|
دعاية ( أترضاها لأختك؟ ) << لا يا شيخ أقنعتن :D بسم الله الرحمن الرحيم السلام عليكم ورحمة الله وبركاته صبحكم الله بالرضا والعافية :ga: بهالصباح فيني حرش غير طبيعي وودي أتهاوش إلكترونياً s121s لذلك ما لقيت إلا أكتب هالموضوع اللي فاقع كبدي من الوريد إلى الوريد :s2: الموضوع فكرته جاتني قبل ما أدخل النت وقلت خلني أكتبه جلدي جلدي قبل ما يصير مصيره مثل الموضوع اللي من زمان في بالي وللحين متعيجز أكتبه :( اللي عنده أعراض حمل أو حومة كبد أنصحه لا يدخل :s2: لأني اليوم ناوي أصير ليبرالي s121s:smilie47: يالله لا يكثر خلوني أنزل تحت أشوف موضوعي :d << مسكين هالفيس طاح سوقه :s2: ( أترضاها لأختك؟ )</B> قبل كم يوم وبينما أنا أشقلب القنوات منبطحاً من شدة الفراغ العاطفي :s2: شفت دعاية على قناة الـ mbc مسويتها مجموعة السريّع عنوانها " أترضاه لأختك؟ " :mad: الإعلان للي ما شافه كالتالي : حرمة مع السواق عند الإشارة كاشفة وجهها وتقرا كتاب .. ومنزلة الدريشة ..! وقف جنبها اثنين من صعاليكنا السعوديين :s2: ويقولون لها عطنا وجه يا حلو :wub: هي من زود الشرف اللي مقطعها قالت لا حول ولا قوة إلا بالله ورفعت الدريشة ..! وكان مكتوب في الدريشة " أترضاه لأختك؟ " .. قروها الشباب واستحوا على وجيههم :cry: الإعلان حلو وشي جميل أننا نشوف مثل هالاعلانات التوعوية في قنواتنا الفاسدة :s2: لكن اللي أنا جاي أتكلم عنه .. مدري وشو, تصدقون نسيت؟ :s2: أتكلم عن هالنصايح والتوجيهات اللي ما راح تأثر في الشخص إلا لما تكون مقنعة له ..! مو تجيني فرحان لي بكلمتين وتترزز بها في الرايحة والجاية ولا تدري هل أنا اقتنعت والا لا :) في الإعلان أعلاه .. ممكن يجي صعلوك من هالصعاليك ويقول " أنا أختي ما كشفت وجهها ولا نزّلت الدريشة عشان تقول لي أترضاها لأختك " !! متى نقول للشخص أترضاها لأختك؟ لما تكون البنت محتشمة وتمشي في حال سبيلها وجاء أحد يتعرض لها .. هنا نقول له أترضاها لأختك أن يتحرش أحد بها وهي محترمة ومحتشمة !! :) أما وحدة كاشفة وجهها ومنزلة الدريشة رغم علمها أن فتح الدريشة يضرّ بمكيف السيارة :s2: هنا نقول اسمحوا لنا .. ما عرفتوا تقنعوننا s121s لا يجيني أحد ويقول أن مذهبها يسمح بكشف الوجه .. لأني بأقول والله لو مذهبها يسمح لها بكشف كل أبو شي موب الوجه بس :s2: المفروض تتغطى وتعرف أنها تعيش بين ناس متعطشة ما شافت خير :s2::smilie47: بعدين اسمحوا لي .. يعني لو أحد يشوف وحدة منسدحة أو منبطحة -اختر ما شئت من الحركات المغرية :s2:- قدامه وش تظنون بيفكر فيها؟ بيفكر أنها على نياتها وقاعدة تاخذ حمام شمس؟ :s2: أكيد بيظن فيها ظن سيء لأنها وضعت نفسها في محل شبهة :yes: وهنا ما نقدر نقول له أترضاها لأختك ..! نرجع لمحور ارتكاز حديثنا :smilie47: أقول إن بعض الناس فيهم خير .. ولكن ما يعرفون ينصحون ..! مثل اللي يبي ينصح المغازل ويجي يقول له " من يزني يزنى به ولو بجداره " :s5s: ويكمل الشرح ويقول: مثل ما أنت تغازل بنات الناس بيجي يوم ويغازلون خواتك أو بناتك ..!! كلنا نعرف أن المغازلة والمعاكسة حرام .. طيب انصح بالتي هي أحسن ..! عندك القرآن والسنة ذكره بالأدلة وذكره بحرمة هالشي وذكره بالوعيد :) مو أحسن مما تقول هالكلمة اللي ما لها دليل من القرآن ولا السنة ؟ هو عشان تابعي قالها أو قصة جرت ما ندري عن صحتها مثل قصة " دقة بدقة ولو زدت لزاد السقا " تروح تنشر مثل هالكلام؟ منطقياً الكلام هذا ما يقبله العقل ..! الله عز وجل يقول " ولا تزر وازرة وزر أخرى " فكيف تجي أنت وتستشهد بقول تابعي غير معصوم من الخطأ ؟ :s5s: على كلامك ذا بنصير نشكك في كل أسر العالم .. أي واحد يغازل بنشك في أخلاق أهله :) وهذا الشي مو من الإسلام في شي :) لذلك رجاء يا أحبتنا ويا مطاوعتنا ويا من سار في درب الناصحين .. اختاروا جملكم اللي تدخل القلب وتقنع العقل ..! ولا تصيرون مثل ميسرة بن عبدربه وهو أحد وضّاعي الأحاديث المكذوبة عن الرسول صلى الله عليه وسلم اللي كانت حجته يوم سئل عن السبب : " رأيت الناس انصرفوا عن القرآن ، فوضعتها أرغّب الناس فيها " حسن نيته واهتمامه بالدعوة ما نفعته لأنها كانت خاطئة وما كانت على نهج النبي صلى الله عليه وسلم ..! يالله عاد أنا طفشت :s2: ممكن توخرون شوي ولا عاد أشوف أحد يردد كلام ما يدري وش أصله ووش فصله أو وش هو من لحية :s2::smilie47: اليوم فيني حرش غير طبيعي وللحين أحس ودي أكتب موضوع ثاني s121s:smilie47: يالله منب فاضي لكم .. فارقوا :s2::smilie47::smilie47: |
اوووووووووووووووووووولي ض1 هلا وغلا سوسو..:smilie47: لبى قلبك يا شيخنا:smilie47:..من زمان هالفكره ببالي ودايم اكتبها بردودي واوقات اعصب:wub: واتوقع برضو نزلت موضوع عن نفس الفكره ..ولكن مثل ما انت خابر التعبير عندي لك عليه..:s2: احس اني ما وصلت الفكره واضحه او ما شفيت غليلي فيها..:s2: المهم بموضوعك هذا تكملت انت بكل ما في نفسي بشكل واضح ومن دون ما يخونك تعبيرك..:s2: وباعتبر نفسي شريك لك بالموضوع:d..يعني اي راي ما اقنعني اعرف اني بانبرش عليه..:s2: سوسو:wub:..:tl:<--وش رايك فيه..؟؟:d سلاااااااااااااااااااااااااااااااااااااااااااااااام |
\ / http:///photo/2009/6/6/12/ransulb1e.gif/gif وعليكم السلام ورحمة الله وبركاته هلآ ومرحبا المشاغب الرسمي :rose::razz: ~> سبحان الله أثر الصورة الرمزية تغيّر ,, ماعرفناك من عقب كوزمين حطيت احلا صورة لياسر :s5s: صبحك الله بالرضا والعافية :rose: ... إقتباس:
~> يؤ :uhoh: قسم بالله ما أقصد شي :cry::s5s: ... حياك الله أهم شي نشوف لكم مواضيع حتى لو بَهْ حومة كبد :d ... قرأت الموضوع كاملاً صادق الله يجزاك خير بكل كلمة :yes:,. ... لي عودة مرة ثانية ~> أحوس بالرد لي ربع ساعة عجزت أكتب شي:cry: جوّعانة :cry::s5s: برب ثاني :s2: ... { http://www.lakii.com/vb/smile/1_20.gif } ... باكـ للمرة الثانية :shy: [ دعاية أترضاها لأختك ؟!] شفتها من زماان ع القناة الرياضية السعودية :razz: بصرااحة هي دعاية هادفة أكيييد وأحسن من غيرها :whacko: وأهم شي التذكير ,, سبحان الله بعض الناس تهتدي من كلمة :ba1::yes: لكن المشكلة زي ماقلت ماتقنع بعض الشباب ~> مثلك مااقتنعت :s5s:.. لآن بنظركم البنت ماتمثلنا كـ بنات السعودية بالتحديد ~> أقصد البنات المحتشمات بتغطية الوجه وهذا هو الغالب على بناتنا ولله الحمد :smilie47::yes: ... إقتباس:
يمكن هالبنت فاتحة الشباك ماانتبهت لنفسها لأنها لاهية بالكتاب اللي معها :) :s5s: بعدين دامها رضت تمثل خلّوها تمثل شي في فائدة أحسن :d ... على طاري فتحة الشباك والبنات كيف نظرة الشباب للبنت اللي تتلفت وتناظر إذا هم واقفين عند الإشارة ؟ خاصة إذا السيارة مظللة تظليل خفيف !! وحدة قالت لي إنهم ينظروون للبنت إنها ....... ~> قالت الكلمة بس نسيتها :( المهم إن ينظرون لها نظره سيييئة جداً :bigeek: dfda.. بصرااحة تعجّبت مو لهالدرجة على طوول يتهمون البنت إنها راعية مغازل dfda طيب وش ذنبي أنا؟ يمكن ما أناظر الشباب أناظر السيارات ,, ~> يعني اذا شفت همر أو جيب ربع ما أناظره !! ما أتحمّل يفز قلبي على طوول :smilie47::smilie47::cry: :s5s: تناقشت أنا وبنات عن مسألة الوقوف عند الإشارة والنظرات ,, وكنت أنبهم إنهم مايتلفتون dfda قالت وحدة إنها قد لحقهم شباب مساافة طووييلة بس عشاانة إلتفتت له من غير قصد عند الإشارة :mad: حراام عليهم بيتبلوون على البنت لكن ربي ستر ولله الحمد وضيّعوهم :smilie47: لييش نظرة الشباب للبنات كذا !! أحسنوووا الظن .. أترضاها لأختك :) ~> عساها بالمكان الصحيح يالمشاغب ؟:s2: ... تعبت وأحس اني شطحت كعادتي الكريمة :shy:dfda المهم مو الكل يتقن النصح ويضع الكلام في موضعه ,. وكل(ن) له طريقته بالنصيحة وتقبل النصيحة أيضاً مو الكل يتقبلها ويقتنع فيها ,. لكن أنت يالمشاغب أعتقد صعب بالحيل إقنااعك والله أعلم :blueroll::s5s: لكن ما شاء الله عليك أسلوبك مُقنع دائماً :razz:.. ... إقتباس:
... الله يجزااك خير يا سلطان .. تدري وش أحلا ما بالموضوع ؟ كلمة أقنعتن اللي بالعنوان :ba1::s2: ليتك قُبَل معصب عشان تنزل لنا موضوع :ap: ننتظر الموضوع اللي تكلمت عنه في أول يوم من الإجازة الصيفية بإذن الله :yes::s5s: الصدز جاء الموضوع بوقته s37s :rose:}~ ... واعذرنا أدري إني طوّوّلت وممكن على غير سنع ونطلب منكم العذر :shy: \ / في أمان الله \ / http:///photo/2009/6/6/12/ransulb1e.gif/gif . |
., سبحان الله يابعض الناس عنده طاقة يحارش من صباح رب العالمين طيب ورى ماصبرت لين الظهر --> ياعيني على الظرافه :razz: مهوب عشان شيء بس خبرك الأجواء الباريسيه ( بالرياض ) تفتح النفس وترد الروح خصوصاً لاصحيت على صوت العصافير بتخف هالطاقه الحرشيه اللي عندك , وصح ان هالشيء ماله دخل بموضوعك بس حرشه :s4s: بعيد عنك .. اهلين بالمشاغب وعليكم السلام والرحمه :rose: لاجد وش ذنبهم هاللي مسوين الاعلان وشاحذين كل افكارهم ومواهبهم عشان العالم تستفيد تجي انت تطيّح سوقهم بهالموضوع .. مالك داعي يعني ترضاها لأختك ؟ :s2: ترى اهم شيء النيّه والمقصد من الاعلان لاتروح تركز على هالجوانب ( تغطية الوجه - وفتح الدريشه ) أهم شيء الحكمه من هكذا اعلان وش هي ؟! ان هل ترضاها لأختك لو أحد يعاكسها .. طبعاً لأ :yes: ولاتنسى ان فيه شباب كثير أقنعتهم هالمقوله .. مو ضروري تقنعك عشان يقتنع فيها غيرك :to: والاعلان اكيد فيه اخطاء مثله مثل اعلان شفته للترغيب بالصلاه ومع الاعلان دقي يامزيكا ..! يعني التناقضات صح مفروض يُقلل منها اذا ماقدروا يحبكونها صح , بس ولو الفائده هي الأبرز بكذا اعلانات :) إقتباس:
., وعلى طاري النصح .. انت تبيهم ينصحون بالأدله والأحاديث وهذا أحب الاساليب للي فيهم خير بس اللي تدري ان ماراح ينفع معه الا التهديد كيف بتنصحه ؟! تجيه يمين يروح شمال .. يابن الحلال المغازل حرام يقول البنت محل شبهه .. طيب الله يقول والرسول يقول ماش مايقتنع لأن براسه حب ماطحن .. هذا ماينفع معه الا التهديد وانك اذا ماستحيت على وجهك محد مستحي منك ومن اهلك :ranting: .. اقوله وانا ادري ان هالكلام ضرره على اهل بيت المغازلجي أكبر من ضرره عليه هو .. بس هو طريقه مثلها مثل باقي الطرق ( يمكن ) بعض الناس يهتدون منها وهذا المطلوب واذا اهتدى ماراح يشك بأحد .. طبعاً فيه اشياء كثيره اوافقك فيها بس يمكن انا تطرقت للجانب ( الايجابي الضئيل ) من كل شيء سلبي ذكرته .. المهم عوداً حميداً ودامك فاضي وهذا الواضح :s2: من كلامك اطربنا كل يوم بموضوع وترى هاللي قلته فوق رأي بس مهوب اعتراض على كلامك لاسمح الله :s2: فـ خلني بحالي الله يخليك :s2: .. |
يا شيخ طير يا ليبرالي :s2: والله انا معك بكل كلمة قلتها ......... بس انت الحين ليه كل مواضيعك لازم فيها علاقات مشبوهه يا مشبوه :ap: المشاغب يا حامل لواء الدفاع عن الشباب سر ونحن من خلفك :ap: <<<لا احد ينبرش :s5s: المشاغب مبدع ودايم انتظر مواضيعك لانه مختلفه مو مكرره مثل غيرك:ga: دوك:smilie47: |
سلطـااااااان :smilie47::smilie47::smilie47: اسمح لي بحجز :wub: ولو مفروض اني ما احجز لانك ودك تتهاوش فـ اخاف تجي الطقه براسي :d موضوعك رهيب وصراحه ودي اعلق عليه بدري لكن عندي اللحين اختباار وبطس ،، مالها داعي اجي اعلق عقب الاختبار ولا حجزت واشوف ردي بالصفحه 20 :d دعوواتكم بااااك شف ياشيخ الدفاع عن الشباب ، هو صحيح ان فيه طرق افضل من هالشيء ، يعني لو بتكلم شاب تقووله ليه تغازلها يقولك شكلها شبهه يعني طالعه مو متستره وفاتشه وفااتحه الشباك وراكبه مع سوااق ، كل هذااا ولا تبيني اغازلهاا؟؟ يااخي يحق لي اغازلها. بس لو تبي تسأله تقوله هي راضيه؟ بيقول ايه رااضيـه لانها ماتسترت ومن هالكلام اللي قلته . وتسأله ياطويل العمر تقوولـه يعني ماعندهاا وازع ديني؟ اكيد ماعندها وازع ديني دامها طلعت بالشارع وبدون محرم وفااتشه ومثقفه بعد تقرى كتاب :d وفاتحه الشبااك ، ابييك تقوله ياصااحبي ، دام هي ماعندها وازع ديني خل عندك انت وازع ديني ولا تغازلها ،، اتمنى انكم فهمتوا :d يعني اشووف لو بدال اترضاها لأختك يخش بعيون اللي يتابعون ويقولون لهم اذا هي ماعندها وازع ديني خلك انت متمسك بدينك. وبـس هذا اللي عندي ، ومافيه مانع لو يقولون اترضاها لأختك بعد كل هالكلام< يعني هالقنااه ماخذه بشوورك :to: |
تعليق على جزءٍ من الموضوع . . . * حتى و إن كنتُ . . من أقل النااس ديناً . . و علماا فلي هذه الأسطر . . * و أخشى في الحقيقة ِ . . أن تُفهمَ تلك الأسطرُ على غير ما هي عليه و إن كنتُ وااضحاا . . * حقيقة الرسالة النبوية . . في " أترضاه لأختك " . . أراه عظيماً و بليغااا . . تجده في !! " أحب لأخيك ما تحب لنفسك " ( خلق توازن ) * و إن كنتَ واحداً يعشق أيها الواحدُ أيَّ واحد . . فغيرك عاشقون كُثر و أما العشيقاات !!! فمن هنا و هنااك . . * يظن البعض و للأسف . . أن الأمر متوقفٌ على نظرته وفهمه . . لما حوله * فالمسوغات لا تقبل أعذاراً . . و لك أن ترى !! . . أخي المشاغب تلك المسوغاات التي وضعها ذاك ( الواحد ) أماامك ليبرهن أن في الطرف الآخر ثقباً . . تسربت من خلاله علااقة ما . . أو حتى نظرة كيف ترفض من قبله جملةً و تفصيلاً . . حينما استحالت . . أعذاراً تعلقَ بها " طاارقٌ " لباابه المكسور . . و لا حول و لا قوة إلا باالله * و إن وجد امرئٌ ما في طريقه . . إغراااءً فليتذكر !! . . و رجلٌ دعته . . . و قال : إني أخااف الله . . * الإسلااام دينٌ استقر في المشااعر و الشعور . . و أصبح متعبداً بالإحسااس و الجناان و الجوارح وفي الغيب و الشهاادة . . * وقع عنترة الجااهلي بـ و أغض طرفي . . إن بدت لي جاارتي !! حتى يوااري جاارتي. . مآوااهااا * و قد بقي الكثير . . و لخوفي من الابتعااد عن صلب الموضوع . . كان التوقف . . و إن كنت ابتعدتُ عن موضوعك الكريم و أبعااده السااميه فاعتذر اليك . . عن اسهاابٍ لم ينفع و بالطبعِ . . لن يضر * و أنا ملزمٌ بهذا السطر . . (( لست والله إلا مقصرٌ . . و لا أدعي بالحروف كمالاً )) * في النهااية . . تقبل أخي المشاغب . . تحيتي لك . . وعذري عن الاسهاب إن كان . . و الخطأ إن مسَّ أيضاً * و الدعواات بالتوفيق و السدااد * |
انا اتفق معك وهذا راي من زمان ان خطا مقولة الدين لان يمكن يكون الولد (عربيد) واهله بالبيت ناس اشراف .. لو تامل الكثير عظمة هذا الحديث لاغنانا عن كثير من النصائح قال صلى الله عليه وسلم: ( إن الله تعالى يغار وغيرة الله أن يأتي المؤمن ما حرم الله عليه ) والانسان الغيور يعرف ما اعظم غيرة الله :yes: |
:smilie47: السلام عليكم ... صباح الخير يا احلى سوسو :s3s::s2: الموضوع ما يبيله اقناع ولا فتح دريشة ولا تقفيل مكيف :d الشاب يعرف انه على خطأ .. لكن المشكلة انه يقعد يبرر لتصرفاته على غير سنع :to: وما اكثر التبريرات .. والشيطان حريص s121s شكرا سلطان وليتك تطل علينا كل صبح :smilie47: دمت بخير وعافية ,,, |
إقتباس:
تهبّل بالمسكين وتقفل موضوعه بعد دقائق بسيطة من حفل الافتتاح... يامقرم :d امّا انت ياشيخنا الفاضل سلطان الدين الزمخشري :laugh: قسم بالله اني اقرا وانا حاذف وجهي عن الشاشة يمين.. اخاف يجيني كف طاير او بلكّه مجاوبه :to: شوي شوي علينا... اعصابك :d بس تدري عاد.... عندك وجهة نظر جديرة بالاحترام :yes: |
اتفق معك تماما بالمنطق اللي ذكرته .. ماودي اضيف شيء نفس مانت تفكر ومقتنع فيه انا معك |
مشكلتني والمشكلة مالها حل ( زي مايقول عبدالله السالم ) :s2: / يعني بالعقل ياسلطان , خلك من هالحركات أختٍ ماتسوي كذا عشان أحد يغازلها و ماتلبس تسذا و و الخ :s2: مايبلها كلام وشهولة تتعرض لبنات خلق الله :s2: , تصدقون مرة وأنا دآخل سوق جيان انا ووليد القحطاني :s2: فسحبت على وليد وأسولف مع الشيخ ويقولن <-- :d : عزام انت رجال اثق فيك ولا مادخلت هالسوق انت وخويك قلت الله يسلمك من طيب أصلك :smilie47: قال: عيونك لاتروح يمين ويسار عشان لو حجرو لك الهيئة ماني مطلعك :s2: قلت طيب , انا ماني مغازل ولا شي , بس لو هالبنات غآزلوني وش أسسوي هههه :s2: مسكني سالفة طويلة عريضة هالمطوع ويقول : رجلّ دعته أمرآة وقآل أني آخآف الله s121s:smilie47: // قاتلو مذهب العلمانية بقيادة المشاغب :d فهو يطبق قانون ( فصل الدين عن الحياة :cry:) والموضوع منكم وإليكم والسلام عليكم :s2::smilie47: |
الله يكفينا الشر s121s هذا وانت طبيعي مافيك الا العافيه ينخاف منكـ :d أجل وشلون وانت براسكـ حرش s121s:to: سلطان بما انك نبيهـ ماشاء الله عليكـ :wub: ربي يحرسكـ :wub: ويخليكـ لعين ترجيكـ :wub: :s2: إلا ماقلت لي وش الكتاب الي جالسهـ تقراهـ :d مالمحت وش عنوانهـ ..! :d يعني تعرف حنا ناس نبي نتثقف شوي :d يمكن نستفيد منها :s2: ادري اني شطحت :d بس شين الواحد اذا مايدري وش يقول :s2: وراسهـ مصدع على هالصبح :to::s5s: << وش الفرق باللهي ..؟! :s2: لا فض فاكـ :d << اقتنعت اني ابي اتثقف :s2: :ba1: لقلبكـ النقي :s2: << ايه طيب :d << مدري وش احس فيه وانا احطه :d |
ضف وجهك .. وانت هالحين مسوي تنصح بالاسلوب ذا ؟! :mad: .. <<< s121s :d .. حجزنا .. ورجعنا .. بقمة السطاوة .. وابن امه يصكني انذار :s4s: :d .. انا جاي على بالي بلد الوليد على هالصبحية :s2: :smilie47:.. يمكن عشان كذا نفسي مسدودة ومالي خلق :d .. فشيك انت على نفسك .. شف يمكن فيصل جاء على بالك والا شيء s121s:s2: .. عشان النفسية الخايسة اللي بادي فيها يومك :ranting: .. قبل ما اتكلم عن موضوعك .. وعلى طاري الاعلانات اللي على قناة الاصلاح والتوجيه والتربية الام بي سي :to: .. فيه عندهم اعلان هم وصندوق عبداللطيف جميل :naughty: .. حق "اكلك حلال؟! " s13s .. شيء حلو انه يكون فيه هالتوجه .. لكن دائما الانسان لما يوجه او ينصح .. لابد لابد يبدأ بنفسه :yes: .. يعني الام بي سي هالحين تبي تقنعني ان مسابقة الحلم .. والقوة العاشرة .. وستار سيرش .. وغيرها وااااجد .. ان الدخل اللي يجي من ورا كل هالبرامج حلال :to: .. وحتى الاعلان اللي انت قلت عليه .. فيه اعلانات طلعت قبل فترة على الام بي سي نفسها .. لقناة وناسة .. دعوة واضحة وصريحة ومباشرة للمغازل .. وتبسيط المسألة .. لدرجة انهم يحسسونك انها ما تحتاج الا قلب جامد .. و بعدها " خليها وعليها " .. وهي موجهة للسعوديين .. حتى لو كان اللي يظهرون اجانب .. في واحد من الاعلانات .. ظاهرة بوضوح رقم الجوال في السعودية .. عشرة ارقام تبدأ بـ "050" .. كيف يبون يجمعون بين النقيضين .. والا عن قولة ادينا واجبنا الاجتماعي .. وعطيناكم اعلان :razz:.. اهتديتوا كان بها .. ما اهتديتوا .. تعالوا نكسر حاجز الخوف فيكم .. عشان تفلونها .. والبنات ينتظرونكم :d .. هذي مسألة .. المسألة الثانية انت ياللي ما تتسمى :s2: .. ما فيه شيء في الحياة اسمه .. اسلوب ينفع مع الجميع :yes: .. كل انسان له مدخل للخير فيه وله اسلوب وطريقة تنفع معه .. اذا انا وانت ما ناسبتنا هالطريقة .. خلهم يجربونها مع غيرنا .. في احتمال تنجح وتجيب فايدة .. ولكن الشيء الاكيد .. ان نسبة الشك عند اللي يغازل بنات خلق الله تزيد عن غيره .. لأانه اولا يفكر انه فاهم اكثر ويفسر الامور بناء على ما كان يتصرف هو زمان .. والشك يكون في الجهتين .. سواء في اهله ( وحتى لو ما سووا شيء ) او في الناس .. والشك مهوب درجة طبيعية .. شك يصل للمرض :s5s: .. والشيطان حريص مثل ما قال ابو مقبل :yes: .. اخيرا .. اتوقع اني قلت كل حاجة فيها فايدة بالنسبة للموضوع هذا .. واللي بعدي يعجز وش يقول بعد الرد الشامل والكامل والوافي واللي لا قبله ولا بعده :s2: .. فياليت الموضوع يتقفل :s2: .. بلاش ياخذ مكان مواضيع اهم :d .. والليبرالي هذا شوفوا لكم معه حل :d .. والا تدري يا سلطان :s2: .. ابيك تنزل هالموضوع في قسم الثقافة الاسلامية :naughty: .. وابيك تكون اقسى من كذا .. عبر عن رأيك بحرية .. وكن قوي .. ولا تخاف من احد :d .. واذا اعجبتك الفكرة .. حاول تنشرها في المنتديات الاسلامية s121s:s2: .. وخلك مثال يحتذى به في عالم الليبرالية :to: .. الجد :rose: .. الموضوع له اكثر من وجه .. وفيه نقاط واجد تستحق التعليق :d .. لكن ما ودي اعطيك وجه اكثر من كذا :d .. لا تفلها واجد :d .. والله يعطيك الف الف عافية .. وكل يوم تعال .. بس خل نفسيتك زي ماهي :d .. واذا حسيت انك صاير مبسوط .. بس حاول تتذكر فيصل :smilie47::d .. <<< محارش صدق :d .. الدكتور وصل .. في حفظ الله يا صاح :smilie47: .. |
صبحك الله بالخير أخوي سلطان.. أنا أشوف إن هالقنوات ما يتوقع منها أي خير ،، فاحمد ربك اللي جاء منهم شيء توعوي زي كذا.. |
| الوقت المعتمد في المنتدى بتوقيت جرينتش +3.
الوقت الان » 06:41 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd