تدرون وش شفت البارح ( الأمير عبدالرحمن يتصفح المنتدى ويضحك ) - نادي الهلال السعودي - شبكة الزعيم

شرفي مجهول · #1 05/06/2009, 07:05 PM

السلام عليكم ورحمة الله وبركاته

كيفكم أخواني الزعماء ان شاء الله تكونون بخير

أخواني حبيت أطرح عليكم هالموضوع لأن كل اللي أشوفه بها المنتدى غلط

المنتدى الآن بدل ما يكون ساحه لطرح كل ما ينفع الفريق والنادي أصبح مكان للسخط والبحث عن أخطاء الإداره وهذا شي خاطئ 100 %

تسألوني ليش ؟

بقول لكم طبعا >> يا لب قلبكم كلكم

الحين كل المواضيع اللي تنزل ما فيها اي شي صحيح 100 % حتى الرهيب ومسعد و معاذ وزكي كل شي مبني على كلام صحف وجرايد >> وحنا هنا مع الخيل يا شقرا كل ما كتب صحفي الهلال يفاوض والبلوي يتدخل قلتوا راحت والهلال ما يقدر يجيبهم والاداره فاشله >>> كل هالكلام تقولونه وتحللونه وفي ألف موضوع تكتبونه وانتم حتى ما تدرون من بيجي ومن بيروح ومن اللي يتفاوض معهم النادي ( باختصار ما عندكم سالفه )

شفنا كثير من هالكلام و هالتغطيه و هالمواضيع أيام تعاقد الهلال مع ويلي ومع سول ومع رادوي حتى نيفيز

وحتى مع المدرب

ولا موضوع من هالمواضيع كان صح ولا لاعب ذكر بالمنتدى كان هو المقصود

وبالأخير ما تدرون عن الصفقه الا وهي محسومه ومنتهيه

يا أخوان والله اني احزن كل ما دخلت على المنتدى وشفت هالمواضيع اللي تسيئ للإداره لأني أحس وقتها ان الجمهور ما يعرف من رئيسه وأحس ان الصحافة الصفراء أثرت فيه وزرعت الشك في ادارة النادي في قلوب الجماهير

يا أخوان بالله عليكم الحين وانتم تتكلمون بها المواضيع واللي أكثرها اساءه للاداره وش تتوقعون احساسه بيكون وهو يبذل كل الجهد في سبيل الفريق والنادي

يا أخوان اتمنى منكم الاستمرار في طرح المواضيع والاقتراحات بخصوص اللاعبين ولكن بعيدا عن كلمة الاداره ما تعرف تفاوض والاداره بطيئه والشيخ جريتس لأن كل واحد يتكلم هالكلام سوف يضر النادي و لن يخدمه بأي شي

لذا اتمنى من الفلاسفه ان يتركوا نقد الاداره وطرح المواضيع البناءه والأفكار الجيده

مثال >>> فريق النصر الآن له عشر سنوات وهو هابط والجماهير تتهجم على الاداره وتسيئ اليها >> ما الفائده التي حققوها >>> مثال فقط لا غير

بالأخير أتمنى كل التوفيق للكتيبة الزرقاء ولشبيه الريح ولكم يا جماهير الزعيم

أخوكم شرفي مجهول