عـنـدمـا يـتـحـوّل سـكّـان الـريـاض الـى جـثـث مـتـفـحّـمـه - نادي الهلال السعودي - شبكة الزعيم

Fahad Al Sudais · #1 01/06/2009, 10:57 PM

حيــــــــــاكم

الجو ( نار ) ياجماعة الخير

قسم بالله شي غير طبيعي

وش هالحر ؟؟

اذا انت مسوّي قوي اطلع للحوش الساعة 2 الظهر.. وقّف ثلاث دقايق بس

وهذا وجهي اذا ما خربت اخلاقك

لأن الاخلاق مثل مايقول سعيد صالح ( تنصهر بالحراره وتتبربر بالبروره )

الحين بالدوام ماعاد اطلع في الـ( BREAK ) حق الغداء

أتّصل على أي مطعم واخلّيه يوصّل لي الطلب

واذا وصل يوقف تحت عند البوابه وانواع الهواش انا وايّاه

هو يقول انزل او ارسل احد ياخذ الطلب.. وانا اقول له معصي.. انت تعال فوق

كله من شيلة الهم للنزول في الشمس

ياخي والله بعذري.... والله الجو حااااار مررره

عاد المشكلة ماهيب هنا.. في الدوام تجي وتلقى كل المكيفات تشتغل من بدري

المشكلة في البيت اذا رجعت بعد الدوام

تدخل غرفتك وتلقاها نااااااااار... تطبخ طبخ

وتشغل المكيف وتطلع وتصك الباب وراك.. تحتريها تبرد شوي... أقل شي ربع ساعة

تروح هالوقت تقعد في الصالة عند التلفزيون.. وماتدري الا وانت نايم على الكنب

تعال للطامه الكبرى

اذا بغيت تتروّش... الماء ( يغلي )... والله كأننا دجاج توّه مذبوح ومحطوط في مكينة التنتيف

انواع سلخ الجلد... والله الماء ينزل من الخزان حاااااار من جد

واللي دابل كبدي وفاقع مرارتي... هالنصاب حق النشرة الجوية

مدري اصدقه او اصدق المؤشر اللي عندي في السيارة

ماتجي الساعة عشر ونص الصبح الا والمؤشر طاق الـ 48

والساعة وحده الظهر يطق الـ 50 ويفصل ( خلاص مايجيب شي فوق الـ 50 )

يعني يمكن توصل الدرجة 60 او 65... والمؤشر معلّق على 50

لكن هالخراط حق النشرة.. هذاك اللي من سنة جدي وهو يقول ( مع احلى الاماني )

يشلخها واااكبرها عند ربي... اكبر من كرشة البلوي

يطق ذيك الابتسامة ويقول :

في الرياض العظمى 42

أي 42 ياعمي... اطلع من راسي الله يرحم والديك

والله لو اننا بهايم ومانفهم

اذا ماهي 60 والله مانيب وجه رجال

ياشيخ اركب السيارة بعد الظهر كأنك داخل فقّاسه بشريه

حط شريط كاسيت فوق الطبلون واتركه ساعة وحده بس

ارجع وشف وش صار فيه... كنّك تشوفه بمرايا الابعاد الثلاثة

اذا الشريط المصنوع من البلاستيك المقوى يتعفط بهالشكل من حرارة الجو... وشلون اجل الانسان ؟؟

اقول ياحبّي للشتاء بس

يالبّييييه يالبرد... وهـ بس يا تحت الصفر.. طق الفروة وشاهي زنجبيل وتمتع بحياتك

ماهوب هالصيف الغثيث... صرنا مشويات متنقله

الله يكفينا شر حرارة جنهم

رومانسيات صخراويات

حبّيتك في الصيف.. حبّيتك في الشّتي

والصيف ضيعت اللبن

وانتي احلى من اللبن... خصوصا لبن محطة العتش اللي على طريق القصيم

وعلى طاريها... فيها مطعم يصلح بروستد خقق

وش رايك اعزمك فيها لنا يوم.. ناخذ بروستد ونزبن ورى المسجد

ومهوب لازم تغسلين عقب الاكل... مسحي ايديك بالكلينكس

وطول الطريق وحنا راجعين شمّي زفرة الدجاج في ايدك وتذكري الغداء الرومنسي

وهـ بص

شبوط · #2 01/06/2009, 10:58 PM

إقتباس


	واذا وصل يوقف تحت عند البوابه وانواع الهواش انا وايّاه هو يقول انزل او ارسل احد ياخذ الطلب.. وانا اقول له معصي.. انت تعال فوق

شركتكم حراسه مشدده غير شكل

إقتباس


	حبّيتك في الصيف.. حبّيتك في الشّتي

خخخخ رجعت مصري صميم يالمصرقع

يقول الخبير في هيئة البيئة احتمال وصول درجة الحراره

في الصيف الى 60 درجه مئويه درجه تنطح درجه يابو صالح

عشان كذا قدم من باكر طلب اجازه في رمضان القادم

وليد القحطاني · #3 01/06/2009, 11:04 PM

خخخخخخخخخخخخخخخخ
ياخوي قلت اللي في قلبي

انا اذا جيت اركب سيارتي في الظهر وقسم اناقز في المرتبة <<لا احد يفهم غلط

والله من الحر الشديد ما اقدرت اجلس زين في السيت ..
وبعد الدركسون ما اقدر امسكها إلا بمنديل << والله ماني خكري بس حارة مرة

والقير بعد حاااااار جداً , امسكه بمنديل بعد

الله يعينا بس على الحر .. واذا جاء البرد تقولون يازين الحر وردد ياليل ما اطولك

الصخرة شكريا

muneera · #4 01/06/2009, 11:06 PM

إقتباس


	حبّيتك في الصيف.. حبّيتك في الشّتي

ذكرتني بكريكاتير الهليل
حبيتك بالصيف حبيتك بخشتي

بحلن بيك انا بحلن بيك

ياشيخ وسع صدرك

Hilalih 4ever · #5 01/06/2009, 11:07 PM

أنا مايقهرني الا المويه في الشتاء نبيها حاره ويالله يالله بسخانات والحين نبغى مويه بارده لو الواحد بيغسل وجهه ينتعش شوي وتجينا حاره والله مشكله

انت ع الاقل في دوامك تتطاقون على من ياخذ الطلب بس إنا في الجامعه تمتير على كيف كيفك في هاشموس

أشوى إنا الاجازه جايه ولاكاااااان رحنا في خبر كااااان

مشكـــور...

Fahad Al Sudais · #6 01/06/2009, 11:21 PM

إقتباس

الرسالة الأصلية كتبت بواسطة شبوط


	يقول الخبير في هيئة البيئة احتمال وصول درجة الحراره في الصيف الى 60 درجه مئويه

احتمال ؟؟؟؟!!!!!

صكّت الـ 60 من عشر ايام... عساك سالم بس

دوك -->

яέςσ · #7 01/06/2009, 11:23 PM

حر موووووب طبييييعي اببببببببد

حتى ديكور الموتر ماااااااااااااع

حتى ـا اني اذكر حاط سي دي جوا المسجل يوم جيت ابي اطلع السدي عيا يطلع ماااااااااع جواااا

متى ـا يجي الشتاء

الصخرهـ < ( وردهـ )

Fahad Al Sudais · #8 01/06/2009, 11:24 PM

إقتباس

الرسالة الأصلية كتبت بواسطة وليد القحطاني


	انا اذا جيت اركب سيارتي في الظهر وقسم اناقز في المرتبة <<لا احد يفهم غلط والله من الحر الشديد ما اقدرت اجلس زين في السيت .. وبعد الدركسون ما اقدر امسكها إلا بمنديل << والله ماني خكري بس حارة مرة والقير بعد حاااااار جداً , امسكه بمنديل بعد

وش رايك تلبّس المراتب والدركسون والقير مناديل

ياخي انتم بالشرقية الوضع عندكم تمام مع الدوريات.. ظلّل وكتّم الموتر وريّح راسك

دوك -->

Fahad Al Sudais · #9 01/06/2009, 11:26 PM

إقتباس

الرسالة الأصلية كتبت بواسطة muneera


	ذكرتني بكريكاتير الهليل حبيتك بالصيف حبيتك بخشتي بحلن بيك انا بحلن بيك ياشيخ وسع صدرك

انا موسع صدري

لكن الاعصاب اذا تلفت من الحر وش يروّقها

دوتس -->

سع ـود · #10 01/06/2009, 11:28 PM

مشكور اخوي الصخرة بصراحة انا من المتابعين لكتاباتك ما شاء الله عليك

لكن عندي سوال
انت تقول ما تطلع وقت البريك من الحر الزايد
شلون تدري ان درجة الحرارة الساعة عشر ونص 48
والساعة وحدة 50

sowaid · #11 01/06/2009, 11:28 PM

الله يعطيك العافيه ع الطرح

لاعدمنااااااكـ

Fahad Al Sudais · #12 01/06/2009, 11:29 PM

إقتباس

الرسالة الأصلية كتبت بواسطة Hilalih 4ever


	انت ع الاقل في دوامك تتطاقون على من ياخذ الطلب بس إنا في الجامعه تمتير على كيف كيفك في هاشموس

وش اللي حادك

خوذي معك من البيت سن توب وساندوتش جبن كرفت

دوتس -->

أبو ميار · #13 01/06/2009, 11:31 PM

هلا وغلا ...

ههههههههههه ما أجمل الحرّ خصوصاً وأننا أصبحنا ضبّان ..

أبو صالح ما طلعت لك عكره الى اللحين

من جد أنا من النوع اللي أحب الصيف أكثر من الشتاء لأن الصيف لك حرية عكس الشتاء اللي تلقاك متكوّم وأنواع الزكمه ..

ولكن الصيف ما هو صيف أبو 60 .. صيف أبو 40 تنهضم ..

شكراً

Fahad Al Sudais · #14 01/06/2009, 11:31 PM

إقتباس

الرسالة الأصلية كتبت بواسطة яέςσ


	حر موووووب طبييييعي اببببببببد حتى ديكور الموتر ماااااااااااااع حتى ـا اني اذكر حاط سي دي جوا المسجل يوم جيت ابي اطلع السدي عيا يطلع ماااااااااع جواااا متى ـا يجي الشتاء

والله انك صادق

يابعد عمري يالشتاء

دوك -->

Fahad Al Sudais · #15 01/06/2009, 11:34 PM

إقتباس

الرسالة الأصلية كتبت بواسطة سطيح


	مشكور اخوي الصخرة بصراحة انا من المتابعين لكتاباتك ما شاء الله عليك لكن عندي سوال انت تقول ما تطلع وقت البريك من الحر الزايد شلون تدري ان درجة الحرارة الساعة عشر ونص 48 والساعة وحدة 50

الصراحة انك حجّرت لي

وفضحتني بين الله وخلقه

لكن عندي سؤال يا مخ

ما تصير احيانا ويستاذن الواحد ويطلع من الدوام الساعة عشر

دوك -->