|
جرح الغير يروح لكن جرح الحبيب يبقى (احداث+نقاش) سلآم عليكمــ كيف حالكم يا زعمآء؟ و الله ما ادري من وين ابدا لكن ابقول الي فيني انا اعرف وآحد صارلي معه 10 سنين و هذي تعتبر عشرة عمر و اعتبره مثل اخوي موب صديق لي شآب وسيم هلالي برشلوني فله يوسع الصدر و ملتزم بس عليه طلعات شوي:s2: يلعب كوره بإحترافيه لكن مشكلته انه ما يعرف يتفاهم مع الناس بأكمل صورة و دآيم اوقف معه وقت الشده و مستعد اسوي له اي شي يبيه و كل ما بغاني لقاني جنبه لكن المشكله اني ما القاه اذا احتجته و ادق عليه احيانا ولا يرد ابقولكم سالفه صآرت مرهـ في عيد الفطر الي فات اول يوم طبعا مواصل بعد صلاة العيد رجعت البيت سلمت على امي و عايدتها و بعدها جدتي بعدين الاهل و يوم خلصت رحت انا و اخوي نسسير على الاهل في الشفا انا في الرائد و رحنا للشفا سلمنا و قعدنا و سولفنا و وسعنا صدورنا و قلنا يالله نبي نمشي للبر و مشينا و وصلنا جو زين لاهوب برد ولا هوب حر معتدل زي ما يقولون بعد صلاة المغرب رحت بعيد شوي عن المخيم و بديت اتصل على اخوياي الاعزه و كلن رد و سلمت عليه و دردشه بسيطه و مخلي اعز وآحد آخر شي علشان اطول معه شوي لكن الفاجعه تأتي <<(بالنسبه لي) اتصلت و لقيت الرقم مشغول لكن هذي مهيب الفاجعه قعدت 5 دقآيق دورت لي اي احد ما دقيت عليه ما لقيت احد دقيت و مشا و انا انتظر يرد و متحمسسس لكن ما رد تحطمت انا قلت يمكن الرجال بعيد عن الجوال <<ما حبيت اظن فيه ظن السوء دقيت مره و اثنين و ثلاثه و اربعه بس ما فيه رد بالعربي اكلت تبن و رجعت للخيمه و قعدت متحطم شوي لكن الاهل ما قصرو و الله سوالفهم نستني الي صار يوم جت السساعه 10 و نص قلت ادق الحين انسب وقت دقيت عليه طوط طوط طوط طوط طوط طوط لا يوجد رد دقيت بعدها ب3 دقآيق و كآن الرقم مشغول انا هنا خلآص تحطمت قلت الرجال وش فيه علي المهم قعدت و انا محترق من دآخل و من برا مبتسم و عآدي يوم رجعنا للريآضـ:smilie47: دخلت المسن و لقيت وآحد من الشباب و كلمته قلتله هلا و وش اخبارك و من هالكلام بعدين سألته عن الاخ لكن قآلي ليه وش فيه قلت و الله مدري وش فيه علي اتصل عليه ما يرد ارسله رسآيل ما يرد برضو قآلي و الله مدري هو قبل دقآيق كآن عندي قلت اها دقيت عليه ولا رد برضو انا بصراحه مصدوم المهم انتظرنا الين تجي الدراسهـ و شفته و قآعد مستنانس مع الشباب و فالها انا قلت امسكه على جنب و ازبد له ولا احجر له قدام الشباب قلت احجر له جيت سلمت كلن بصراحه فرح يوم شآفني الا هو ردة فلعه عآديه انا هنا انلخمت شوي:to: قلت ما عليه عآدي مديت له يدي ابسلم عليه سوا نفسه انه مآ شآفني ولا عبرني انا وآقف زي الدلخ مآد يدي اذا شفتوني تقولون سآحر يسلم على جني..! المهم بلعتها و مشيناها و مرت الايام و انا فكر وش سآلفته و وآحد من اخوياي قالي شف انا بسوي نفسي اني اسولف عنك و ابشوف ردة فلعه قلت اوكيه مره هم رآحو للإستراحه و قعدو يسولفون و عآدي بس خويي يوم جآب طاريي نآظر في وجه........ شافه يناظر الارض و كأنه منقررف من سيرتي خويي يوم قآلي هالشي انا قلت مستحيل وش الي انا ما سويت له شي دآيم امدحه قدام الكل هو الحين يماشي اخوياي و يماشي ناس ثانيه بنفس المدرسه اللهم الفصل غير و الي يماشيهم انا اماشيهم برضو و كل ما جيت اسلم على طول اخذ معه وآحد و راحو بحجة (كلمة راس) ولا عآد اشوفه الا في الطلعه و الله شي يحير من قبل وش زينه معي بسس الحين تقول اني قطو و هو فار كل ما شافني حط رجله ليه طيب انا وش مسوي ؟؟ و الله انا منقهر بقوه بصراحه و جرحني اكثر من مره و مره صآر اشتباك بين الشباب الي بالمدرسه و انا انآظر من بعدين لمحته قلت اروح له و اشوف وش السآلفه يومـ جيته قلتله هلآ ما رد و كأنه طنشني قلتله.......... وش السالفه ما التفت علي حتى قلتله يآ ......... الوو هيييه يبو الشباب ما يرد علي قلتله اوكيه سلآم يا بعدي:ba: و مشيت بس منذاك اليوم الين الحين هذي الحآدثه ما صآر لها شهر و ابي افضفض بصراحه وقلت مآلي غير شبكة الزعيم لأني اذا قلت لأخوياي بيروحون له و مدري ايش و بيرجع يخاويني لكن و هو مغصوب في الاخير الكلام الي فوقـ من (:smilie47:) الى الكيبوورد تحيآتيـ لشبكة الزعيمـ العزيزهـ لا تحرموني من تعليقاتكم على شخصيته و من الحوادث الي فوق مودتيـ:rose::ba1: |
هلا بك اخووي والله مواقف تحسد عليها انا براي انك تجلس معاه وتتفاهم تقوله وش اللي مزعله وش اللي مضايقه.. بكذا انت تعرف وش لك وش عليك والله اكره شي ان صديقك يصد عنك بدون سبب |
الحل سهل وبدون تعقيد رح له وكلمه وشف ليش ابو الشباب مايرد ويطنش واذا فرضا قال سمعت من احد انك قايل عني كذا ولا كذا <<هذي حركاتهم دائما لاتقول ايه وتسلك له لان هذا موسبب يعني معليش عشرة 10 سنين تروح في قيل وقال والله ذا معليش شغل مبزره :to::to::to: المهم مانسبق الاحداث ونظلم الشخص رح شف وش عنده بعدين تعال قل لنا <<لاتصدق امزح:d واذا صار الشخص موب كفو صداقته اتركه واسحب عليه ... |
هلا وغلا .. فيه عدة إحتمالات للشيء اللي يصير لك وهو إن فيه أحد موصّل كلام له عنك غير صحيح .. وعلشان تعرف منهو هذا الشخص .. أعرف منهم أقرب أخوياه اللحين واللي كان أثناء علاقتكم مع بعض علاقته عاديه مع خويك .. يالغالي الأمور هذي مرينا فيها كثير وكانت تسبب لنا أرق وتفكير نضحك عليه بالوقت الحالي .. لكن أنا أبقولك الحل اللي كنّا نستخدمه وهو أسلوب المكاتبة يعني خذ لك ورقة وأكتب فيها كل اللي بقلبك ووصلّها له بأي طريقة .. حطّها بسيارته .. عطها واحد من أخوانه الصغار .. أرسلها مع أحد .. عطها عامل يوصلها له :D أكثر من حل .. وصدقني إذا كانت نيتك طيبة وقلبك صادق إن علاقتكم بترجع إن شاء الله مثل ما كانت ويمكن أحسن .. شكراً لك .. |
والله ياخوك انت ماقصرت معه سويت الللي عليك وزود لكن شكله المشكله منه هو الله يرجعكم لبعض على خير |
إقتباس:
شآكر لك مروركـ |
إقتباس:
تسلم اخوي على المرور |
إقتباس:
نورت الصفحه بوجودك ولا يهينون باقي الاعضاء انت قد مريتها فيه يخوي بس انا الحين في ريعان الشباب على ما قالو تو عمري 17 سنهـ بس ان شاء الله خالص من هالسالفه قريب لأني اكتشفت اشياء من نآس مآ توقعتهم زي كذا بصراحه |
إقتباس:
القالها حل زي ما لقيت للي قبلها منور الصفحه اخوي |
معليش اخوي توك ما شفت شي ما اقول الا الله يعين نعيب زماننا والعيب فينا... الناس تغيرت. |
انا على الاقل اشوى منك مالي معه الى 3 سنوات .ً, واحس الرجال بدا يثقل :cry: بس طبقت مقولة : من عافنا عفناه لو كان غالي انا انصحك تروح تسحبه على جنب وخله يفهمك السالفه ., واذا رفض طيق المقوله الي فوق ...:rose: |
ياشين كذا:( بس اكيد فيه احد موصل له كلام غلط لانه حاسدكم على صداقتكم....! وفي هالزمن مافيه احد توثق أن صداقته تستمر معك لانهم من تالي يخاوونك عشان المصلحه او عشان امور ثانيه.. لكن مالك حل الا انك تروح وتكلمه وتزبد له وتطلع اللي في قلبك كله عشان ماعاد تفكر في هالموضوع.. بالتوفيق:rose: |
إقتباس:
|
إقتباس:
|
رح له و قل له مآ نيب ميت لو تخليت عني // آكيد أبلقى لي من الناس غيرك |
| الوقت المعتمد في المنتدى بتوقيت جرينتش +3.
الوقت الان » 04:20 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd