السلام عليكم ورحمة الله وبركاته

أبدع الدفاع ووليد عبدالله ولولا الله ثم هم كان نتيجة تاريخية ...

هداف البلنتيات وزلزال الوطني والحزم والفرق الصغيرة يثبت للمرة الالف انه مهاجم أقل من عادي ويثبت النظرية الوحيدة الصحيحة لناصر الجوهر بإبعاده من قائمة المنتخب ...

محمد نور اللي يحرث الملعب مع الاتحاد في شرق القارة وغربها والذي خاض الإعلام والجمهور السعودي حربا قوية لضمه للمنتخب أصبح حمل وديع مع المنتخب بل أصبح العالة الكبرى على المنتخب بكراته الخاطئة وأنانيته المفرطة ...

تخبط غريب من بسيرو في مباراة اليوم كاد يجعلها تاريخية على الأخضر ، فتميز حسين عبدالغني في المحور أمام الإمارات لايعني نجاحه بإستمرار في هذا الموقع ، فمنتخب الإمارات لو شارك أحد الجمهور بثوبه لأبدع أمامه حتى المقلب نامي ظهر بمستوى رائع أمام الامارات ، ثانيا إفراغ منطقة المحور الدفاعي لمتخب كوريا بوضع خالد عزيز على الاحتياط خطأ كبير ، ثالثا إشراك ناصر الشمراني أساسي في ظل وجود نايف هزازي ، الإستمرار على عبده عطيف والذي لايملك سوى المهارة الفريدة والتي لاتجدي مع الكوريين ، رابعا إستمرار إشراك احمد عطيف والحاصل على كرت أصفر في بداية المباراة وعدم تغييره بخالد عزيز ...

يثبت عبدالرحمن القحطاني أحقيته بالمشاركة أساسيا بدلا من عبده عطيف والذي نتمنى له الشفاء العاجل ، فعبدالرحمن أشعل الجهة اليسرى بعد مشاركته .

أنا أتفق معك في ماتقول خاصة أن أنسب مهاجمين هم ياسر وهزازي لكن نور ماكان في يومه

ياخي عليه كرت الشوط الاول يطلعه المدرب وثانيا انطرد من تمريرة الزوري الخاطئة وجت مرتدة وتورط واللله عجيب تبون الآعب دايمن مستواه ثابت لازم ينزل شوي
نور تبونه ددايمن فنان

والله انك جبتها ناصر لاعب هداف في الحزم والوطنى وماهو كذا بالبلنتيات

واحنا بكل امانة افتقدنا مالك واسامة المولد

وشكرا

أنا مقهـــــــــور.

ترى


والي زادني قهـــــر محمد نور.؟؟؟؟؟

والله!!!

الله يوفقه

بس حبيـــــت أقول

الزوري الله يهديه ما سوى شئ لا تقلي المدرب قله لا تطلع طيب ما دامه ما طلع ليش ما يؤدي دور الدفاع بشكل ممتاز على العموم أنا قلتها قبل كذه من السهل أن تمر أمام عبد الله الزوري.

لا بصراحه انا اليوم.. استغربت..!؟! * وشلون % خالد عزيز % إحتيااآآااط’’’


* أماا " عيال عطيف " اليوم كلهم .." نكبه "...


# ملاحظه #
أحس أغلب لعيبة الشباب ما يبدعون مع المنتخب زي ما يبدعون مع ناديهم...(خصوصاً : عبدو + الشمراني ) << وجهة نظر ^_^

اتفق معك فيما ماقلة ماعدا ان محمد نور ليس في يومه

إقتباس الرسالة الأصلية كتبت بواسطة عآلي الشآن اولآ : ناصر الشمراني له ميزات يجيدها وكل لاعب في المنتخب اكيد يكون ممتاز واقل شي يكون عنده ميزه في اللعب يتميز فيها .. والشمراني ميزتـه المساحات والسرعه وهـ الميزه عطته الفرصه اللي شاتها بالحارس وضاعت لو لاعب غيره كان الكوري استلم الكوره قبلـه .. وبعدين الشمراني يحتاج من الجمهور يدعمه عشان يصير يعطي زي ما يعطي بناديه يعني لاعب مسجل 50 هدف في موسمين فقط ما احد قد سواه يعني كلها بلنتيات ؟؟ . ولا احد يتفلسف يقول لاعب نادي موب لاعب منتخب . ترى هـ النظريه خطأ واحد نصب على الجمهور ومشت وصار كل لاعب ما يؤدي مع المنتخب يقولون الجمهور هذا لاعب نادي ويفتـون من رؤسهـم .., وبعدين يا عزيزي اذا محمــد نور اليوم ما كان في يومه صار لاعب نادي بعد .. رجاءا التفكيـر العميــق قبل الحكــم على أي شي ...

احنا قلنا ناصر لاعب نادي على اساس انه ولامباراة مع الاخضر بدع فيها وا سجل هدف عكس نور اغلب الاحيان مبدع وهو صانع العاب سجل هدف

وتقبل راي

تسلم يدينك يا بطل والله كل كلامك عين الصواب

نور من أفضل اللاعبين السعوديين ولكن اليوم ليس يومه ..

الشمراني معك حق ..

ما شاء الله عليكم حكمتوا على ناصر بسرعه

تراه ما لعب إلا ثلاث مبارايات دوليه

وبعدين هداف بلنتيات هذي ميزه غير موجوده عند البعض

وتحسبله ما تحسب عليه