اسمحوا لي أبربر شويات... الدراسة مهمه للبنت... والشهادة ضرورية جدا وخصوصا في هالوقت العالم كله مايتكلم الا بلغة ( الشهادة ) لكن ان تصل الامور الى حد ان تقول البنت ( دراستي اهم من الزواج ).. هذا غلط البنت بالنهاية مالها الا زوجها... هذي هي الفطرة صح ان الشهادة تعتبر مصدر امان للبنت ومستقبلها لكن للاسف ان الشهادة ليست هي الغاية بحد ذاتها وللاسف الشديد كثير من بناتنا تعتقد ان دراستها وشهادتها هي اللي بتوفر لها الحياة الكريمة طبعا ارجع واعيد.. الشهادة مهمة جدا... لكنها ليست الأهم الزوج أهم من الدراسة والشهادة الوضع عندنا هنا يختلف عن مصر وسوريا ولبنان والمغرب وكل الدول العربية هناك اذا البنت ما كملت دراستها واشتغلت ( ماتت من الجوع ) هي واهلها هنا الوضع يختلف ولله الحمد... الخير واجد والحياة اسهل كل بنت عايشة في عز ابوها... سواء كان غني او فقير بالنهاية تاكل وتشرب وتنام وتلبس دون ماتشيل هم علشان كذا حاطّه حيلها في دراستها واذا تقدم لها زوج قالت ( اكمّل دراستي ) واذا خلصت دراسة وتقدم بها العمر حسّت بخطورة الوضع خصوصا اذا كان عندها خوات متزوجات.. وصارت شغلتها ( حاضنة ) لعيال خواتها الوضع الطبيعي في تصوري هو كالتالي : * ذاكري بجد واهتمي بدراستك * اذا تقدم لك من ترضين دينه وخلقه ونسبه ( وافقي دون قيد او شرط ) بعد الاستخارة * اذا سمح لك تكملين دراستك ( خير وبركة )... واذا ما سمح لك قولي له ( انت تاج راسي ) بالنهاية هو اللي لازم يشتغل ويشقى ويصرف عليك اسمك انحذف من دفتر العائلة حق ابوك.. وتمت إضافة اسمك في دفتر العائلة حق زوجك في كل الحالتين انتي كنتي ( تابعة ) للرجل صاحب دفتر العائلة وفي كل الحالتين كان ( المتبوع ) ملزم انه يصرف عليك ويؤمن لك الحياة الكريمة لكن اذا الزوج سمح لك بمواصلة الدراسة وبعدها الوظيفة... تبوسين ايده من ورى وقدام لأنه مو ملزوم ابدا يسمح لك... بيتك اولى وهو كزوج أولى بجهدك اللي راح يضيع نصفه على الوظيفه وبعض الزوجات اللي يتحججون بالدراسة والوظيفة بسالفة ( اذا طلقني كيف اعيش ) اقول وانا كلّي ثقة : إحشميه واحترميه وكوني زوجة ( كفو ) وماراح يطلقك طبعا انا اتكلم عن الازواج ( المحترمين ) من الرجال لكن اللي تطيح بواحد ( سافل ) وتقول كيف اضمن حياتي معه.. اقول ليش توافقين عليه من الاساس ؟؟!! نصيحة لكل بنت ترى الدنيا قسم بالله ماراح تجي 100% على احلامكم والشي اللي تتمنّونه اذا تقدم لك ابن الحلال.. وافقي وارسمي لنفسك خط حياة جديد معه حسب ظروفه ونفسيته ووضعه الاجتماعي والمادي ومع هالزوج انطلقي الى حياة اجمل واحلى من حياتك في بيت اهلك اعتذر على طول الرد
