|
أي ( درة ملاعـب ) وأي خرابيـط.. ليـالي ( المـلز ) ما مثلـها ليـالي.. خلّـوها تملّـز حيـــــــــاكم ياهلا بالزعماء :smilie47: صراحة.. مباريات الهلال في ملعب الملز لها طعم :wub: مدري هالشي عندي انا بس او فيه احد غيري يحس بهالشعور ؟؟ يمكن لأني تعودت من يوم كنت صغير على هالملعب :d وعشت في مدرجاته عمر مو بسيط :smilie47: اجمل مباريات الهلال كانت على ملعب الملز وأسوأ مبارياته ( مستوى ونتيجة ) كانت على ارض ستاد الملك فهد :to: وهالكلام مو من باب التشاؤم او التطيّر .. حاشا لله :yes: لكنها حقائق تاريخية عشتها والكثير منكم عاشها بكل صراحة ما اذكر اني قد طلعت من ملعب الملز وانا موطّي راسي ومقهور :smilie47: لكن ( درة الملاعب )... لاتشكي لي ابكي لك :ranting: صحيح ان ملعب الملز قديم وأثري لكن ميزة مدرجاته انها تمتليء وقريبة من ارض الملعب يعني لو تصوّت لأي لاعب يسمعك بسهولة :d علشان كذا نجوم الهلال اول كانوا يتطورون بسرعة :d... يسمعون توجيهات الجمهور << :to: لكن في الاستاد... لو يطلع بلعومك مايسمعك الا اللي حولك من الصجّة :d وازيدكم من الشعر بيت في ملعب الملز لو تنادي احد اللاعبين يلتفت عليك ويقدر يميّزك بين الجماهير :naughty: اذكر اكثر من مرة يوسف الثنيان يرد على الجماهير ونموت من الضحك :s2: منهم واحد مره قعد يصارخ ( يوووووسسسسسف... يووووووسسسسسسف ) :to: إلتفت عليه ابويعقوب وهو حاط اصبعه على إذنه << يعني تراك صجّيتنا :s2: وكان فيه حارس اسمه منصور الحلوة :d ( اخو الشيخ ابراهيم اللي كان حارس الشباب والمنتخب.. وحالياً مغسّل الموتى ) منصور كان بحارتنا بالملز... وكانت معيارته ( بلجرشي ) :s2: اللي اعرفه ان بلجرشي اسم مدينة... ومدري ليش صارت لقب له :to: المهم انه شارك في احد المواسم كم مباراة... وكنا نستقعد له مع بعض عيال الحارة اذا مسك الكورة نصارخ في المدرج ( احلى بلجرشي .. منتب عاقل ) :d ويلتفت علينا في المدرج وهو فاطس ضحك :laugh: واللي كانوا مبسوطين من جد.. فيصل ابوثنين وعبدالرحمن الرومي مابين بيوتهم والملعب الا ( قطع الشارع ) :naughty: علشان كذا فيصل قبل بعض المباريات مايروح للنادي علشان يجي بالباص مع الفريق اذا وصل الباص.. يطلع من باب بيتهم و ( يمد ) رجله اليمين ويلقى نفسه في الملعب :d مع ان البعض كانوا يلومون فيصل على عدم مرافقة الباص والبعض يعتبرونه شايف نفسه ويعتبر نفسه ولد شيوخ ومايتنزّل ومن هالحكي الفاضي :s3s: لكن هذي هي الحقيقة... وحتى الرومي نفس الكلام ماكان يضرب مشوار وطبعا مادام اننا في سيرة ملعب الملز :smilie47: لازم نتذكر احلى الظواهر الهلالية في تاريخ هالملعب صالح النعيمة :smilie47: اشتهر في الملز واعتزل في الملز s13s وما اظن فيه احد يحب ملعب الملز اكثر من ابو فهد :smilie47: شال كل الكؤوس وصنع تاريخه كقائد فذ في ارض الملز :smilie47: والنقطة السوداء الوحيدة في تاريخه كانت في ارض الاستاد يوم هدف خميس الملغي :s3s: ويارباه على مهرجان اعتزال النعيمة في ملعب الملز :wub: ويا تل قلبي على هدف سامي في ذيك المباراة... الحارس نكونو قام يزحف كأنّه طفل :s2: ومن ينسى ثنائي الملز الشهير ( صفوق ومحمد التمياط ) :smilie47: حتى ( عبده صبياني ) << نامي هذاك الوقت :ap: ومن ينسى ديربيات الملز بعد العصر.. وتسحيبات الثنيان بحسن حمران :s2::laugh: ومن ينسى هدف موسى نضاو ( المبروم ) في مرمى شاكر العليان :naughty: احلى شي انك تفوز على النصر بوجود ماجد والهريفي ( تكرمون ) في ملعب الملز s13s وتطلع من الملعب بعد المغرب ولا ترجع بيتكم الا تالي الليل وتبقى الظاهرة الأهم والاجمل.. عبدالله بن سعد :cry:.. الله يتغمده بواسع رحمته :cry: اسألوا منصة الملز عنه الله يرحمه.. وهي تعلمكم من يكون :cry: هو باختصار اكثر واحد كان مع ذيك المنصة ( طالع نازل ) شايل كأس أو رافع درع s13s يازين ايام الملز ونجوم ملعب الملز... نجوم الروح.. نجوم الاخلاص.. نجوم الشعار....................... تبّاً للمادة . . عيسى المحياني متفائل فيك كثير يا ابن حي ( الغسالة )... ترجّع لنا حماس وعطاء نجوم ( الملز ) شخصياً.. اعتقد انك ستكون المنافس الاول للاسد اسامة في انتزاع حب الجماهير الموسم القادم :smilie47: والمكتوب باين من عنوانه.. صمودك التاريخي من اجل الزعيم لن ينساه أي هلالي :smilie47: بالتوفيق لك يابطل.. وانت قدّها وقدود :yes: |
من زمان بصراحة وأنا ملاحظ هذا الشئ ملعب الملز دائما نحقق عليه الإنتصارات بعكس ملعب الفهد .. وكنت أتمنى مباراة أم صلال تلعب بالملز ولكن صعبة .. لكن لا اود ان نتشائم من ملعب معين او نتطير بملعب معين نرجع ونقول إن الفرق بين أيام الملز والحين إنهم أيام الملز كانت تلعب روح الهلال .. أما الآن فإنها قمصان الهلال فقط ... ولقد خرجت آخر انفاس الهلال مع سامي و الدعيع .. فرحل سامي وبقي نفس واحد هو الذي أبقانا على هذا المشوار وهو الأسطورة محمد الدعيع أمده الله بالصحة و العافية ... وما أقول إلا : يازين ايام الملز ونجوم ملعب الملز... نجوم الروح.. نجوم الاخلاص.. نجوم الشعار....................... تبّاً للمادة موضوعك رائع وهو إمتداد لقلم مبدع ينحت على الصخر .. تقبل مروري أخوك : عاشق الهلال 79 |
وربي موووضوع فلللللله سلمت يدااااكـ والله انكـ صادق ملعب الملز فللله وصغير وحلو |
والله صدقة ياخوي دائماً بالملزتكون نتائج الهلال مفرحه لاكن مشكلته المدرجات |
والله انا قلتها اول في احد مواضيعي لان الهجمه في ملعب الملز تكون سريعه بعكس درو الملاعب والله الموفق... انا اطالب ان تكون مباراة الهلال والاتحاد اللي في الدوري ان تكون على هذا الملعب ... |
الملز له ذكريات جميلة بطولات و اهداف تاريخ وله تميز لدي |
الله يرجك يا شيخ اجل الملز وصباته واستاد الملك فهد ماتشوف اللاعبين الا بدربيل الملز عاد يبي تطوير من عقب هالصبات البرتقالية وانا غاسل يدي من الخطط المدروسة اما سالفة الحلوة :s2:والثنيان وحسن حمران والترقيص الي بالمباراة :s2: انا باسألك انت هالحين حاضرن مباراة 1413 يوم بغى يهبط النصر وصاروخ موسى نضاوعلى اطول حارس بالتاريخ شاكر العليان يوم انتهت 3/0 >>>طحت بك يالعرد :s2: |
يوووووووووووووه... هزتني ذكرياتك وفضفضتك.. وعشان تكتمل ذكرياتك تفضل: http://www.youtube.com/watch?v=_YQ4o...eature=related |
والله ياخوي وانت صادق مباريات الهلال بالملز لها طعم مدري وش مع ان شكل الاستاد احلى بس الاستاد مدري تحس ماله طعم مثل الملز مدري عشان تاريخ الهلال بالملز غيييير عالعموم عساهم يصدقون وينفذون وعدهم من السنة الماضية ماتنفذ اللي هو الكراسي لان الصبة مررض ونحن بانتظار عيسى المحياني على احر من الجمر وان شاء الله ينافس هوساوي بحب الجماهير |
والله زماااااان ............. |
بس احنا اللي برا الرياض استاد الملك بالنسبه لنا افضل .. لأن المباره لما تكون في الملز ومنقوله تحس انهم يلعبون في ملعب حارتنا :d ملعب صغير وحتى التغطيه والكاميرات احيان تكون مش ولا بد .. اما الأستاد:ga: ملعب كبير وتشوف اللاعبين وكل شي واضح :ba1:.. شكراً ايها المشجع المخضرم :s3s::d |
الصخرة يا لبى قلبك .. ما شاءالله عليك شكلك من الجماهير المخضرمة .. ولا تخليني أحسدك لأنك لحقت ع أيام يوسف والغشيان والجيل الذهبي .. ....... بالنسبة لملعب الملز تجد جمهور نادي وليس جمهور يقضي وقتة في الملعب .. جمهور الملز متقاربون جداٌ والأجمل الرابطة تجد لها صوت وتفاعل من الأندية .. تجد الي جنبك يحلل والي وراك يحلل والي قدامك يشجع غير جمهور الدرة ما ودي أقوول شي عشان ما أحد يزعل من المنتدى .. شاكر لك يابطل |
ابو فهد الللللللللللللللللللللللللللللله ابكيتني يا اخي مين ينسى ابو فهد الامبراطور |
خلوها تملزحلووه ذي وابشركم فيه موضوع مفرح لرواد الملز اقروه في جريدة الجزيره |
صدقت يازين الملز بصراحه الملعب يشرح الصدر انا حبه من قلب الله يذكر ايام ابو يعقوب بالخير ياما عفط وقلب الاظهره ذيك الايام ويلتفت لمنا ويضحك اه يازمن ان شاء الله مع تركيب الكراسي نلعب مباريات التصفيات الاسيويه عليه ... موضوع اكثر من مميز.. |
والله انكـ صااااادق وبالفعل نفس الشي اللي كنت افكر فيه..! اقرب مثال مباريات الهلال والشباب شوفوا كيف كانت سااامجة وبايخة وبجد مملة في كأس فيصل وانهزمنا بضربات الترجيح ونهائي ولي العهد رغم فوزنا لكنها كانت مملة ..!والمباراتين هذي بالاستاد..! لكن لو شفنا مباراتنا معهم بعد ماأقيل كوزمين شوفوا كيف كان المدرج مليان وصوت الجماهير يطرررب والمباراة كلها اثاااارة ومتعه الى نهايتها..! لكن اللي يعيق جماالية المباراة بالملز هو سوء ارضية الملعب وشكل المدرجات بالمقاعد الصبة..! شاااااااكر لك اخوي ع الفكر الراائع>>ماشاءالله عليك..! |
صدقـــت يالــصــخرة .. بس علمت على نفسك <<<< أثركـ كبير فالســن:laugh: ماشاء الله عليك قــلــم فــذ أســلــوب جميل وبسيــط ويعجبني الـكـاتب اللـي ما يتصنـع ويكــتب على طبيعته .. الـــمــلز غير وعاد بيحطوووون كرااااسي بيصير غـير من جد <<<< يعني ما عاد يحتاااج تأخذ سجاااده :s2: .. ولا تحرمناااا من كتاباتك الجميلة طااال عمررررك .. تقبل ردي .. مغرم بعشق الزعيم .. |
ياخي وربي ترتاح نفسيا اذا كانت المباراة في الملز ما ادري ليه مع قلة حضوري للمبارايات في ملعب الملز الا اني ارتاح اكثر من مباريات الاستاد >>> مافي مباراة ما حضرها في الاستاد بالتوفيق للزعيم وباذن الله عيسى المحياني الموسم الجااااي النجم الاول في الزعيم تحيااتي اخوي الظاهرة ع الموضوع |
السلام عليكم ورحمة الله وبركاته صادق أخوي وشكرا ع الموضوع |
ايوالله يازين ذيك اايام بس |
يازين ايام الملز ونجوم ملعب الملز... نجوم الروح.. نجوم الاخلاص.. نجوم الشعار....................... تبّاً للمادة |
ملعب الملز والله صدقت الملز له طعم خاص والاستاد كله احزان |
خلوها تملزحلووه ذي وابشركم فيه موضوع مفرح لرواد الملز اقروه في جريدة الجزيره |
خلوها تـــلّمز ...يالزيز يارايق الملز الزمن الجميل لتسحيبات الفيلسوف ومعانقة الحمران للوحات الاعلانات الخارجية :) اللهم وفق الهلال فوق كل ارض وتحت كل سماء فمان الله ,, |
قالوها يالصخرة قديمك نديمك إقتباس:
وش معنى ابن حي الغسالة بعدين صمود عيسى ماراح ننساه كجمهور لو ابدعنا ولعب باخلاص وتفاني من اجل الشهار كما يفعل الاسد أسامة إقتباس:
شكرا ياحكيم الشبكة وصخرتها .:rose: |
اكره الدره احزان ومصايب والنمشان ومشاكلـه ووو يازين 3 الحالمـي واربعة الشباب مع بيسيرو واربعة الاتهاد << جت على بالي :s2::smilie47: إقتباس:
s13s ويارب يكون عيسـى عند حســن الظـن بالتوفــيق للهلال الموسم القادم |
يأبن الحلال انت ماتفكر الا في نفسك علشان الملعب قريب من عندك ههههههههههههههههههههههههههههههه |
صدق اخوي الصخره الملز ممكن يكون مرغوب لانه قريب لـ أرضية الملعب واللاعبيين .. ما أذكر أني طلعت من الملز ضايق صدري !! الله يعطيك العافيه الصخـــــــرهـ .. الله يوفق الهـلال وين ما كان .... |
معك حق والكلام هاذا تكلمنا فيه في نص الموسم الي راح بعد التعادلات والاداء السئ في الاستاد !!! |
هلا فهد ،، والله دخلت جو مع موضوعك ، ولكن بما أني هاليومين ماعاد أكتب شكلي بنزل موضوع أمدح في الدرة و أسفل بالملز ض1 إقتباس:
شكراً صخرتنا ،، الهاديو ،، |
تصدق تبادلني نفس الشعور بس والله ماحضرة ولا مباراة للزعيم في الملز كلها بالأستاد ولكن بمالملز تبقى المبارايات الأفضل للزعيم . |
أعجبتني خليها تملز ......... ملعب الملز رايق |
ان شاء الله احضر فيه السنه الجايه |
الأهلي هزم الهلال 3-0 العام الماضي في الملز |
صدقت يازين الملز بصراحه الملعب يشرح الصدر انا حبه من قلب الــــــــــــــــمــــــــــــــــــــلـــــــــــــــز.............. وبــــــــــــــــــــــــس |
الملز اطلدز مليون مرهـ من الأستـآد .. ع الأقل تقدر تتنفس مهب مكتوم مثل الأستـآد ولا تلقىآ قدآمك ولا ورآك حنيس يرقص مهب لم المباراة ..!! |
صدقت ياخوي الملز غير اتمنى كل مباريات الزعيم في الملز |
صح الستاد صارت فيهـ مواجع ونتايج تخلي الواحد يدق اللطمة بس بنسبة لي أحب أناظر المباراة علية لأنهـ يفتح النفس |
يارجال فالملز ولا في تل أبيب مطرح مايروح الزعيم نحنوا وراة وبعدين فرصة اللاعبين يغيرون جو خصوصاً ياسر والشلهوب أحس يتمنون يلعبون في حارة ولايلعبون فـ أبو مضمار واللّة يذكر أبو نضاو بالخير أشهد أن رجلة ماترحم والشوت عندة من نص الملعب زي البلنتي أطلق لاعب لبس رقم 14 فالهلال ماهو باص عيون |
لبى قلبك يالصخره ......مواضيعك صرااحه توسع الصدر .... بس شكلك شااايب........:d أرجووو أنك ما تحرمنا من مواضيعك المتميزه ...لأنه صار لك فتره ماكتبت :rose: |
صدقت يازين الملز بصراحه الملعب يشرح الصدر انا حبه من قلب |
يا هلا صوصو :smilie47: وش هالموضوع الجميل والانيق :wub: آآآآآآآآه بس على استاد الملك :cry: ويا رباااااااااااااه على الملز :d على الاقل ما يصير فيه حقوق قبلية :naughty: الا نسيت ما اسألك وش رأيك في النك الجديد s121s:naughty: سلاااااامي وتحياتي :rose: |
والله ياخوي وانت صادق مباريات الهلال بالملز لها طعم مدري وش مع ان شكل الاستاد احلى بس الاستاد مدري تحس ماله طعم مثل الملز مدري عشان تاريخ الهلال بالملز غيييير عالعموم عساهم يصدقون وينفذون وعدهم من السنة الماضية ماتنفذ اللي هو الكراسي لان الصبة مررض ونحن بانتظار عيسى المحياني على احر من الجمر وان شاء الله ينافس هوساوي بحب الجماهير |
يكفي تعادلهم مع الشباب في ملعب الملز بس احسن مافي الملعب انه مايشيل كثير يعني مايبان ان الجماهير قليله عكس استاد الملك فهد في ملعب جده والشرقيه يقلون جمهورنا اكثر مع انه مايتسع لكثير |
ياخي وينك من زماااااااااااااااااااااااان انت تعالى خل ابوسك يابطل والله ان كلامك كله صح و والله اني انبسط لا جيت اروح للملز واشيل هم الله لا يوريك اذا جيت اروح للاستاد ياخي الملز تحس انك قاعد تلعب معهم الصراحه موضوعك المفروض يتثبت اهنيك يابطل وواصل ابداعاتك يالغالي |
يوه أجل ذاك انت اللي جنبي يوم نادي على يوسف ..:s2: <<< مايعرف يكذب ..:s5s: عيشتني معك يافهد ..:smilie47: إقتباس:
وحتى الملز ياخي قريب على طول تروح وتوصل له موب زي ذاك العله بعيييييييييد ..:to: بس اذا كنت تبي تناظرها على التلفزيون غير الملك فهد لاتدور حتى في العالم كله..:smilie47: <<< لحد يسمعني ينط فيني يقول وراه ماتروح للملعب ..:d يقول فيرجسون الملك فهد احلى من ويمبلي الجديد |
الف شكر لكل من مر وعلّق على الموضوع :rose: إقتباس:
|
والله صاادق استاد الملز يعطيــك جو المباره |
اااهـ ياملعب الملز وربي كنك داخل براسي قبل كم يوم يالدوام اتناقش انا وواحد معي هلالي عن الاستداد والملز ياخي وربي اذا دخلت الملز ينشرح صدري ودايم فايزين فيــه بس استاد الملك فهد من تالي صاير حتى شوفته تضيق الصدر الاستاد كنت احبه بس من بعد يوسف قل حبي له ومن بعد سامي كرهته ســــــــــــــــــــامي سامحني اذا ماشفت بعد فراقك كوره |
يا زين ملعب جدة لو يجيبون الهلال عندنااا بس وناااااااااااااااااااسة |
الملز اذا حضرت فيه مباريات تحصل كل الاشكال راقيه وحقين كورة مو مثل حقين الاستاذ ناس مالهم في الكورة |
عواااااااااااااااااااااافي..... وبالتوفيق للزعيــــــم ..... |
إقتباس:
لاهنت |
ابداع اخوي الصخرهـ .. ! :) موضوعك يهيج المشاعر وياججها .. s45s :d ان شاء الله العام المقبل نشوف زعيم القدم زي زعيم الطائرهـ .. ! ياكلون الاخضر واليابس وكل من وقف في طريقهم .. ! s45s |
شكراً لك :rose: و صدقت ليالي الملز مامثلها ليالي .. شخصياً افضل دائماً ان تكون مباريات الزعيم في الملز ياخي تحس فيه بــ راحة غير :) و من جد هـ الكلام و أسالوا اللي في الملعب دائماً ، |
آآلصخرهـ كتبت وابدعت .. والملز مقبرة النوادي .. اذا لعب فيها الهلال ........ :smilie47::rose: وانا مع اني ساكن بالروضة وقريب من الاستاذ كل ماجاء .. مبارة للهلال وقالو بالاستاذ اقول ليته بالملز لان ابداع الهلال بملعب الملز واضح ولا غبار عليه .. :ba: وبخصوص عيسى .. لاعب يلعب بروح عاليه مع ناديه الاول الوحدة .. واتمنىىى روحة العالية تصير دبل مع نادي النجوم الهلال . . s13s دمت مبدع يالغلا ولاتحرمنا من مواضيعك ..:smilie47: |
زمان راح الله يعيد ذيك الأيام بالخير ههههههههه اجل ( بلجرشي ) مسكين ههههههه |
صدقت صدقت الاستاد نحس على الهلال والمنتخب ياليت مانلعب على الاستاد في الاسيويه |
يازيييين الملز بس الصبات البرتقاليه |
إقتباس:
هذي بالدرة:ap: إقتباس:
ليتك ماقلتها ماهي عاداتك:ranting: |
| الوقت المعتمد في المنتدى بتوقيت جرينتش +3.
الوقت الان » 09:24 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd