يعني ما رح نعتبر من دروس الماضي يوم كنا نشحذ النقاط في نهاية الدوري شحاذة

الموسم الماضي كنا نقول

انشالله فيه امل ،، بس لو يفوز فلان على علان وينهزم فلان من علان يكبر أملنا بمربع الغفلة ،، وكنا نعض اصابع الندم على كل نقطة فرطنا فيها من امام فرق مثل الرياض وطقتها

وهذا حنا قاعدين نعيد نفس السيناريو


والله وصار حالنا يرثى لها

من يتكرم وينتشل الزعيم من الحطام اللي قاعد فيه ؟؟؟

اكيد مسلسل مكسيكي من مليون حلقه
من انتاج اداراه الهلال .وبطولة المدعو كامبوس

الظاهر لازم تجى دقه قويه للفريق عشان يتحركون
الله يستر بس والله لو يحطون العوده انه اصرف من السباك مليون مره

ايه والله معكم حق ، شكل الهلال شبع بطولات واكتفى. جالس يلعب عن قوله مالعب.
اتوقع المباراة الجايه مع النصر هي الي تبي تصيحه لانها راح تكون نتيجه ثقيله، فريق حاقد قدام فريق بارد باينه النتيجه (خخخخ).

أخوي / سيف السيف
أسعد الله أيامك بالخير
لقد كتبت سابقاً حول هذا الموضوع بإسم ( الهلال يحتضر ) وآخر ( ذهبت أم عمر والحمار.. فلا رد الله أم عمر ولا رد الحمار ) وتطرقت بشكل واضح لعدم وجود التكتيك والأسلوب والمنهجية والخطة المناسبة التي تشعرك بأن الفريق يقدم كرة قدم . فقد كان الوضع مآساوي للغاية . أخي / سيف إن لم يتدارك رجالات الهلال هذا الوضع فسوف نكون صيداً سهلاً . وأكرر بأن البطولات السابقة أنستنا تقويم ودراسة وضع الفريق .
للمعلومية فإن الفريق لم يقدم أي مستوى فني خلال مبارياته السابقة رغم تحقيقه البطولات . وأعتقد جازماً بأن المدرب الحالي لا يفقه في التدريب وهو بعيد كل البعد عن هذا المجال متوقعاً أن يكون محرج سياكل في البرازيل .
مباراة الهلال القادمة مع النصر والوضع لا يطمئن والروح والإنتماء مفقودين .
داعين الله عز وجل بأن لا يستمر عرض هذا المسلسل المكسيكي المؤلم .

السلام عليكم

إذا لم تسارع الإدارة الهلالية بإيجاد حل للمدرب والاعب الأجنبي فلا تفكرون ولا تحلمون بالدوري ولا غيره .. وهذا والفريق الان بدون لاعبي المنتخب يعني المفروض يتحركون بسرعه .... بس ما عندك أحد على قولة "قم بس قم" ....

والله يعين على المباريات الجايه قدام النصر وغيره .....

والله أنك صادق بس بعيد عن الموضوع هذا أنا مالوم درجة الشباب على أنهم في المركز السادس دام هذا مدربهم

السلام عليكم ورحمة الله وبركاته........
الصراحه لازم نجد حل باسرع طريقه؟؟؟؟
لا لاعبين محترفين زي الناس ( الكاتو بس )
لا مدرب يفهم شي في الكوره
لا اداراه مهتمه بالموضوع
ولكن لا حول ولا قوة الا بالله...

السلام عليكم ورحمة الله وبركاته

الاخ الاستاذ سيف السيف :

بصراحه اي فريق بالعالم لازم يمر باللي يمر به الهلال حاليا .
اولاً ادارة بعيدة عن الفريق حالياً ولاينلامون عقب هالغضط اللي مروا به ومن ديرة لديرة من اول السنه ولو لاحظت انا اتذكر فريق سعودي سافر لشرق اسيا ولعب مباراة واحده في منتصف الموسم وبعد عودته تدهورت نتائج الفريق ولم يتاهل للمربع الذهبي وكان عذر الجميع لذلك الرفيق انه مر باجهاد كبير في ذلك الموسم والان الهلال يمر باسوا من هذه الضروف الف مرة لعب الهلال في كل مناطق المملكه ولعب في سوريا ولعب في الكويت واليابان وقريبا ايران وبعدها سوريا .

واكثر ماسبب المشاكل هروب المدرب في وقت كانت الادارة بعيده عن الفريق بعض الشي لضروف اجباريه وهذا ماسبب كل مايحدث حالياً .

الله يوفق وانشاءالله يزين كل شي بس ترى هذي الكوره يوم لك ويوم عليك بس احنا يالهلاليين طبعاً غير عشرة لنا ويوم علينا ولله الحمد ولكن احنا نبي الاحدعشر يوم كلها لنا .

والسلام ختام