#1  
قديم 21/06/2009, 08:34 PM
الصورة الرمزية الخاصة بـ BmB&Mj
موقوف
تاريخ التسجيل: 09/03/2007
المكان: Corvallis,OR
مشاركات: 1,045
Wink تجديد جواز السفر السعودي, من واقع تجربه

مساء الخير



طبعاً ,, معظمنا في هذا الوقت من السنه ,, يفكر بأن يجدد جوازه اذا كان منتهي

فالصيف قرب والسفر سار اقرب

فـ بحكم تجربتي الشخصيه في تجديد جواز السفر الخاص بي , وبعد عناء طويل في اكتشاف المتطلبات .. وسماع كثير من الشائعات

قررت اني اضع هذا الموضوع لكي يستفيد راغب تجديد الجواز ..


اول خطوه لتجديد جواز السفر




اول خطوه تسويها بعد النيه طبعاً ..

انك تزور موقع وزاره الداخليه وتشوف هل عليك مخالفات مروريه ولا لأ

وتقدر تزور الصفحه الخاصه بالضغط هنـا

كل ماعليك انك تدخل رقم هويتك بالحقل المطلوب ..وراح يطلع لك مبلغ المخالفات وعددها


بعد معرفه قيمه اجمالي المخالفات .. لازم تروح تسددها بطريقتين !

الطريقه الأولى .. من خلال ايداع , تحويل المبلغ الى المرور

عن طريق البنك الراجحي .. او بنك الرياض

تدخل البطاقه .. تروح عند سداد > دوائر حكوميه > المرور > سداد المخالفات

تحط لهم رقم الهويه حقتك وتسدد

الطريقه الثانيه .. اذا ماعندك حساب في بنك الراجحي او الرياض

تقدر تسوي ايداع في احدى مكائن الإيداع الخاصه بسداد الفواتير

مع اني اشوف ان الطريقه الأولى احسن واسرع


ثاني خطوه تسويها بعد سداد المخالفات وقبل ماتطلع من البنك .. هو سداد رسوم الجواز 150 ريال فقط لاغير

بنفس الطريقه لكن بدل ماتروح للمرور روح للجوازات في خيارات البنك

وسداد قيمه تجديد جواز سفر سعودي .. راح يطلع لك 150 ريال انت سوي عليه تأكيد


الحين انت متطمن .. مسدد مخالفاتك .. ومسدد الرسوم حقت الجواز

مجرد ماتسددها في البنك راح توصل على طول للحكومه , وتقدر تتأكد بالدخول بعد السداد على موقع وزاره الداخليه وتشيك على مخالفاتك

خذ معك ايصال السداد للإحتياط ..


بعد الخطوتين الي راحت ,

لازم تجهز الأوراق المطلوبه لتجديد الجواز .. وهي مو كثيره
  • صورتين شخصيتين
  • أصل بطاقه الأحول وصوره منها
  • الجواز القديم
  • تعبئه النموذج الموجود في الجوازات
راح اتكلم بالتفصيل عن كل خطوه

بالنسبه للصورتين .. لازم تكون الخلفيه بيضا + باللبس السعودي + ماتكون مسحوبه (مااعرف ايش معناها ) ويكون حجمها 4 في 6

بالنسبه لبطاقه الأحوال.. الي يقلك لازم الهويه الوطنيه الجديده الي فيها الشريحه .. هذا نصاب

بطاقه الأحوال القديمه وبس . هذا عند التجديد .. اما عند إصدار جواز جديد فماعندي فكره

الجواز القديم لازم تجيبه معاك عشان يخرمه لك

وتلاقي نموذج في الجوازات هناك تعبيه وتعطيه للموظف


طبعاً النصايح حقتي .. انك تروح الجوازات من بدري .. تطلع الساعه 6 الصبح من بيتكم

البس ثوب وشماغ احتياط عشان لايرجعوك

اتركك من الناس الي برا الي يقولولك اعبي لك النموذج واسدد لك ومدري ايش.. ماراح ينفعوك وكل الأشياء هذي تقدر تسويها بنفسك

اول ماتدخل روح على طول للإستعلامات وراح يعطيك ورقه انتظار+نموذج

روح للكافتيرا وخذلك عصير ليمون وعبي النموذج على رواقه .. خذ معاك ملف احسن لك عشان تحط فيه كل اوراقك وصورك

مدة الإنتظار على حسب الزحمه .. وتترواح بين النصف ساعه الى ساعه


بعد مايجي دورك .. تعطيه بطاقة احوالك , صوره منها , صورتين شخصيه , النموذج , والجواز القديم وبس !

يخرملك الجواز , ويوقع على نموذجك , وياخذ الصورتين ويرجعلك بطاقه احوالك

ويعطيك ستيكر مكتوب عليه رقم , هذا حق المراجعه لإستلام الجواز .. تقدر تسأل الموظف متى اجي استلم الجواز ويعطيك يوم محدد

بالنسبه لي انا سلمت الأوراق يوم الأربعاء واستلمته يوم السبت بعد الظهر

فـ انت تجي بورقه المراجعه وتستلم جوازك بدون اي تأخير او زحمه



ان شالله اكون وفقت في الشرح .. واي سؤال انا حاضر
اضافة رد مع اقتباس
  #2  
قديم 21/06/2009, 08:53 PM
الصورة الرمزية الخاصة بـ The Blue Cell
زعيــم فعــال
تاريخ التسجيل: 03/07/2008
مشاركات: 295
جزاكـ الله خيــر .. ماقصرت




ســـــــــبحان الله و بحـــــــــــمده ,, ســــــــــــبحان الله العظـــــــــــــيم







اضافة رد مع اقتباس
  #3  
قديم 21/06/2009, 11:11 PM
الصورة الرمزية الخاصة بـ the king yasser
زعيــم متألــق
تاريخ التسجيل: 24/07/2008
مشاركات: 1,304
الله يجزاك الف خير على هالشرح التفصيلي والواضح


تقبل تحياتي يا الغالي




see you







اخر تعديل كان بواسطة » the king yasser في يوم » 22/06/2009 عند الساعة » 04:46 PM
اضافة رد مع اقتباس
  #4  
قديم 22/06/2009, 12:26 AM
الصورة الرمزية الخاصة بـ س ا م 6
زعيــم مميــز
تاريخ التسجيل: 16/02/2005
المكان: USA , Ohio‏
مشاركات: 2,373
هههههههههههههههههههه

كنك تدري اني اليوم عقب الاختبار رايح اجدد الجواز حقي


بـ صرـآحه زحمه غير طبيعيه ..


بس معى الفيتامين وـآو .. مش حتقدر تغمض عينيك و انا جالس في المكتب خلصت كل اوراقي .. ذا الكلام الساعه 10:30 و عقب صلاة الظهر جيت استلمت الجواز ..


و تحياتي للي ماعندهـ وـآسطه


و الله يعينكم على الزحمه







اضافة رد مع اقتباس
  #5  
قديم 22/06/2009, 12:36 AM
زعيــم متواصــل
تاريخ التسجيل: 08/09/2008
مشاركات: 58
طيب الحين افرض ان واحد من الشباب قرا موضوعك

و راح وجدد جوازه و سافر برا وسوا قلة ادب

ما يجي عليك ذنب ?
اضافة رد مع اقتباس
  #6  
قديم 22/06/2009, 12:51 AM
زعيــم نشيــط
تاريخ التسجيل: 27/06/2003
مشاركات: 790
يعطيك العافيه ..

فعلا الجوازات مرمطه

انا جددت جوازي قبل كم يوم .. وانا بالبيت

عطيته واحد وضبطه وجدده لي :

ياخي الواسطه فله







اضافة رد مع اقتباس
  #7  
قديم 22/06/2009, 01:26 AM
في انتظار تفعيل البريد من قبل العضو
تاريخ التسجيل: 31/08/2005
مشاركات: 156
بصراحه موضوع رائع ويعطيك العافيه وماقصرت


وتحياتي للجميع




اضافة رد مع اقتباس
  #8  
قديم 22/06/2009, 02:00 AM
زعيــم نشيــط
تاريخ التسجيل: 26/08/2007
مشاركات: 886
طيب وذا الواحد يبي يطلع جواز سفر جديد
وش يلزمه وكم العمر المسموح وكم رسومه >> وش ناوي عليه يالذيب





وشوله تضلل



اضافة رد مع اقتباس
  #9  
قديم 22/06/2009, 03:53 AM
الصورة الرمزية الخاصة بـ السمسار الهلالــي
زعيــم مميــز
تاريخ التسجيل: 11/08/2007
المكان: صفّر لي و أنزلك :P
مشاركات: 3,240
يووه يوم رحت أطلع جواز
كنت بسافر للكويت ولازم أطلع الجواز خلال يومين ,!
وماخذ معي الصور وكلش .. وأنتظرت حوالي ساعة !
يوم وصلت للكاشير قال : خلفية الصور مهب بيضاء
وأروح أصور ذاك اليوم وأرجع لهم وقالو خلاص قفلنا
بس الحمدلله رحت عند مدير الجوازات وطلبته وخلص أموري

.. ويعطيك العافية ع الموضوع ياعين أبوي انت .. !




اضافة رد مع اقتباس
  #10  
قديم 22/06/2009, 08:42 AM
زعيــم مميــز
تاريخ التسجيل: 09/03/2007
المكان: جوكر....في كل مكان
مشاركات: 1,551
الشي الغريب بصراحة في الجوازات !!!
ان تعامل العاملين في الجوازات ممتاز مع المراجعين
شي غريب والله
مو مثل المرور والا الخدمة المدنية
بس الي يبي يروح الآن للجوازات وما معة فيتامين " و " اصلي مو مقلد
الله يعينه على الزحمة




عن شداد بن أوس رضي الله عنه عن النبي صلى الله عليه وسلم قال ( سيد الاستغفار أن يقول العبد اللهم أنت ربي لا إله إلا أنت ، خلقتني وأنا عبدك وأنا على عهدك ووعدك ما استطعت أعوذ بك من شر ما صنعت، أبوئ لك بنعمتك على وأبوئ بذنبي ، فاغفر لي فانه لا يغفر الذنوب إلا أنت ) من قالها في النهار موقناً بها فمات من يومه قبل أن يمسي فهو من أهل الجنة ومن قالها من الليل وهو موقناً بها فمات قبل أن يصبح فهو من أهل الجنة .
اضافة رد مع اقتباس
  #11  
قديم 22/06/2009, 09:25 AM
زعيــم فعــال
تاريخ التسجيل: 22/10/2004
مشاركات: 244
إقتباس
الرسالة الأصلية كتبت بواسطة امي ولدتني هلالي
الشي الغريب بصراحة في الجوازات !!!
ان تعامل العاملين في الجوازات ممتاز مع المراجعين
شي غريب والله
مو مثل المرور والا الخدمة المدنية
بس الي يبي يروح الآن للجوازات وما معة فيتامين " و " اصلي مو مقلد
الله يعينه على الزحمة

صدقت والله طيبين من جد مدري وش السبب




Welcome Home R10
اضافة رد مع اقتباس
  #12  
قديم 22/06/2009, 03:46 PM
الصورة الرمزية الخاصة بـ إحساس خالد
زعيــم مميــز
تاريخ التسجيل: 02/08/2007
المكان: United state of america & Riyadh
مشاركات: 3,115
دخول قطر بجوزا ولا بطاقه الاحوال الجديده ؟

------

بافتراض

بطلع جديد ....

كم سنه مده الجواز ؟




....
.............................’،
.
................أنا لا أحاول أن أكون مقبولاً من الاخرين ...
................أنا لا أبحث عن الحب ...
................إنني فقط أريد أن أكـوّن ذاتي
................وأن أملك احساساً بالرضا عن ذاتي ،،،


AbOo 3sL
اضافة رد مع اقتباس
  #13  
قديم 22/06/2009, 04:46 PM
الصورة الرمزية الخاصة بـ BmB&Mj
موقوف
تاريخ التسجيل: 09/03/2007
المكان: Corvallis,OR
مشاركات: 1,045
إقتباس
الرسالة الأصلية كتبت بواسطة The Blue Cell
جزاكـ الله خيــر .. ماقصرت

العفو وشكرا على مرورك

إقتباس
الرسالة الأصلية كتبت بواسطة إحساس خالد
دخول قطر بجوزا ولا بطاقه الاحوال الجديده ؟

------

بافتراض

بطلع جديد ....

كم سنه مده الجواز ؟

هههه كأنك حاسس اني مجدد جوازي عشان اروح اسوي تدريب صيفي بـ قطر

اتوقع انك تقدر تدخل قطر بالهويه الوطنيه الجديده , ومده الجواز بين الـ4 و الـ5 سنين .


إقتباس
الرسالة الأصلية كتبت بواسطة امي ولدتني هلالي
الشي الغريب بصراحة في الجوازات !!!
ان تعامل العاملين في الجوازات ممتاز مع المراجعين
شي غريب والله
مو مثل المرور والا الخدمة المدنية
بس الي يبي يروح الآن للجوازات وما معة فيتامين " و " اصلي مو مقلد
الله يعينه على الزحمة

طيبين مين يشيخ .. وقت استلام الجواز عطيت الموظف الورقه حقت المراجعه .. قاعد يكلمني من طرف خشمه ولمن لقى جوازي اعطاني نظره حقد .. ورماه على الطاوله ماني داري كأني قاتل احد من اهله

لو بيده ماكان سلمني الجواز



إقتباس
الرسالة الأصلية كتبت بواسطة السمسار الهلالــي
يووه يوم رحت أطلع جواز

كنت بسافر للكويت ولازم أطلع الجواز خلال يومين ,!
وماخذ معي الصور وكلش .. وأنتظرت حوالي ساعة !
يوم وصلت للكاشير قال : خلفية الصور مهب بيضاء
وأروح أصور ذاك اليوم وأرجع لهم وقالو خلاص قفلنا
بس الحمدلله رحت عند مدير الجوازات وطلبته وخلص أموري


.. ويعطيك العافية ع الموضوع ياعين أبوي انت .. !

يووووه والله مشكله .. اشوى انك زبطت وضعك مع المدير .. والله حاله


إقتباس
الرسالة الأصلية كتبت بواسطة هلالي فدرالي
طيب وذا الواحد يبي يطلع جواز سفر جديد
وش يلزمه وكم العمر المسموح وكم رسومه >> وش ناوي عليه يالذيب

اقل من 21 سنه لازم ولي امرك يكون معاك عشان يطلع لك تصريح
فوق 21 سنه تروح تطلعه بنفسك ,, واسئلتك الباقيه اجاباتها كلها في الموضوع


إقتباس
الرسالة الأصلية كتبت بواسطة المشتاق2005
بصراحه موضوع رائع ويعطيك العافيه وماقصرت


وتحياتي للجميع

الله يعافيك وشكراً لك


إقتباس
الرسالة الأصلية كتبت بواسطة ! غير البشر !
يعطيك العافيه ..

فعلا الجوازات مرمطه

انا جددت جوازي قبل كم يوم .. وانا بالبيت

عطيته واحد وضبطه وجدده لي :

ياخي الواسطه فله

ههههه بالبيت ها ؟ ايام زمان كنا نسويها الحركه ذي



إقتباس
الرسالة الأصلية كتبت بواسطة س ا م 6
هههههههههههههههههههه

كنك تدري اني اليوم عقب الاختبار رايح اجدد الجواز حقي


بـ صرـآحه زحمه غير طبيعيه ..


بس معى الفيتامين وـآو .. مش حتقدر تغمض عينيك و انا جالس في المكتب خلصت كل اوراقي .. ذا الكلام الساعه 10:30 و عقب صلاة الظهر جيت استلمت الجواز ..


و تحياتي للي ماعندهـ وـآسطه


و الله يعينكم على الزحمه






واللهي ياخي الواسطه مو مره مؤثره في الجوازات ..لأن جوازك ياخذله يومين ويخلص يعني .. مو زي بعض الدوائر الحكوميه الي تحتاج من جد لواسطه


إقتباس
الرسالة الأصلية كتبت بواسطة the king yasser
الله يجزاك الف خير على هالشرح لاتفصيلي والواضح


تقبل تحياتي يا الغالي




see you

شاكر لك مرورك

إقتباس
طيب الحين افرض ان واحد من الشباب قرا موضوعك

و راح وجدد جوازه و سافر برا وسوا قلة ادب

ما يجي عليك ذنب ?

ههه

يعني الواحد مايجدد جوازه الا بعد مايقرى موضوعي ؟ كأن موضوعي هو سبب تجديد الجواز والسفر
اضافة رد مع اقتباس
  #14  
قديم 22/06/2009, 05:22 PM
زعيــم مميــز
تاريخ التسجيل: 17/05/2005
المكان: قلب الزعيم
مشاركات: 2,235
الله يعطيك العافيه

انا جايهم اليوم قالوا لازم بطاقه جديدة(( الهويه الوطنيه))


ورجعوني ورحت للأحوال قالوا بتاخذ اسبوعين






نحـن الذيـن وطـئـنـا .. ..بالخيل عرش الأعاجم
سُقنا حليلات كِسرى .. بالسوط سـوط الغنائم
نـحـن الـذيـن بـنـيـنـا... حـصـوننـا من جمـاجـم
ما عاد في العيش خير . . إن ألـجمتـنا البـهائـم



(( جرائم الرافضه عبر العصور والازمنه لم يري التاريخ اقبح منها !!))


http://vb.alhilal.com/t728852.html
اضافة رد مع اقتباس
  #15  
قديم 22/06/2009, 05:33 PM
الصورة الرمزية الخاصة بـ NONY-991
زعيــم مميــز
تاريخ التسجيل: 19/04/2007
المكان: N Riyadh
مشاركات: 1,610
الله يكون بعون بابا


إقتباس
الرسالة الأصلية كتبت بواسطة غلا الزعيم
طيب الحين افرض ان واحد من الشباب قرا موضوعك

و راح وجدد جوازه و سافر برا وسوا قلة ادب

ما يجي عليك ذنب ?

ههههههههههههههههههههههههههههههههههه الله يهديك اخوي والي براسه شر بينتظر صاحب الموضوع ينزل موضوع عن تجديد الجواز


ثانكيو يابطل







صدقوني انا بنت -بنت -بنت <<لاتتحمسين واجد
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 04:26 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2014, Jelsoft Enterprises Ltd

Google Plus   Facebook  twitter  youtube