مــدخــلـ

سـآآآعـآآآت احـس الـــزمــن قــآآآآآسـي ولا يــمــكــن يـلــيــن..!!

وسـآآآعـآآآت احـس ان الـفــرح مــحـآآآآل ولا يــمــكــن يـحــيــن..!!


بسم الله الرحمن الرحيم


معليش ترى بكتب لكم بالعاميه واعذروني والله النفسيه زفت الزفت اختبآآرآآت وحاله بالبيت خلوهاا على ربكم




قبل اسبوعين جيت من المدرسه ودايخ وحاله حاله



انا: نور هاتي الغداء

نور: طيب

انا: سلام عليكم((وبوسه فوق راسها))

الوالده: وعليكم السلام

الوالده: خالتك بتسوي عمليه

انا: افا ليه وش فيها

الوالده: لا بس عشان قبل 3 شهور يوم تتنوم بالمستشفى

انا: اهاا


واكمل غداي واروح انام


من بكره نفس السيناريو

انا: نور هاتي الغداء

نور: طيب

انا: سلام عليكم((وبوسه فوق راسها))

الوالده: وعليكم السلام

انا: هاه وش سوت خالتي

الوالده: بغرفة العمليات

انا: الله يقومها بالسلامه

الوالده: امين


نفس السيناريو اكمل غداي واروح انام


العصر

الوالد: يالله قوم صل

انا: طيب طيب


بعد الصلاه

القهوه جاهزه والوالد والوالده يتقهون

انا: سلام عليكم

الوالد والوالده: وعليكم السلام

انا: هاه شسوت خالتي

الوالده: حمدلله نجحت العمليه وترى شوي بنروح لها

انا: الحمدلله بروح معكم


بعد المغرب رحنا لها حمدلله ع السلامه ...الخ

طلعت من المستشفى ..حمدلله والنتيجه استئصال ورم حميد من الرحم




مر اسبوعين او اقل بشوي


جاء وقت الصدمه

امس يوم الاحد

الوالده: خالتك بيسون لها عمليه

انا: ليه

الوالده: فيها سرطان

انا: وشو ؟؟!! سرطان سرطان؟؟!! >>>>مو مستوعب

انا: طيب كيف ووين

الوالده: بالرحم

انا: يعني خلاص مافي امل تجيب عيال!!!

الوالده: عاد وش نسوي

انا: طيب العمليه متى؟؟

الوالده: بكره


والله ياهو نكد نكد


جاء الاثنين((اليوم))

الساعه 10 بعد الاختبار


انا: سلام عليكم((وبوسه فوق راسها))

الوالده: وعليكم السلام

الوالده: كيف اختبارك

انا: حمدلله زين

انا: وش سوت خالتي

الوالده: بعد شوي بتدخل العمليات

انا: الله يقومها بالسلامه

الوالده: ترى برافق عنها اليوم

انا: خوذي راحتكي ولاتشيلين همي




انتهت القصه بس اللي بغيته شي واحد


س- ماذا تعني لك كلمة سرطان..؟؟


معليش ادري مو مكانه هنا لاكن اعذروني النفسيه زفت واختبارات وشغله


ادري موضوعي مثل وجهي لا من نالحية المحتوى ولا من ناحية التنسيق ولا من ناحية كل شي لاكن مالي متنفس الا انتم


مــخــرجـ


هــذآآ الـلـي شـفـتــه بــدنــيــتــي

بـكـل مآآ مــضــى لي مــن ســنـيــن


بالاخير

دعوااااتكم لخالتي بالشفا

ولي بالاختبارات

الله يعينك ويكتب أجرك ويوفقك في الإختبارات ..

بعدين كلمة سرطان أتوقع أنها لا تخرج عن محيط أحد الأمرض الخطيره والذي قد يكون خبيث وهذا في المجمل أو حميد مثل اللي عند خالتك ولكن لا يزال هذا المرض مخيف خاصة عند إنتشاره في الجسم وصعوبة معالجته وبصراحة أرى أن كلمة ( مرض السرطان ) كبيره جداً ومخيفه بعض الشيء..

وأخيراً الله يشفي خالتك ويقومها بالسلامه إن شاء الله ..

الله يقومها بالسلامه يارب ويشافيها

ان شالله بتقوم بالسلامه بس انت ركز على دراستك

الله يعينك يارب ويوفقك

اهلين اخوي مخاوي الحزن8

ياخوي اول كان حميد بس يوم جاء موعدها وحللت مره ثانيه وطلع خبيث

مشكور ع المرور والدعاء

مشكوره اختي نوني ع الدعاء وجعله في موازين حسناتك

الله يشفيها ويعافيها ويقومها بالسلامه يارب..

اهم شي انك ماتشيل هم وتركز على الاختبارات لأن بإذن الله ان العملية تنجح..

والله يوفقنا واياك في الاختبارات..

هلا اخوي
كلنا نفسيتنا زفت في الاختبارات
الموضوع ممتاز والمدخل والمخرج الي حاطهم بالموضوع مره تأثرت وانا اقراهم
الموووهم
الله يشفي خالتك عاجلا غير اجل ويطلع الي فيها خطأ طبي في التحليل << كيف مادري
ويطلع ورم حميد
الم تقرأ قول الله تعالى >>ان الله على كل شيء قدير<<
تأملها مرارا وتكرار وادعي بالذي تريده وتتمناه فإن الله لن يصعب عليه شيء ويجب ان تثق بالله تعالى بأنه سيجيب دعاءك
اللهم اشفها انت الشافي لاشفاء الا شفاءك اللهم امين
اللهم وفقني باختباراتي واياكم

اختكم ميمي

مشكورين ع المرور والدعاء


..............

أهلاً أخووي العزيز .،
في البداية ، الله يشفي خالتك ويرفع عنها ويلبسها الصحة ويجعل ماحصل لها تكفير لذنوبها .
وسرطان الرحم له درجات ، والنسبة الكبيرة تكون شفاء بإذن الله بعد استئصاله
لاتشغل بالك ، الله اللي خلقها ماراح ينساها وخل أملك بالله قوي
وتمنياتي لك بالتوفيق بالاختبارات ,

الله يشفيها ويقومها بالسلامه

أولاً:الله يشفي خالتك ويرفع عنها ويلبسها الصحة والعافية
ثانياً: مرض السرطان كفانا الله شره وشفا الله كل من اصيب به
انه مرض يصعب علاجه
ماعلى اللله شي صعب الله يشيفها ويشفي جميع مرضا المسلمين

الله يوفقك انا وياك في الاختتبارات

الله يقومها بالسلامة يارب ..

أجر وعافية إن شاءالله ,

أهم شيء أنه تمت السيطرة على المرض و لله الحمد ..

الله يخليها لكم ولا يحرمكم واياها من الفرحة والسرور ..

الدنيا يا صغيري مليئة بالأمور المُفاجئة , وان شاءالله إنها إمتحان من الله ونؤجر عليه.

أما السرطان .. فهو مرض أخذ مني أرواح غالية على نفسي ..

اللي مصبرني أملي في أن نجتمع في جنة عرضها السموات والأرض ..


شكراً

مشكورين ع الدعاء والمرور والله يكفيكم شر هذا المرض

السلام عليكم ورحمة الله وبركاته

الله يشفي خالتك إن شاء الله

الله يوفقك في اختباراتك

اللهم رب الناس اذهب البأس اشفي انت الشافي لاشفاء الا شفائك