إقتباس الرسالة الأصلية كتبت بواسطة هلالي جوه خيالي ياسر ايام كان بروزه ونجوميته وتهديفه كآنت الخطه 4-4-2 وكلنا نذكر ايامه بكاس العالم والتصفيات والمواسم الماضيه بس اذا كانت الخطه تعتمد على مهآجم وآحد ، مهمآ كان المهاجم، بصعوبه يبرز ويسجل ..؟ مثل ماشفناه بالموسم ذا مو بارز مع انه ينافس الهدآفيـن " الا ان جماهيره طمآعه " وآن شاء الله تشوفون ياسر بالموسم الجآي بالخطه الهجوميـه (غيــر) ..

أخالفك الرأي تماماً ياسر أول ما جاء للهلال كان مع باكيتا وكل المدربين اللي بعد باكيتا نفس الأسلوب تقريباً 4ــ5ـ1
وياسر كان حتى وهو لحاله في الهجوم نجم لا يشق له غبار وكان يصنع من أنصاف الفرص أهداف .
أنا أحب ياسر وكنت من أشد المطالبين فيه أيام القادسية مع إنه عندنا في المنتدى كانوا يقلون لا ما نبيه سعره غالي أتذكر هالكلام تمام وليت أقدر أرجع الماضي علشان تشوفون المواضيع اللي كانت تكتب عن ياسر مثل ما كان يكتب قبل أسبوعين براشد الرهيب اللي يقول وش الرهيب والله لو إنه دانبيال ألفيس ومن هاكلام كان نفس الأسلوب مع ياسر .
خلاصة الكلام أنا وأكثر أعضاء نحب ياسر لكن لا يجي أحد يكذب عليه وينافق لازم نتكلم بصراحة ولأننا في المنتدى هو الوحيد اللي نقدر نوصل رسالتنا لأي لاعب أتمنى من ياسر إنه يهتم بنفسه ويترك الأشخاص اللي ما ينفعونه حتى أقرب الناس تخلى عنه والسبب ياسر نفسه .
نصيحة لياسر ولكل لاعبين الهلال اللي وصلوا للشهرة وحب الجماهير الهلالية .
من السهل أن تصل للنجومية وحب الجماهير لكن من الصعب المحافظة عليها .
ولكي تحافظ على محبة الجماهير لابد أن يبتعد عن كل شئ ليس له علاقة بكرة القدم اللي هي مصدر رزق اللاعب
وترك أصدقاء السوء الله لايبارك فيهم هم مصدر الخراب ومصدر أي فضحية وخصوصاً للاعب بحجم شهرة ومكانة ياسر