(( ندرس ولآ نعرس )) - نادي الهلال السعودي - شبكة الزعيم

ريتاج الهلال · #1 26/06/2009, 03:56 AM

هلا هلا ..!

تسيف الحال..؟!

إن شاء اللهَ الكل بخير .....

وعسسسسآكم على القوة ><

[آبي آعرس ] آيش رآيكم في العنوآن بس

بغيت احط [ آريد عريسن ]

احترنآ يآجمآعه [ندرس ولا نعرس ]

كسروآ بابنا هالخطآب

ببدآ اولا بآيجآبيآت الدرآسسسسه

1\ تآمين للمستقبل محد يدري وش يصير بعدين

2\ تقضيه وقت بدل هالقعدة

3\ طموح بتحققينه بتوظفك بمكآن معين

4\ مسآعدة ماديه للزوج

طبعآ في اكثر من كيذآ بس جبت لكم اول شي جآ في بالي

العرس ومآآدرآك مآ العرس(الايجآبيآت)
((
))
((
_> من الطآري

إذآ تزوجت بدري وجآبت بزورة بتصير آعمآرهم قريبه من آعمآر آبوهم وآمهم وبيفهمونهم آكثر وهذآ نشششوفه كثيير

عمومآ هذا مو شرط ينطبق على الكل يآمآ اهل بينهم وبين عيالهم فرق في العمر ويفهمونهم

آنتم آيش رآيكم ؟

وش الأهم حآليآ وفكروآ فيهآ بكل الجوآنب

ووش آضمن لهآ درآستهآ ولا العريس ولاالدرآسسه والعريس مع بعض وليش ؟؟

دمتم مروقين وآنآ في آنتظآركم

حتى ظلالي هلالي · #2 26/06/2009, 04:12 AM

لا وش نعرس

صدق يا بنات هالوقت راح الحيا

تبون تعرسون من بدري بعد كل ذي شفاقهـ

<< لاتتحمسين واجد

ندرس ثم ندرس ثم ندرس

ثم ندرس

بالنسبهـ لي اتوقع الزواج بيشغل البنت كثير عن الدراسهـ

وقليل الي تقدر توفق بينهم

وش لها بعوار الراس تخلص دراسه وبعدها تتزوج والله يوفقها

اذا تزوجت قبل تخلص دراستها بتتكيسل وشوي شوي تحمل كم مادهـ معاها
وبعد كذا بتقول خلاص مليت وطولت بالجامعه وبعدها تسحب عليها

هذا الغالب

لذالكـ تجلس ببيت ابوها

لحد ماتخلص دراستها وتتوكل على الله

هذي وجهت تظري المتواضعهـ

ريتاج الهلال · #3 26/06/2009, 04:25 AM

حتى ظلالي هلالي

نورتي حبيبة ألبي.

Hilalih 4ever · #4 26/06/2009, 04:39 AM

والله انا بانسبه لي عندي أكمل الدراسه أهم من الزواج

يمكن على نهاية الجامعه السمستر الاخير او السنه الاخير يعني في النهايه بس قبلها مااتوقع

لان مهما كان الزواج بيشغلك عن الدراسه إلا ماشاء الله

بعدين تونا ع الزواج <<<إذا قلت هالكلمه لجدتي عصبت وتقول وش توكم ع الزواج يوم إنا كبركم جايبين عيال ومادري ايش

ريتاج الهلال · #5 26/06/2009, 04:49 AM

Hilalih 4ever

ايه و الله و أنت صادزا تونا على الزواج

و بعدين الزواج مهب طاير

جدتس مثل جدتي تقوم علينا الدنيا اذا قالتلها أمي كذا

شرفني مرورك يالغالية.

Mr.Scrub · #6 26/06/2009, 04:50 AM

أنا عن نفسسي أبي أدرس <<

!
أول شي تأمين للمسستقبل ومساعدة الزوجه على مصاريف الحياة << فاهم غلط

,
حتىآ أحنا ترىآ الخطابات أشغلونا ,
مايخلون الواحد يدرس

,
,
الظاهر الموضوع للبنات

,
وأذا عادي الشباب يشاركون ... أجل أحب أقول رأيي :
اللي تبي تعرس تعرس ,
واللي ماتبي بالطقاق ,
أو على قولة أمي

, في أبليس وأبا زنه .. < ودي أعرف من هو أبا زنه ..!

c.u

ريتاج الهلال · #7 26/06/2009, 05:14 AM

هتلــ الزعيم ــر

لا ما فيها شي اذا شاركت و الموضوع عام للكل

و بعدين من قالك أننا بنوافق أنك تتزوج اذا ما كملت دراستك

ما عندنا أولاد تتزوج قبل ما يكملون دراستهم>>>>مو كلامي كلامي أمي الله يخليها لي

شرفني مرورك أخوي.

بونانوتي · #8 26/06/2009, 05:58 AM

هع ..
يعني آحنآ برآ الموضوع

خخخخخ ابووك يالكرشه ..

>> سي يآ

متآبعه بصمت · #9 26/06/2009, 06:18 AM

يا بنات يا حبيبات قليبي

نصيحة من كل أحشاء وصمّامات قلب مجروح !
لازم الوحدة تدعي في كل صلاة إن ربي يرزقها بالزوج الصالح اللي يسعدها ويستر عليها ويعينها على طاعته ويجعله قُرّةَ عينٍ لها ويجعلها قُرّةَ عينٍ له ويُحنن قلبه إليها ويحنن قلبها إليه وأن يرزقهم بالذرية الصالحة ويكتب لهم الخير حيث كان ثم يرضّيهما به ..

ترى الزواج مو سهل أبد أبد أبد !

وبالنسبة للدراسة يكفيكم منها العلم اللي ناخذه وزيادة عليه الأجر من الله

وعز لك في الدنيا وتغنيك عن الداني والقاصي

وبالتوفيق للجميع

ـــــــــــــــــــــ

7
7

لبى قلبك يا مَاَهِيِنُوُرْ

مَاهِينُورْ · #10 26/06/2009, 07:02 AM

..

أهلاً أهلاً ريتاج

~> تقل إني أول مرة أشوفتس

حياتس الله بمجلسنا

بس ترا توقيعك مخالف وبـ حررونه اليوم أو بكرا

~>

..
إي وش قلتي ؟

ودك تعرسين ولا تدرسين

ما أقول إلا كما قال الشاعر
بنات المدارس متى تعرسون ؟ .. فإني أراكم أطلتم مكوثا

~> وش دخّلها

..

إقتباس


	4\ مسآعدة ماديه للزوج

يبشر بالمساعدة

نشيل له من المهر شويّ

~> عاطلة

ولله الحمد

..
صادقة يا ريتاج بالنقاط اللي ذكرتي

بس ترا عادي كثير بنات توّفقوا بدراستهم وهن متزوجات

وتلقينهن من الأوائل ما شاء الله

الزواج ماهو عائق أبداً

.*

شكراً لكـِ

.*

إقتباس

الرسالة الأصلية كتبت بواسطة متآبعه بصمت


	يا بنات يا حبيبات قليبي نصيحة من كل أحشاء وصمّامات قلب مجروح ! لازم الوحدة تدعي في كل صلاة إن ربي يرزقها بالزوج الصالح اللي يسعدها ويستر عليها ويعينها على طاعته ويجعله قُرّةَ عينٍ لها ويجعلها قُرّةَ عينٍ له ويُحنن قلبه إليها ويحنن قلبها إليه وأن يرزقهم بالذرية الصالحة ويكتب لهم الخير حيث كان ثم يرضّيهما به .. ترى الزواج مو سهل أبد أبد أبد !

الله يجزاك خير ويعوّضك خير يا ربّ

وأيضاً الدعاء الذريّة الصالحة
ستجد/ين الثمرة في المستقبل بإذن الله بصلاحهم
وأهمها الدعاء بـدعاء إبراهيم عليه السلام /
ربِّ اجعلني مقيم الصلاة ومن ذريتي ربّنا وتقبل دعاء ..
واسئلوا المجربين

.*

Meme · #11 26/06/2009, 07:39 AM

هلا والله بالغاليه بنت الغالي .<<<< ياويلي الحين تلاقون ريتاج شمرت عن ساعديها ودفعت قميصها وبان بنطلونها الاخضر وفسخت احد النعالين ومسكته بيدها وجائت تركض تلحقني تبي تضربي
هع هع
اسمعي وانا خيتك وماعليك من احد تزوجي وشوفي الويل من التمساح وبعدين اطلبي الطلاق وكملي بعدها دراستك هع

اسمعي انتي وياها مافي زواج الا بعد الدراسه ويلا قدامي برا برا
تدرين وربي اني اخاف اعنس اذا خلصت الجامعه <<< تخبركم ان في كثير يخطبوها بس ابوي مايوافق اهئ اهئ
افرضوا اني عنست وربي ما اتحمل <<كل الناس يناظرونها ويقولون هذيك المزيونه معنسه
‏*‏ لاحظي كلمة المزيونة << من الثقه الزايده

اختكم .. ميمي
سابقا كنت ميمي 192008
يعطيك العافيه

abohamad55 · #12 26/06/2009, 08:00 AM

صح اني مالي دخل بالسالفه

ورايي انك اذا كنتي شاطره بالدراسه حرام تفوتين فرصة شهاده عليا تحميك من غدر الزمان ( والله وصرت حكيم

)

واذا كنتي داجه بالدراسه و المعاريس طوابير تزوجيي ازين لك

واذا تقدرين توفقين بين الدراسه والزواج هذا الافضل

بالتوفيق .......

طوق الحمام · #13 26/06/2009, 08:20 AM

عزيزتي

ترا هي على حسب البنت اذا هي تعتبرا الزواح عقبة تعيقها عن موصلة طموحاتها قبل الزواج سواء كانت دراسية او عملية وغيره
واللي تعتبرا الزواج كذا اسمحلي راح تنحرم من اشياء كثير هي تحبها او با الاصح راح تعيش ما يسمى با المقبرة الزوجية ..

في ها الوقت الصعب شهادتك تعتبرا امان لك من غدر الزمن والحفاظ على كرمتك..

تدارس وتخصص احيانا يأهلة لوظيفة ومستقبل مهني عظيم في الاخير تتزواج وتترك كل شئي وراءه طيب مو حرام ليالي السهر و والتعب والناس اللي تعبت معك وقت الدراسة وما فيه وحتى تقدير لهم
لمجرد ان ها البطل ما يبقك تدرسين او تتوظفين بسبب افكار غبية ومتحجرة ويمكن هو يكون اصلا سبب تعاستك بعدين
للاسف ابي اعرف طيب طوال ها السنوت والدارسة والشقاء ومشقية امك وابوك معك وكأن ها الدارسة توصلك لهدف معين اللي هو الزواج واذا وصلتي خلاص تتركين كل شئي هذا يسمى غباء من اول لا تتعبين ولا تعبين غيرك معك اجلسي في بيتكم وانتظري عريس الغفلة ..

انا مع فكرة الدارسة الى اخر العمر ومافية مانع اذا كان الزواج محفزا لمستقبل واعد مو سبب في انتكاسة مستقبلي ..

ربي يعطيك العافية عزيزتي
با التوفيق

marsal · #14 26/06/2009, 08:35 AM

إذا بلغ الرأي المشورة فاستعن برأي نصيح أو نصيحة حازم

قال رسول الله صلى الله عليه وسلم: يا معشر الشباب من استطاع منكم الباءة فليتزوج؛ فإنه أغض للبصر وأحصن للفرج، ومن لم يستطع فعليه بالصوم فإنه له وجاء )

متى ما جاء الرجل الصالح فلا تتركيه باعذار (غبيه) اكل وشرب عليها الزمن...

فتطورك و ثقافتك تنبع من داخلك ولن تضيف لك الشهاده شي يذكر

Fahad Al Sudais · #15 26/06/2009, 09:06 AM

هلا وغلا

اسمحوا لي أبربر شويات...

الدراسة مهمه للبنت... والشهادة ضرورية جدا وخصوصا في هالوقت

العالم كله مايتكلم الا بلغة ( الشهادة )

لكن ان تصل الامور الى حد ان تقول البنت ( دراستي اهم من الزواج ).. هذا غلط

البنت بالنهاية مالها الا زوجها... هذي هي الفطرة

صح ان الشهادة تعتبر مصدر امان للبنت ومستقبلها

لكن للاسف ان الشهادة ليست هي الغاية بحد ذاتها

وللاسف الشديد كثير من بناتنا تعتقد ان دراستها وشهادتها هي اللي بتوفر لها الحياة الكريمة

طبعا ارجع واعيد.. الشهادة مهمة جدا... لكنها ليست الأهم

الزوج أهم من الدراسة والشهادة

الوضع عندنا هنا يختلف عن مصر وسوريا ولبنان والمغرب وكل الدول العربية

هناك اذا البنت ما كملت دراستها واشتغلت ( ماتت من الجوع ) هي واهلها

هنا الوضع يختلف ولله الحمد... الخير واجد والحياة اسهل

كل بنت عايشة في عز ابوها... سواء كان غني او فقير

بالنهاية تاكل وتشرب وتنام وتلبس دون ماتشيل هم

علشان كذا حاطّه حيلها في دراستها واذا تقدم لها زوج قالت ( اكمّل دراستي )

واذا خلصت دراسة وتقدم بها العمر حسّت بخطورة الوضع

خصوصا اذا كان عندها خوات متزوجات.. وصارت شغلتها ( حاضنة ) لعيال خواتها

الوضع الطبيعي في تصوري هو كالتالي :

* ذاكري بجد واهتمي بدراستك

* اذا تقدم لك من ترضين دينه وخلقه ونسبه ( وافقي دون قيد او شرط ) بعد الاستخارة

* اذا سمح لك تكملين دراستك ( خير وبركة )... واذا ما سمح لك قولي له ( انت تاج راسي )

بالنهاية هو اللي لازم يشتغل ويشقى ويصرف عليك

اسمك انحذف من دفتر العائلة حق ابوك.. وتمت إضافة اسمك في دفتر العائلة حق زوجك

في كل الحالتين انتي كنتي ( تابعة ) للرجل صاحب دفتر العائلة

وفي كل الحالتين كان ( المتبوع ) ملزم انه يصرف عليك ويؤمن لك الحياة الكريمة

لكن اذا الزوج سمح لك بمواصلة الدراسة وبعدها الوظيفة... تبوسين ايده من ورى وقدام

لأنه مو ملزوم ابدا يسمح لك... بيتك اولى وهو كزوج أولى بجهدك اللي راح يضيع نصفه على الوظيفه

وبعض الزوجات اللي يتحججون بالدراسة والوظيفة بسالفة ( اذا طلقني كيف اعيش )

اقول وانا كلّي ثقة : إحشميه واحترميه وكوني زوجة ( كفو ) وماراح يطلقك

طبعا انا اتكلم عن الازواج ( المحترمين ) من الرجال

لكن اللي تطيح بواحد ( سافل ) وتقول كيف اضمن حياتي معه.. اقول ليش توافقين عليه من الاساس ؟؟!!

نصيحة لكل بنت

ترى الدنيا قسم بالله ماراح تجي 100% على احلامكم والشي اللي تتمنّونه

اذا تقدم لك ابن الحلال.. وافقي وارسمي لنفسك خط حياة جديد معه

حسب ظروفه ونفسيته ووضعه الاجتماعي والمادي

ومع هالزوج انطلقي الى حياة اجمل واحلى من حياتك في بيت اهلك

اعتذر على طول الرد