتك

آمـآ الإستآد تلقىآ 2000 موووقف ومليوون بوآآبه

وكل بوآآآبه تشبه الثآآنيه ..~~

والله آكثر من مبآرآة مآ آطلع إلآ وآضيع السيآره ض1 ..~

والله زماااااان .............

والله ياليت الهلال يشتري الملز ..