إقتباس الرسالة الأصلية كتبت بواسطة مجنون بن سعيد .. خلك على القنرز يرحم والديك

جزاك الله خيييييييييييير يوم سمحت لي

من الغباء تشبيه برشلونه كالهلال

وتشبيه الاتحاد كالريال

نعم هو الملكي افضل فريق في القرن مر على كرة القدم

9 ابطال اوربا بينما برشلونه ومانشستر 3

واذا كان منافس فهو ميلان نتحدث بالارقام ولو قلت قديما

فنحاكي الواقع

فريقنا الازرق الملكي الهلال نفس طريقة ريال مدريد

حقق 6 بطولات اسيويه ويتربع عرش اسيا

ولكن اين هو الان

ويا من تقول نصنع النجوم

اسامه والمحياني والمرشدي وياسر والزوري والدعيع والغنام والفريدي والعنبر الخ

كلهم من صنع المدرسه الكرويه الهلاليه

فنتكلم بصراحه هذا هو عصر الاحتراف

الى عنده يجيب والى ما عنده ما يلزمووووووووووووووووووووووووووووووووش

واخيرا لكل مشجع مدريدي

لولا احساس مشجعين برشلونه وكل اوربا بالخطر ما ردت بمثل هذه الردود

حتى في السعوديه حميانه بين المشجعين

والله جننتهم يا بيريز

.

التصريح من صحيفة ماركا وماعهدنا لابورتا يروح مقرهم عشان يصرح يعني الصحيفة المدريدية سألته عن صفقات بيريث وقال تصريحه ، وين الخوف ؟ ووين الاهتمام بصفقات المنافس أكثر من فريقه ؟

بعدين يقول " هم يعتمدون على شراء النجوم ونحن نصنعهم وهي سياسة مختلفة للناديين " وين الخطأ بالتصريح ؟ ان كنتم أنتم تفتخرون بصفقات الشامخ وحنا نفتخر باللاماسيا يعني هو متكلم عن واقع

pato-7 الواضح من التصريح انه يتكلم عن سياسة قديمة يعني مايقصد هالموسم بس !

abbod ههههههههههههههههههههه حنا مرة بطولاتنا فقاعة صابون ومره حظ الله يرزقكم هالفقاقيع والحظ عشان تمسكون نجومكم ولايطلعون يدورن انجازات بفرق ثانية على فكرة ترا فينغر يصنع نجوم ولايعتمد على الشراء بس المشكله انهم يهجون منه

والله ياعمايل الموسم اللي راح مأثرة بشكل كبير على جماهير الأندية الثانية




أسمعك وأشوف غيرك واحمد الله اني معاك ،،،

والله وهو صــآدق

هههههههههههههههههههههههههههههههههههـ

الريآل اخذ كل الآعـــيبهـ
والمــوسم الجآي اخرطي
ههههههههـ
والمغرور
جــآب دوري الأبطآل والدوري وكأس اسبــآني وان شاء الله كأس العآلم قـآدم بأذن الله
والصوبر
لآهنــــت أخــوي ع الخبـــر

إقتباس الرسالة الأصلية كتبت بواسطة الكرة الهلالية ,, هههههههههههههههههههههههههههههههههههههههههههههههههههههههههههههههههههههههههههههههههههه

طيب اضحك .. و تبي تشوف الموسم الجاي بعيونك كلامي هذا

إقتباس والله ياعمايل الموسم اللي راح مأثرة بشكل كبير على جماهير الأندية الثانية

ياخي مالها داعي يوم انك نرفزتني كذا .. ياااه انقهرت

مساكين وربي

والله مساكين

الحين قيمة ابراهيموفيتش ماقدرو عليه وهي فقط 80 مليون يورو

هذا وهم ماخذين دوري ابطال اوربا والكاس والدوري

ومن ناحية صناعة النجوم ياليت يفتي لابورتا من صنع برشلونه بتاريخه كامل ماطلع الا ميسي واكسافي ونيستا وبويل فقط

اين النجوم الذي يتحدثهم عنهم قب العام الفين طبعا الاجابه لايوجد احد

النادي طلع نجمين قال برشلونه يصنع النجوم وتصريحه هذا يدل على فشل البرسا لحد الان في اتمام الصفقات

.

هلا أبو عابد ،،

شف حبيبي أنا ماجلست أعترض على سياسة شراء النجوم ، لأنك أنت حر توصل فريقك للقمة بأي طريقة - رغم عدم قبولي بالمبلغ المبالغ فيه لكريستيانو واللي مايستحقه أي لاعب بالعالم - فلو كنت تمتلك المادة ولاعندك قاعدة صلبة وش المانع انك تشتري نجوم ؟ ، سواءً عاد هالطريقة ناجحة أو فاشلة بكيفه لأنه ماهي محور الحديث اللي نتناقش عنه .

اللي مخليني أرد في هالموضوع أنه الناس تفسر هالتصريح وغيره أنه خوف واهتمام بالمنافس أكثر من أنه وصف لواقع ولابو ماقال شي غلط .

طبعاً تصريح الامبريالي المتغطرس مالقيت له مصدر الا صحيفة آس ويمكن ترجمة الكلمة للعربية تفهمك معنى مبالغ فيه بالنسبة للاسبانية ، وان كان قال هالتصريح ويقصد هالكلمة بمعناه اللي ظاهر لنا فهو بكل تأكيد تصريح خاطئ وغير محسوب من لابورتا .

تصاريحه على الريال ان كانت الصحافة تسأله تبيه يقول الموضوع لايعنيني ؟ , وحتى الرجل يعيش تحت ظغط من الجمهور والصحافة الكتلونية بعد صفقات الريال ويطالبونه يتحرك فهو لازم يوضح أن النادي عمره مااتبع هالطريقة بالسوق وأنه مايشتري الا اللاعب اللي يحتاجه وبالسعر المناسب حتى لو غيره استخدم طرق ثانية ، وهالتصاريح تهدي شوي من القلق اللي موجود عند بعض البرشلونيين وتوضحلهم أن النادي يعمل على جلب اللاعبين اللي يخدمونه من دون مايبالغ بالدفع .

أما ان أحد المشجعين البرشلونيين ينتقد تصاريحه فأنا وش يعنين كلامه مع كامل احترامي له ولوجهة نظره .


بالآخر أنا ضد التصاريح اللي تنتقد شراء النجوم - ماعدا صفقة كريس - لأنه شي يعني النادي وعلى فكرة ولا تصريح من لابورتا ينتقد هالسياسة على الأقل من وجهة نظري وفهمي ، وحتى ردي على هالموضوع من باب توضيح مقصد لابورتا وأنه ماهو خوف ولاشي من اللي جالس ينقال وان تصاريحه ماهي بقصد الاعتراض على سياسة الريال .


أتمنى أنك عرفت من اللي تبي ،،



ALHOOP ان كنت ماتعرف لاعبين صنعهم برشلونة قبل فعلى سبيل المثال لا الحصر لأني مستعجل " بيب غوارديولا " شف انجازاته كلاعب وصناعته للتاريخ الآن كمدرب ولا اقتنعت أنه نجم وأنه فترة من الفترات كان كابتن الفريق فهو من النجوم اللي صنعوا ببرشلونة .

أجل 80 مليون يورو شويه الله يغنينا من فضله بس

Joan Laporta: "El modelo de Florentino es imperialista y prepotente"

.

أبو عابد أنا عندي اختبار بعد 4 ساعات ، وكنت داخل النت بتصفح ع السريع وبمشي بس ان كان النقاش مع واحد مثلك أحترمه وأحترم وجهات نظره فمافيه مشكلة نطنش الدراسة شوي أهم شي لاتحاول تناقشن بعد الاختبار يمكن يتغير الموقف


خلينا أول شي بالامبيريالي المتغطرس للأمانة لقيته حتى بالسبورت التصريح فالحين هالتصريح ثبت على لابورتا وبرضو أنا مازلت على موقفي أن هالتصريح ماأدري وش يبي ؟ وغير محسوب !

وعلى فكرة ترا الامبيريالية هي محاولة السيطرة على ماعند الغير يعني لاتحسبها سيئة بسبب صعوبته نطقه ورسميته ولاتهمل جانب قصد المعنى سواء ً الامبيريالية أو الغطرسة .

على العموم هالتصريح بردي الأول عليك قلت ان كان قايله ويقصد المعنى فهو خطأ


بالنسبة لتصاريح لابورتا ترا مابقى أحد بالعالم ماصرح عن تعاقدات الريال بس يمكن تصاريح لابورتا فيها حساسية بماأنه رئيس للغريم برشلونة ، أما أن لابورتا خايف أنه مايقدر يدعم الفريق أو أنه مقصر بحق النادي فكل ميركاتو مر على النادي برئاسة لابورتا يشهدله بدعم النادي بأحسن الأسماء وبأقل الأسعار .

بعدين ترا طاري الريال على الطالعة والنازلة بسبب أنه رئيس لبرشلونة فأي صحيفة أو جهة وأي مكان يروحله بتحاصره الأسئلة واللي لازم يرد عليها سواء ً عاد اتفقنا مع وجهة نظره أو اختلفنا وأيضاً كلامه صحيح أو خاطئ .

خلينا نصبر لنهاية الميركاتو ونشوف صفقات برشلونة وهل لابورتا عاجز عن دعم الفريق أو لا ؟ لأن النادي جالس يخلص صفقاته بهدوء وماهو بحاجه للاسراع بالصفقات وهو يمتلك أسماء مميزة ومحق فيهم ثلاثية تاريخية .

أي مشاريع مستقبلية وخطط للنادي تبيه يتكلم عنه وهي السنة الجاية آخر سنه له وبتقام انتخابات لوضع رئيس جديد ، بعدين لعلمك ترا تجديد عقود اللاعبين ببرشلونة مسببه أزمة للنادي وفيه تصاريح دايمه له وأعتقد مايتحمل لابورتا مسؤولية أن مترجمين الأخبار بالزعيم مايترجمون الا تصاريحه اللي تتكلم عن الريال .

مسألة أن صفقات بيريز سببت رفع لأسعار اللاعبين أعتقد مابقى أحد ماأفتى فيها سواء لابورتا بلاتيني منظمات كتلونية ومدريدية حقوق الانسان ولاعبين كثير آخرهم بوفون اليوم فالشي واضح أجل ريبري بـ 100 مليون واليوم طالع تقرير من ألمانيا أن ادارة البايرن سبب تعنتها طمعها بالملايين اللي جنتها الأندية من صفقات بيريز .

حتى رواتب اللاعبين تأثرت أجل فالديس يبي نفس راتب ايكر وهالشي واضح أن صفقات فلورنتينو سببت ارتفاع بأسعار اللاعبين وبعضها مبالغ فيه جداً جداً جداً .

أختم ردي بتصريح لـ لابورتا لصحيفة نييويورك تايمز " الريال يريد أن يبني مشروعه بسرعة فهم على عجلة لانهاء الصفقات ، هم أحرار بأموالهم لكن قيمة صفقاتهم مبالغ فيها وأثرت على سوق كرة القدم بشكل عام " شف الرابط على الخاص للأسف مالقيت المصدر الأصلي ولقيت الخبر بموقع عربي .

صدقني كثرة تصريحاته بسبب الصحافة وحساسيتها لأنه رئيس برشلونة وماهي تهرب من المسؤولية ولاشي ، فترة بيريز الأولى أشوفه قدر يوقف بوجه باقتدار وللأسف أن لابورتا السنة الجاية هي الأخيرة له .


اللي مثلك يجبرك أنك تطول بالكلام بررب عاد بدرس

الله يرجك يا فلورنتينو

ما خليت الناس تذاكر

اللهم وفق الجميع لما يحبه و يرضاه

ويقولون حنا فريق نعتمد على صنع المواهب

وهذي صور اغلفة صحفهم بالسنتين اللي راحت

لكن الفرق ؟

ان فيه رئيس سنياتور يقدر يخلص هالصفقات

وفيه رئيس زلابه همه الكلام عن الناس والسب فيهم في محاوله ضعيفه منه

لتغطية عيوبه

بسرررررررعة .. بسرررررررعة



الحين لاصارت الصحف تتوقع التعاقد مع نجوم نصير نادي يشري النجوم ولانعرف نصنعهم

حنا نتكلم عن واقع وترا مافيها شي فريق يشتري النجوم وفريق يصنعه وهالشي حقيقة وكل نادي له سياسته .

ان كان ناي يلعب نهائي الأبطال بـ 7 لاعبين من مدرسة النادي - لاماسيا - بتشكيلته الأساسية ولايعتبر صانع نجوم فعندها مافيه الا أتلتيك بيلباو ممكن يملى عينك .

وترا لاشريت نجم مو معناته انك خلاص تصير نادي مايعرف ينتج مواهب .

رئيسنا اللي ماهو سيناتور شف تعاقداته مثلا ً - ديكو ، رونالدينيو ، ايتو ، ماركيز , هنري - ممكن الأبرز له وطبعاً قيمتهم كلهم جميع مع اني ماحسبته لكنه أتوقع بتطلع أقل من قيمة كريستيانو ولاتنسى صفقة ألفيس بعد !


ع العموم أحس اني قلت كل اللي عندي بالموضوع وأشبعته طرح ونقاش


تشرفت بالنقاش معكم .... تسجيل خروج ،،،