بالتوفيق للزعيم مهما كان رئيسه او ادارته.

مشكور اخوي على هالموضوع الاكثر من رائع وراح ارد على موضوعك من خلال الايجابيات والسلبيات اللي في بعضها انا اختلف معك..





(((الايجابيات ))..
((((1_ ان استقالته سوف تتسبب في استقالة نائب رئيس النادي واكبر عميل لدى محلات التصوير ( ريما _ زماني _ هي ناس ) الاستاد وليد الرواف الذي ذكر في مقابلة صحفيه يوم امس مع جريدة الرياضيه انه مسئول الاستثمار في النادي فقط ؟؟؟؟؟ فهل من المعقول ان يكون نائب رئيس افضل نادي عربي واسيوي وزعيمها الاول مسئول عن الاستثمار فقط ولا يعرف عن امور النادي وبالاخص الفريق الاول اي شي ..... هذا شي غريب فمن المفترض لنائب اي رئيس كان سواء نادي اوغيره ان يكون عارفا بكل الامور الصغيره والكبيره وهو المسئول الاول في حالة غياب الرئيس وكلنا يذكر تصريحه لجريدة عكاظ على مااعتقد حين وجه الاتهامات من جميع الاتجاهات للاعب عبدالله الجمعان واتهمه بتهم غير لائقه كادت ان تصل الى تربيته ........ ولاداعي لان اذكر التوأمه مع ريال مدريد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟))))
في هاذي معاك حق ولكن هل تتضمن صحة كلام الجرايد اللي انقال على لسان الرواف؟؟


((((2_ باستقالة الامير سعود بن تركي اتوقع والعلم عند الله ان يقوم الرئيس الجديد بتشكيل جديد لمجلس الاداره وادارة الكره وعند حدوث هذا الشي باذن الله سوف يبتعد الثلاثي المرح ( المسعد _ الغليقه _ المصيبيح ) وهذه نقطه جيده تحسب للرئيس القادم اذا فعلها .)))
1- المسعد..
مع انة الوحيد اللي يتحمل مسؤلية قيادة السفينة الزرقاء لما يستقيل الرئيس..
ومع ذلك انتو ضدة..

2- الغليقة..
لا تعليق..

3- المصيبيح..
راح اتكلم عنة بعدين..

((((3_ عودة اعضاء الشرفف الداعمين..............................؟؟؟؟؟؟؟؟؟ الذين كان همهم طوال السنتين الماضيتين انتقاد الرئيس الذهبي ووجه السعد الهلالي وتوجيه التهم له ولادارته دون ان يكلف احدهم نفسه الذهاب للنادي او الدفع او على الاقل مكافأة الاعبين على البطولات .)))..

اعضاء الشرف اللي انتو وانا وجميع الجماهير شاديين الظهر فيهم اللي واحد في الريف والثاين في المريخ والثالث مدري وين وحتى اللي موجود في السعودية جالس لي في البيت ولا يدير عن لا عن هلال ولا غيرة الا مارحم ربي..
صدقوني انهم يتحججون بسالفة الامير سعود..
رحيل الامير ماشفنا منهم شي عقد سامي؟؟ مستحقات نواف والصويلح؟؟
الديوووووووون اللي راح تكسر ظهري انا كل ما اذكرها قبل لا تكسر ظهر النادي..


((((اما السلبيات )))

((((فأعتقد ان موضوعا واحدا لايكفي ويكفي للرئيس الذهبي انه اكثر رئيس نادي دفع لناديه من جيبه الخاص دون منه وانا اقول هنا دون منه لان اعضاء الشرف يدعمون النادي ويرتزون في الجرايد ويقولون انا دفعت كذا وكذا ..... كما انه اكثر رئيس مقرب للجمهور الهلالي والاعبين الهلاليين والذي تكفل بعقود وكافات ورواتب جميع الاعبين وهو الرئيس الذهبي الثالث للهلال بعد الامير عبدالله بن سعد رحمه الله والامير بندر بن محمد ............))))

معاك حق فيها وليتة ما استقال..



(((((((((((((((نقاط ))))))))))))))..

((((1_ اتمنى ان يقوم صاحب السمو الملكي الامير خالد بن الوليد بقبول رئاسة الهلال سيما وانه كان من اكبر منتقدي ادارة الذهبي سعود بن تركي وحتى نرى ماذا سيفعل ( وهذا سبب اختياري لعنوان الموضوع ))))..

انا متاكدة انة راح يرفض هالفكرة لانة مو مستعد يصرف من جيبة الخاص على الهلال مثل ماكان يسوي الامير سعود..لانة عارف ان اعضاء الشرف ماراح يرجعون وبما انة من اعضاء الشرف اكيد عارف السبب الحقيقي وراء اختفاء اعضاء الشرف..




((((2_ اتمنى من الاداري الخلوق جدا فهد المصيبيح الابتعاد عن ادارة الكره بالنادي لان هذا المخلص يريد ابعاد النجوم الكبار بقصد ان ياتي بأبنائه الشباب والناشئن وذلك لانهم تربيته ( اقصد في المجال الرياضي ) حتى ينومهم متى مابغى ويصحيهم على كيفه واللي يجيب تقدير اقل من ممتاز يخليه يتدرب في القايله ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟))))..

معليش اخوي مهما يكون ترى فهد كان ولازال مخلص لنادية على الاقل احسن من غيرة..
لو كان اللي ينقال عن المصيبيح صحيح كان يوسف طلع وتكلم عن الظلم اللي انتو محبين يوسف نسجتوة من وهج الخيال..
هذا بالنسبة ليوسف.. اما التيماوي حنا نعرف انة السبب كثرة الصاابات.. فيصل ابو اثنين يسمح لي على هالكلمة الغالي فيصل..
ولكنة كان مستعد انة ينشر الغسيل الهلالي المهم انة ماينضر ولكنة ضر حالة واهو مايدري..
الشريدة احمد خليل..
اعتقد انو تطرقنا لهماضيع اكثر من مرة..
واذا الاداري كان قصدة النظام والالتزام وكبار ااالاعبين مايبون اجل يحولون الى هاوي احسن..
مع احترامي لجميع االاعبين ... وبشهادة من مقربيت ليوسف ويوسف نفسة انة ماكان يلتزم بمواعيد المباريات لكن بوجود المصيبيح غصب عنة يلتزم وبرائ انو الالتزام بالمواعيد مافية شي يخدش التاريخ الكبير لجميع لاعبين الهلال..

؟؟؟؟؟؟؟

3((((_ شاهنا في برنامج صدى الملاعب مدى الثقافه العاليه وحسن الكلام للاعب زليخة اللي مايعرف يقول كلمتين على بعضها لا ويقول الشيخ منصور البلوي مو معنا وبعدين يناقض نفسه ويقول لو بغينا نجيبه جبناه ( منتب عاقل يايوسف عبدالله ) وبعدين انا اعجبني رد الامير سعود عليه حتى ماعطاه وجه ....... وعلى فكره سعيد العويران هذا اكبر واحد متسبب في الاساءه لسمعة الوطن في الخارج وانا قد شفاته قبل شهر في القاهره وكان في وضع ........ ( الله يعافيه ولا يبلانا ) .))))))

سعيد العويران لاعب ((كان)) كبير اما الان وفي نظري ولا شي بعد هالمهزلة اللي سواة وبدال مايكحلها قام عماها لما اتصل في البرنامج ونفى ما اكدت علية ويمكن لاول مرة في تاريخ الصحافة السعودية اكدت عليى جميع الصحف..


4(((_ اتمنى من ادارة الهلال الجديده اتخاذ قرار تأديبي بحق عبدالله الجمعان واعطاءه الفرصه الاخيره لانه بصراحه فيه فايده كبيره ( مجرد امنيه وياكثر هالاماني اللي عساها تتحقق ))))))

في هاذي معاك حق بس برضوا لا تنسى ان الجمعان ابن الهلال..

تحياتي لك اخوي والف شكر هالموضوع الاكثر من رائع..
تسلم يمينك.

المهم الهلال

السلام عليكم

الله يعطيك العافيه يا redheart
وماقصرتي على الرد الحلو وبصراحه انتي كاتبه رائعه ماشالله عليك

فيه نقاط احب ارد عليها وابدا بسم الله



[QUOTE][quote/] في هاذي معاك حق ولكن هل تتضمن صحة كلام الجرايد اللي انقال على لسان الرواف؟؟ والله الشيء هذا اكيد لانه مو جريده ولا جريدتين بس تصاريحه في كل الجرايد ..






[QUOTE][quote/] - المسعد مع انة الوحيد اللي يتحمل مسؤلية قيادة السفينة الزرقاء لما يستقيل الرئيس..ومع ذلك انتو ضدة والله المسعد هو اللي يجني على نفسه بتصاريحه اللي مالها داعي اجل الامير سعود يستقيل قدام العالم كله في اكثر محطه عربيه انتشارا وحبيبنا فواز ينفي ؟؟؟؟؟؟؟؟؟؟؟ وبعدين الفتره اللي يراس فواز الهلال فيها فتره ركود وهدوء ياعني مافيه شي يستحق كل هالضجه

[QUOTE][quote/] انا متاكدة انة راح يرفض هالفكرة لانة مو مستعد يصرف من جيبة الخاص على الهلال مثل ماكان يسوي الامير سعود..لانة عارف ان اعضاء الشرف ماراح يرجعون وبما انة من اعضاء الشرف اكيد عارف السبب الحقيقي وراء اختفاء اعضاء الشرف.. الامير خالد بن الوليد بدا يصير راسه تجاري مثل ابوه ( الله يرزقنا وياهم انشالله ) لذلك ماعتقد انه راح يدفع للهلال المبالغ اللي دفعها سعود بن تركي لانه عنده تفكير تجاري ( يعني مايدفع ولا يجيه فايده ) وهذي عند التجار ماادري ايش يسمونها ... وانا والله ماتمنى انه يكون رئيس للهلال .

اما من ناحية المصيبيح فانا عندي قناعه لم ولن تتغير وانتي عارفه الشي هذا لان المصيبيح ماراح يسوي اكثر من اللي سواه رغم انه ماسوا شي يذكر .. وانتي عندك وجهة نظر لابد اننا نحترمها.
وعلى فكره فشباب وناشئيي الهلال لم يحققوا بطولات مثل اول منذ ان اشرف بن مصيبيح على القطاعين ولا اقدر اقول اكثر من كذا للي يقول ان مستقبل الهلال من خريجين المصيبيح

واشكرك يا redheart مره ثانيه والله يعطيك العافيه



الاخ طلال المحمدي __ اكيد ان الهلال هو اهم شي ومشكور على الرد

موضوع جميل

الله يعطيك العافيه على الرد يالازرق العجيب

أعترض على هذا الرئيس

السلام عليكم


انا مادري مين تقصد فيه يا أسير الغربه ( انت معترض على مين )

الله يسمع منك
مشكور اخوي