ســفــيـر كــوريــا يـشـتـرك بـ art ( قــمــة الإســتــخــفــاف بـالـعـقـول ) - نادي الهلال السعودي - شبكة الزعيم

Mr.MoHaStEr · #1 06/06/2009, 03:32 PM

السلام عليكم ورحمة الله وبركاته

كيف حالكم جميعاً ؟

شـوفـوا الـ art

أصدرت بيــان بخصوص المشكلة اللي حصلت في مباراة منتخبنـا مع تشاينا

بصراحة بيـان مســٌــكت

إقتباس


	art تصدر بيانا بخصوص المشكلة أوضح المسؤول الإعلامي بشركة (صلة) الرياضية أحمد ذياب بأن أمانة الاتحاد السعودي لكرة القدم تسببت في عدم نقل اللقاء الودي الذي جمع المنتخبين السعودي الأول لكرة القدم ونظيره الصيني أمس وانتهى بفوز المنتخب السعودي برباعية وقال:"إن الاتحاد لم يشعرنا بأن هناك لقاء وديا للمنتخب السعودي في خطابهم الذي تضمن إشارة إلى المعسكر في الصين دون أي معلومات عن المباراة الودية. وأضاف: "إن إشارتهم للمعسكر دون توضيح لموعد المباراة يعني عدم وجود مباراة وأنه كان ينبغي على أمانة الاتحاد إشعارنا رسمياً بالمباراة الودية وتسمية الشركة الراعية لها وصاحبة الحقوق ورقم هاتفها لكي نتمكن من مخاطبة شركة art الناقل الحصري لمباريات المنتخب من أجل التفاهم مع الشركة الصينية بشأن منح art إشارة البث". وأضاف: "أتمنى بأن يكون عدم نقل المباراة فيه خير للمنتخب السعودي بعدم كشف أوراقه للمنتخب الكوري خصوصاً وأن الكوريين كانوا يعتمدون على نقل المباراة من أجل مشاهدة المنتخب السعودي". يذكر أن الجمهور السعودي تابع المباراة من خلال مواقع الإنترنت وتحديدا عبر اليوتوب الذي بثت عبره أهداف المنتخب السعودي الأربعة. من جهتها أوضحت art سبب عدم النقل في بيان أصدرته أمس : "إن ذلك يعود لعدم إشعار اتحاد وإدارة المنتخب لنا أو شركة صلة بالمباراة وبعد اطلاعنا على أخبارها في وسائل الإعلام تم طلب نقل المباراة من التلفزيون الصيني الذي رفض إلا بمقابل مادي وهو طلب غير منطقي لأننا اشترينا الحقوق من اتحاد الكرة السعودي فكيف نشتريها مرتين، وتم طلب تدخل اتحاد الكرة ولم نتلق الرد حتى الآن وجاري محاولات الحصول عليها مسجلة ونعتذر لمشاهدينا عن هذا الأمر الخارج عن إرادتنا".

اللي بـاللون الاحمر

الحين كل السعوديين يعرفـون أن المنتخب معسكر هنـاك وأنتم ماتدرون

أما اللي باللون الازرق

هذا كووووم ثاني

يقولون ( تراي قلت يقولون )

أن كوريا مرسلين سفيرهم عشان يشترك بـ الـ art

بس المصدر ماذكر أي باقــة

وش رايكم

قمة الاستخفـاف بـعــقــول السعودييــن

الله يعيــنـٌـا عليكم

مجهول بزمن معلوم · #2 06/06/2009, 03:37 PM

الله يعين الشعب السعودي على قناة ابو الزنووووووب

الليل الأزرق · #3 06/06/2009, 03:59 PM

والله مهزله !!!

وقمه الاستخفاف بمشاعر المشتركين !!!

لاحسيب ولارقيب من حقهم يسون اللي يبون

كلي على بعظي هلالي · #4 06/06/2009, 04:10 PM

لا تعلـــــــــــيق ....

يعني مساكين مايدرون ان في مباراه للسعوديه مع الصين وما علموني الا هم في برنامج الجولـــه ؟؟!!!

شي غريـــــــــبــ

@الذيب سامي@ · #5 06/06/2009, 04:44 PM

والله هذا لاستخفاف بالعقول

الدوله الوحيد التي تشفر مبارياتها كلها عشان طويل العمر ياخذ له مليون في المخباة

والله شي يقهر

أبـ خالد ـــو · #6 06/06/2009, 11:42 PM

والله مهزله كبير

اتمنى انه يلغوون العقد مع العااارتي ويتعااقدووون مع الجزيره لانه هي الي تستااهل تنقل

الدوووري السعوودي مو العااارتي الفاااشله بس فااضيه للتعصب الريااضي والفضاائح

مشكووور اخوووي على المووووضووع الرووعه وتقبل مرووووري

هـلالي من اول ايـامي · #7 07/06/2009, 12:18 AM

الدعوة نصب واحتيال بالشعب السعودي (بكل شي)

HILAL-1 · #8 07/06/2009, 12:48 AM

بس حلوه انهم ماينقلون المباراه بس علشان ماتنكشف اوراق المنتخب للكوريين هههههههههههه
ياخي اذا يبون الكوريين يشوفون المباراه بيشوفونها غصبن عن العارتي وابسطها انهم يشوفنها عن طريق الفديو اعاده
ههههههههههههههههههههههههههههههههههههههههههه

المخـرز · #9 11/06/2009, 12:30 AM

يا بين سوالف الفرااااج اتوقع ان هالبياان الي كاتبه وليد الفراااج وشكله هو الي يكتب بيانات ناادي يحلمووون الحالمي
بعدين الله اكبر عاد خايفيين ان الكوريين مايشوفون المباراه عشان مايعرفون خطة منتخبنا؟؟؟؟؟؟ الكوريين عارفين كل شي عن المنتخب ومايحتاجون يشوفون مباريات وديه يا العارتي واذا بغوها اقل شي يشوفونها على القنااه الصينيه او يحضر واحد للملعب ويرسل لهم كل شي عن المنتخب اذا بغوا يعرفوون شي<<< تراه فيه انترنت يا العارتي وحنا في عصر العولمه واي معلومه يبيها الواحد يقدر يجيبها بسهوووووووووووووووووله تاامه
اصلا الشرهه على الي يشترك فيهاا العاارتي

R A M A D · #10 11/06/2009, 05:22 AM

والله مهازل

أنا اللي قاهرني هالباكستاني اللي كل ماقاو اسمه قالو الشيخ محي الدين

لا ويجددون معهم الدوري السعودي ويقولون الشركه سعوديه واولى

(( الله يسلم اللي من تحت الطاوله ))

نص مليار قيمة النقل

وقيمة جميع جوائز البطولات ماتتعدى 60 مليون

من العاقل اللي يقولي وين تروح اكثر من 400 الف مليون ؟؟؟؟؟؟

والله قمة الاستخفاف بعقولنا

رحمك الله يافيصل بن فهد

ماتت الروح الوطنيه من بعدك

A.s.Q · #11 11/06/2009, 03:53 PM

.
.
.

ولقد إننا هو خيرهـ إن شاء الله

^ هذا خطاب جديد من الـ ART

لو ما نزلو خطاب أزين , عسىا ماشر بس
قمت السخافه

والسذآجه

Al Suwalih 9 · #12 11/06/2009, 10:42 PM

امحق خطاب قال يشوفون الخطة اصلا يشوفها غيرهم والا يسجلونها من التلفزيون الصيني

العالم وصلو القمر واحنا نقول عشان ما يشوفون