الى متى أنقطاع الكهرباء السنة هذي بزيادة - نادي الهلال السعودي - شبكة الزعيم

المحيط الهلالي · #1 18/06/2009, 07:05 AM

بسم الله الرحمن الرحيم
توها راجعة عندي

ويحلوو المكيف من الساعه 1 بليل الى 7 الصباح منمت منقطع الكهرباء عن أجزاء من الحي والصحرواي أحترق لي مره الثانية بسببهم السنة هذي بزيادة ينقطع عندنا حتى صرنا نتسدح بمسجد الراجحي والسكيورتية يستحملونا ويقلون بنسوي شبكة كهرباء مع دول الخليج <<<<<<<<<<<<أنت بي الاول خل العاصمة ماينقطع بيها الكهرباء ثمين كد على لبحرين وغيرها

قال أيش ربط شبكة الا علشان بيها فلوس وتلهطونها يليت أبو متعب يشوف حل ترى الكهرباء كل سكان المملكة السنة هذي تشكتي ولاحد يعبرنا واذا أتصلت على طورائ 933 قال واله على الحي كله <<<<نصاب نصف حي الجزيرة غير منقطع عنهم وحنا مرتين بي الاسبوع ينقطع بي الساعات

حكر المنحكر · #2 18/06/2009, 07:45 AM

المشكله يالغالي تجيك اخر الشهر فاتوره ماتقل عن 2000 ريال

الكويت الكهرباء بمبلغ رمزي والتلفون بمبلغ رمزي بالسنه

وحنا الراتب الفين ريال وكل جهه تبي منك الفين بالله من وين اسدد

استغرب شلون عايش اللي راتبه 1500 تقاعد !!!!!!!

mkn911 · #3 18/06/2009, 08:01 AM

يمدحون المهفه هههههههههههه

algohmani · #4 19/06/2009, 05:08 AM

إقتباس

الرسالة الأصلية كتبت بواسطة mkn911


	يمدحون المهفه هههههههههههه

ههههههههههههههههههههههههههههه

بس يبغالك اثنين عمال واحد يهف من اليمين والتاني من اليسار

وبعدين خلهم يعدلون المهفات على ثلاثه

غلا الزعيم · #5 19/06/2009, 05:30 AM

طيب أنت وش بلاك كذا .. ؟

أحد كان يركض وراك وانت تكتب الموضوع ؟

LA ROMA · #6 19/06/2009, 05:35 AM

^^^^^^^

بلاكم ما حسيتوا بالحر بدون مكيف ,,

الرجال من القهر الي فيه يكتب بسرعه ,,

F.C.H · #7 19/06/2009, 06:35 AM

والله صـادق الله يكون بالعون بس وش حالة الضعوف الحسن

وناس مو حاسه باللي يصير بنص الشعب وربي شي يقهر .

لازم مثل مادخلت شركات اتصالات بعد ما اكلتنا اكل الاتصالات السعوديه لازم يكون هناك شركات ثانيه للكهرب والهاتف الثابت والانترنت . شوفوا العالم كيف عايشه بالغرب .
واحنا عايشين وبنموت على الجهل والسرقه والغبنه .
حسبي الله ونعم الوكيل بس

ناصر 2004 · #8 19/06/2009, 09:46 AM

هذي عادتهم شركة الكهرباء كل سنة على موعد الاختبارات يطفونـــــــه

طفى علينا قبل يومين نص ساعه .. ورحنا فيها اجل وشلون لو اربع خمس ساعات

تجمعنا لأجل الزعيم · #9 19/06/2009, 04:27 PM

حـسـبـنـا الله و نـعـم الـوكـيـل

بوزوزو · #10 19/06/2009, 05:40 PM

قال و ش حادك يا المسمار قال المطرقة

ما عندك الا عالشركة وش تسوي زود

الله يكون بالعون بس

برشلوني+هلالي موت · #11 19/06/2009, 06:20 PM

الحمد الله ماطفى الا مره وحد ولا طول 10 دقايق بالسويدي بس جد حسيييييييت بحر جده

<<<احترق ظهره منها

ابـوفـيـصـل · #12 19/06/2009, 07:38 PM

كل يوم يطفى عندنا عاد ما يطفى إلا الظهير يعني يخرب عليك النوم وتعرف عندنا في بريده الظهير الجو حاااااااااار

ما نقول إلا حسبي الله ونعم الوكيل

صديق ويلي · #13 19/06/2009, 10:35 PM

ياللي تتكلم انت وياه عن شركة الكهرباء.!

ليش ماتراجع نفسك انت وغيركـ..!

نسيت انكـ تطق مكيفات البيت شغاله ونور البيت من قبل امس وهو شغال والتلفزيونات اللي بالبيت
غير مكيفات السبيلت اللي تسحب كهرب عالي..!هذي كلها اذا تمت 24ساعه شغاله ماتبي الكهرب يفصل عليك..!

خفوا علينا شوي انتوا طاقين ام الكهرب بالبيت وحنا اللي ننجلد بالشمس لعيونكم..!

الله يهدي الجميع بس...!

سامي صعب يتكرر · #14 19/06/2009, 10:42 PM

حسبنا الله ونعم الوكيل ..
حنا طفى علينا الكهرباء مرتين خلال اسبوع وحده منهم من الساعه 6 الصبح الى 11 قبل الظهر

والله شي يقهر من جد والمشكله اللي عنده اطفال مثلي

والله شكلهم يحزن في الحر احنا يالكبار مو مشكله نتحمل بس هم عاد ؟؟؟

المفترض ان شركة الكهرباء تخفف الضغط عن بعض المحولات لبعض المربعات في الأحياء مثل ماسووا في بعض الأحياء ودلك بتخفيف الاحمال عن بعض المربعات ودلك باضافة محول اخر وخطوط اضافيه لتخفيف الضغط ولتلافي حدوث الانقطاعات المتكرره بس وش نقول حسبنا الله ونعم الوكيل

ملحوظه:

حرف الدال ابونقطه لا استطيع استخدامه عن طريق لوحة المفاتيح وش الحل ياشباب ؟

rashid-7 · #15 19/06/2009, 11:16 PM

حسبي الله ونعم الوكيل

إقتباس


	حرف الدال ابونقطه لا استطيع استخدامه عن طريق لوحة المفاتيح وش الحل ياشباب ؟

تلقى فوق( إنتر)

علامة سلاش زي كذا \

اضغطها جرب انا كنت زيك بس الحمدلله ضبط

اتمنى اني افدتك