هلا بك اخوي اسير الزعيم
بيني وبينك موضوع يصور الحال لكنه محطـــــــــــــــم

اتمنى اي شخص مقبل على الدراسه الجامعيه مايدخل الموضوع
الواحد مايصدق يتخرج من الثانوي ويتجاوز القياس ثمن ينصدم بالاختبار

الله يوفقك اخوي اسير .. وعسى الله ييسر امور المسلمين ..

ولربَّ نازلةٍ يضيقُ بها الفتى .........ذرعاً وعندالله منها المخرَجُ
ضاقت فلما استحكمت حلقاتها .........فٌرِجَت وكان يظنُّها لا تُفرجُ


فمان الله ..

ماادري وش بون بهالاختبارات
موه خمس او 4 سنوات ادرس بالجامعه واتخرج وفي نهايه تقولون لنا اختبار
اجل وشو له نتعب نفسنا

اقوول بلا تدريس بلا هم على اني ادرس كيمياء وبنت بس ماافكر فيه ابد
حوولو على الشركااات

ذلوونا مايسوى علينا وظيفه

هلا والله اسير .. .. زميل المستقبل ..

إقتباس علي حنفي اقول تبي رقمه الدكتور الوحيد اللي مشبكه في الجامعة و من زين وجهه معطيني بي بلس مع ان تشبيكتي له قوية الدماطي ويييييين رايح منذ مبطي شكلك متخرج من اربع سنين .. الرجال راح من زمان يمكن ثلاث سنين و نص من يوم راح

بالنسبة للتخرج من 5 سنين والحمدلله ..
الدماطي هو اللي ينفع فيه التشبيك على ما سمعت ..
علي حنفي ما ينفع فيه تشبيك ولا شي .. قسم بالله ما طلع الا على كتوووفنا وكتوف الدفعة اللي قبلنا ..
والا اول ما جاء يدربي رأسه ولا يدري وش الطبخة .. عقبها بدأ يشغل الطلاب ويكرفهم ويطلع كل شي بأسمه ويسحب على مندووووب مندووووووووووووووووووب الطلاب !!
وش ابي برقمه ماصدقت اني تخرجت وافتكيت من خشته تبي ارجع واخذ رقمه ؟؟!

إقتباس أمس فيه شيء خلاني أتفائل و فرحني بصراحة .. الخدمة المدنية زي ما قلت قبل انهم أجلوا التقديم بأمر مفاجئ .. طبعاً كان المفترض يكون يوم السبت لكن تأجل .. و بدون ذكر أسباب بالنسبة لي كنت محتار .. إما أنهم يدرسون الغاء الرسوب و النجاح في الاختبار و يخلونه للمفاضلة .. أو أنهم ينتظرون الدفعة اللي بعدنا بحيث يقدمون خريجي الترمين مع بعض .. لكن اللي فرحني اليوم كنت اسولف مع ولد جيراننا و اعطيه نصائح حول الاختبار و المقابلة الشخصية سألته متى يعطونكم الوثائق .. قال 18 - 7 .. يعني يوم التقديم .. يعني ان شاءالله ان التأجيل عشاننا لأنه مستحيل يسوي مقابلة شخصية أو قياس بدون وثيقة .. يا رب تكون خيرة و يصدق احساسي

بالنسبة للتقديم تبون تقدمون كلكم سوا .. اللي تخرج الترم الاول والا الثاني ..
سابقاً كانت الوزارة تعين خريجي الترم على مباشرة .. لكن على البند وبعد مطالبات من الموسى الامين العام للتربية الخاصة الغي قرار التعيين على البند واكتفوا بالتعيين في نهاية السنة .. بالتالي تبون تقدمون سوا كلكم ان شاء الله ..

وان شاء الله يكون التأجيل عشان يلغون قرار الرسوب اللي فيه ظلم للطلاب ..

إقتباس أنت بس أي دفعة .. اللي خابره دفعة عام 24 هي آخر دفعة جت الرياض .. مدري هي اربعة و عشرين او خمسة و عشرين .. بعدها ما فيه احد طب الرياض و الصراحة اني ما أملت في الرياض أبد .. بس الامل ان هالبرامج اللي بيفتحونه بتفتح لك مجال تقرب من الرياض او ع الاقل تروح لمناطق زينة زي الشرقية يا رجال آخر دفعة تعينت أخوياي أرقامهم فوق المية و ستين .. يعني الا يا جاي الرياض بس ارقامهم في المناطق اللي حول الرياض مقبولة شوي

آخر من دخل الرياض على خبري من دفعتنا 25 .. ( الصدز مفروض دفعتي 24 بس تخبر الواحد اذا حذف ترمين ) ..
شخصياً ما فكرت الا بالرياض ومنب اطلب الا هي بس .. والا خلني هنا اريح لي ..
الخرج مافكرت فيها ابد ولو انه وقتها كان فيه امكانية .. لكن ان شاء الله انها خيرة ..
الشرقية طالبها قبل الرياض وقت التعيين وما كتب الله ..

إقتباس شف هالمقال

لو الله يفكنا من هالاشكال كان حنا بخير ..
اجل مبسوط ان هالمدرسين رسبوا ؟؟ يعني على اساس انه احسن طريقة لاختيار المدرس الكفو هالطريقة ؟؟
ولو انه يشوف ان احسن طريقة هي الدورات التربوية بعد ..
السؤال اللي يطرح نفسه ..
الحين بعد سنوات الدراسة كلها الـ 12 سنة .. اجي اختبر اختبار قياس مدري تحصيلي من كثرهن ضيعت ..
ومنها يحدد الكليات اللي ادخلها بغض النظر عن كل هالسنين اللي ادرسها .!!
وبعدها اكرف بالجامعة ويجيك مثل هالاختبار ويحدد مصيرك !!
طيب ليش نتعب اعمارنا و وقتنا بالدراسة دام هذا تخطيطكم ! خلوا كل الدعوة اختبارات × اختبارات ..



الله يوفقكم ان شاء الله ..