خلاص قررت ارحل الى عالم السينما واصير ممثل اجل رامبو احسن منى

توهقت وسافرت مع جاج للقاهره بنجيب بضائع لمحل جاج تخبرون جاج عنده محل يبيع فستق

وسيسبان وقريض واحلى مافيه الى قام يطلب كاجو يقول عطنا ضرس العجوز وصلنا مطار

القاهره ومن شافونا الجوازات وهم اللى يلقطون جوازاتنا ويخلصونها بسرعه اثرهم

يحسبون جاج الممثل فرج الله وانا الفنان خالد الملا ياعمرى ياابو حنان خلصنا من

المطار ورحنا ندور على تكس ومن شافو كشرتنا وماتسمع الا اصوات الفرامل حتى فيه راعى

تكس عيونه طايره فينا وهو يمشى دعس ثلاثه عمال وجرح خمسه من السواح

ركبنا مع راعى ذاك التكسى ومن مشى شوى وهو اللى يبدا بالنصب انا كنت عقيد

فى الجيش وحاربت فى سيناء وكنت سواق دبابه قال جاج اجل سواقه الدبابه سهله

قال مش عوزه حاقه اهم شى لم تحطها فى الرابع متبعدش رجلك عن الكلتش وتسيب التكيف شغال

ماصدقنا على الله نوصل الفندق . الين ذاك الاستقبال اللى يحبه قلبك متوهقين فينا

وحنا قاعدين نتغداء الا ويمر نور الشريف انا غصيت وجاج شرق اول مره نشوف ممثل

ويتجمع اللى فى المطعم علينا يبون يطلعون اللى نشب فى حلقى اثرى بلعت سيخ كباب وانا ماادرى

وجاج تجمع عليه اربعه صعايده وهات ياتمارين بقوس فى ظهره الين ردت الروح فينا

جاء نور الشريف وقعد معنا وقال انا عوزك تمثل معى فى مسلسل جديد اسمه 0 ( الحاج محماس )

وانت يااستاز خالد راح تغنى المقدمه قال جاج بس لى شرط واحد ابى الممثله مديحه كامل الله

يرحمها تمثل معى قال نور ملكش لواء قال جاج لواء ولا عقيد رد عليه نور انت بتهزر

معاى انت وكشرتك جاء وقت التصوير دور جاج فى المسلسل حارس عماره وطول حلاقات

المسلسل 3500 حلقه ماقال الا صباح الخير يابيه تصبح على خير يافندم

يوم قرب المسلسل يخلص ومابقى الا حلقتين وتدق زوجه جاج وتقول له ابيك ترجع ضرورى العيال

مصاخين زوجته تحسبه فى جده قال والله النشبه وشلون انحاش ( موقع على عقد

وفيه غرامه 100000 ) قال مبدهاش اتنكر وانحاش طيب مين اللى يشبه فرج الله مين مين

ايه لقيتها اقرب واحد يشبه له تومك كروز سبحان الله تقول توائم وصل للمطار وهو متنكر وهوعند

الجوازات وفرحان خلاص بينحاش قال الضبط : هههههههههههههههه علمين تلعبها علمين ياابن

الناس..... قال جاج : اش فيه صديق قال الضابط انت توم كروز الممثل العالمى طيب ليش حاط

اسمك توم كروز الاشهب قال : مافيه مشكله صديق .. وهولاهى مع الجوازات طب عليه نور

والمخرج والمنتج وطبعا انا معهم لانى انا اللى قلت لهم انه بينحاش

علشان كذا انا رايح للقاهره اشوف وش صار عليه اذا فيه احد يوصى شى او تبون شى ابشرو والله

مع العلم انه مافيه امل اجيب اى شى بيتوصونى عليه