بسم الله الرحمن الرحيم

السلام عليكم ورحمة الله وبركاته

صبحكم الله بالرضا والعافية بهالصباح فيني حرش غير طبيعي وودي أتهاوش إلكترونياً
لذلك ما لقيت إلا أكتب هالموضوع اللي فاقع كبدي من الوريد إلى الوريد
الموضوع فكرته جاتني قبل ما أدخل النت وقلت خلني أكتبه جلدي جلدي قبل ما يصير
مصيره مثل الموضوع اللي من زمان في بالي وللحين متعيجز أكتبه
اللي عنده أعراض حمل أو حومة كبد أنصحه لا يدخل لأني اليوم ناوي أصير ليبرالي
يالله لا يكثر خلوني أنزل تحت أشوف موضوعي << مسكين هالفيس طاح سوقه


( أترضاها لأختك؟ )

قبل كم يوم وبينما أنا أشقلب القنوات منبطحاً من شدة الفراغ العاطفي شفت دعاية
على قناة الـ mbc مسويتها مجموعة السريّع عنوانها " أترضاه لأختك؟ "

الإعلان للي ما شافه كالتالي :
حرمة مع السواق عند الإشارة كاشفة وجهها وتقرا كتاب .. ومنزلة الدريشة ..!
وقف جنبها اثنين من صعاليكنا السعوديين ويقولون لها عطنا وجه يا حلو
هي من زود الشرف اللي مقطعها قالت لا حول ولا قوة إلا بالله ورفعت الدريشة ..!
وكان مكتوب في الدريشة " أترضاه لأختك؟ " .. قروها الشباب واستحوا على وجيههم

الإعلان حلو وشي جميل أننا نشوف مثل هالاعلانات التوعوية في قنواتنا الفاسدة
لكن اللي أنا جاي أتكلم عنه .. مدري وشو, تصدقون نسيت؟

أتكلم عن هالنصايح والتوجيهات اللي ما راح تأثر في الشخص إلا لما تكون مقنعة له ..!
مو تجيني فرحان لي بكلمتين وتترزز بها في الرايحة والجاية ولا تدري هل أنا اقتنعت والا لا
في الإعلان أعلاه .. ممكن يجي صعلوك من هالصعاليك ويقول " أنا أختي ما كشفت وجهها ولا نزّلت الدريشة عشان تقول لي أترضاها لأختك " !!

متى نقول للشخص أترضاها لأختك؟ لما تكون البنت محتشمة وتمشي في حال سبيلها وجاء أحد يتعرض لها ..
هنا نقول له أترضاها لأختك أن يتحرش أحد بها وهي محترمة ومحتشمة !!

أما وحدة كاشفة وجهها ومنزلة الدريشة رغم علمها أن فتح الدريشة يضرّ بمكيف السيارة هنا نقول اسمحوا لنا .. ما عرفتوا تقنعوننا

لا يجيني أحد ويقول أن مذهبها يسمح بكشف الوجه .. لأني بأقول والله لو مذهبها يسمح لها بكشف كل أبو شي موب الوجه بس
المفروض تتغطى وتعرف أنها تعيش بين ناس متعطشة ما شافت خير

بعدين اسمحوا لي .. يعني لو أحد يشوف وحدة منسدحة أو منبطحة -اختر ما شئت من الحركات المغرية - قدامه وش تظنون بيفكر فيها؟
بيفكر أنها على نياتها وقاعدة تاخذ حمام شمس؟
أكيد بيظن فيها ظن سيء لأنها وضعت نفسها في محل شبهة
وهنا ما نقدر نقول له أترضاها لأختك ..!


نرجع لمحور ارتكاز حديثنا
أقول إن بعض الناس فيهم خير .. ولكن ما يعرفون ينصحون ..!
مثل اللي يبي ينصح المغازل ويجي يقول له " من يزني يزنى به ولو بجداره "
ويكمل الشرح ويقول: مثل ما أنت تغازل بنات الناس بيجي يوم ويغازلون خواتك أو بناتك ..!!


كلنا نعرف أن المغازلة والمعاكسة حرام .. طيب انصح بالتي هي أحسن ..!
عندك القرآن والسنة ذكره بالأدلة وذكره بحرمة هالشي وذكره بالوعيد
مو أحسن مما تقول هالكلمة اللي ما لها دليل من القرآن ولا السنة ؟
هو عشان تابعي قالها أو قصة جرت ما ندري عن صحتها مثل قصة " دقة بدقة ولو زدت لزاد السقا " تروح تنشر مثل هالكلام؟

منطقياً الكلام هذا ما يقبله العقل ..! الله عز وجل يقول " ولا تزر وازرة وزر أخرى "
فكيف تجي أنت وتستشهد بقول تابعي غير معصوم من الخطأ ؟

على كلامك ذا بنصير نشكك في كل أسر العالم .. أي واحد يغازل بنشك في أخلاق أهله وهذا الشي مو من الإسلام في شي

لذلك رجاء يا أحبتنا ويا مطاوعتنا ويا من سار في درب الناصحين .. اختاروا جملكم
اللي تدخل القلب وتقنع العقل ..!
ولا تصيرون مثل ميسرة بن عبدربه وهو أحد وضّاعي الأحاديث المكذوبة عن الرسول صلى الله عليه وسلم اللي كانت حجته
يوم سئل عن السبب : " رأيت الناس انصرفوا عن القرآن ، فوضعتها أرغّب الناس فيها "
حسن نيته واهتمامه بالدعوة ما نفعته لأنها كانت خاطئة وما كانت على نهج النبي صلى الله عليه وسلم ..!


يالله عاد أنا طفشت
ممكن توخرون شوي ولا عاد أشوف أحد يردد كلام ما يدري وش أصله ووش فصله أو وش هو من لحية
اليوم فيني حرش غير طبيعي وللحين أحس ودي أكتب موضوع ثاني

يالله منب فاضي لكم .. فارقوا

اوووووووووووووووووووولي ض1

هلا وغلا سوسو..

لبى قلبك يا شيخنا..من زمان هالفكره ببالي ودايم اكتبها بردودي واوقات اعصب
واتوقع برضو نزلت موضوع عن نفس الفكره ..ولكن مثل ما انت خابر التعبير عندي لك عليه..
احس اني ما وصلت الفكره واضحه او ما شفيت غليلي فيها..


المهم بموضوعك هذا تكملت انت بكل ما في نفسي بشكل واضح ومن دون ما يخونك تعبيرك..
وباعتبر نفسي شريك لك بالموضوع..يعني اي راي ما اقنعني اعرف اني بانبرش عليه..


سوسو..<--وش رايك فيه..؟؟







سلاااااااااااااااااااااااااااااااااااااااااااااااام

يا شيخ طير يا ليبرالي

والله انا معك بكل كلمة قلتها ......... بس انت الحين ليه كل مواضيعك لازم فيها علاقات مشبوهه يا مشبوه

المشاغب يا حامل لواء الدفاع عن الشباب سر ونحن من خلفك <<<لا احد ينبرش


المشاغب مبدع ودايم انتظر مواضيعك لانه مختلفه مو مكرره مثل غيرك

دوك

السلام عليكم ...

صباح الخير يا احلى سوسو

الموضوع ما يبيله اقناع ولا فتح دريشة ولا تقفيل مكيف

الشاب يعرف انه على خطأ .. لكن المشكلة انه يقعد يبرر لتصرفاته على غير سنع

وما اكثر التبريرات .. والشيطان حريص

شكرا سلطان وليتك تطل علينا كل صبح

دمت بخير وعافية ,,,

إقتباس الرسالة الأصلية كتبت بواسطة ماجد مقبل في أحد طالب حرش :::::::::::::::::::::::

هنا يكمن استغلال السلطه في ابشع صوره يامجّود

تهبّل بالمسكين وتقفل موضوعه بعد دقائق بسيطة من حفل الافتتاح... يامقرم

امّا انت ياشيخنا الفاضل سلطان الدين الزمخشري

قسم بالله اني اقرا وانا حاذف وجهي عن الشاشة يمين.. اخاف يجيني كف طاير او بلكّه مجاوبه

شوي شوي علينا... اعصابك

بس تدري عاد.... عندك وجهة نظر جديرة بالاحترام

اتفق معك تماما بالمنطق اللي ذكرته .. ماودي اضيف شيء نفس مانت تفكر ومقتنع فيه انا معك

صبحك الله بالخير أخوي سلطان..


أنا أشوف إن هالقنوات ما يتوقع منها أي خير ،،
فاحمد ربك اللي جاء منهم شيء توعوي زي كذا..