تعادل الهلال والرياض 1/1 بهدف تركي القحطاني من رفعه خدعت الجميع من قدم ابويعقوب 000

مستوى الهلال ؟ هل هذا هو الزعيم وصاحب 34 بطوله ؟
هل الزعيم عاجز عن توفير مدرب عالمي قادر على قيادة الهلال ؟ ام يستمر الحلاق او يكرم الحلاق في تدريب الزعيم ؟؟
شيء مؤسف اللي نشاهده من الاداره الهلاليه 00 خالد بن طلال يقول سوف اتكفل بقيمة يوردانسيكو وسوف احضره ولكن ادارة الهلال رافضه الشيء هذا !! لماذا ؟ لان خالد هو سبب ابعاد بلاتشي !!
يعني الى متى والهلال يقدم هالمستوى ؟؟
الرياض يلعب افضل من الهلال بمراحل في الناحيه التكتيكه ! اتمنى من الهلاليين سرعة انهاء عقد يوردانسيكو او اي مدرب عالمي 000

ابويعقوب لاجديد نجم مميز وكنت نجم المباراة ولااروع الكوبري في الضعيان

التيماوي لابد ان يراجع مستواه واستغرب من الجهاز الفني اشراكه ؟؟ اجزم كل من شاهد المباراة يقول طلعوا التيماوي !! ولو كان نجم اشركه في الشوط الثاني حتى يبدأ يتأقلم مع الفريق ! ويكفي الانفراد مع الباب ( وليس الحارس !!) وعلى الخط التسه يارده يضيعها بكل سهوله !!
اتمنى من كل قلبي عدم اشراكه في مباراة الهلال القادمه مع النصر 0
الشهراني اي عمل فعلته ؟ هل نحن في مباراة حواري ؟؟ كسرني او اتكلم علي لازم اردها عليه !!
اتمنى من ادارة الهلال معاقبته عقاب استثنائي !! هو يعلم ان الهلال لديه مباراة هامه يوم الاربعاء ويتصرف تصرف طائش ليس له اي داعي !

يوسف الثنيات بعد المباراة حيته تحيه كبيره ورد عليهم ابويعقوب باتسامه ورد التحيه كذلك النزهان الجمهور حييه على المستوى الرائع اللي قدمه ،،



[عدلت بواسطة العالمي ت:20-01-2001 س: 01:49 AM]

الغالي العالمي, المدرب لا يعلم عن الكره الا أنها مدوره وربما يعلم أنه الأكثر احرازا للأهدف يكون الفائز.
أما مومضوع يوسف, فعلا قولتك لاجديد... فيلسوف زمانه.
الشهراني انطرد!! يمكن انها خيره علشان المدرب ما يلعب بثلاثة محاور ويلعب أحمد المطرف.

تقبل تحياتي.

الاخ الرزين مرحبا 000

وش نقول المدرب حتى تدوريها يبدو انه لايعرف !! والله يصــبرنا ؟
واتمنى من ادارة الهلال تتحرك بسرعه 00 ام تريد من جماهير ناديها تقاطع الملعب حتى يتم انهاء عقد المدرب !!

هلا باخونا ( العالمي ) ..

ياخوي خيرة ان الهشراني انطرد .. فلو نلعب عشرة افضل من انهم يلعبون بـ 12 لاعب اذا لعب هذا العالة ( الشهراني ) !!

والتيماوي .. اليوم ماهو في جو المباراة اببببببد !!! ماادري ليش ؟

ابو يعقوب .. آآآآآه يا هالاسم ... صدقوني يا شباب احظروا اي مباراة بيلعب فيها هالنمر من الآن فصاعدا اذا كنتم من عشاق ( الترقيص ) الثنياني !! تراه على خبركم .. تسحيب .. وتمريرات قاااااتلة ... وكوباريات بعد !!

فيعني اللي مهوب جاي عشان الهلال .. يجي على الاقل عشان يستمتع بالنمر .!!

والمدرب ان شاء الله قريب بيجي .. بس المشكلة الى متى ستظل هذه الخلافات بين اعضاء الشرف ؟!!

تحياتي اخوي العالمي ..

هلا والله بالاخ : ابو ناصر 00

الشهراني اذا مالعب تدري من راح يلعب مكانه ؟؟ تركي القحطاني 00 واختلف معك منصور جيد لو يتخلص من عيب واحد وهو سرعة اللعب عدم المراوغه كثيره !!

والله صادق نحضر عشان الهلال وابويعقوب

والمدرب الله يستر ويخلصونا !

السلام عليكم
البركة فى الادارة الى شايف الوضع وساكتةوالتيماوى ياليت يراجع نفسة ويشد حيلة والطرد صدقنى أن الشهرانى والقحطانى نفس المستوى يعنى مافى فرق بينهم مرة اتمنى يلعب عبد الله المطرف من بداية المباراة
وشكرا لكم

[عدلت بواسطة بندر الهلالى ت:20-01-2001 س: 08:50 PM]

هلا اخوي بندر ...

والله انا معك احمل الاداره جزء كبير من اللي حاصل في النادي 00 التيماوي والله مستوى سيء واتمنى من التيماوي مراجعة نفسه ولايخرج نفسه بالمستوى اللي يقدمه !!

واختلف معك في القحطاني والشهراني ؟ الشهراني عندي افضل منه بمراحل ،
عبدالله المطرف والله قــهر مايلعب اعتقد كل الجمهور الهلالي يطالبون بنزول عبدالله في اي مباراة وحتى لو نزل في اخر عشر دقائق فنشوفه يبدع في عشر دقائق فقط !!

يعني كل اللاعبين الشباب عطوهم فرصه الا عبدالله المطرف يعني زملائه الشهراني .. القحطاني .. الشايع .. الشلهوب ... وهو لا !!
ياليت نشوفه ضد النصر وصدقوني المطرف عبدالله راح يكون نــجـم الهلال القادم اذا عطوه فرصه ،،

السلام عليكم
مستوى سيءالبارحة ,مدرب فقير(حلاق),أعجبني وقوف المصبيح والاحمد وكأنهم متجمدين من البرد,تأخرالادارة في إحضارالمدرب واللاعبين الاجانب
ومافيهم الا شايبهم (الثنيان ),امابالنسبة للفريق البارحةفيحتاج للدكتور(ابواثنين)هوالمحورالمطلوب.
المطرف اخوان يحتاجون فرصة كبيرة.

أحلى ســـلام لأحلى عالمي.....
بالنسبة لموضوع المدرب فلادارة بتجيب المدري بعد مبارة النصر(يعني بعد الخسارة) أما التيماوي فاصبروا عليه شوي من زمان وهو يعاني من الإصابة ولا تنسوا أنه أسعندنا كثير وأدخل البهجه في قلوب الجماهير........والسلام ختام.

مساكم ورد
بالنسبة لثنيان مااقدر اقول شيء لانه فيلسوف زمانه.
اما المدرب لو كان بيفلح فلح مع درجة الشباب اللي هم من جرف لدحديره والا هذا وجه مدرب هو وقذلته وين اللي يطامرون مانبي بلاتشي واحنا مستعدين نجيب غيره والا هو كلام يطير به الهواء يالله هذا الفريق بلا مستوى بلا اجانب والله لو ان فلوس مانجوت وفاييه والكاتو جابوا بها سيرجو ومعه محمد فاروق لاعب الاهلي المصري وهو يلعب ظهير ايسر كان ابرك من ذولا النشب والا من متى لعب اجنبي ويتطاق في التدريب والا هي غيره من ملاكم النصر الجديد نتهزاء بهم ومن بكره ننصاب بها لك وين الحل يادارة التصوير مع الكؤؤس بس .
والله ان الفريق مابه غير المصيبيح اللي شاد حيله ويستاهل كل الشكر لانه من جد تعبان مع الفريق .

الاخ : بندر 9 00 المدرب مفلس مفلس واعتقد الاداره تعلم بذلك !!
والمطرف اخوان اتمنى تتاح لهم الفرصه أكثر لان الموهوب على طول راح يقدم مستوى جميل من اول مباراة كما شاهدنا احمد في مباراة الرياض وعبدالله على فترات متقطعه 00

حمودي الهلالي وعليكم السلام يااحلى حمودي
نعم المتعارف عليه بعد الخساره يتم جلب المدرب ولكن قبل الخساره مستحيل !!
التيماوي انا معك نجم ولكن مستواه سيء هل نجامل انفسنا ونقول مستواه كويس ؟ واذا استمر على نفس المستوى يوجد الافضل منه بمراحل ،

الاخ : ALSAMI_915

فيلسوف ولانختلف عليه
ومسالة لو هذي بتطول شوي والله يكتب فيه الخيــر للهلال في المرحله القادمه ،،

هلا أخوي العالمي

استغرب ترديد كلمة مدرب على هذا الذي يقود الزعيم فالهلال حاليا يخوض المباريات بلا مدرب ...والنتائج الاخيرة لهلالنا أتت بعد الله لاجتهادات اللاعبين فقط ....

وزين من فريق يقدم هذا المستوى بلا مدرب...


والله شي مؤسف أن يكمل الهلال شهر كامل في عز المشارمات الدورية ...بلا مدرب..

[عدلت بواسطة ABU3ABED ت:21-01-2001 س: 02:53 AM]

اخوي الغالي ابو عابد 000
والله صادق ولو يقولون لكامبوس امسك الباب ويخلون الفريق بدون مدرب احسن 00

والله موضوعك ساخن !!
في مدرب مره كويس بست ميه في الشهر يمكن يجي بعد شوي يدرب في الفتره الجايه ؟

اخوي اذا نبي مدرب عالمي ومدرب قادر على قيادة السفينه الهلاليه لا بد ان تتروى الادارة في اختياره والا هي مسئله خساير وبس نجيب مدرب وما يصلح ونكع دراهم بس
بتقولي بسرعه ابقول كلهم طابين مبالغ كبيره جدا ويوردنسكو يقول يبي مليونيين دولار تتكفل انت بقطة المدرب ... الاداره ما تنام بهذا السبب بس الدعوه يبيلها وقت شوي ورنا بطولة عالم ونبي نبيض الوجه فيها فلا بد من التروي بالمدرب هذا كل الي حاصل ........ فهمت قصدي ولا يهمك كلام الصحف 95 % تأليف والله وبطولة العالم هي المحك الحقيقي للجميع من اداره ومدرب ولاعبين وجمهور بعد ..... وسلامتك