" [ حـلـم أبــلـيـس بالـجنـة ] مـوقـع الـمـان الرسـمـي يـضـع كـاسـيـاس ضـمـن خـطـط الفريق للموسم القادم " - نادي الهلال السعودي - شبكة الزعيم

Hala Madrid · #1 21/06/2009, 03:19 PM

بشكلٍ مُثيرٍ للغاية , صحيفة 'Daily Mail' ذكرت أنَّ الشياطين الحُمر قد تقدَّموا بعرضٍ لضم حارس ريال مدريد ايكر كاسياس , وذلك مع قُرب انتهاء مسيرة إيدوين فان دير سار الرياضيَّة .

موقع مانشستر الرسمي

الخبر من ترجمه Iker برابطه الريال

-------------------------

تعليقي :

كلمه يحلمون شويه عليهم

انا الى الحين ما صدقت انهم تهورو
ونزلو الخبر

, من جدهم , لو قايلين هيجواين ولا هونتيلار ولا اي لاعب
تنبلع

لكن ايكر هههههههههههههههه

اتوقع بيريز يعاقبهم على هالخبر ويشتري نص فريقهم

!

..

F.C.Blaugrana · #2 21/06/2009, 03:22 PM

كلّ شي جايز

!

يمكن يلقى في المان الشّـي اللي فقده بالرّيال .. !!

شيقررن زيد

..

..departed.. · #3 21/06/2009, 03:33 PM

إقتباس

الرسالة الأصلية كتبت بواسطة F.C.Blugrana


	كلّ شي جايز ! يمكن يلقى في المان الشّـي اللي فقده بالرّيال .. !! شيقررن زيد ..

حلوه الدقه

أتوقع مستحيل يطلع كاسياس من الريال .. لأنه من أبناء النادي ورمز للنادي ..

لو المان يقدم عرض لسيزار حارس إنتر تكون بالثمانيات ..

Hala Madrid · #4 21/06/2009, 03:41 PM

إقتباس

الرسالة الأصلية كتبت بواسطة F.C.Blugrana


	كلّ شي جايز ! يمكن يلقى في المان الشّـي اللي فقده بالرّيال .. !! شيقررن زيد ..

وش الشيء الي فقده بالريال وبيحصله بالمان ؟
الدوري الاسباني وحققه , دوري الابطال وحققه , السوبر الاوروبي وحققه ,
كأس العالم وحققه , افضل حارس بالعالم وحققه .
طبعاً كلها مع الريال .
اذا قصدك فلوس ترا ايكر ما يفكر بهالشيء

.
الكابتنيه ان شاء الله الموسم الجاي

..
لا بغيت تدق هات شيء صحيح او يصدق !
حياك عزوز

F.C.Blaugrana · #5 21/06/2009, 03:56 PM

إقتباس

الرسالة الأصلية كتبت بواسطة Hala Madrid


	وش الشيء الي فقده بالريال وبيحصله بالمان ؟ الدوري الاسباني وحققه , دوري الابطال وحققه , السوبر الاوروبي وحققه , كأس العالم وحققه , افضل حارس بالعالم وحققه . طبعاً كلها مع الريال . اذا قصدك فلوس ترا ايكر ما يفكر بهالشيء . الكابتنيه ان شاء الله الموسم الجاي .. لا بغيت تدق هات شيء صحيح او يصدق ! حياك عزوز

هلا وغلا زيد

..

شف يا خلفهم .. دوري الأبطال صحيح حقّـقه مع الريال .. لكن صار له
6 سنوات يطلع من دور الـ 16 .. اللاعب يبي نادي يعطيه الإستمراريّـة
في المنافسة .. وهذا موجود لدى المان ويفقده الريال .. ميب مشكلة حقّقت دوري الأبطال مرّة أبيها مرتين وثلاث ولنا في مالديني مثال

..

يعلم الله إن ما قصدي دقّـة ولا استفزاز .. هذي وجهة نظري بالموضوع

..

وجهة نظري خاطئة ! تحتمل الصّـواب ..
ماني من النّـاس اللي تنتصر لآرائها !!

سعدت بأريحيّـتك زيد

..

* صورة مع التحيّـة للغلا عبّـودي

..

FLORINTINO · #6 22/06/2009, 02:02 AM

إقتباس

الرسالة الأصلية كتبت بواسطة F.C.Blugrana


	هلا وغلا زيد .. شف يا خلفهم .. دوري الأبطال صحيح حقّـقه مع الريال .. لكن صار له 6 سنوات يطلع من دور الـ 16 .. اللاعب يبي نادي يعطيه الإستمراريّـة في المنافسة .. وهذا موجود لدى المان ويفقده الريال .. ميب مشكلة حقّقت دوري الأبطال مرّة أبيها مرتين وثلاث ولنا في مالديني مثال .. يعلم الله إن ما قصدي دقّـة ولا استفزاز .. هذي وجهة نظري بالموضوع .. وجهة نظري خاطئة ! تحتمل الصّـواب .. ماني من النّـاس اللي تنتصر لآرائها !! سعدت بأريحيّـتك زيد .. * صورة مع التحيّـة للغلا عبّـودي ..

عزوز

معليش برجع شوي لأني ما كنت متابع لـ الموضوع اول بـ أول

أشغلنـا كاكا

الله لا يشغلنا الا في طاعته

تقول ان كاسياس فاقد الأستمراريه .. تقريباً انت حددت التشامب ،،
ولا لو على مستوى البطولات كـ كل أيكر محقق بطولة الدوري موسمين متتاليه ..

بـ النسبة لـ التشامب .. كلامك صحيح عن الريال وأنه من 6 مواسم ما تعدى
دور الـ 16 لكن هل من هـ النظرة نقول ان اللاعب طفش ويبي يروح نادي
ثاني عشان يتعدى دور الـ 16 .. او عشان ينافس !!

صعبة من وجهة نظري .. شوف المان مثلاً .. اخر ثلاث مواسم وصل سيمي
فاينل البطولة 3 مرات .. مرتين راح النهائي .. مرة اخذ البطولة .. أوكي المان
بطل جداً في التشامب .. لكن قبلها المان وينه !!

جلس 4 مواسم على ما اعتقد ما وصل لـ السيمي فاينل حتى مرة طلع من
الدور الأول لـ البطولة .. مو عيب انه طلع .. العيب لو استمر على حالته
وطلع منها مرة ثانية .. بـ العكس رجع واكتسح اوروبـا في موسمين

خل الهذرة ذي على جنب

كاسياس حقق 2 تشامب مع الفريق .. واحد منها وهو الحارس الأساسي
لـ الفريق في الفاينل .. حتى أبدع فيه

وشال الين طفش كـ العادة

اوكي هبط مستوى الريال في البطولة وهذا شيء طبيعي جداً بس مو
يعني ان فريقي مو كويس في التشامب أطلع .. ليه كرويف ما طلع من
برشلونة مع انه في ذيك الفترة ما حقق ولا تشامب !!

لأنه وفي لـ فريقه وصعبة يطلع عشانه فقد المنـافسة .. اصلاً لما تقول
ذا العذر وانت قد حققت البطولة بيكون موقفك ’’ بـــايخ ‘‘

الي ابي اوصله من ذا الهرج الواجد .. ان عذر الأستمراريه الي تقول
عليه بـ النسبة لـ الأغلبية غير مقنع .. لأن هذي كورة يوم لك ويوم عليك
ويمكن الموسم الجاي الريال يكسر العقدة ويوصل الفينـال ويصير ما فيه
حجة استمراريه منافسة

عزوز

وجهة نظرك على عيني و على راسي

لكن يحق لي أبداء رأيي فيها

<

وبعدين رح ذاكر تراك اخر سنة .. بلا كاسياس بلا هم

على فكرة لاترد الا اذا خلصت اختباراتك ذا الأسبوع

بـ التوفيق لك و لـ جميع الشباب الي عندهم اختبارات

وعقبـال النجاح والنسبة الي تبيض الوجه

FLORINTINO · #7 21/06/2009, 03:50 PM

إقتباس

الرسالة الأصلية كتبت بواسطة F.C.Blugrana


	يمكن يلقى في المان الشّـي اللي فقده بالرّيال .. !!

ممكن توضح لي سنيور عزوز وش الي فاقده ايكر في الريال ؟

اذا بطولات .. فهو حقق مع الريال عدد بطولات اكثر من بعض
الفرق الكبيرة في أوروبا

ومتنوعـه بعد

اللاليغـا ؛ التشامب ؛ السوبر الأوروبي ؛ السوبر الأسباني ؛ الأنتركونتينينتـال

؛؛

Carlitos 32

عمر

طلع العيب من موقعكم الخـايس

اجل رجعتوا زيدان يلعب في المـانيو خخخخ

ولا بعد اخذتوا جوتي هههههههه ليتكم تاخذونه محد بيقول لاآآع

http://www.manutd.com/default.sps?pagegid={FE60904B-C2A8-4E60-9B05-700DBBC29BBC}&teamid=443§ion=playerProfile&bioid=4016

FLORINTINO · #8 21/06/2009, 03:24 PM

ياخي في كلمة دايم يقولونها الشعب و ما قد جربتها

يحلموووووووووووووون

ههههههههههههههههههههههههههههههههههههههههههههههههههههههههههه

عوافي زيد

الحبيشي999 · #9 21/06/2009, 03:29 PM

لايحلمون ولاشىء كل شىء متوقع
ههههههههههههههههههههههههههه
الريال راح ياكلها بالدرزن

FLETCHER · #10 21/06/2009, 03:29 PM

لا لا والي يرحم والديكــ لا يغضب علينا بيريز هذا اهم شي..!!

شكرا لك ترا الموضوع قديم + مكرر

Carlitos 32 · #11 21/06/2009, 03:31 PM

ممكن . ليش لا ؟!

بس للمعلومية وتصحيح للخبر .. الموقع ما وضع كاسياس ضمن خطط الفريق للموسم المقبل !!

الموقع الرسمي عادةًَ يجلب أبرز الأسماء اللي تتحدث عنها الصحف
واللي فيه إمكانية لضمها للفريق

طبعاً لو دخلتوا على المصدر .. راح تشوفون قائمة من اللاعبين غير كاسياس !!

هذا الجدول الموجود بالمصدر .. وفيه أكثر من لاعب غير كاسياس

فيه أحد عاقل يصدقّ إن المان راح يجمع إيتو وسيلفا وتوريس وروبن
وريبري وكاسياس وبنزيمه بفريق واحد ؟

أعتقد الخبر مجرد نقل من الصحافة لا آكثر

عوافي زيد

Hala Madrid · #12 21/06/2009, 03:36 PM

إقتباس


	ممكن . ليش لا ؟!

هلا عمر

من جدك انت تقول ممكن

تخيل جيجز يلعب مع فريق ثاني

او زانيتي

صعبه صح ؟
الكلام نفسه ينطبق على ايكر

..

إقتباس


	شكرا لك ترا الموضوع قديم + مكرر

شكلك شايف الموضوع بموقع ثاني

او انك شايفه برابطتكم ومضيع

.

..

FLETCHER · #13 21/06/2009, 03:57 PM

شكلك شايف الموضوع بموقع ثاني

او انك شايفه برابطتكم ومضيع

.

..[/CENTER]
[/COLOR][/FONT][/QUOTE]

لا ابشركــ ماني مضيع ولا شي

الخبر كان موجود قبل ثلاثه ايام تقريبا وشباب واجد علقوا عليه

اتوقع الاداره حذفوا الصفحات اللي ورا .. والا كان جبته لكــــ

..

إقتباس


	" يخسون " اللي فيك يفكـّرون

هكذا الاخلاق والا فلا .. الف شكر

Hala Madrid · #14 21/06/2009, 06:45 PM

إقتباس


	" يخسون " اللي فيك يفكـّرون

الشباب الي هنا وزعلو من كلمه عزوز , الرجال ما يقصد أحد هنا !
عشان كذا لحد ياخذ بخاطره

..

إقتباس


	زيد تمنيت أسلوبك أقل عنف من كذا ..

عنف ؟ أي عنف الي سويته انا ؟
ما غلطت على احد ولا قلت اي كلمه تزعل , انا دافعت عن لاعب فريقي بس !
بعدين الشباب الي ردو على الموضوع يعرفون معزتهم عندي جميعهم بدون
استثناء

..

إقتباس


	شف يا خلفهم .. دوري الأبطال صحيح حقّـقه مع الريال .. لكن صار له 6 سنوات يطلع من دور الـ 16 .. اللاعب يبي نادي يعطيه الإستمراريّـة

عزوز حياك مره ثانيه

.
مسأله دوري الابطال صحيح الفريق ما يأدي له كم سنه , لكن الكل يدري
بالظروف الي يمر فيها الفريق خلال السنوات الماضيه , حالياً مع بيريز نشوف
بدايه الميركاتو بكاكا وكريس وان شاء الله نشوف بقيه النجوم , يعني الفريق
بطريقه للاستقرار والنجاح الي بالاساس هو مطلب بيريز , يعني نقطه ان ايكر
يطلع من الفريق عشان يلعب بدور الـ 16 وما فوق هذي استبعدها نهائياً
وحتى الجميع يوافقني بالرأي .
كاسياس ما طلع والفريق يترقع من اردى الفرق وتبغونه يطلع بهالوقت !

..

F.C.Blaugrana · #15 21/06/2009, 07:25 PM

إقتباس

الرسالة الأصلية كتبت بواسطة Hala Madrid


	عزوز حياك مره ثانيه . مسأله دوري الابطال صحيح الفريق ما يأدي له كم سنه , لكن الكل يدري بالظروف الي يمر فيها الفريق خلال السنوات الماضيه , حالياً مع بيريز نشوف بدايه الميركاتو بكاكا وكريس وان شاء الله نشوف بقيه النجوم , يعني الفريق بطريقه للاستقرار والنجاح الي بالاساس هو مطلب بيريز , يعني نقطه ان ايكر يطلع من الفريق عشان يلعب بدور الـ 16 وما فوق هذي استبعدها نهائياً وحتى الجميع يوافقني بالرأي . كاسياس ما طلع والفريق يترقع من اردى الفرق وتبغونه يطلع بهالوقت ! ..

أنا ما قلت إنه بـ ينتقل لهذا السّـبب !
أنا استغربت استبعادكم ‘‘ القاطع ’’ لخروجه ..
طبعاً يحقّ لكم ، وصعبة جداً خروج كاسياس .. لكن التعاقدات علمتنا
إن ما فيه لاعب يستحيل خروجه .. من كان يتوقع خروج جوارديولا من
البرسا ؟! ومن كان يتوقّـع خروج هنري من القانرز ؟! والأمثلة كثيرة ..
حنا الحين في عالم احتراف ، واللاعب - غالباً - ما يهمّـه إلا مصالحه الشخصيّـة ..

المستقبل في علم الغيب ، وممكن مشروع بيريز ما ينجح !
مثل ما مشروع ‘‘ الجيلاكتيكوس ’’ ما نجح !! موب ذا محور النقاش
لكن أنا جبته كـ مثال لا أكثر

..

المقصد إنّ أي لاعب بالعالم يحطّ كل الإحتمالات في عقله ..
وبالنهاية يختار النّـادي اللي بـ يأمن مستقبلـه ! ويحقّـق
طموحاته في النادي ذا .. !!

الله يحيّـيك يا غالي

..
وسعدت كثيراً بالنقاش معك ، وأتمنى إنّي اللي أبي أوصله
وصل بالطريقة اللي أبغاهـا

..

قفلة .. يا ليت ما ناخذ الأمور بحساسيّـة ..
حنا أخوة وأحبّـة وميب الأندية اللي تفرّق بيننا !

أحمد - عنيزة